راكوبة الجريف

يا جمـاعة الخيـر ، الحـكاية شــنو ، اخــونا وليــد ود ســــنقد ، قرصــت معاه واللا شـــنو ، بيقـول يا اللا على الغــداء ، رمضان كريم ، وبعـدين راكـوبتنا دي ما ســمحه ، ديوان شـــنو ، وانا ممــا اديتــو الخــرطوش ، عشان يرش الــرمله ( النمــره ) وشــايفوا كـل شــوية رش رش في وشــه بالمـويه ، حســيت ان الزول دا جــاي وقلبــو مقطــوع من العطـش .
والحاجــة الثانيــه .. ويـن اتفاقنـــا بتســميع ( 10 ) آيــــات في نهاية كل اسبوع خــلال شــهر رمضان الكريم ؟ يا حليلك يا ود ســـنقـد ... واللا دايرنا نضيـع وقتنـــا مع حكايات والمشاكل البيحكــي فيها اخـونا ابو مصطفى عن ناس حاج علي وود بخيــت .. البيضــرب الناس بالطــوب ... وانا في نظــري أن نجمــع الطـوب المجـــدع دا ، وكل مـرة نبنـي بيـه اوضــه لبنــت واحــد مننــا . ونبـــدأ بأول اوضــه لبنـت المعــز الجــديدة .. وألـف مبروك ..
علشان لما يجــي البيكــورك ... العنــدوا بيــت ما بنفــوت بنتــه ...
وطبعـا في هــذه المــرة اخونا ود بخيــت ما حا يشــاكلوا .........

اخوانا ناس الراكوبة

السلام عليكم
صراحة قالو الموية عندكم قاطعه وود سنقد ما رشه الراكوبه
علشان كده رحت للبحر فى فريق التريبة لانو عصام رسل لى مسج وبيقول انو الجو فى البحر تمام وهى فرصة علشان نسمع باقى قصة الطيب وحاج على مع بتاع الطلح وفليق الطوب
مولانا محمد انا يا اخوى ربنا رزقنا بولد لكن برضو الغرفة ما بنرفضها هو الزمن ده الناس لاقيه غرف
وبعدين فكو الراكوبة دى لانها بقت ضيقة وودوها ساحة الميادين
لانو عصام والخضر كلو ما يجو ما يلقو مكان يجلسو فيهو
ويلقو ابو تراجى عامل شكله فى الكوت شينة

السلاااااااااااااااااااااااااااااااااااااااااااااااااااااام عليكم
ان شاء الله طيبين وتامين ولامين ، وما عندكم عوجه
وكدى ادونى بنبر الناخد لى قعده وافهم الحاصل شنو
فى الراكوبه علشان ما اخش شمال من غير ما افهم
الحاصل خلونى النسمع ونستكم وبعداك بخش معالكم
بالتدريج

muizk كتب:: صراحة قالو الموية عندكم قاطعه وود سنقد ما رشه الراكوبه
يا اخوي المعز .. الموية راااااقدة .. لكن عمنا عصام حلفني ما أضيع ولا نقطة موية في الواطة
تقول شنو يا معز ؟؟ أصلوا الواحد لما يكون فاطر في رمضا .. هي معليش يا عصام ما كان قصدي ابوح بسري ليهم بس هي الريدة الغصبا عني ومالية عيوني حنية .. وكاتلاني بـ ... بس ما قلت ليهم عصام ..
مولانا محمد انا يا اخوى ربنا رزقنا بولد لكن برضو الغرفة ما بنرفضها هو الزمن ده الناس لاقيه غرف
بس خلاص يا محمد .. الغرفة وقعت لمودة بتي تهئ تهئ تهئ ..
وبعدين فكو الراكوبة دى لانها بقت ضيقة وودوها ساحة الميادين
الراكوبة مااااضيقة يا معز .. لكن الناس الفاطرين ديل بطيقوها براااااهم بكروشهم دي ..
وما تسأني قاصد منو .. عشان نحن صائمين ..
[/size]

ودمتم ...

محمد كمال الدين كتب:: يا جمـاعة الخيـر ، الحـكاية شــنو ، اخــونا وليــد ود ســــنقد ، قرصــت معاه واللا شـــنو ، بيقـول يا اللا على الغــداء ، رمضان كريم ، وبعـدين راكـوبتنا دي ما ســمحه ، ديوان شـــنو ، وانا ممــا اديتــو الخــرطوش ، عشان يرش الــرمله ( النمــره ) وشــايفوا كـل شــوية رش رش في وشــه بالمـويه ، حســيت ان الزول دا جــاي وقلبــو مقطــوع من العطـش .
والحاجــة الثانيــه .. ويـن اتفاقنـــا بتســميع ( 10 ) آيــــات في نهاية كل اسبوع خــلال شــهر رمضان الكريم ؟ يا حليلك يا ود ســـنقـد ... واللا دايرنا نضيـع وقتنـــا مع حكايات والمشاكل البيحكــي فيها اخـونا ابو مصطفى عن ناس حاج علي وود بخيــت .. البيضــرب الناس بالطــوب ... وانا في نظــري أن نجمــع الطـوب المجـــدع دا ، وكل مـرة نبنـي بيـه اوضــه لبنــت واحــد مننــا . ونبـــدأ بأول اوضــه لبنـت المعــز الجــديدة .. وألـف مبروك ..
علشان لما يجــي البيكــورك ... العنــدوا بيــت ما بنفــوت بنتــه ...
وطبعـا في هــذه المــرة اخونا ود بخيــت ما حا يشــاكلوا .........

حبيبنا محمد ود كمال الدين ..
قبل أي حاجة ..
عقابك قالوا ماشين يفطروا مع فتحي ود كمال الدين في اليومين ديل فبي بيته الجديد ..
وبالمناسبة السمحة دي مبروك البيت وربنا يسعدهم بيه وفيه ..
اهااااا بالنسبة للغداء .. في ناس يا محمد بتكون فاطرة في رمضان دا عااادي ..
ومافي داعي لذكر اسماءهم .. برااااهم بجوا ينطوا لينا اسه في حلقومنا ..
الخرطوش انا قلت ارش بيه النمرة .. زي ما تفضلت وأمرتني به ..
لكن عمنا معتصم بابكر حلف بالتقطعوا ما ازح الخرطوش منه .. تقول شنو ؟؟
والعشرة آيات يا محمد انا ما مابيهم والله . بس نس ابو تراجي وبقية الشيوخ ما ادونا خاطر سمح ..
والمسعلة دايرة تشجيع مني ومنك ومنه .. وربنا يسهل الأمور ..
طبعاً موضوع العوضة دي خلاص معز قال ما دايرها وبالتالي وقعت لي مودة بتي ..
بس جيهوها تمام ..

ودمتم في امان الله ...

سلام عليكم ناس الراكوبة

اخونا عصام يعنى ضربت الابري بتاع الطيب برااااااااااااااك
يا خوي ما ترسل منو القصيم شوية
وانا كلمت د. شمس الدين وحلف الا يقاسمك فيهو
وقلت ليهو التوزيع بيكون فى الراكوبة
تحياتى لك ولكل ناس الرياض
معز عبد المنعم خالد

اخوانـي زمـلاء الراكوبــه

سلالالالالالالالالالالالالالالالالام الله عليكم ورحمة الله وبركاته

شنو حكاية كرتونه الآبـــــري دي يا عصام ، وبالمناسبة دي قالوا في واحــد طول شديد من أهله وزيارتهم في السودان وجـات فترة ، نساهم ونســوه ، وبعـد مـــدة كان داخل رمضان وكان في واحـد من منطقتهم مسافر للسعودية منطقة ولدهم ، فقاموا شيلوه كرتونه فيها آبـري ( حلوه مــر ) ، فأخونا استغرب وقال اهلي ديل الذكرهم بـي شــنو ، ودا كمان شنو المرسلنو دا ، ما في حل غير اني اجـربـوا في العمال الهنود ديل ، وكان مشرف عليهم ، فعمل ليــــو حـــــله كبيـــــــــــــــــــــــــــــــــــــــــره ، وشـربهم العصير داك كلـــه . lol!

وتــاني يوم قام ، ما وجـد العمــال في مكان العمــل ، واستغرب وخــاف ، وجــرى عشان يفقـــدهم في السكن الخاص بيهــم ... وكلما خبــــــط على باب غرفــه ، يفتـحــو ليـه البــاب ويرجـعـوا بســـرعة لتربيــط الشــنط الكانوا بيربطــوا فيها ، ويســألهم في استغراب ... دا شــنو يا جماعـه ؟؟ ما شــــين ويــن ؟؟؟ ويــردوا عليه وهــم منـدمجــين في تربيطـــهم الشنط ... كـلاكلــه .. كــلاكلـــه ........ afro

ناس الراكوبة سلالالالالالالالالالالالالام جاكم شايف الونسة سخنت وبقت فيها قصص يا محمد و الرشه الظاهر جابتليها همبريب ليهو ضل و كويس ود سنقدرش الراكوبة لكين قصة الغرفة دى دايرة إشتماع لانو فى ناس ناقين فى القصة ومنهم عبد الله ودنابرى وقال خلونا نعرسأول حاجة وبعدين نشوف القصة حا تكون كيف والعشرة أيات دى حفظتها أكان تحفظنا من( قصة الحلوه مر) طبعاً أنايا محمد كمال الدين الابرى دا ماشربت منو لكن لمستو ساكت ياربى بحصل العيد مع أهلى وتبقة القصة زى الجماعةالكلاكلة الكلاكلة ..... والكلام ليك يا المقفل عينيك يا ود خالى البخاف من المناشير ويا خوى يا المعز الابرى أحسنتكون بعيد منو ولا تحصل الجماعة وأحمد الله إنك بعيد فى القصيم والبعد محنة .

يا اخوي بدر
سلامى لك
يا خوي كان ابري وكان كسره بويكه بتحننك للجريف ولاهلك
نحنا نقول الصبر ساااااااااااااااااااااااااااااااااااااااكت
معز عبد المنعم خالد

احم احم كح كح .. لااااااحوله ولاقوة الا بالله ماشاء الله عيني بارده
والله لي منكم زمن طويل وبالحيل اشتقت ليكم .. أريتكم طيبين الباقي هين

موضوع: رد: راكوبة الجريف السبت 14 مارس 2009, 4:46 pm

UP
UP
UP

موضوع: رد: راكوبة الجريف الأحد 15 مارس 2009, 3:49 am

الراكوبة والله لينا زمن منها وشايف حالتها صعبة من عدم الاهتمام بس يلا شدو الهمة شباب ونفير سريع للراكوبة ود سنقد وين انت يا زول يا رائع

موضوع: رد: راكوبة الجريف الأحد 15 مارس 2009, 4:51 am

يا سلام والله ما شاء الله وكتر خير الجماعة الرجعوا للراكوبة
وشائف ود نابري الزينكوف سابقاً ماسك طورية وود سنقد مشمر وماسك ليهو ثلاتة مروق وفوق لي ده كمان بنت صباحي سيدة جايبه ليها بسلة لكن ما عارف فيها بليلة ام مديدة تمر وربنا يكفينا شر الفجفوج .. والمحيرني حافظ ود عبيد واقف بعيد وخاتي منديل قال عشان إيه .. عشان الغبار وكمان عاوز يحافظ على باقي الحنة الفي الأظافر ... ويا سلام عليك يا حسن وإنت بتجهز في الدكوة والبركة في الجرافي الجاب ليك شطة الهنود ودون علم الهندي الصديق .. وعفيت عليك يا ود ريا الجايب العتوت وكمان سكينك في ضراعك .. والمصيبة تسالية شايفو بيحلف يمين وقال إلا يضيح العتوت قدام الراكوبة ... لكن محمد كمال الدين طلع فتوة بعدم جواز ذبيحة الدنقلاوي ولكن يجوز لتسالية وبمساعدة عبدو ومعز السماني بمتابعة الشربوت حسب تركيبة ود ياسين أبو تراجي ..
الله الله وما شاء الله وشائف البوكسي وصل والخفاف نطوا سراعا زي ود نابري عبدالله وأيمن السر ومعز عبدالمنعم .. والطيب نصرلدين .. وشائف ود عبدالماجد بدر فتحو ليهو الباب الوراني عشان الأنكل.. والهندي راكب قدام وقال إيه ... قال عندو وجع ضهر ... وما جابتو إلا شطة الجرافي وشية ود النمير أحمد عوض ... وأحمد ورونالدو قالوا جايين وما أخرهم إلا سنة السكين .
والله يديك العافية يا ود الإمام الطيب ورشك للموية قدام الراكوبة وتعبئة الأزيار خير وبركة وجزيت خيراً ... بس خلي بالك من عمك الخدر وجلابيتو بيضة ومكوية والخوف من طينة الراكوبة .. ويا سلام على همة مصعب وعمر ود البشير وهم يتحركون يميناً وشمالاً في التجهيزات وإحضار صواني تقطيع اللحمة ... ولكن فوق هذا وذاك إنا شائف لي خروف يتوارى خجلاً خلف شوالات الراكوبة وحتى اللحظة ما عارفين الجابو منو .. وتحت تحت قالوا جبتو أنا ... لكن بيني وبينكم الجاب الخروف ود الركابية يحي عثمان عيسى ..
مرحب برواد الراكوبة

موضوع: رد: راكوبة الجريف الأحد 15 مارس 2009, 1:25 pm

بسم الله الرحمن الرحيم
سلالالالالالالالالالالالام يا ناس الراكوبة
جلابية شنوا الخائف عليها يا عـصام!!!
انت ما عارف جلابية السلك دى عملت فينى شنوا؟؟ [ جلابية موادها الخام شئ يجيب الطُمام غشونا بيها ناس حسن كيمياء شمس الدين ]
قصة حقيقية يا ناس
مرة كنت لابس هذه الجلابية المسماة سلك وراكب فى بص السجانة والدنيا حر هاى فاى شواى فوق الـ 45 درجة وكان البص زحمة فى زحمة فى لخمة ومعطر بروائح صنعت خصيصاً للسودان زيت مكنة +كمونية + ُقـفـف سمك وكان البص مثالاً للوحدة الوطنية وتلا حم قوى الشعب العاملة
وكنت داخل هذه الجلابية فى داخل هذا البص كمن هو محبوس في زنزانة داخل فرن وكان عرقى سريع الجريان متعـدد الروافـد حجب كل الرؤيا البصرية والذهنية فمدت يدى لكى أخرج سئ الـذكـر المنديل فإذا بشخص يقبض على يدى بكل قوة ومعه الحق وكل الحق ولاشئ غير الحق فقد ضلت يدى طريقها بسبب إنعدام الرؤيا ودخلت فى جيبه العامر بشنوا؟؟؟ مش عارف!! وقال لى بكـل إستخفاف وإستهجان :ــ أنت ما دام بتعرق جنس العرق دا اللى بوديك تنشل شنوا!!!؟؟؟ بس عشان عرقك دا أنا خليتك فشكرته ونزلت وحمدت الله ان العرق سواها وطفاها.
وتووووووووووووووووبـة من جلابية السلك دبلوماسى أم كهربائ أم سلك غسيل... وحبابك يا قطن الجزيرة جميل التيلة ... لبس الملوك وضمانة حسن السير والسلوك.
وبعد كدى الواحد ممكن يقلب ألف هوبة فى الراكوبة. ويتمدد بالدمورية فى الضُهرية.
خضرحسن

يا أخوانا الظرف الحرج الذى يمر به رواد الراكوبة فيه كثير من الالالالالالام شتى وتحتم على جميع الرواد القادة تخطى إنفعالات أخونا عصام وردود الفعل الغاضبة والنفاذ الى جوهر القضية
بالفتوة الكبرى التى دفعت مولانا الشيخ محمد كمال الدين بعدم سماح الدناقلة زبح العتوت
من طرف المدعو تسالية .

وليس بعيدا عن حديث وزير العدل ما يمكن ان يحدث فتوة بمنع أكل المرارة والكمونية فى ضل
الراكوبة مع جواز فتوة مبنية على حد وجود البسلة المحمولة جواً على يد الاخت الفاضلة سيدة
صباحى بعيدا عن ما تحتويه هذه السلة مديدة أو نشة وعليه قررت لجنة الراكوبة وسام النظافة
من الايمان للاخ الطيب الامام لاهتمامه بالازم .

ومع احترام الحكمة والمسؤلية التى تقضى تاجيل زبح خروف الاخ عصام حتى تستبين لنا
فرضية العودة الطوعية لهذه الراكوبة مع غياب العضو الفعال صديق النعمة ومزلنا متفائلين بان
القيادات المنشارية ستكون عند مستوى المسؤلية والحضور التاريخى لفلقة عصام فى راسو الماكن دا هههههههههههههههههه وينك يا أيمن السر ألحقنى الزول دا قا صدنى عديل شنو
يعنى فتحو لى الباب الورانى مع وجود روحى الشبابية والجسمانية .

بدر ازيك

كدى خلينى من عصام الراجل ده ما خلاص كبر وفنانو مات وقطرو فات
اههههههههههههههه
عليك الله دحين الحكاية ما دايرة قهوة من يد حبشية ومعاها سيجارة برنجى
والواحد يعاين وفى شنو ما معروف .
انت سمعت بحكاية المجنون مع ست الشاى ولا احسن نسكت الموضوع
بفتح مواضيع والمواضيع بتعمل معرفة والمعرفة مكلفة الايام دى ولا شنو
على العموم الظاهر الكتاحة جايه فى الراكوبة دى

شميت ريحتة الشينات الثلاثة

(الشية والشربوت والشاى )
بفتش لى شين رابعة
عصام ماتفهمنى غلط وتدينى (شلوت )
فى الاول ادينى سفه

ابوتراجى

وششششششششششششششششششششش
ششششششششوشش
أرفع رجل الموية مت رشك
كوكو السلام عليكم حهزوا الشية
وجيبوا البنبر ده
السلام عليكم مرة أخرى ونشكر ونحي رونالدو على الموضوع الجميل
وفاصل ونواصل

جابت ليها ...........
هووووووووووي يا حافظ ..
مالك مع عصام مسيخنا الزيز دا ؟؟
ويا ابو تراجي الراجل دا إسمه عصام .. يكون بسف كيف ؟؟
وإتفضلوا معانا كباية شاي حااااارة بليقمات ..
تحياتي ...

قلت لى شاى لبن ولقيمات والله ياود سنقد .. مادام حلفت علينا بنقعد ..

ومعليش والله طولت منكم ... وانت عارف انا شايف الحواته ديل طالعين من البحر ارحكم بسوق معاى نفرين نشيل لينا مركب منهم نعمل كره كرتين بى الشبكه نجيب لينا سمك لى العشاء .

يا ناس الركوبه الجريف سلام

» مايكتب عن الجريف خارج موقع الجريف شرق
» lمن حواء الجريف الي ادم الجريف
» صور من الجريف شرق
» الجريف
» بت الجريف