أول الشــــــهادة السودانية لهذا العام هلالابي

مازن عبدالبديع نصر الله
أول الشــــــهادة السودانية لهذا العام
يعلن هلاليته وأنه هلالابي على السكين
وقريبا سأجلب لكم محاورة لــــــــه مع جريده قون

أول الشــــــهادة السودانية لهذا العام هلالابي 12145910

ألف مليون مبرووووك مازن ..
ومبروك ليك كمان إنصياعك لفريق القمة الهلال العظيم ..
ودا زاااتو الجاب ليك النجاح .. هههههههه

ألف ملين ترليون مبروووووووووووووووووووووك ..

شكرا الهندي ..

ودمت هلالابي ...

دائماً أبناء الهلال في القمة مثله

سجلت قوون زيارة امس لمنزل الطالب النابغة مازن عبد البديع نصر الله اول الشهادة السودانية والتقت به وافراد اسرته وهو من مواليد 18 يونيو 1991 الحتانة من مدرسة الشيخ يوسف الدقير ام درمان الرياض·
ويقول مازن انه سمع خبر حصوله علي المركز الاول في امتحان الشهادة السودانية من التلفزيون وقال انه توقع ان يكون ضمن الخمسة الاوائل· وكانت فرحته لا توصف عندما تلقي النبا السعيد ·
وقال امي لها الدور الكبير في هذا النجاح الباهر واهديها نجاحي متمنيا لها دوام الصحة والعافية·
وقال اواظب علي الدراسة يوميا واراجع درس اليوم باليوم واجد اجواء مهيأة للدراسة في المنزل ··· لم اجد اية صعوبة في الامتحان ولم اتوقف امام اية مادة من المواد التي امتحنت فيها وكنت عندما اجد مشكلة امامي اراجعها مرة او مرتين حتي اجد لها الحل ·
ويقول: من هواياتي الرسم وكرة القدم واشجع الهلال ونجمي المفضل هو اللاعب هيثم مصطفي ·· وعالميا اشجع المانيا واتوقع ان تلعب نهائي امم اوروبا امام اسبانيا وتفوز·
ويواصل مازن حديثه ويقول: النظام في المدرسة جيد وهو احد اسباب النجاح فنحن نذاكر بطريقة سليمة ونقيم المعسكرات للمزيد من التحصيل والتركيز واذا طلب مني رسالة فانني اوجهها الي كل الطلاب واقول: لابد من النظام وقبل هذا وذاك رضاء الوالدين·
ويواصل مازن: كانت صورة مازن كمال الدين اول الشهادة السودانية 4002 امامي دائما وكانوا في المدرسة يضربون بها المثل وهل ساكون مثله ام لا· كنت اتذكر مازن في كل الاوقات ووضعته صورة امامي حتي حققت النجاح وحزت علي المركز الاول في الامتحان·
وتقول والدته اشراقة حسن محمد سليمان (ربة منزل): مازن هاديء الطباع يذاكر دروسه بانتظام ويجد مساعدة من اشقائه ووالده يعمل ضابط صحة بالمملكة العربية السعودية وعندما اخبرناه بحصول مازن علي المركز الاول في امتحانات الشهادة السودانية بكي من الفرح وحمد الله كثيرا وقدم التهاني·

يا الهندي سبقتك وجبت ليكم الحوار لانو سيد وزعيم البلد غالي علينا شديد وهو مازن في الاكاديميات جا الاول في الكورة حيشجع الوصيف دي اصلا ما منطقية .

ود سنقد كتب:: ألف مليون مبرووووك مازن ..
ومبروك ليك كمان إنصياعك لفريق القمة الهلال العظيم ..
ودا زاااتو الجاب ليك النجاح .. هههههههه
ألف ملين ترليون مبروووووووووووووووووووووك ..
شكرا الهندي ..
ودمت هلالابي ...

الغالي ود سنقد بداية ألف مبروك النجاح للهلالابي الأول
وهلالنا فوق فوق

منير السماني كتب:: دائماً أبناء الهلال في القمة مثله

شكرا لمرورك استاذ منير السماني
وصدقت والله هلانا وناسو دوما في القمة

zaincof كتب:: يا الهندي سبقتك وجبت ليكم الحوار لانو سيد وزعيم البلد غالي علينا شديد وهو مازن في الاكاديميات جا الاول في الكورة حيشجع الوصيف دي اصلا ما منطقية .

شكرا ليك يازينكوف وانت اهل لكل سبق
لكني بيني وبينك كلامك ده بيزعل المريخاب شديد
ههههههههههههههه

الف مبروك للشاب ودايمآ مدرسة الهلال هي مدرسة التفوق ورفع الراس عاليآ

» الدوري العام بالجريف شرق
» عيوب المرأة السودانية
» هل العقلية السودانية مؤهله ............؟
» غانا .. مذبحة الكرة السودانية!!
» التعرى فىالافراح السودانية موضة..ام سلووووووووووووووووك؟؟؟؟؟