الجريف اتباعت للكاتب العضو ( عبدالله محمد نابري )

نزولا عند رغبة الاخ ... الطيب بخيت والاخ ... ود سنقد
بتخصيص موضوع الجريف اتباعت !! في بوست جديد ...
وفصله عن موضوع قناة ساهور....
يسرني ان اطرح الموضوع للنقاش مرة اخرى ..
وبالمناسبة الموضوع مهم وخطير !! في نفس الوقت !!
هناك مدينة سياحية سوف تنفذ على اراضي الجريف شرق
في الشريط الموازي للنيل بتداءا من الكبري تقريبا وحتى اواخر كركوج تقريبا ..
وقد تلاحظون كلمة تقريبا لاني غير متأكد من المعلومة ...
هذه المدينة يقال انه خصص لها ميزانية تفوق العشرة مليون دولار ..
سوف تقام فيها فنادق ومنتجعات سياحية ..
تم شراء هذه الاراضي من حكومة السودان بواسطة شركة كويتية
وتم تعويض الناس على اساس ما يمتلكون من حبال في هذه المنطقة ..
السؤال ...

ما هي حقيقة هذه المدينة ؟

كيف تم تعويض الناس وهل كانت التعويضات مجزية؟

ما هو مصير اصحاب الكمائن في هذا الشريط الموازي للنيل؟

هل صحيح ان هناك تخطيط للجريف ؟

لماذا هذا التعتيم الاعلامي لهذه الصفقة ؟!! المدينة ب10 مليون دولار !!!!

هل نحن كجرافة سوف نستفيد من هذه المدينة عوضا عن اراضى الكمائن التي تم نزعها ؟؟
واين مصلحة الجريف !! الكمائن ام المدينة السياحية !!
عاوزين المعلومات وده تقريبا من ابسط حقوقنا كمواطنين اولا وكملاك ثانيا

اخوناsoca اول شى مرحب بيك فى بلدك

وتانى شى دا كلام شنو الجريف اتباعت اهلنا قاعدين فيها وما مرقو منها.
تالت شى احيى فيك روح النقد ودى اول مشاركة لك وانا دايماً بحب النقاد.
بالنسبة لى قناة ساهور دا موضوع طويل
ولو اطلعت على المنتدى حاتحصل اخونا الطيب بخيت ذكر الموضوع من قبل
وكان وجدت جزء كبير من اسئلتك مجابة فى البوست وانا بديك جزء من الاجابات .
الشباب الزمن العلينا دا بحبو الفنانين لى درجة ماتتخيبله
والفنان بكون مثلو الاعلا عشان كدا لما الفنان امدح الرسول بأثر فى الشباب
والمغذى من كدا موش الفنان لانو الفنان فى الحالة دى بكون اداه وبس .
واضرب ليك مثل بى التلفزيون نفسو .
مثلاً لو عندى تلفزيون فى البيت وقفلتو وطلعت .
جو اصحابى وانا مافى شغلو افلام شينة ورقص وكدا وانا جيت بعدم شغلت القرأن .
الاثنين اتعرضو فى شاشة واحدة التلفزيون ماعندو زنب
اها هنا المشاهد لما اسمع الفنان بمدح فى الرسول الكريم
مفروض انسا عمايل الفنان الشينة لانو عمايلو البعملا مسؤل منها هو
حالياً علينا نسمع الكلام البقول فيه وبس.

الأخ الفاضل . سوكا ..
تحية حب وإعجاب ..
لك أزكى التحيات العطرة ..
مرحباً بقدومك وحضورك بيننا ..
كم نحن محتاجون لأمثالك بيننا ..
مرحباً بك أديبا .. ومثقفاً .. وناقداً ..
البيت بيتك يا مك .. أبقى داخل وخلي الباب متاكى ..
ولموضوعك أهمية قصوى .. ولنا فيها وقفات ووقفات ..
ولكن لابد في المقام الأول الإحتفاء بطلتك الرائعة يا رائع ..
ولنا عودة ..

سوكا .. دم لنا وبيننا ...

أخونا الكريم Soca

لك التحايا أعظمها

نشكرك على موضوعك الشيق

الذي تحدثت فيه عن قناة ساهور

فلك الشكر على هذا الشعور النبيل

فهذا أن دل على ذلك فإنما يدل على صدق

مشاعرك وتذوقك للمديح السوداني الأصيل.

لذا أود أن أفيدك بأنني أحد الذين تطرقوا لهذه الظاهرة الغريبة

في منتدى الجريف شرق (الجريف العام)

تحت عنوان (ظاهرة قنوات المديح ومديحالفنانين)

فأرجو أن تضطلع عليه وستجد فيه الرد الشافي لتساؤلاتك

والحاجة الثانية يا أخوي الجريف شنو الباعوها

زي ما قال ليك أحمد

الجريف باعوها وأهلنا قاعدين فيها

دا كلام شنو يا أخوي والله ما في حاجة مستغربة

لكن كلامك دا حيرني أن كان الكلام دا صح أفدنا

عشان نتصرف ما يقوموا يبعوا لنا أهلنا

ونبقى قاعدين بروز

كتب سوكا:

الاخوه الجرافة
السلام عليكم عليكم ,,, يسعدني ويشرفني ان انضم لهذا المنتدى الرائع والذى اتمنى من خلاله
ان نتواصل لخدمة قضايا الوطن عامة وقضايا المنطقة بشكل خاص (ده اذا بقت في منطقة) لانو الجريف اتباعت !!!

تحياتي
أظهر وبان يا أخوي ما تخلينا نقول كلام .....
زي ما بقول أهلنا المصريين (طز) وستين ظز في الراجل البيقدر يبعدنا
من الجريف شرق أرض الجروف الخضراء أرض الكمائن
وريحة الطين والزيالة والحطب الجريف الأرض والتاريخ والأصالة
البيبعدانا عنها بنتصدا ليه ونوقفوا في حده
ما دام بيدور يتعدى الـ (..........) ود أم زردة
ما بنديه أرضنا عشان يبني فيها
المدن السياحية والملاهي الفاسدة
ما بنديه شبر من أرضنا الغالية
ونحن مصممين على كلامنا ما بنبالي
بنموت في حقنا وما بنبالي
بنموت ورأسنا مرفوعة فوق وما بنبالي
وقول ليه أنت ما بتعرفنا
نحن أولاد سرحان وطراف
نحن أولاد الشيخ صباحي الأزرق
نحن المحس أولاد المريوماب
نحن الدناقلة والشوايقة
نحن كل قبائل السودان
نحن بوتقة متكاملة من السودان الكبير
ما بيقدر الا يكون فينا واحد متخاذل

هلا ... هلا ... حياك

بالنسبة لموضوع بيع الجريف انت عارف الموضوع ده حقيقي

وبالمناسبة يا الطيب كلام السوداني قلبو حار والسوداني بخوض النار ده اصبح من الماضي
الكلام ده ما عاوز رجالة ولا انفعال جعليين .. الكلام ده عاوز تخطيط واجماع ويد واحدة ورأي واحد
لانو ود بدر قال: القادر ما تقادرو وما تنضم بالماك حاضرو .
واظن ان البائع الحكومة السودانية والمشتري الحكومة الكويتية فهل في قادر اكتر من كدا !!
ايش رأيك نطرح الموضوع للنقاش ليشارك فيهو بقية الاخوان ..
لانو الموضوع ده بمس كل جرافي بل كل سوداني

انا أكتر حاجة غايظاني وما قادر أفهمها ..
إنو الجماعة ديل ليه طلعوا أسياد الأراضي وعوضوهم _ دا إذا كان فعلاً عوضوهم
وكان التعويض بقدر التنازل _ وباعوا الأراضي دي للكويتيين ؟؟
ليه ما كان يخلوا أصحاب الكمائن ديل يأجروا الأراضي دي للكويتيين برااااهم ؟؟
أو يبيعوها ليهم .. والجماعة يطلعوا منها ؟؟ .. ؟؟

حاجة تحير .. !! ..

ربنا يكضب الشينة ..

ودمتم لها ...

عارف يا ود سنقد

الحكومة باعت واستلمت وقبضت ووزعت الشي الغريب في الامر ان هناك بعض الناس لسه ما عارفه حاجة وهي في السودان على فكرة الموضوع فيهو تعتيم اعلامي
فلم نسمع يوم عن مدينة النيل لا في الصحف ولا في التلفزيون وانا ما عارف السر في كده شنو؟؟!!!!!
المهم اتمنى ان اعرف كيف تم التعويض وما هي المرحلة المقبلة

الأخوة الأفاضل ..
سوكا سابقاً وعبد الله ود نابري حالياً ..
حبيبي الطيب ود بخيت ..
وشخصي الضعيف التعبان الكحيان ..
تحيات كتارات ..
عفوا شباب أنا شايف إنو موضوع البوست اخذ منحاً آخر .. لو تتفقون معي ..
ألا ترون اننا إنجرفنا قليلاً عن موضوع البوست ؟؟
الموضوع الأصلي هو عن قناة ساهور لتعظيم النبي صلوات ربي وسلامه عليه . .
وأصبحنا الآن نناقش مسألة الجريف والباعها منو وأراضي الكمائن ..
اعزتي الكرام .. أنا لا أقلل من شان ما نتحدث عنه لا سمح الله ..
ولا أقلل من شأن ملاحظاتكم العظيمة والهادفة في نفس الوقت .. أبداً والله ..
ولكننا يجب علينا أن نرجع لموضوع البوست الأصلي ..
ولا شنو شباب ؟

ودمتم لنا ولها ...

الغالي ود سنقد...
شكرا ليك على الملاحظة ولكن اذا لاحظت ردي بالنسبة للطيب بخيت ذكرت ان نطرح هذا الموضوع للنقاش موضوع مدينة النيل ونحن الان عاوزين معلومات عن هذا الموضوع:
ماهي حقيقة الشركة التي اشترت اراضي الكمائن؟
كيف تم تحويل الحبال الي اراضي سكنية؟
هل صحيح ان هناك تخطيط حايكون في الجريف ؟
على اي اساس تم تعويض الناس؟
وما هي مدينة النيل؟ وماهي مساحتها ؟ ولمن تؤول ملكيتها؟

شكرا يا عبدالله محمد نابري
لطرحك لهذه القضيه التى تهم الجريف كلو
العندو طين والماعندو مفروض يقيفوا صف واحد
وعشان يعرفوا كل الناس كل الامور
وبرضو نعرف المع الجريف واهلو منو ؟!!!
والمع الاكل حق الناس التعبانين منو ؟!!!
ليهم يوم اولادالهرمه !!!!!!!!!!
ابوتراجى

عبدالله محمد نابري كتب:: الغالي ود سنقد...
شكرا ليك على الملاحظة ولكن اذا لاحظت ردي بالنسبة للطيب بخيت ذكرت ان نطرح هذا الموضوع للنقاش موضوع مدينة النيل ونحن الان عاوزين معلومات عن هذا الموضوع:
ماهي حقيقة الشركة التي اشترت اراضي الكمائن؟
كيف تم تحويل الحبال الي اراضي سكنية؟
هل صحيح ان هناك تخطيط حايكون في الجريف ؟
على اي اساس تم تعويض الناس؟
وما هي مدينة النيل؟ وماهي مساحتها ؟ ولمن تؤول ملكيتها؟

دعوة إلى السيد الفاضل الساحر : عبد الله محمد نابري ..
ود أعم الهندي ود نابري ..
دعوة لفتح بوست جديد والإنفراد به ليحمل في طياته مشكلة وأرض الكمائن ..
وحقوق الجرافة المهضومة .. وما يدور في مخيلتنا من أسئلة حاااائرة
لا نجد لها إجابات عن مدينة النيل المزعومة ..

فيا أيها الوريف ود نابري ..
هل لطلبنا عندكم محل إستجابة ؟؟

ودم لنا ود أعم الهندي ...

ابو تراجى كتب:: ليهم يوم اولادالهرمه !!!!!!!!!!

ههههههههههههههههههههههههههههه
ههههههههههههههههههههههههههههه
هههههههههههههههههههههههههه
ههههههههههههههههه
هههههههههههه
ههههههه
ههه
هههاااااااااااااااااااااااااااااااااااااااي ..

والله بالغت يا أبو تراجي ..

شكراً على الشعور الصادق يا ابو تراجي ..

ودمت لنا ...

طيب يا ناس أكان الكلام دا صح
ما ساعدونا في البحث عن ماوى ياوينا قبل ما تجي الطامة الكبرى
مع ا لعلم نحنا شباب الجريف حرمنا من الخطة الإسكانية الأخيرة
وأراضي الجريف بيعت في المزاد العلني في الفندق الكبير
وأنا واحد من الذين دخلوا ذلك المزاد وكان معلن عنه في الصحف اليومية
وناس الجريف أو المسئولين في الجريف قاعدين يعاينوا
لأنهم باعوا ضمائرهم بمليمات
وين المسئولية القولوا بيتحملوها
فربنا بيسالهم يوم القيامة
(مستقبلاً احتمال إذا تحسن وضع شباب المنطقة يقدر يأجروا ليهم شقة في الشريط النيلي)
واحتمال برضوا ما يأجروا لينا في هذا الشريط لأنه حأيكون خمسة نجوم
هههههههههههههه مسكين بلدي الشايلوا كتير في ظهرك

الغالي ( عبد الله محمد عبدالله نابري )

السلام عليكم ورحمة الله وبركاته
الموضوع جميع لكن مكشوف ومعروف لكل الناس
أخواني الافاضل
الهدف من كل هذا هدف سياسي في المقام الاول
تحب الحكمومة تفكيك افدم مدينة بالخرطوم وهي ( الجريف شرق )
والجريف كما يعلم الجميع المدينة الوحيدة بالخرطوم التي تحافظ على المجتمع
السوداني القديم .
والجريف من الناحية السياسية دائرة تخص مبارك زروق و الازهري
يعني مدينة اتحادية 100% وتضم قليل من الاحزاب الثانية مثل الحزب الشيوعي
والجبهة الاسلامية .
والجريف حبها ورفعها الله بالموقع الجميل على ضفاف النيل الخالد .

صدقت يا ود ريا.... صدقت
* الجريف إتحادية وكل مديرية الخرطوم والجزيرة وكل قبيلة الدينكا بكل بطونها وسلاطينها ومعظم الشمالية هذه مناطق مقفولة للحزب الإتحادى الديمقراطى . وكذلك الجالية القبطية
ولم يبخل الأزهرى على الجريف التى أحبته واحبها و كثيرمن أبناء الجريف يحملون اسم الزعيم الأزهرى. كنا نرى الأزهرى في الجريف كمواطن عادى تجده فى كل مناسبات المنطقة من دون زفة ولا حراسة ولا إعلام .
إنقلاب مايو هو الذى دمر الجريف فقد كان النميرى يخشى من انصار الإمام فى الجزيرة وانصار الأزهرى فى الجريف ولذلك إستغل ندوة قامت بنادى الأهلى بالجريف شرق تحت عنوان أضرار السكر فقبض على رئيس النادى الأخ عوض عباس عبد الحليم وكان وقتها عريساً والأخ بركات أحمد واودعوا الحراسة و كان اول نادى ثقافى فى العالم يصادر بسبب سياسى ليحل محله مركز الشباب حيث قاطعه الجميع وتحولت كل معداته القادمة من روسيا لمركز شباب بحرى.
وتوقفت عجلة التنمية فى الجريف منذ رحيل الأزهرى وكل المشاريع التى قامت كانت بالعون الذاتى لسكان المنطقة. ومعظم المسؤلين فى الحكومات التالية إهتموا فقط بالكسب الشخصى ليس على حساب الجريف فقط وانما على حساب الوطن كله.
والجريف الآن تمثل سودان مصغر يحوى كل قبائل السودان وكل الوان الطيف السياسي والجميع يعيشون فى تواد وتراحم وتكاتف ويقفون وقفة رجل واحد لدرء كل الكوارث الطبيعية مثل الفيضانات وما شابهها.
ولكن ..وآه من ولكن..
هناك كوارث بقرارات سياسية تشكل كارثة على الجريف والقريبون من السلطة يعرفون الخفايا ويحتاطون فقط لأنفسهم وينسون هذا الوطن الجميل.
وحتى لا تباع الجريف ويبكى أحفادنا على أطلالها
الحل الوحيد هو ضرورة أن يعمل أبناء المنطقة للوصول لمراكز قيادية تتيح لهم سلطة صنع القرار السياسى وتوظيفه للمصلحة العامة .
وبذلك نكون قد تفادينا الخطاً المدمر الذي إتخذه أهل الجريف كإتحاديين بالتقوقع وعدم المشاركة فى كل الحكومات منذ رحيل الأزهرى . رغم الكفاءات السياسية والثقافية التى تذخر بها المنطقة وقد ساعد ذلك الفراغ السياسى أن تستقطب الجبهة الإسلامية معظم طلاب المنطقة بعد ان رفعت شعارات الغيرة على الإسلام ومناهضة الشيوعية بالإضافة إلى البريق الأكاديمى لقيادة الجبهة وبعد ذلك صعب عليهم التخلى عنها لأن السودانى بطبعه مخلص لشلته ورفاقه... والوِلف كتال
والحل الأجمل هو أن يتكاتف كل أبناء المنطقة بكل ألوانهم السيايسة لخدمة اهلهم لا لتمرير سياسات وأجندة أحزابهم .
فمن الأجمل أن يستقيل المرء من حزبه إذا إتخذ الحزب قراراُ يضر بأرض أمه وابيه وفصيلته التى تأويه...
و حفظكم الله لنا جميعاً مهما كان لونكم السياسى.
ودمتم لنا
خضر حسن

أخي خضر

تحية مروية بريحة طين جنينة ود المدني

ودكان حاج الطيب وخلود نيلنا العظيم

تحية مروية بكل شيء جميل في حلة سرحان الرائعة

فقد كفيت ووفيت ومشكور جداً على هذه المعلومات القيمة

فقد سرحت بعيداً عند قراءاتي لأسطرك السابقة

وذهب ذهني بعيداً وأنت توشحنا بإبداعاتك وأرائك القيمة

لحل المشكلة القائمة

وحبك للجريف العتيقة

فلك كل الشكر والتقدير ودمت

تسلم يا اخى الطيب
ويسلم حى سرحان الذى يشكل عائلة واحدة حيث كل الديار ديارك وحيث ما كنت يطيب لك المقيل.
وتسلم الجريف التى يحاك لها فى الخفاء لكى تتحول لمنطقة سياحية وتعلوا اصوات الكازينوهات والمواخير على صوت الآذان... نفس النظرة القديمة لمدينة توتى حيث رفض اهلها كل المغريات منذ زمن الإنجليز
ويتحدث بعض أهالي توتي عن صراعات قديمة بين أهالي توتي والسلطات
الحكومية الذي بدأ منذ عام 1924م ضد المستعمر الإنجليزي الذي حاول ترحيل
سكان الجزيرة إلى منطقة أخرى بحجة أن المنطقة معرضة للفيضانات غير أن
أهالي توتى وقفوا ضد تلك القرارات ببسالة شهدتها "حوادث 1944م" المعروفة
والتي استبسل فيها أهالي توتي دفاعاً عن وطنهم وارثهم العريق.
كذلك تعرضت الجزيرة إلى العديد من المحاولات المختلفة لترحيل
أهاليها بغرض الاستفادة من موقعها في الاستثمار السياحي والزراعي لما
تتميز به أرض الجزيرة من خصوبة وقرب المورد المائي منها إلا أن جميعها
باءت بالفشل بسبب تمسك السكان بها باعتبارها الوطن الأم الذي لا يمكن
التفريط فيه.{ جريدة الرياض الخميس 4صَفر 1428هـ - 22فبراير 2007م - العدد 14122
لم يستطيع أحد ان ينال من توتي لأن أهلها دائماً بالقرب من مراكز اتخاذ القرارات يسربون القرارات إلى السكان ليقومون بالثورة والتهديد بمحرقة مثل محرقة إسماعيل باشا ويتراجع المسؤلون عن التنفيذ. والآن جاء الدور على الجريف والقلة التى تعلم سكتت.؟؟؟
واهم من يعتقد ان شريط الكمائن الذى تم الإستيلاء عليه يكفى لقيام المدينة الترفيهية المزعومة بل أدنى حد لها سيشمل كل الجريف غرب شارع النص على اقل تقدير؟؟
الكارثة لاأحد منا يملك معلومات كافية وموثقة؟؟؟
ولنا أسوة حسنة فى المناضل الحاج حريبات رحمة الله عليه .
ودمتم لنا
خضر حسن

سلمت يداك استاذنا الخضر حسن ...

المصيبة الكبيرة اننا نعاني من عدم الوحدة في الجريف شرق ...
وابسط دليل فرق السهم وفريق كركوج !!!
وبالمناسبة الحقيقة المرة التي دائما ما نحاول نتحاشاها او نتحاشي الحديث عنها .. الحسد ..
هذه الآفة وللاسف متأصلة عندنا في الجريف شرق !!
وانت تطلب منا ان نحارب ونقف صفا واحداً ... وده المستحيل بعينه!!
وكيف نقدر نحارب ونحن شذر مذر !!
نحارب منو يا استاذنا !! زمان كان ممكن تحارب الاستعمار وتموت في سبيل الوطن!!
الحرب الان حرب رؤوس اموال ! حرب شركات متعددة الجنسيات
شركات قادرة على ابتلاع الجريف بأكلمها ..!! بل والخرطوم نفسها لو ارادت..

وبلدنا ما ناقصة المسئولين والقياديين بس المشكلة تكمن فيما ذكرت لك ..

اديك مثال ..
واحد من المسؤلين في الحكومة الحالية جرافي الاصل ..
تم انتدابه في احد ولايات السودان ... وقد ادى دوره هناك كما ينبغي واكثر... فهو رجل المهام الصعبة..
شيد لهم المدارس والمستشفيات ودور الرياضة ..
ولشدة اعجاب مواطني تلك المنطقة اصبح الاهالي يسمون باسمه كلما رزق احدهم بمولود ..
لانه شخص عظيم بالنسبة لهم ..
وقد ادى هذا المسئول دوره واكثر !!
السؤال : ماذا قدم للجريف؟؟
هل الجريف ما بتستاهل ؟؟
هل لم يجد التأييد والتشجيع من الناس ؟؟

القادم لهذه البلد يجد فيها الترحيب وسعة الرزق ..!
واولاد البلد !!!!!!!
احس والعياز بالله ان هذه البلد مصابة بلعنة على اهلها !!!

عزيز انت يا وطني ...
رغم قساوة المحن ...

سلمت يداك يا عبد الله
خيركم خير كم لأهله.... والأقربون أولى بالمعروف ... وأولى بالأفكار الجميلة وبالكلمة الطيبة ...وباليد الحنونة.
ولكنى اعتقد أن مثل هذا المسؤول ينفذ فقط أجندة حزبية وان حزبه هو وطنه وأهله فهو لهم ومنهم وليس منا.

ودمتم لنا
خضر حسن

[

color=red]أخوانى الافاضل الاستاذ/خضر والرائع عبدالله نابرى
الرد بالاغانى والشعر

ليه تقول إنتهينا نحن يادوب إبتدينا
نحن فى ماضينا قوى قوى تتحدى الصعاب
نحن عز الدنيا بينا
الناس بالناس ما دام الحياة بهم والسعد لاشك هبات وتارات
أفضل مافى الورى رجل تقضى على يده للناس حاجات
ومات قوم وما ماتت مكارمهم ( وعاش قوم وهم بين الناس أموات)!!

وراجعين

[/color]

سلمت يداك يا عبد الله
خيركم خير كم لأهله.... والأقربون أولى بالمعروف ... وأولى بالأفكار الجميلة وبالكلمة الطيبة ...وباليد الحنونة.
ولكنى اعتقد أن مثل هذا المسؤل ينفذ فقط أجندة حزبية وان حزبه هو وطنه وأهله فهو لهم ومنهم وليس منا.

ودمتم لنا
خضر حسن

أخوتي الأفاضل

أعتقد أن هذا البوست مهم جداً وأتمنى أن يجد التفاعل من كل الأعضاء لأن موضوعه يهم أجيال حاضرة وأجيال قادمة

وبالنسبة لتفاعل المسئولين من أبناء المنطقة مع هذه القضية سوف أضرب لكم مثال بإهتمام أهالي الجريف زمان بمنطقتهم.

فقد حكى لي عمي محمد حاج الطيب ربنا يديم عليه الصحة والعافية والحديث له بانه في فترة إسماعيل الأزهري رحمه الله أن صدر قرار يخص منطقة الجريف وأعتقد صادر من وزارة الإسكان.. المهم القرار كان فيه ضرر بسيط جداً للمنطقة .. عليه قرر أبناء المنطقة الذهاب للرئيس إسماعيل الأزهري ليرفعوا مظلمتهم وأختاروا حوالي الخمسة ليمثلوهم وحوالي الساعة 7 صباحاً وهم في منزل الزعيم الأزهري وتم إستقبالهم في صالون الضيوف وبعد لحظات نزل الأزهري من الطابق الأول وهو يمشي على الدرج ويحمل إبنه على كتفه وعندما لمحهم وقبل أن يصل إليهم بادرهم بالحديث مباشرة ونطق بهذه الكلمات ( لا لا الشئ البيجيب أهلنا الجرافة من الصباح كدة ده معناهو موضوع كبير خلاص ) وبعدها وصل إليهم وبادرهم بالتحية وشربوا معه الشاي وشرحوا له مظلمتهم .

وقبل أن يصلوا الجريف صدر القرار من الزعيم الأزهري مباشرة وتم إنهاء موضوع أهالي الجريف.

أحبتي هذه الحكاية تعطينا عدة دروس وعبر يجب أن نتعلم

- أولا مدى ترابط الناس مع بعض.

- الجراءة والوصول لأصحاب صنع القرار وليس التطبيل.

- العلاقة بين الحاكم والمحكوم.

تحياتي

عصام عبدالصادق

والله يا عصام ..
كما زكرت أن هذا البوست من الاهمية بمكان ..
جزى الله عنا كاتبه خير الجزاء ..
وفعلاً يا باشا .. نلاحظ مدى ترابط الناس مع بعض ..
لأن له كبير الأثر في صنع القرار والإتحاد قوة ..
ثانياً الجرأة لصانعي القرار وعدم تطبيلهم شي لا بد منه يا عزيزي ..
فيجب عليهم أن يمتازوا بالجرأة الكاملة لكي يكون قرارهم محل صواب وإحترام وتقدير ..
يعني لا زم يملوا قاشهم كويس ..
بس يا عصام .. مسألة العلاقة بين الحاكم والمحكوم دي عندنا الآن في ظل النظام الحالي دا .. صعبة شوية .. لا.. شويتين كمان .. يعني لو عملنا مقارنة بين ذاك النظام ونظامنا الحالي بنلقى الفرق كبير جداً حيث لا توجد مقارنة أبداً ..
ودي من أكبر المشاكل البتواجه الناس أسه ..
لكن حتة تكاتف الناس مع بعض وقوة أصحاب القرار وجرأتهم .. دي مسألة فعلاً مفقودة عندنا في الجريف في الجيل الحالي ولازم لناس تنتبه ليها ..

ودم لنا ولها ...

كتب عصام عبد الصادق :

اقتباس :: فقد حكى لي عمي محمد حاج الطيب ربنا يديم عليه الصحة والعافية والحديث له بانه في فترة إسماعيل الأزهري رحمه الله أن صدر قرار يخص منطقة الجريف وأعتقد صادر من وزارة الإسكان.. المهم القرار كان فيه ضرر بسيط جداً للمنطقة .. عليه قرر أبناء المنطقة الذهاب للرئيس إسماعيل الأزهري ليرفعوا مظلمتهم وأختاروا حوالي الخمسة ليمثلوهم وحوالي الساعة 7 صباحاً وهم في منزل الزعيم الأزهري وتم إستقبالهم في صالون الضيوف وبعد لحظات نزل الأزهري من الطابق الأول وهو يمشي على الدرج ويحمل إبنه على كتفه وعندما لمحهم وقبل أن يصل إليهم بادرهم بالحديث مباشرة ونطق بهذه الكلمات ( لا لا الشئ البيجيب أهلنا الجرافة من الصباح كدة ده معناهو موضوع كبير خلاص ) وبعدها وصل إليهم وبادرهم بالتحية وشربوا معه الشاي وشرحوا له مظلمتهم .

وقبل أن يصلوا الجريف صدر القرار من الزعيم الأزهري مباشرة وتم إنهاء موضوع أهالي الجريف.

شكرا لعطر وجودك ها هنا يا عصام .. والقصة رائعة وجميلة ومعبرة وفيها من الحكمة الشي الكتير
عندي اقتراح اخوى عصام ...
يا ريت لو كل واحد عندو ذي قصتك دي يطلعنا عليها حتى تكون توثيق لتاريخ هذه المنطقة ورجالها..
مشكور مرة اخرى وأملي ان يجد اقتراحى القبول...

الأخ عبدو نابري
وبقية العقد الفريد .... تحية ثورية

فليعلم النظام وبعض المادحين بحمده من أبناء الجريف والمتورطين بالقضية التي ذكرت تفاصيلها .. ولم أقم بالرد عليها عند بداية طرح الموضوح ... ....وذلك لدهشتي وتألمي
كيف تهون عليهم أراضيهم وإرثهم من الجداد لما يسمونه مدينة النيل عفواً ..... الجحيم للتقرب من الحكومة أو الترقية السياسية وغير ذلك ... ! ؟
ولكن ما لا يعرفونه سوف تشتعل النار وتتوسع الدائرة ولربما تكون للبندقية حديثاً أخر
ولكن ما نرجوه من أهلنا في الجريف أن يقوموا بمحاسبه كل من له طرف من أبناء المنطقة
يعني ما كل مرة يجونا بي حاجة جديده واحد شال المقابر واحد باع متورط في الكمائن ، وأخر الفنون جماعة عاوزين يبيعوا الجريف .... يعني الجايه بقولوا النيل والهواء تبع النظام أو يدخلوها في مقايطة أو ياخدوا فيها إيجار وبعض أساليبهم ... فلذلك يجب علينا النضال والنضال ولسوف ترون ما أقصد في أقرب محاولة لتهجير أهلنا في الجريف ...
ولي عودة

» حلقات عن حساس محمد حساس ( د. محمد عبدالله الريح )
» عيدالفطر بالجريف ولا كل الأعياد وجامع جاح عبدالله نابري يحكي
» عبدالله ود نابرى ..يحاور زوجته ؟؟؟؟
» محمد ضمرة محمد - مبدع جديد
» مايكتب عن الجريف خارج موقع الجريف شرق