تصميم علم لمنطقة الجريف شرق

يا ثغراً يداعب صمت وجداني
فيك ترعرع إنساني
وفيك وجدت أوطاني
وفيك رضعت الحب والطيبة
فأنت عالمي الأزلي
ولي أمل بأن تبقى مدى الأزمان
الطيب بخيت

شنو رأيكم يا أخوان:
تقترحوا لينا تصميم علم
لمنطقة الجريفشرق

الطيب بخيت كتب:: يا ثغراً يداعب صمت وجداني
فيك ترعرع إنساني
وفيك وجدت أوطاني
وفيك رضعت الحب والطيبة
فأنت عالمي الأزلي
ولي أمل بأن تبقى مدى الأزمان
الطيب بخيت

شنو رأيكم يا أخوان

نعمل علم نرمز به للجريف شرق

أخونا ود بخيت تحياتي ليك ..

عفواً .. ما فهمتك .. كيف علم يعني ..

نرجو المعذرة .. العتب على الفهم ..

ودمت ...

أخوي أبو ياسر ليك وحشة يا رفيق الدرب

يا خوي يظهر إنو الهوا ضاربك شوية اليوم .. وعلم شنو كمان العاوزو للجريف .. ما كفاية علم الحركة الشعبية وعلم الحركات الدارفورية الواقفة في حلوقنا.

وأنا عارفك متيم بالجريف ونحن كذلك .. لذا جريفنا القالية علينا يكفينا فقط أنها لوحدها علم .... ونقول لها في حضرة جلالك يطيب الجلوس مهذب أمامك يكون الكلام .

وقريباً سوف أرفق لكم قصيدة الجريف من ديوان المواسم لأخونا يوسف حسن حمزة

عصام أو مصطفى

انا بختار ليك ياود بخيت تصميم يحير علماء الفتو شوب

مستطيل احمر :عارف برمز لشنو يابدر :للحرية

مستطيل ازرق :يرمز للنيل الازرق (بحر الجريف)

وتوسطهم( كمينة)رمز لحضارة الجريف

(طبعا الكمينة بتكون وهمة فى شكل قلبة)

يابدر كنت عايز اضييف ليك مستشفى الجريف الجديد (الفرحانين بيهو )

لكن المساحة ضيقة هههههههههه

أبو ياسر لك تحياتي أشكرك على الفكرة
حقيقة الفكره جميلة جدا
وممكن نسميها رمزا للجريف وتكون في واجهة الموقع والمنتدى انشاء الله
يعني يكون فيهو خريطة الجريف وتبيان لبعض المواقع الجميلة في البلد
والأثرية والحضارية
وحقيقة الجريف وطن ودولة وعالم كامل .. وليهو الوقفه ... ويستحق العلم
والنشيد كمــــــان شكرا ليك يا ابو ياسر على الفكرة الكلها انتماء ووطنية

نساليه كتب:: انا بختار ليك ياود بخيت تصميم يحير علماء الفتو شوب

مستطيل احمر :عارف برمز لشنو يابدر :للحرية

مستطيل ازرق :يرمز للنيل الازرق (بحر الجريف)

وتوسطهم( كمينة)رمز لحضارة الجريف

(طبعا الكمينة بتكون وهمة فى شكل قلبة)

يابدر كنت عايز اضييف ليك مستشفى الجريف الجديد (الفرحانين بيهو )

لكن المساحة ضيقة هههههههههه

لامانع فى ذلك ولكن لتكتمل اللوحة لابد عليك بوضع الكلمة (لاإله إلا الله محمد رسول
الله التى تشير إلى دعوةا لتكبير والتهليل فى الايطار الخارجى من الاربعة جهات لتكتمل اللوحة وتكون أفضل من المستشفى ، عشان الصورة ما تكون مقلوبة ونحتاج نعدلة رايك شــــــــــنو ؟؟؟؟

ود بخيت
نتوقع منك المزيد وأنت رجل علم أنت هو العلم الذي يعرفه الناس من بعيد

ودمت سالم وحاول الاتصال

حبيبنا الطيب ودحاج بخيت
اولاً وين رسائلك وين اتصالاتك اليا
الشباب مافهم قصدك والفكرة خطيرة جدا طوالى اقترح شكل العلم
ويجب ان يكون معاهو شعار خاص بالجريف
كل الناس ممكن يفكروا فى الكمائن كشعار لكن هل يعلم الجميع بان الجريف
اكبر مدينة فى العالم بها مساجد وان الجرافه هم فقط امهر بنات الماذن
من هنا يكون التفكير فى تصميم شعار للجريف ياشباب وتسالية خصوصاً
ساحاول سادتى فى تقديم مقترح شعار للجريف وليحاول الجميع
واخونا عصام ابومصطفى انفصالى ويخاف من الانفصالين مع انو انسب واحد لقيادة جبهة الجريف
للتمرد والمطالبة بحقوق الجريفات وعندو مقومات وغابة ومقر لتدريب جيوشه (جنينة حاج عبدالصادق)
ودمتم احبا لنفوسنا
ابوتراجى

أبو تراجي أسعدني فيك كثيرا همتك وحماسك لهذا الموضوع
الذي يحمل أبعـــاداً واسعة وجميلة ومهيبة ... وأسعدني اقتراحك
وشكل التصميم الذي تتخيل .. والذي يعكس غناء البلد بالمساجد بيوت الله
والمآذن التي تذكر الله ليل نهــار وتكبر وتنادي للصلاة وأنهم أفضل من يصنعوهــا
شكرا لك أبو تراجي تواجدك الجميل حول هذا الموضوع الثر القيم بالمعاني
وأقترح أن نفتح باب التصميم للاخوة الموجودين في المنتدى ممن يعرفون
التامل مع برامج التصميم ليضعو تصميماً مبدأيا لذلك الشعار أو الرمز أو العـــلم لتلك
البلـــــد الطيبة أهلهـــا ...

إخواني الأعزاء

أشكركم على مروركم على بوست علم الجريف

أسسسسف للتأخير في الرد عليكم

مع العلم بأنني كنت خرمان طول اليومين الماضيين

نسبة لأنني لم أطلع على المنتدى

ود سنقد لك تحياتي

يا أخي نحن بنقصد علم نرمز بيه

للجريف

(زي علم جمهورية السودان ………..

وعلم جمهورية مصر العربية)

علشان نضعه في المنتدى فقط

سام والله مشتاقين

جينا بيت العذابة يوم الجمعة

قلنا نلقاك ونسلم عليك يا غالي

يا أخي نحنا بنقصد علم نرمز بيه

للجريف في أول المنتدى أو نضعه

في نهاية كل مقالة أو أي موضوع

مش عايزين ننفصل (يا ود مصطفى)

هو الهواء ضاربني براي

أخي تسالية وينك

جينا بيت العذابة يوم الجمعة

وعرفت بأن ذاهب الشرقية

أشكرك على الأفكار الجميلة بخصوص علم الجريف

يعني وضع الكمائن في صورة العلم

مهمة لأننا تربينا

عليها ومنها وفيها وبالذات النيل

بس ود يسن وضع المساجد

رأيك شنو

أبو تراجي الله على أفكارك الرائعة

التي لم أتوقعها بالذات موضوع المساجد دا

أنتو دائماً الناس الحلوين البتذكرونا

خليكم معانا شوف سام قال شنو

حركات شعبية ودار فور وانفصاليين

ود خالي البشير

لك مليون تحية على تفهمك للأفكار الجديدة

فأنت الذي أفرزتها فينا يا عسل

وألف مبروك لناجي وعقبالك وللأخوة المعاك

الجماعة كانوا مساهرين معانا يوم الخميس حتى الساعة الثالثة صباحاً

مما اضطرني لعدم الإطلاع على المنتدى والرد عليك

وأشكرك على مرورك ببوست علم الجريف لنزين به صدر المنتدى

ود عبد الماجد

ممكن نضع مع مربع الحرية ومربع النيل الكمائن في الوسط

نضع معهما الطورية والفاس والمساجد

وكلمة لا اله إلا الله محمد رسول الله

فهي أجمل ما يكتب

دا اقتراح جميل

يعني نضعها بدل من أن نضع المستشفى

لأنه في إشاعة بيقول

أن المستشفى قطاع خاص

يعني أهلنا الغلابة في الجريف ما بيقدروا يتعالجوا فيها

ود ريا

ألف ألف شكر على مرورك وإطراؤك على الموضوع

هذا من ذوقك

شوف الناس البيفكروا في الانفصال ديل عايزين شنو

أسالهم هاتفياً وأتصل بي لاحقاً

فأنا ما عارفلك رقم هاتف

ياعسسسسسسسسسسسسل

أخوي ودحاج بخيت ليك مليون تحية..

بالنسبة على تعليقي الخاص بإقتراحك والذي كان نصه كالتالي:

(شنو رأيكم يا أخوان

نعمل علم نرمز به للجريف شرق) ده كلامك

إذن ماذا تريد مني أن أفهم ؟. فأنت لم تاتي بذكر الموقع أبداً.

ومن خلال ردك على أخونا ود سنقد والذي كان نصه كالتالي:

ود سنقد لك تحياتي
يا أخي نحن بنقصد علم نرمز بيه للجريف(زي علم جمهورية السودان ………..
وعلم جمهورية مصر العربية) علشان نضعه في المنتدى فقط ) ده كلامك

لذا أقول لك إن كنت تقصد شعار للموقع فمرحباً به .

وإن كنت تقصد علم .. كما وضحته لود سنقد فأنا هنا أرجعك للمربع الأول وأكرر تعليقي وأقوليك بلاش من الأعلام ... وكفاية الأعلام الواقفة في حلوقنا.

بالنسبة للإنفصالية ... أرجع لتعليقي وأفهمه جيداً لأنو لدينا ثوابت لن نحيد عنها أبداً وتعليقي لم يكن إلا من منطلق تجارب عايشناها سوياً في الغربة وأكتوينا كثيراً بنارها ... لذا نسعى جاهدين للم الشمل والترابط ... ومن خلال هذا الموقع يمكننا معالجة كثير من القضايا التي تهم جميع أبناء المنطقة .. والبركة في الشباب وخصوصاً كل يوم بيطل على وجه جديد وبفكر جديد .

لك التحية أخي الطيب ولأسرتك الكريمة

عصام عبدالصادق

يا أخوي يا عصام

دائماً الناس في المنتديات بيكونوا أحرار

(منهم العاقلين والمجانين وأصحاب الأفكار المشتته ووالمخرفين ووو ... الخ)

يعني بيكتبوا أي حاجة عايزنها

الحمد لله في المنتديات

ما في رقيب ولا رئيس ولا أي أحد يعترضك

فالإنسان في المنتدى بيكون في بيته وبيكتب ما في خاطره

ما في أي واحد بيعترضه

ليه دائماً بتجرو لبعيد

يعني بتفكروا في أشياء أخرى

العلم مقصود به علم يرمز لعامة الجريف شرق

هذه البقعة الطاهرة التي لمتنا جميعاً

مش زي ما أنت فاكر

خلي فكرك واسع يعني دائماً فكر في حسن النية

يا ثغراً يداعب صمت وجداني
فيك ترعرع إنساني
وفيك وجدت أوطاني
وفيك رضعت الحب والطيبة
فأنت عالمي الأزلي
ولي أمل بأن تبقى مدى الأزمان
الطيب بخيت

شنو رأيكم يا أخوان
نعمل علم نرمز به للجريف شرق

أخي عصام أقرا الموضوع جيداً

فكرة العلم أتت من حبي لهذه المنطقة

أي كل المنطقة التي تقع شرق النيل الأزرق

يعني بدون أي حدود

[quote="بدر عبد الماجد"]

نساليه كتب:: لتكتمل اللوحة لابد عليك بوضع الكلمة (لاإله إلا الله محمد رسول
الله التى تشير إلى دعوةا لتكبير والتهليل فى الايطار الخارجى من الاربعة جهات لتكتمل اللوحة وتكون أفضل من المستشفى ، عشان الصورة ما تكون مقلوبة ونحتاج نعدلة رايك شــــــــــنو ؟؟؟؟

عزيزى بدر

زى ما قال الطيب بخيت (لا اله الا الله محمد رسول الله )كلمة جميلة دون شك
بس المشكلة انها شعار لعلم المملكة العربية السعودية ولو كتبناها فى علم الجريف
بكون نسخة ثانية للعلم السعودى
واحتمال السعودية ترفع فينا قضية ولى رايك شنو؟؟؟؟؟؟؟؟؟؟؟

الطيب بخيت كتب:: ود عبد الماجد

ممكن نضع مع مربع الحرية ومربع النيل الكمائن في الوسط

نضع معهما الطورية والفاس والمساجد

وكلمة لا اله إلا الله محمد رسول الله

فهي أجمل ما يكتب

دا اقتراح جميل

يعني نضعها بدل من أن نضع المستشفى

لأنه في إشاعة بيقول

أن المستشفى قطاع خاص

يعني أهلنا الغلابة في الجريف ما بيقدروا يتعالجوا فيها

لك ترليييييييييييون تحية الاخ الفاضل أبو ياسر
كان تا بعنا الاشاعات يا أخوى ما كا ن الجريف وصلت إلى المستوى دا والمستشفى
يا عزيزى حكومى شعبى تعليمى لخدمة ناس الجريف خاصة وأهالى المنطقة الشرقية عامة
وبالنسبة للعلم تحت التصميم ، هناك إقتراح بوضع خلاوى الشيخ ودبدر وبيت مجذوب ، رايك شنو .
وكان ما مصدق أسال أخونا الكان معانا وخلانا (ود ريا)
تسالية فاوضنى بلا زعل هههههههههههههههههههههههههه

ود عبد الماجد تريلونات كتتتتتتتار من التحايا العطرة

بخصوص العلم نحن منتظرين حتى الآن اقتراحات أخوانا الجرافة

وانشاء الله سوف تكتمل قريباً

وسوف نضع اللمسات الأخيرة

أما بخصوص اقتراحك

وضع خلاوي ود بدر ممكن نضعها في الحسبان

لكن بيت مجذوب علاقة شنو بالعلم

أما الزول الكان معاكم وخلاكم دا (ود ريا)

أنا ما بعرفه عل وعسى يكون رائق

ومزاجه مبسوط ويدينا اقتراحاته عن العلم

احتمال يفيدنا

ههههههههههههههههه

ود عبد الماجد خلي النضمي

بتاع المستشفى للمستقبل

أنا بقول ليك سمعنا إشاعة تقول

أن المستشفى خاص

وإنشاء الله ربنا يكضب الشينة

فنحن نتمنى أن يكون المستشفى حكومي

لخدمة جميع ناس السودان الغلابة

مش ناس الجريف براهم

أمييييييييييييييييين يارب العالمين

ود ريا أنت برضو ليك تريلونات التحايا العطرة

رأيك شنو في الكلام الفات دا

ما تدلو بدلوك معانا في الموضوع

احتمال تكون أكنت قريب في السودان

وألا سمعت حاجة ذي دي

» المؤتمر التاسيسي لمنطقة شرق النيل غرب
» مايكتب عن الجريف خارج موقع الجريف شرق
» lمن حواء الجريف الي ادم الجريف
» درس عمل تصميم احترافي بإستخدام فلاتر الفوتوشوب الأصلية فقط
» الجريف