بشري سارة لمغتربين منتديات الجريف

[img(529px,281px)]

بشري سارة لمغتربين منتديات الجريف 651622623

[/img]
مرحبآ بكم في وكالة اساب للسفر والسياحة
تزاكر علي متن الخطوط العربية وتزاكر علي جميع انواع الخطوط
كما لدينا زيارات دبي شهر وتجدد شهر و14 يوم فيزة حرة

نبيل شكرا ليك على الإعلان والبشرى السمحة دي للمغتربين

لكن يا أخوي دايرين حقنــا في الإعلان ده

خصم خاص لرواد المنتدى ...

اها آآخوانا التذاكر مرقت .. والحجوزات تأكدت...
انشاء الله المنتدى ده لا يفوت لا يموت!

خلاص يا حبيبنا الهندي ليك علي من اول جواز نطلع ليك حق الاعلان بس ياخوي

مايكون حسابكم بي المساحة عشان لو كدا انمشي اصقرو ساي

كون بخير

اخوي عبد الله سلامات حارات

والله حبينا نسهل عليكم تكاليف السفر لي ناس المنتدي بي خطوطنا العربية وانشاء الله لحدي ما نعمل
(طيارة منتديات الجريف شرق)

مشكور علي مرورك ونحنا جاهزين

الاخوه اعضاء منتديات الجريف

اولا هذا الاعلان خاص بالاخوه في
المنتدي تسهيل لكم خاصة الاخوه
المغتربين لانو لمن تجوا السودان بتواجهكم
مشاكل كتيره (ضرايب زكاه خدمات وغيروا )
نحن في وكالة اساب انا والاخ نبيل نعمل في
الوكاله ونقدم لكم الخدمات المميزه
ثانيا القرض الاساسي ما الاعلان للوكاله
لانو اعلاناتنا ماليه السوق
ثالثا
الخدمات التي يمكن ان نقدمها لكم
1/ زيارات شهر وتتجدد شهر
2/زياره 14 يوم ودي خاصه بالتجار
3/خدمات المغتربين من تاجيل اوتقسيط
4/اقامات حره الي دولة الامارات
5/تزاكر علي كل الخطوط
وكالة اساب للسفر والسياحه
وكيل معتمد للخطوط العربيه
ولينا عود
معز السماني

أيواااااااااااا يابلبل ومعز نسيتوني أنا ما شغال معاكم

كويس هاكم الاعلان التاني ده :
يوجد بالوكاله عدد 5 كمبيوترات اي ذول في المقيمين
في السودان داير يخش المنتدي اليجينا بجاي ساي
بس الكمبيوتر بتاع المكتب الفوق خاص بأبو يارا وبس

كتب عامر عبد الوهاب

أيواااااااااااا يابلبل ومعز نسيتوني أنا ما شغال معاكم

كويس هاكم الاعلان التاني ده :
يوجد بالوكاله عدد 5 كمبيوترات اي ذول في المقيمين
في السودان داير يخش المنتدي اليجينا بجاي ساي
بس الكمبيوتر بتاع المكتب الفوق خاص بأبو يارا وبس

سمحه منك يا ابو يارا
بس المكتب الفوق ده
حقك عشان كده ما زكرناهوا
في الاعلان
ولينا عوده
معز السماني

بلبل

من هسه احجز لى فى درجة رجال الاعمالvip
بعد عيد اضحية والحساب بتفعو معز السمانى ود جيرانا

أهاااااااااااا ناس المأكله ظهروا الله يستر

اوههههههههههههههه عرض مغري منكم يا ناس اساب ونحن بنسجل حضور معاكم كان للسفر او للانترنت درجة رجال الاعمال ويا الهندي انسي رسوم الاعلان الناس ديل حيجاملومنا في تذاكر السفر ويا تيسو VIP دي ما ليك انت هههههههههههههههههههههه.

نساليه كتب:: بلبل

من هسه احجز لى فى درجة رجال الاعمالvip
بعد عيد اضحية والحساب بتفعو معز السمانى ود جيرانا

يا شباب إنتو كان مفروض تكتبو في الإعلان
الدين حرمنــا من رؤية الكثيرين
فمنعناهو نهائيا حفاظا على الباقيين

عليكم الله شوفوا جنس الزول ده
جا ناطي من وين داير يسافر وقال الحساب عند معز السماني ود جيرانا

يا تسالية خلي الحركات دي

نبيل احمد علي كتب:: خلاص يا حبيبنا الهندي ليك علي من اول جواز نطلع ليك حق الاعلان بس ياخوي
مايكون حسابكم بي المساحة عشان لو كدا انمشي اصقرو ساي
كون بخير

كبّر ياسيدي إعلانك زي ماعايز ... وأنتم أول وكــــالة سفر لمغتربي منتديات الجريف شرق

اصلو دي حالتو يا الهندي يا اخوي في الحله
مكرهنا كده ربنا يرجعوا ليكم بالسلامه و
ننفكا منو

مرحباً بساب للسفر والسياحة وشكراً كتير يا أخوانا ودالسمانى وصاحب المكتب العلوى
سلام عليكم وفكرة جميلة جداً جداً لكن قصت إنك ما حاتستفيد من هذه الدعاية والاعلان
المجانى ده أنا ما مصدقها لانو شوف كم تزكرة حا تصدر من منتدياتنا الحلوة دى وبرضو
ما حاسدينكم أهو نحن من بيت واحد والفائدة للجميع ولكن قصة طائرة منتديات الجريف
دى ما صعبة شوية كدى خلونا نشوف مشاكل الطائرات الوقعت أول حاجة وبعدين نفكر فى
الموضوع ولا الحكاية شنو يا أخونا فى الله عامر ودعبدالوهاب ويا أخوانا الشخص الاسمو
تسالية ده كان فى طريقة أخرتوه شويه يكون أحسن لينا زمن أضانا صانة وبالنا رايق خلونى
أولاً بالتبادى أنتهى من قصة القنصلية وصاحبها قريب تسالية وفى النهاية الدم واحد .
ملحوظة أحجزولى على الدرجة الاولى 5 أفراد طبعاً عائلة من الطراز الانقازى هههههههههههه
وراجعين

نبيل أحمد على كتب:

مرحبآ بكم في وكالة اساب للسفر والسياحة
تزاكر علي متن الخطوط العربية وتزاكر علي جميع انواع الخطوط
كما لدينا زيارات دبي شهر وتجدد شهر و14 يوم فيزة حرة

الأخوان نبيل / معز / عامر
والله الفكرة جميلة جداً وملعوبة بفكر عالي .. وفعلاً العمل في مجال السفر والسياحة
يعتمد اعتماد كلي على فن الدعاية والإعلان..
وزي ما قال علينا أستاذنا خضر حسن لا بتفوت منا شاردة ولا غزالة واردة .. وربنا نجدكم
مني ومن المفترض تكونوا الأن في قفص محكمة القنصلية والطاقية .. لأنني إشتميت رائحة
دعوة أبو تراجي للقنصلية .. وكما قلت لكم لعبتوها بفكر عالي وبروشور الوكالة هو الذي
أنقذكم وأعطي مصداقية لدعوتكم . وأعتقد أنها دعاية مزدوجة للموقع وللوكالة..
لكم خالص تحياتي يا أبناء الشعلة

والله الفكرة جميلة جداً وملعوبة بفكر عالي .. وفعلاً العمل في مجال السفر والسياحة
يعتمد اعتماد كلي على فن الدعاية والإعلان..
وزي ما قال علينا أستاذنا خضر حسن لا بتفوت منا شاردة ولا غزالة واردة .. وربنا نجدكم
مني ومن المفترض تكونوا الأن في قفص محكمة القنصلية والطاقية .. لأنني إشتميت رائحة
جدى ما تفوتك ناسنا فى جدة واوعى تمتد الى السودان ولكم التحية معز وعامر وكنتم عوننا لنا اتحقق من الرائحة ياجدنا

تسالية ده كان فى طريقة أخرتوه شويه يكون أحسن لينا زمن أضانا صانة وبالنا رايق
والله يابدر ياخوي تسالية بي جاي خلي ساي نحنا مستنين متين يسافر

الجميل عصام والرائع الطيب الامام مشكورين علي مروركم وادفرو الناس الزايقين من الضرائب في السوان وخلوهم يجوا ونحنا جاهزين ليهم انشاء الله وابشرو تب

الهندي بشير نابري كتب:

نساليه كتب:: بلبل

من هسه احجز لى فى درجة رجال الاعمالvip
بعد عيد اضحية والحساب بتفعو معز السمانى ود جيرانا

يا شباب إنتو كان مفروض تكتبو في الإعلان
الدين حرمنــا من رؤية الكثيرين
فمنعناهو نهائيا حفاظا على الباقيين

عليكم الله شوفوا جنس الزول ده
جا ناطي من وين داير يسافر وقال الحساب عند معز السماني ود جيرانا

يا تسالية خلي الحركات دي

الهندى

والله دى باااااااااااااااااااااالغتة فيها عديل

بدر عبد الماجد كتب:: ملحوظة أحجزولى على الدرجة الاولى 5 أفراد طبعاً عائلة من الطراز الانقازى هههههههههههه
وراجعين

معليش يالذيذ
طالما طلبك طراز انقاذى بنقوليك الحجوزات قفلت امشى الخوط البريطانية
او اللفت هانزا(الالمانيه)
لانو طيران العربية ده للناس الغلابة الزى حالتنا
يعنى الانقاذيون ممتنعون
وسلامات يا انقاذىهههههه ههههه هههه

نساليه كتب:

بدر عبد الماجد كتب:: ملحوظة أحجزولى على الدرجة الاولى 5 أفراد طبعاً عائلة من الطراز الانقازى هههههههههههه
وراجعين

معليش يالذيذ
طالما طلبك طراز انقاذى بنقوليك الحجوزات قفلت امشى الخوط البريطانية
او اللفت هانزا(الالمانيه)
لانو طيران العربية ده للناس الغلابة الزى حالتنا
يعنى الانقاذيون ممتنعون
وسلامات يا انقاذىهههههه ههههه هههه

طيب يا تسالية 3 افراد على الطراز البعثى كيف

ولا برضو يمتنعون..............
ههههههههههههههههههههههههههههههههههههههههههههههههههههههز يا ود انته يا سياسى.

اقصد يا غلباوى........................
هى

هاااااااااااااااااااااااااااااااااااك الغلابة دى.......؟؟

كتب تساليه

معليش يالذيذ
طالما طلبك طراز انقاذى بنقوليك الحجوزات قفلت امشى الخوط البريطانية
او اللفت هانزا(الالمانيه)
لانو طيران العربية ده للناس الغلابة الزى حالتنا
يعنى الانقاذيون ممتنعون
وسلامات يا انقاذىهههههه ههههه هههه

[size=24]انت ومعاك ود عبد الماجد

ده جنكم تسيسوا المواضيع
عشان كده نحنا بنقول للمشرفين
مادايرين تعاليق تساليه وبدر
عشان الوكاله ما تقفل لينا
ههههههههههههههههههه
واكان حين بنتلاقي
ولينا عوده
معز السماني [/size]

معز السمانى كتب :
[][size=18نت ومعاك ود عبد الماجد ده جنكم تسيسوا المواضيع
عشان كده نحنا بنقول للمشرفين
مادايرين تعاليق تساليه وبدر
عشان الوكاله ما تقفل لينا
ههههههههههههههههههه
واكان حين بنتلاقي
ولينا عوده
معز السماني

يا ناس ياهووووو نحن بينا إتفاق أنه السياسة موجودة فى كل شىء ّّّ!!!!!!!![/size]

يا نااااااااس هووووووي

اسااااااااااب هووووووي
عايز اقابل مديركم ؟؟؟ عايز فيزا لاخوي
والدفع بالريال ونقدي ما تقولوا هناااااااااي
وتقولوا ما عندنا ؟؟؟ أوع afro

» ملتقى منتديات الجريف شرق
» منتديات الجريف تجمعنا
» بشرى سارة
» مايكتب عن الجريف خارج موقع الجريف شرق
» الجريف