راكوبة الجريف

انا جيتكم يا دوبو و داخلة على المطبخ شكلكم كدة دايرين ليكم شاي بي لبن

najma كتب:

انا جيتكم يا دوبو و داخلة على المطبخ شكلكم كدة دايرين ليكم شاي بي لبن

الغالية نجمة

والله شاى اللبن ،أنا شخصيا مابسويلى شىء دحين يا أختى شوفى لى فنجان قهوة كاأأأأأأأأأأأأأأأأأأأأأأأأأأأأأأرب باقى الحسابات الكيترة سخنت بى شوية ](حسابات الغربة الما ليها حل) وراجعين

الدوبيت ده شنو الجيتونا بيو, بس ان شاء الله ما يكون فيو خنزير و لا حاجه.......

الدوبيت فيه خنزير وفيه حاجات تانية دحين يا وبد عبدالماجد الجنو ديل


نصاح كدى يا ودعبدالماجد دى راكوبة ولا صالون ايمان بسطاوى

نساليه كتب:

ronaldo كتب:

الدوبيت ده شنو الجيتونا بيو, بس ان شاء الله ما يكون فيو خنزير و لا حاجه.......

اها ياود العبيد فى داعى لمتل ده
الاخ رونالدو والاخت سودانية
الدوبيت من انواع الشعر وتكون عبارته بالعامية السودانيه
يعنى ما مطبوخ من الخنزير

ههه.. مشكور يا تساليه, لكن برضو ما دخل لينا في راسنا... لكن ندوس برضو, الكاتل الله و الحي الله...

حافظ العبيد الطاهر كتب:

قال أحد شعراء الهمباته

صبيا ماختر لامن شهيرو مات

وماكجر الحوايا وفى ضراهن بات

ماطلع الجبل دلى السداسيات

كيف ابكن عليهو دغس العيون ان مات

وقال الشاعر ودكرار فى الغزل

قطيع الزهور قطع معالق الكبده

الحيا والحياة أنا منى بقين جبده

صمامة قلبى حاكت لى النعامه الربده

طول الليل كتاب ام خد نعيد فى و نبدا

التحية لك ياود عبودى كما يحلو لك بهذه الكنية الجديدة التى تجددت مع المصارين
التى أصبحت بيضاء لاتطيق إلا ماهو خفيف ومحلا وأصبحت من ناس الكبتشينو و
الجاتو والحاجات التانية الما بعرفة أنا ود فريق الضلمة ، واكان كدى الراكوبة شوف
ليها أسما تانى زى ما بتقول صالون فلانة وفلتكانة أحقو تسمى الراكوبة دى باسم
الشوارد التابعة لفلانة بت بيومى، وما أظن ناس كندا ديل يفهموا الحكى البتقول
فيهو دا (الهمباتة _ القنيص _ ما كجر الحواية وفى ضراهن بات.......)
جنس النضمى دا بنعرفوا نحن برانا ناس فريقا لورا لا لمبة لا شمعة
ذى ما قال أخونا المطوفيش ود الحردان (تسالية )
وراجعين