ربنا ياخذ مؤسس منتدي الجريف شرق ان شاء الله

الله ياخذ اللي أسس المنتدى

أرجوا عدم حذف عضويتي قبل إعلامي

قولوا آميـــــــــــن

الله ياخذ من أسس المنتدى ..

وياخذ مشرفين المنتدى ...
وعلى راسهم اولاد النابري ومنير السماني وناس السعودية وكل الجرافة

وياخذ أعضاء المنتدى ...

وياخذ من يقرأ الموضوع ...

وياخذني معاكم

إلى

جنة عرضها السموات والأرض
لاهرم فيها ولامرض
لاتعب فيها ولانصب
لاهم فيها ولاوصب
لاخوف فيها ولا هلع
لاسأم فيها ولاجزع
بعد عمر طويل مديد على الطاعة بإذن الله

اللهم آمـــــــــــــــــيــــــــــــن

هههههههههه قطعت قلبكم ........... تعيشو وتاكلو غيرها

الله ياخدك انت كمان يا بديع وكل اهل الجريف الي الجنة يا رائع

صراحه خوفتنا كل شي ولا الدعاء الا اذا كان بالخير

ربنا يصلح الحال و يهدينا جميعا

إنشاء الله ربنا ياخذنا كلنا بدايةً من استاذنا الخضر إلى أخر مشترك إلى تاريخ اليوم
أمين أمين أمين

والله يابديع ياغريب فى الاول أنا قلت الزول أكيد زعلوه الجماعة بتاعين القنصلية وتانى
حاجة فكرت فى الولد الاسمو عبد الله ودنابرى لانو الايام دى قاعد فى الكرسى الساخن
وبقى ما واعى بحالو وعشان كدا تخيلت إنو أصابك بسهم ولكن الحمدلله بقت أخرها الجنة .

بديع الغريب !!
إزيك .. وازي ابوك وأبو اهلك ..
ربنا يجازيك بقدر ما تتمنى لنا..

ربنا ياخذ مؤسس منتدي الجريف شرق ان شاء الله Untitl10

شوفتك شفاء ...

بديع ياغريب وينك ووين ابداعاتك
والله العظيم وحشتنا بالجد

أبو يارا

[size=24]يــا سلام عـليـك يا بـديـع لكـن خـوفتـنـا ليـنـا بـدر الـقـوم
والحـمـد لله انـه صـبر وقـرأ بالـرغـم مـن انـه المـوضوع طـــويـل التــيـلـة يعنى كـان يمـكن يـستعـين بـقـوات الـقـائد الشـفيع أبــو قـرجـة ويخـلي لـيك المـنـتـدى زى تـمـريـن الشعـلة فى آخـر ربـع سـاعـة كـل جـمـعـة.
ونسأل الله ان تـعم الـدعـوة الجـمـيـع
ودمتم لنـا
خـضر حـسن[/size]

الحبيب بديع .. عودا حميدا اشتقنالك كتير
آميييييييييييييييييييييييييييين يارب
ربنا ياخدنا جميعا يودينا لجناته

اخونا بـــــــــــــــــــــــــــديع الله يبدعبك .. كنا دايرين نخش لفت لكن ربنا ستر

ومرحبا بعودتك والله تستاهل الضبح ..

تحياتي

ياخذك فى المقدمه وتقودنا الى الفردوس الاعلى يارب -----------الله يجزى محنك

الاخوة الاماجد سلامي وتحياتي ومشكورين علي المرور الجميل

- معز اخوي نحاول الان الكتابة باسلوب مختلف حبتين عشان نكسب شوية قراء وكده... براك شايف.

- يابدُر ليك وحشة والسياسي من غيرك حزب امة سااااااي.!!!

- ياعبدالله ودالنابري ماتتغزل لوسمحتا ... هسي في زول يوم واحد قال ليك قميصك اللابسو ده موضة قديمة...!

- عامر اخوي والله مابالايدي حيلة ترتيبات الجية للسودان شاغلانا حبتين وحتماً سنلتقي دعواتك.

- خضر انا كايسك الاقيك وين?

- الزعيم الهندي والله الشوق ده ماظاهر كتر خير البوست الجابك
يا الهليت فرحتا قلوبنا .. لوكلمتنا كانا فرشنا ورود.

- الغالي دوماً حسن ماتستعجل خروفك المغلبك ده اضبحوا لينا راس السنة لاننا اربعة اسابيع وجايينك ابقي جعلي بس.

- عزيزي الطيب بخيت ( احذر انفلونزا الطيور )

تابعت الهجوم الذي كلته علينا و أنا في دهشة
فهذا ليس بديعاً أبدا..
أتابع الأسطر و تفكيري في كيفية رد الهجوم.
فقد يتسامح الفرد حينما تكون الهجمة له
بشكل شخصي.
و لكنك هاجمت الجماعة هنا يختلف الأمر.
ثم أجد هجومك في آخر الأسطر
ينقلب دعاء صالح لنا جميعاً فبإسمهم
لك أسمى التحيات و أطيب الأمنيات
و جعلنا الله و إياكم من أهل الجنة.
وأحمد الله بأننا لم نحاكمك بقانون الطوارئ

بديع الغريب

غريب دومآ

الاخ بــديـع

صــحيح انــك بــــديـــــع و غــــريـــب

اللـه يجــازيك ، ويسامحك .. يأخـي لو كان معانا في زول غـريب ، كان قـــــال انــك بايتى معاه .

والله بالجد لمن فتحت الصفحة وقراءت فى البداية الله ياخذ الاسس المنتدى والمشرفين كمان قلته فى قلبى الزول ده جنة ولاشنو لكن لما نزلت تحت شوية ولقيات انوا الدعوة لاخذ المؤسسين والمشرفين واهل المنتدى للجنة بالجد فرحت وفرحت فرحة بالجد من جوه الاعماق ذى مافى البداية قلبى رجف فى النهاية برضو رجف لكن الاولى ماذى الاخيرة ولاانتى ممامعى فى الشعور ده.

علي قدر ما اصبح هذا المنتدي ملاذ امن استجم فيه من عناء التعب

وعلي قدر ما هو جميل هذا البيت ..
اتمني ان يتم علينا رب العالمين هذا التواصل الرائع دائما

» الجلسة الاولي لاعضاء منتدي الجريف بشارع النيل
» مايكتب عن الجريف خارج موقع الجريف شرق
» إنصروا نبيكم رسول الله (ص)
» موقع رسول الله صلى الله عليه وسلم,,,
» منتدي للسياسة