ربنا ياخذ مؤسس منتدي الجريف شرق ان شاء الله

ياخى مالك علينا !!!!!

لكن دايرنى
فى الجنة الاقى
معز وعصام !!!!!!
حرام عليك
خلى المسالة ماشه واى واحد يدخلو الجنة باعمالوا
مش بى دعوات زى دى !!!!!!
وكان دعواتك دى دخلتنا الجنة كلنا ولقينا الجماعة ديل كمان فى الجنة !!
نعمل شنو؟؟ ..........مظاهرة ولا احتجاج !!!!!
والله الواحد بدخل المنتدى على مضض ويدعواالله مايلايقهم
فما بالك تخش الجنة يقابلك صديقى اللدود عصا..........!!!!
كدى اسالك انت دعواتك دى شاملة حسن الصاوى كمان ؟؟؟؟؟
اللهم لطفك اللهم لطفك

المحتج على كيل مثل هذه الحسنات
ابوتراجى

أبو تراجى كتب:
خلى المسالة ماشه واى واحد يدخلو الجنة باعمالوا
مش بى دعوات زى دى !!!!!!
وكان دعواتك دى دخلتنا الجنة كلنا ولقينا الجماعة ديل كمان فى الجنة !!

هوووووووووووووى يا أبوتراجى
خليك شجاع يا أبو تراجى وحدد تقصد شنو ؟

كل عام وانتم بألف خير العام القادم إنشاءالله نلقاك معانا !!!

وراجعين

قاصدك عديل يابدر ياعبدالماجد يابله

كل سنة وانت بمليون خير
الف شويه مابتعمل اى شى

الشجاع ابوتراجى

اخونا الشج اع ابوتراجى
اولا مشكور اخونا بديع بدعواته وانشاء الله كلنا نكون في الجنة قول اميييييييييييين

لكن اذا انت ما داير تقابلنا فى الجنة موضوعك سهل جدا ولا بتتعب
ما سمعت بنكتة ال ادوها بيتين فى الجنة باع واحد واجر التاني وسكن مع عذابة في النار
نسال الله حسن الخاتمة
ود عبد المنعم ابوريدة

مشكور يامعز على تصريف البيوت دى

لكن العندو تلاته بيوت زى يعمل شنو؟؟
اقترح تعملوا دار لجمعية طق والمساطيل والمرتزقه
وانا باجر ليكم البيت بتاعى التالت !!!
طق /عصام مسطول /معز /المرتزق /بدر كل سنه وانتو بخير

الموجوع منكم
ابوتراجى

أبوتراجى كتب :

لكن العندو تلاته بيوت زى يعمل شنو؟؟

أبوتمارا أرفع إيديك و أسال الله وقول ياشيخى حــــــــــــــــــــــــــــــــــــــــــــــــــــــــــــن حلنى الحلة بله !!!!

كل عام وانت بخير وربنا يحقق الامانى ونلقاك بسيختك قول أمين امين امين]

يا ابو محمد يا بدر يا عبدالماجد

يحلك جدك بلة
انا مالى
عارف جنس امورك دى !!!!
داير تقول التلاته بيوت ديل لقيتهم وين ؟؟؟؟؟؟
عارفك زى اصحابك شكاك وظنك كعب فينى!!
ولو الواحد اشترى لبان تقولوا من قروشنا !!!
اريحك
بيوتى ديل بيوت شعر (بكسر الشين ) ما شعر
داير تسمع تعال القنصلية!!!!

مشكـــــــــــــــــــــــــــــــــــوين

ان شاء الله امين ... بعد غيبة بديع الغريب كل الحب والتقدير وانا بتصفح وجدت كلامك وقفت واندهشت وقلت ان شاء الداعي خير وفعلاً عجبني الموضوع واهم مافيهو الاثارة في الموضوع والتجديد وحسيت حس الصحفي في طرحك للموضوع والمعروف ان شبابنا في الجريف وماحسيتو في الاونة الاخيرة اصبحوا عندهم قضية وهي منطقة الجريف وبقول اااااااامين وكل من يقراء ويتصفح
لك حبي وتقديري

اخونا صلاح قريب الله بركه بالعوده

لعل المانع خير ووين الحي بيك

أبو المريوده

بديع الغريب

ربنا ياخدك وياخدك وياخدك كمان وكمان لاعالي الجنان وربنا يرحم جدنا الكبير نابري
اميييييييييييييييييييييييييييييييييييييييييييييين

الاخ العزيز / ابو تراجــي lol!

العربية الجـديده بتكون بحاله ممتازه ، ويشتهيها كل من مرة حـوله ، ولكن بمجــرد ما تصبح قديمـة تحتاج كل مـرة لمن يمـر بها أن يدفها لكي تدور وتمشي مثل بقية العربات .

كما يأخوي لا تنفشك ريشك كثير ، بكـره بتجـي ماري بتنادي في كل من مـرة بك ، ( ساعدنا وعليك بالدعــاء .. علشان المرأة بتلد أو علشان بنتي ممتحنـه ....... )

ومشتاقين وكل عام وانتم بخيـر .. ولك التحية وللاهل .

والله يا ناس الجريف حكايتكم عجيبة كديه في الاول حلو مشكلة المقابر ولا زايغين منا ده كمان دي مافي منها زوغة

الاخ بدر الحاج لك التحية اينما كنت

» الجلسة الاولي لاعضاء منتدي الجريف بشارع النيل
» مايكتب عن الجريف خارج موقع الجريف شرق
» إنصروا نبيكم رسول الله (ص)
» موقع رسول الله صلى الله عليه وسلم,,,
» منتدي للسياسة