راكوبة الجريف

نااااااااس الراكوبة كل سنة وانتو طيبين والقابلة في عرفات معليش كنا مشغوليين مع الخروف والشييييييية وكدا ده الحالة في الدوحةيعني لو كنت في الجريف كان جيتيكم بعد شهر عدييييييييييييييييل.
علي العموم العيد مبارك علينا وعليكم ويا تسالية جهز حجر شيشة مضبوط .
يلا في امان الله.

كل سنه وانتم طيبين ناس البلد
الغالي رونالدو حمدا لله على السلامه والله الامتحانات دي تهد الحيل اله يسترنا منها جميعا في الدارين
اها عليك الله آخوي وانت جاي جيب معاك خشاف من تاج الدين فلك خلينا برد الحشا المحروق ده
بجيكم صادي بس النكورك لود العبيد واخناتون وبدر وود مريم وتساليه والزين كوف شايفو بيجاي واولاد كركوج الاتنين وبجيك تاني
اها عاد كتر الخشاف ساي وقول لتاج الدين فلك بحبح ايدك شويه

نساليه كتب:: يا حافظ معليش جيب معاك شطه وانت جاى وكلم أخناتون يجيب الشربوت

ويغشي الهندي يجي يضبح لينا .

هههههههههههههههههههههههه
والله ياتساليه الضحكة دي من الاعماق بالجد جد والله
انت عارف انا في عيد الضحية حدي أضبح الخروف واقطع راسو
وجدي حاج سليمان يقول لي عفيت منك
ووتاني ما بتلقاني ظهرت الا مع الصينيه وراكي جنب صحن الشيه
لكن أخوي أخناتون ده بميز لينا الشربوت والله يجيب العواقب سليمه

حافظ العبيد الطاهر كتب:: اخوانى ناس تسالية وناس امحمد وناس الامين ود عمر كل الناس هواى العيد مبارك عليكم وبالله جيبو قدح
العصيدة فى خلوة ابوى شيخ ود نابرى وياتسالية جايب معاى شطة تمام التمام تنضجد الخشم وتخليك تانى ما تعاكسنا برى
عكاسك ده مافى جابك السعودية اقصد جابنا السعودية وخلينا ناس فريق الضلمه وناس ياكلوا فى الشطوط واللحمة يا ناس
العيد مبارك عليكم واعفى مننا ود العبيد

ياربي تحقق الأماني ... يارب تتحقق الاماني وتعود اللمه الحلوه زي زمان
ويوم العيد بعد الصلاة نبدا بخرفان الجيران بالصف وتاني نجي على خروفنا والعصر .... تقلانا حلمانين
ودايشين مع شربوت اخناتون

ودكركوج كتب:: تحياتي وسلامي لجميع الاهل والاصدقاء بالجريف شرق وتحية خاصة للصديق الغالي دوما اسامة عبدالرحمن وزوجته هنده بمناسبة المولود
وتحية عريضة تبداء من هب النسيم لكل من الاصدقاء ياسر شرقن ومعتصم دقوش وفكه مرورا بالمنزل الهامر ال الصديق الغالي دوما اسامة عبدالرحمن
الي كركوج فريق الشفيع ا لاخ عادل القاسم واولاده والاخ العزيز عثمان علي والاخ ايمن ومحمد مبارك الشفيع
مع خالص ودي وتقديري
ود كركوج
اونتاريو -

ياسلام عليك يا ودكركوج جيت وجبت معاك سيرة الناس الطيبين ديل
ياسر ودقوش وفكه واسامه ياسلام على الزمن الجميل
حبابك مليون آبوي وكل سنه وانت طيب

اها جيناكم بي خــشــاف كتير مكسر فيه كيك, و تاج الدين ماقصر, زادو لينا عصير في النهايه ده براه بي جنيهين....... اا ناس ما باقي ليكم لحم ولى ريسان من العيد,,, انا علي الشوايه..... دايرين نعمل لينا حله كده جااامده في راس السنه.........

ronaldo كتب:

اها جيناكم بي خــشــاف كتير مكسر فيه كيك, و تاج الدين ماقصر, زادو لينا عصير في النهايه ده براه بي جنيهين....... اا ناس ما باقي ليكم لحم ولى ريسان من العيد,,, انا علي الشوايه..... دايرين نعمل لينا حله كده جااامده في راس السنه.........

والله يارونالدو ربنا يديك العافيه
وانشاء الله ايامك كلها مسرات
بتخليني أضحك في الزمن المر
واتذكر أيام الدنيا الحلوة معاك
قلت لي تاج الدين زادو عصير
وعمل فيهو كيك كمان ..
لا الله الا الله محمد رسول الله
اها هنا نبكي ولا نضحك حيرتنا
.......................
أما قصة باقي اللحم .. أمبارح بالليل زينكوف وحافظ
كانو يتغالطو الليل كلو ويتحاججو وجا عليهم اخناتون ملك الحجه والنضمي
وتموها بتساليه .. أها يازول بعد ما حيلهم اتهد من الكلام جو داخلين على البيت
ولمو في المطبخ وباقي الحلل ... دخلوها في أضافريها .. وخلو الحلل يطاقشن
والصحانه بقن في رقبتهن وقضو على كل شئ ... كانت جوعه كافره .
قلت ليهم ده كلو من الحجه والنضمي !!!
اها دحين يا اخوي تعال على بالخشاف ده الناكل معاك
عليك الله ماتصحي البنات خليهن نايمات بيجوعهن ده
اكان قامن بنبقى في البحلنا منهن

رونالدو انت يا اخوي وين بلدك ....
الظاهر لعبك بقا تعبان ... ولا بتجهز للبطوله الجاية
ياراجل أظهر خلي دنيانا تبتهج

والله الدنيا دي عجيبة ... تخلونا نريدكم شديد وتعلقونا
وتاني ما نلقاكم .. رونالدو ياخي ما تباصي بيجاي

سمح وكت أبيت تباصي والله الليلة أكان أشوت الكورة وأسفرها
بره الملعب كلو وأها الليله أجر ألحقها وسكها لبكره

الغالي ود نابري, لك العتبه حتى ترضى Rolling Eyes

... لكن عرفتنها, ذي ما قلت كنت بتجهز للبطوله الجاية , دعواتك بالكاس,,, ما هو الواحد لازم يدرب شدييييييييييد عشان في النهايه نربح كاس البطوله و نرفع بيه مدينتنا cheers

, ولا الراي شنو ... ان شاء الله ان شاء الله ان شاء الله تاني مافي غيبه طويله,,, انت ذاتك لو حريف, اللعيبه ديل بتاعين قعدات ساي, يعني لو عملته ليك حـله كاربه كده كل جمعه بتلقاهن قدامك......... بالمناسبه, انت الكوره دي شتها ضفر ولا شنو, لي ساعتين بفتش فيها ما لاقيها ...

ronaldo كتب:: الغالي ود نابري, لك العتبه حتى ترضى ... لكن عرفتنها, ذي ما قلت كنت بتجهز للبطوله الجاية , دعواتك بالكاس,,, ما هو الواحد لازم يدرب شدييييييييييد عشان في النهايه نربح كاس البطوله و نرفع بيه مدينتنا, ولا الراي شنو ... ان شاء الله ان شاء الله ان شاء الله تاني مافي غيبه طويله,,, انت ذاتك لو حريف, اللعيبه ديل بتاعين قعدات ساي, يعني لو عملته ليك حـله كاربه كده كل جمعه بتلقاهن قدامك......... بالمناسبه, انت الكوره دي شتها ضفر ولا شنو, لي ساعتين بفتش فيها ما لاقيها ...

حبيبنا رونالدوووووو ... ياخي انت راجـــل تحفة والله
بتبهجنــــا دائماً ونحنا بنشتاق ليك كتير .. وربنا يعينك
وراجين الـــــــكاس .. أها أنجض شديد وليك علي انا
وود العبيد نشجعك من بره الملعب ... انت بس اكان بتسمع
كلامي شوت ضااااااااري ليقدام واطمئن ورا مأمن
أخوك زينكوف ماسك القون تمام وتسالية بتلقاهو هناااااااااااااااك قدام تب
واخناتون الظاهر عليهو قاد في الاحتياط مع انو لو دخل بجيب قون
ورحـــال شغال بالجنبات يمين وشمال ...
شكراً أنيقا رونالدو لاعبنا المحترف وربنا يوفقك
وأبقى قدر ماتقدر طل علينا شويه ... تحياتي

والله انتو ماعارفين الخشاف ده قصتو كيف
وكمان خشاف تاج الدين فلك و رونالدو قال
فيهو كيك كمان لاحولة ولاقوة ..
...............................
الحمد لله الطلعتن بتاعات بيرقر والحاجات دي
والجدائل بعيده في كوبر والجريف مافيها غير
الفول اها دحين نومن بيجوعكن ده
ههههههههههههههههههههههههههههههه

وفي احلى من الفول

Sudania كتب:: وفي احلى من الفول

هي الفوووول زاتو ماكمـــل وفضلت موية الفول
الليله تنوموا خفاف تنومو خفاف
اها والعيش زاتو كمل من قبيل
في نبق وقنقليس ودووووووووووووم ينفع
ههههههههههههههههههههههههههههههه

ههههههههههههههههههههههههه
ههههههههههههههههههههههههه
ونحنا خشافنا زاتو انتهى
اها الليله وين
وهداك نزار قفل دكانو وغسل قدرتو قبيييل
وتاج الدين قفل

الهندي ود نابري كتب:: ههههههههههههههههههههههههه
ههههههههههههههههههههههههه
ونحنا خشافنا زاتو انتهى
اها الليله وين
وهداك نزار قفل دكانو وغسل قدرتو قبيييل
وتاج الدين قفل

مسعولين من الخير يا اخوانا دحين عمنا الناجي بتاع الشية الكاربة فاتح ولا رجع البلد خلونا نغير من فول نزار وخشاف تاج الدين.

مسعولين من الخير, انتو فول نزار الماسكو منو,,, هو موش في السعوديه...
ود الجبل كيف.. و الله الزول ده عنده سمك اكنا بنشمو في بيتنا...

ronaldo كتب:: مسعولين من الخير, انتو فول نزار الماسكو منو,,, هو موش في السعوديه...
ود الجبل كيف.. و الله الزول ده عنده سمك اكنا بنشمو في بيتنا...

نذار والفول ...و ذكريات من الزمن الجميل
كنت واحد من أفراد عصابة .. يطلق عليها اسم ( شلة الفــــرّه ) بتشديد الراء .. وكان القائد الأخ الرائع
كما سُمي / الطيب الفكي هاشم .ذلك القائد الذي حقاً اكتسح بنقاء السريرة كل
العوالم وكان من أفراد تلك العصابة الكثير الكثير من الأحباب كان سبب اجتماعهم
حصص الدين في المساجد .. وحلقات الذكر في كل اتجاهات الأرض .. وعلى ما اذكر
من أعضاء تلك ( العصابة ) نذار .. الطيب هاشم ..معتز حسين يوسف ..
محمد النعيم عيسى .. الجيلاني .. محمد بابكر حاج الطيب مبارك بابكر حاج الطيب ..
توفيق .. أسامة العاقب .. محمد مختار ..محمد النادر .. محمد المادح .. عثمان نصر الدين ..
وهناك الكثيرين لا تسعفني الذاكرة على ذكر أسمائهم لكن صورهم محفورة في الدواخل
ممزوجة بجميل أصواتهم وبياض سرائرهم .. فقد جمعتنا أيام يشهد لها الدهر
بأنهى أنقى أيام العمر منذ الميلاد .. فقد حباها الحب في الله والأخوة الصادقة
حيث زرعنا في قلوبنا بذور الحب ومازالنا نجني من تلك الثمرات
فكانت الأيام كلها سعادة باللقاء في الله والتوجه الى الله طلبا رضاه في كل اتجاهات
الأرض وكل دور العلــــم وحلقات الذكر ومجالسة الصالحين ...
وعلى ما أذكر تلك الطرفة التي حصلت مع نذار و ( قدرة الفول )
حيث بدأ الطيب هاشم بتجميع كل أعضاء العصابة وابتدأ من هب النسيم وحينها كنت
في طريقي ( لحلة كوكو) ومما لقيت الجماعه عرفت أنو حكم القدر حيكون أقوى من المقاومة أمام
ذلك التيار الجارف واستسلمت وركبت معاهم .. وقلت ليهم ياجماعه الليله الخميس
المهم بكره الجمعه تلقانا مع أهلنـــا .. قالو لي على الله ربك يسهل انت بس أركب
وفعلا ركبت واتوجهنا لجريف قمر بعد ما قضينا على أفراد العصابة في حوش الضو
ومحطة ثمانية وكل هب النسين و برضو لمينا كل شباب جريف قمر واتوجهنا الى
كركوج حيث في أو الطريق نذار ( وقدرة الفول ) والمسكين مما شافنـــا شال هم
شكلو ظريف جدا وهو مدخل يدو لينصها في القدرة ويصلح في الفول ولابس هدوم
الشغل ... فقال ياجماعه أعفوني الليله من جنس جنكم البتسوو فيهو ده .. والوقت داك
كل العصابة متأهبة لكي تطلق الانذار الأول من فوق العربية .. (التكبير والتهلليل)
فلمـــا ما استجاب للانذار الأول والتاني رفعناهو في العربية ومعاهو القدرة وطبعا
حيرنا كل الناس القاعدين في المطعم مستنين عشاهم والناس الماحاسبو على عشاهم
المهم ترك القضية للزول الشغال معاهو في المحل ورفعناهو ومعاهو القدرة بتاعت الفول
لكن الحمد لله لحسن الحظ انها كانت خلاص على نهاية و ضاربها ( لغــــم )
فأخذنـــا الضحك الى حد لايوصف وكانت ليلة يشهد لها التاريخ ولاتمحى من الذاكرة
واتوجهنا لباقي عصابتنا واتوجهنا في أول رحلتنا ... لبري حيث ( الشريف الصديق الهندي )
ثم على ما أذكر أم درمان ورجوعاً ببحري .. وختاما بأم ضواً بان وصلاة الجمعه لقتنا
على حال يرثى لهـــــــــا .. لكن الروح كانت في أنقى أحوالهــــا ... ومتعة لقاء اؤلئك
الصالحين تنعش النفس وتهب الروح الصفـــــــــــــــــــاء ...
والقادم أجمل وقصص تلك العصابة وفييييييييييرة فكونوا بالقرب ...

zaincof كتب:

الهندي ود نابري كتب:: ههههههههههههههههههههههههه
ههههههههههههههههههههههههه
ونحنا خشافنا زاتو انتهى
اها الليله وين
وهداك نزار قفل دكانو وغسل قدرتو قبيييل
وتاج الدين قفل

مسعولين من الخير يا اخوانا دحين عمنا الناجي بتاع الشية الكاربة فاتح ولا رجع البلد خلونا نغير من فول نزار وخشاف تاج الدين.

اهاااااااااااااا جنس الكلام ده ياهو البجنن .....
انت يا زينكوف لو قلنا خير وصحينا من نومتنا دي وقطعنا التذاكر
مشينا شفنا الحاصل شنو فوق البلد علييييييييييك
الله موش أخير لينا من جنس ده كلو

ronaldo كتب:: ود الجبل كيف.. و الله الزول ده عنده سمك اكنا بنشمو في بيتنا...

لاحوله ولاقوة الا بالله .. أنحنـــــا كنا بنجي من جريف قمر الى كركوج بس قصاد سمكو ده
اسه أنا شامي الريحه ... ههههههههههههههههه الله يجازي محنك يا رونالو والله دي جبت فيها قووووون

اخبار البرمجه شنو ياود نابري.. ما في طريقه تبرمج لينا "الهييت" و الدفايه بتاعت الراكوبه دي, الايام دي البرد ما نفخنا نفخ

ronaldo كتب:: اخبار البرمجه شنو ياود نابري.. ما في طريقه تبرمج لينا "الهييت" و الدفايه بتاعت الراكوبه دي, الايام دي البرد ما نفخنا نفخ

البرمجه آيابه ما نفختنني أنا نفخ ... وسلت روحي سل... لينــــا الله

اريتو اكان بقا على الصقط بس

هههه الله يكون في عونك ياخوي, حاسين بالوجعه و لياقت ال ++C ... لكن اصبر و اتعب, عشان تلقى الاجر في القرايه و الضحاكات بعديـن Laughing

$

$ ان شاء الله.... Smile

++C والله متعة .... لكن سيرة الدولارات عجبتني يارونالدو
ههههههههههههههههه تحياتي ليك ومشتاقين ياخي
وكل سنه وانت طيب انشاء الله عشرون عاما مضت
وأعوام اخريات قادمات حاملات الفرح والسعادة والانجاز
انشاء الله ... سلامات لأحمد وكل من حولك صديقي

» بت الجريف
» lمن حواء الجريف الي ادم الجريف
» الجريف
» اهلي ناس الجريف
» الجريف