شواطــين المنتــدى

اقتباس :: خـبر عـــاجل... إختـفاء الوجيـــه تسـاليـة منـذ يوم الأحـــد 09/07
والإحتجـاجات قائـمة علـى إشــــاعة حبسـه مـع شـواطــــــين المنتــــدى.. حيث أن سجــــله خــــــالى من الشوائـب ماعـدا بعـــض المنــاكـفــــــات الســــــــــياســـــــية والأغـــــــانى العـــــــــــــاطفية..

ما اعرفه ان تسالية في طريقه للسودان ولعل اختفائه على طريقة ابو تراجي - الوصايا حقات الناس يا ناس - والله يستر !! وما اخشاه ان تطلع الوصايا جوابات واشرطة كاسيت !!!

بســـم الله الـــرحــــمن الـــــــرحـيم

- كدي أول حاجة
إنتم كنتم راكبين شنو ؟ لوري أم بص أم دفار أم حافلة أم هايس أم أمجاد أم
ركشة أم ..... وقبل ما تجاوب إنت يا أستاذ خضر يخيلي حدك الحافلة .. لكن
ناس الهايس وأخواته ديل ما حضرتهم.
2-
الناس ديل ما ممكن يكونوا من أم ضواًبان باي صورة من الصور لأن ناس أم
ضواًبان بيجهزوا للرجبية دي قبل شهر وما ممكن يكونوا من أم ضواً بان
وعاوزين يجو مع ناس الخدر الجايين من رحلة في الفكي هاشم وعاوزين يحصلوا
الرجبية ...والشكية لي الله ناس الرحلة ديل كلهم الجماعة ديل ما عرفوا
منهم واحد .. ده أسمو كلام
كلامـك صــاح ومـعـقــــول يــدل على مـعـرفتـك بالـــبـلد يا أستـاذ عصـام. فالـذى يحـضر لأم ضــواً بـان يوم الـرجـــبـيـة أكــــيد يكـون ضيـــــــف ومسـؤليـة ضيــــافتـه تقــع على عـــــاتـقـك أنت ونــــاس البــــــاسم ... وإحــــنا كنـا راكبيـن لــورى وفعـــلاً مــــاعرفنا فيهــــم زول..لكـن عرفنـاهم كــذابـيـن !!!ويـاسـلام عـلى توضـيحك الـذكـى فى الـفرق فى الكــتابة والـذى يقـودنـا للفـــــــــرق فى النــــطق بين أم ضواُبان ... وأم ضواُ بان.{ الظــاهـر علــيك بتـــــاع شطـرنج}
أستـاذ عصــــام أفكـــــــــــارك فـى محلها أنـا فـارقت الـبلد منـذ العصـر الحـافـلـى... والآن دخــــل السودان فـى العصـر الهايـــسى... يعـنى ظهــــر جـــيل جـديـد من بنى هايـس... بـس قـلبى عــليه تتحــــول السيـن إلى صــــــاد ويبـقـوا بنى هــــــايـص مـع المشـاكل العـويصـة دى ...الـجـريف بـاعوها والمقــــــــابر دفــنـوهــــا ... وخـط بـارلـيف الجـديـد المسـمى بالكبــــرى والـذى يــدخـل عــــــابره فـى إحــدى الـقـائمتيـــن قـائمة أبطــــال العـبور أو قـــــائمة شهــــداء العــــبور.. وقـلبى علـيهم
ورمضـــــــــانكم كـريــــــــم
ودمتم لنـا
خـضر حـسن

الأستاذ خضر حسن كتب:
الهايـــسى... يعـنى ظهــــر جـــيل جـديـد من بنى هايـس... بـس قـلبى عــليه تتحــــول السيـن إلى صــــــاد ويبـقـوا بنى هــــــايـص مـع المشـاكل العـويصـة دى ...الـجـريف بـاعوها والمقــــــــابر دفــنـوهــــا ... وخـط بـارلـيف الجـديـد المسـمى بالكبــــرى والـذى يــدخـل عــــــابره فـى إحــدى الـقـائمتيـــن قـائمة أبطــــال العـبور أو قـــــائمة شهــــداء العــــبور.. وقـلبى علـيهم.

وقلبي عليك وعليهم وعلينا
ولكن ... طبعاً أجمل حاجة إنو المواصلات من الجريف إلى بقية المناطق أصبحت متوفرة وعلى مدار الساعة وفي أيي وقت وما عليك إلا تحديد وجهتك.
ولفت إنتباهي أن هنالك لغة إشارة بين الركاب وأصحاب الحافلات وخلافه وبنفس القدر نفس الإشارة عندما تصدر منك بتحدد للسائق أو الكمساري إتجاهك ،يعني وأنت واقف في المحطة وأتت حافلة لا تنظر لشكلها بل تركيزك نحو الكمساري والسائق أحياناً لأن إشارتهم هي التي تحدد مسار المركبة ..بمعني أنك لو ماشي المحلية لها إشارة وحلة كوكو لها إشارة وبحري لها إشارة والخرطوم لها أشارتين واحد بالكوبري الجديد والأخري بالطريق القديم (حلة كوكو ).
والإشارة تعتمد على أصابع اليد اليمنى بضم الإبهام والوسطى والبنصر والخنصر عدا السبابة والتي يتم تحريكها سواء كان لأعلى أو لتحت أو بالجانبين يمين وشمال .. والغلطة محسوبة عليك لو أتت إشارتك بالأصبع الأوسط .. وبذلك تكون غيرت كل معاني الإشارات ودخلت نفسك في خانة لا يحمد عقباه ..
ومن ضمن الثقافات الجديدة في لغة المواصلات - الكمساري شهرته (بلف) والسائق (جوكي) وصاحب الحافلة ( جلابي)
وهل من مزيد ؟ هاتو العندكم يا شباب .. شكراً يا فردة
وبمناسبة المواصلات دي قبل فترة كنا في تجمع لجمعية أبناء الجريف بالرياض .. وكان حديثنا وسط مجموعة ضمت الأخ الزين محمد خليل ( الصعايدي) وكان الحديث عن الأعمار ومشكلتو هبشني وأختارني من دون الناس وقال عصام ده طبعاً أكبر مننا .. فقلت لها والله يا الزين نحن زمان كنا صغار ونلعب باللساتك والترتارات وكل واحد فينا بيقول أنا الكندو وواحد يقول أن عوض أم كيمة وواحد يقول أنا فلان وأنا فلان .. لكن يالزين أنا واحد من الناس كنت بقول أنا الزين الصعايدي. وعينكم ما تشوف إلا النور ولم فيني شتيمة .. ولكن الجماعة قالوا له إنت الوداك تهبشو شنو .. ولكن بيني وبينكم الزين ما هو كبير .. وله التحية والتجلا أينما كان ..

..بمعني أنك لو ماشي المحلية لها إشارة وحلة كوكو لها إشارة وبحري لها إشارة والخرطوم لها أشارتين واحد بالكوبري الجديد والأخري بالطريق القديم (حلة كوكو ).
والإشارة تعتمد على أصابع اليد اليمنى بضم الإبهام والوسطى والبنصر والخنصر عدا السبابة والتي يتم تحريكها سواء كان لأعلى أو لتحت أو بالجانبين يمين وشمال .. والغلطة محسوبة عليك لو أتت إشارتك بالأصبع الأوسط .. وبذلك تكون غيرت كل معاني الإشارات ودخلت نفسك في خانة لا يحمد عقباه ..
ومن ضمن الثقافات الجديدة في لغة المواصلات - الكمساري شهرته (بلف) والسائق (جوكي) وصاحب الحافلة ( جلابي)
ياعصام انت وكت مثقف قدر كدة المقعداك
هنا شنو ؟؟؟ ياخى ماتعمل ليك صندوق وتصرف الاول وتعمل ليك هايص وتهيص مع الهايصين فى الهايصة !!وعلى الاقل الواحد يضمن يركب معاك ملح لى .......... !!!!
ولامن يجى البلف يكشكش لينا نقوليه نحن تبع الجوكى يا(جوكى ياجلابى )
ابوتراجى الملاحى

بـسم الله الـرحـــمن الـرحــيم
ههههههههههههه هههههههههههههههه ههههههههههههههههه
لكـن ياعــصــــام اللى عملتــــــه فى الـزين الحنظــل ماعمـــــــــله فى أبو تـراجى ههههههه ههههههههههههههههههه
تعـرف يا أبو تراجـى ان قرأت رد عصـام ومشيـــــت السوق ورجعـــــت وجـدتك رديـت على عصـــــام علـى طـريقـة تـوم آنـد جـيـرى ههههههههه.. وعصـام دا فـاهـم كـل لـغـات الشمـاسة يعنى ما بنـقـدر لوبقـى هـو الجـوكى فى الـهـايص كل رواد المنتـــــــتدى بالجــريف حيـركبوا مـــلح.. وتبقى حكـايته زى حكـاية تـاكـسى الصعـايدة: 5 صعـايدة رجعـوا مـن الإغــــــتراب وإشتـــــــروا تـاكسـى وعـشان السواق ما يغـشهم الخـمسة راكبـين مـعاه طـول اليـوم فـى رحـلة البحـث عـن الـركاب.
ورمضـــــانكم كــــــــريم
ودمتم لنـا
خـضر حـسن

بسـم الله الرحـــــــمن الرحــــــيم
إزيـك يا المعـــز وكيفك وكيـف الولــــيد وكيـف جـده
بكون سالتوهم اسئلة مثل
1- اين تقع ام ضوبان : فى الخرطوم ولا امدرمان
2- خليفة ام ضوبان هل هو عبود ولا نميري
3- مين ال قال جريفاتى فوق كتيفاتى هل هو عاصم ام محمد كمال الدين ام ابو مصعب الحمزاوى

جائزتى متبرع بها لقنصلية الجريف (لانو ناس القنصلية بكونو نهبوا كل شى

إجـاباتك حـــــــلوة وطــــريفة
وفى السـؤال الأول الجـــماعـة قالـوا حيستعيــــنوا بخـــــرائــط جـوقـل
وفى الـثانى قـالـوا حيستعيـنـوا بســـــــــلفاكـــير
وفى التالـث قالــــــــوا يشطــــبوا إسمـــــين.
وكتـر خيـرك وجائــزتك طـرف مسـؤول الـنهــب المصـــــــــلح بالقنــــصليـة
ورمضـانك كــــــــريم مع تحـــياتى للعمــــــــــيد وكل الأهــــل
ودمتم لنـا
خـضر حـسن

بسـم الله الرحــمن الرحـيم
الأخ العـزيز بـدر عـــبد المــاجـد شيـــخ شيــــوخ البيــــــــــــت السعــــيـد كتـر خـيرك عـلى الـزيارة فـى الحـراسة المخـصصـة لشـواطـين الـمنتــــــــدى.. وطبعـا أى واحـد مشى المنــتدى ما لقـاك وجـاء الحـراسة يفــتش فيـك أنـا طـمأنته عليـك والحـمد لله أنت ظـهـرت وهـم كلهـم عـارفـــنك مـافـيك كـلام
وبخصــوص الإجـــــــــابـة ..الجمـــــــاعـة ديـل نـاس بسـيطين مـا مـن شـواطــين المنتــــدى الـراكـبين يـاهــو وشـيـطان جـوقــل.
ورمضـــانك كــريم مع تحيـاتى لك ولكـل شيـوخنـا الأجـلاء
ودمتم لنـا
خـضر حـسن

بســم الله الرحــــــــمن الرحـــــــــيم
الشــكــــرإلى جميـــــــــع الإخــــوة الذيــــن وقـفـــــــوا وتـــــــعاطـفوا مـع الإخـوة المحبـــوسين منـذ بـدايـة هـذا الشهــــر الكـــــــــريم بحــــراسة شـواطـــــــين المنـتــــــــدى... والشكـر موصـــول للإخـوة الـذين شـاركـوا فى المسـابقـة تـرفيـها عـن هــؤلاء المحبـــوسـين.
وجمـــــــــيع إجــــــــابات الإخـــــوة كـانـت مـــوفـقـة فـى كيـفيـة معـرفـة سكـــــان أم ضـواً بـان من سكـان خـــط الـفكــــــى هـــــــــاشم.وكـل واحــد يأخـذ نـصـيبــــه مـن الأشـياء المـوجــودة طـرف أبو تـراجى ..وكــتر خــــــــيركـم.

فى إحــدى المـرات كنــا راجــعين مبــكرين من رحــلة فى الـفـكى هــاشم حتى
نحصــل الــرجــبية وفى الطــريق أصــر بعض الــناس على الركــوب بدعــوى
أنهم يسكنــون أم ضــواً بــان. فكيـف تــأكـدنا من كـذب دعواهم.؟؟؟
فـقط طـــــلبنـا منــــهم أن يحــلفوا بــــأنـهم مـن أم ضـــواً بـان فحـــــلفـوا جميـعاً بـصوت واحــــد وحـــــااااااااات الكـــبـاشى إحـــــنا مـن أُمـضـبـان ..وحـــات الكـباشى.
بينـما نـاس أم ضـوا بـان يسـتـرضـونك بى ود بــدر... وحــــــاااات ودبـــدر.
وكتــــــــر خـيرك يا عـبد الله ود أمحـمد ... مـاقـصرت .. وكبـيرنـا الـذى عـــــلمنا السحـر{ سحـــر المنتـدى } أبــومـصـعـب الحمـزاوى .. خـلاص مـرق مـنهـا وجـاااااااااكـم مـاسك مــلف قـضـية الـمقــــــــــــــــابـر... .. وعقـبال للبـاقـيين نـسمـع بخـروجـهم مــن الـقـائمـــة المـشبـــوهــــة
ورمضـــــــــانكـم كــــــــــــريم
ودمتم لنـا
خـضر حـسن

سلام عليكم

اخونا الخضر شكلك لحقتنا امات طه
تقول لى شيل جائزتك من ابو تراجى ما ظنييييييييت لمينا فيها
عوضنا فيها الله
لانو تحت تحت سمعنا انو ابو تراجى عبد الرحمن داير يبقى انفصالى
ونحنا قلنا احسن نتقى الشبهات
مع تحياتنا
معز عبد المنعم خالد

لانو تحت تحت سمعنا انو ابو تراجى عبد الرحمن داير يبقى انفصالى
ونحنا قلنا احسن نتقى الشبهات
والله يامعزمامواكب انت مقطوع من زمن ماكان دى النية لكن هسه انا بقيت انفصالى والشبهات دى لاحقاكم بتمشو منها وين !!!!
بعد شويه الجماعة يلمو فيك !!
اسمك منو ؟؟
اسمى معز
من وين
من الجري
طاخ طاخ طاخ
الجريف ايو طاخ
ماانتوا النحن بنفتش عليكم !!
تعرف عصام طاخ
ايو
تعرف ع
ايو
ابو تراجى ده منو ؟طاخ
مابعرفو طاخ طاخ مابتعرفو كيف يعنى !!
انت مش معاهم فى المنتدى ؟!طاخ
ايو
بتفكروا تعملوا ...طاخ
طاخ طاخ طاخ
وبعد داك يامعز تكره اليوم الجابك المنتدى والسمعتهفيه بالجريف والمناعيل الانفصالين
عصام وابوتراجى وامثالهم
والله يكضب الشينه
وكان مالمنو فينا ومشروعنا نجح اوعدك بانو نديك تخطيط المدن !! شنو ليك
لانو اللقف فيها مضمون ياحبه ويافردة وتاكل الجماعة وتخطط الحضارة والحوش
بسم الله الرحمن الرحيم

الحلمان ابوتراجى

اوعدك بانو نديك تخطيط المدن !! شنو ليك
لانو اللقف فيها مضمون ياحبه ويافردة وتاكل الجماعة وتخطط الحضارة والحوش

اخونا ابو تراجى
تحية طيبة
والله يا اخونا عبد الرحمن لو بتدينى تخطيط المدن انا معاك لكن انا داير ابقى مدير الامن عديل وبكون اسمى معز قوش تب
لكن بس ما يكون وزير الاسكان عصام لو وزير الاسكان الخضر حسن ضمنت حقى
تحياتى لتراجى
معز عبد المنعم خالد

المعــــــز كتــــر خــــيرك عـلى الثــــــقة
وعشـان كـدى رضـيت أكـون وزيــر
لكـــن عـندى ليـــك فكــــرة... زى ما النـاس دى نقـلــت زنـك الخضـار ونقـلت معقـل الإتحــــــــــــاديين السـوق العـربى وجهجهت مـوقـف المواصـلات مـيـة مـرة ...أنـا حـأ نقـــــل الــعاصمـــــــة ذاتـها بعـيييييييييييييييد.. يعنـى مسـافة يـوم ونـص بالمــوبـايـل... والنـاس كلهـا تهـــــاجـر للمحـل الجـديـد وأراضـى الخـرطـــوم ترخـص ومشـروع مـدينـــــة النيـــل الأزرق يطـــــــرشق... والشكـلة فى المقـابـر تقيـف وشــاطـئ الجـريف رمـلتـه تـتطـهر والأمـبدات تسكـنهــــا البـعـــاشيـــم والعمــــارات تبقـى زى سواكـــن...وقـبــــــــل دا نكـــــون سجـلنـا الموقــــع الجـديد تسجــيـل موثـق... ونتـبــــرع بقـطعـة لقـصر الـرئــــيس وقطعــة لفيـلا الـوالـى... ونبيـع باقـى الـواطـة بمـــــزااااج ...وتحـت تحـت نرجــــع نشتـــرى الخـــرطـوم العــــاصـمة القــــديمــة ... وأنصــــــــحـك تـشتـــــرى بـرى والجـريف مرة واحـدة بحـيث يكـون الكــــــبرى دا جســر داخـلى ما بـين بيــــــت النـسوان وبيت الرجـــــال.
لكـن ياأخـوى دا رمضــــــان وكـلمة وزيـر دى عنــــد الله مـافيهـا يـاء
وأحسـن لينـا نـبعــــــد من مصـائب تـوم آنـد جيـرى { أبوتراجى وعصـام}
ودمتم لنـا
خـضر حـسن

اخونا الفاضل الخضر

سلام

لكن صراحة خليتنا نحلم احلام كبيرة خلاص
لكن صحيت على واتزكرت انى لسه ما عملت بيت
وبيقولو المغترب يضيع نصف عمره فى شراء الارض ويضيع نصفه الاخر فى بناءها الظاهر نحنا نصفين ما بيقضونا الا نشوف لينا نصف تالت
يعنى نحى ونموت
( تعريف المغترب هو كائن مسود ماديا - مدمر نفسيا - مرهق جسديا - مشتت عقليا - مظلوم حكوميا - يتصل يوميا - وفى الغالب مختل عقليا

وكان اشتريت بري والجريف نهر النيل ده نعملو مجاري تصريف

اخونا الخضر عرفنا توم وجيري هم عصام وابو تراجي
لكن منو توم ومنو جيري
اخوكم معز عبد المنعم خالد

الحلم ليس بعيب ولا بمحرم إلا ان تكون حدثت مستجدات لم نعرفها بعد ..
الكل له أن يحلم كما يريد ..
ومواصلة لأفكار أستاذنا الخدر ..
كم تمنيت ان يوافقني الأستاذ الخدر والي ولاية الولاية ..
أن نقوم بمسح كل اراضي الخرطوم
إلا مناطق اركويت والرياض والمعمورة .. وبعض مناطق شرق النيل ..
دي خلوها بيجاي بنجيها بعدين ..
ويقوم يكسر كل الوزارات المالية لينا حتة الموية بتاعة الزراعة ..
ويقولوا كدا يودوها لينا الجزيرة .. ولا الإم بي سي ..
ويجيبوا ناس الجزيرة المزارعين يقعدوا جنب شارع النيل
وجنب الموية ويزرعوا ونشوف بعملوا شنو ..
وبعدين ياخ أنا حتة إنو اركويت دي تكون هنا دي ما عاجباني يا الخدر ..
نقوم نخصصها شنو وووو؟؟؟ ومطار الخرطوم دا والله كرهنا وعطل حركتنا ..
ياخي بسببه الواحد يضيع يومه كله .. يلا نقم يا الخدي نشيل المطار دا بييييييييي واطاته ..
ما دايرنها اي ما دايرنها ملعون ابوه كرهنا ياخ .. نوديه تشاد ..
وبعدين يقولوا ليك صالحة بعيدة للكبري .. ياخ إت كل يوم بتسافر ؟؟ ما كل سنة سنتين عشرة مرة .. شنو يعني لو ودوه ليك هناااااااااااااااااااااااك ؟؟
يااااااا الخدر اخوك عطش حبة اقيف بجيك تاني .. داير امش اتوضأ
كان أجقم لي جقيمات موية في الوضوء ..
وسلم لي على ابو تراجي وعصام وباقي الحلوين ..

ودمتم في امان الله ...

خضر حسن الفضل كتب:: بسـم الله الـرحـمن الـرحيــــــــــم

فعلا افتقدنا هؤلا الكوكبه الرائعه وفي انتظار عودتهم والعود احمدو انشاءالله

بالنسبه للمسابقه الجماعه ديل اكونوا جاين من حفله ومايكونوا عارف في رجبيه اصلا

حـــسن!!! معــقـول؟؟؟؟
حـمد لله عـلى السلامة يــــا راجـل... تـعرف أنـا دخـلت الليـلة مبــــــــــــكراً لكـى أعــلـن لنـاس المنتـدى الخبـر المؤسف بالـقـبض عليـك ومن 3 جـهات
1-جهـة دولــــــــــية أسأت فهـم علاقــتك بجابـر بن حـيان وإفتكـرتك إنـك حـسن كيماوى
2- مصـــــلحـة الأراضى ... لمطـالبتـك بإعتـماد بنـد العادات الجـرافية فى تــوزيـع الأراضى السودانية.
3- الـشؤون الديـنـية- قـسم الـمواريـث... تفضـيل البــــنت عـلى الــولد.
ولكـن الحـمد لله جـات سلـيمة وأنـا وخالك عمــــر عمـلنـا أتصـالات مكـوكـية والـبركة فى لاكـازا.

الاستاذ الخدر اسعد الله ايامك

انا كنت مافي لي كم يوم لاني ذهبت الى اطهر وانقى واجمل مكان في العالم لاداء العمره ,
وربنا يوعدك انشاء الله اه عرفتوا ؟؟؟؟؟

القبض علي من ثلاثه جهات ههههههههههه انت عارف اسبابك دي ذي اسباب المدعي العام لمحكمة الجنايات الدوليه اوكامبوا وناس المنتدى مابسلموا شعره ليك ؟؟؟سوف نسير في مشروعنا الحضاري ومابنتنازل عنه ابدا

العم الغالي خضر حسن

والاخوان عامة
السلام عليكم ورحمة الله وبركاته
وكل عام وانتم خير معين للجريف وبكم يستنير هذا المنتدي
الحمد لله لنا اهل واخوان في الله يتفقدونا اذا لم نحضر ونحمد الله
ونشكره ونشكر كل مقام بهذا المنتدي ونخص بالشكر والكبار واركان
واعمدت هذا المنتدي .
العم خضر حسن
الاخ الاكبر عصام عبد الصادق
العم البشير عبدالله
الطيب بخيت
عمر حسن حمزه
ابو تراجي

وباقي ضباط وضباط الصف والجنود من الشباب
وعبر هذا البوست
ارسل تحياتي للاخ منير السماني
والاخ تساليه والذي هو الان بالسودان الحمد لله
والاخ الزين كوف بالمناسبة الزين كوف اصبح صوفي على السكين
والاخ ود الجريف وهو بالهند
والدكتور ابن العم بابكر عباس الامين والاخوان عامة
ولكم خالص الشكر والعرفان

[color=brown][size=24][b]أخوي ود ريا حبابك بعد العودة
والله كلامك كلو حنية ومحنة وفعلا كلام واحد مشتاق شديد .. وبيني وبينك العَبرة بفتح العين وقفت لى في حلقي .. وما إنفكت هذه العَبرة وطارت طيرة الريش من الدريش إلا بعد أن شاهدت إسم أبو تراجي ضمن القائمة .. لك التحية أين ما كنت ومرحباً بقلمك وسط الحضور..
ود ريا يلحقني وفوق تندة اللوري يجدعني .. وطبعاً أستاذ خضر بيعرف اللوري ماش وين .. ولكنأخونا مستكا ما اظنيتو يجيب خبر..

أخوي ود ريا حبابك بعد العودة
والله كلامك كلو حنية ومحنة وفعلا كلام واحد مشتاق شديد .. وبيني وبينك العَبرة بفتح العين وقفت لى في حلقي .. وما إنفكت هذه العَبرة وطارت طيرة الريش من الدريش إلا بعد أن شاهدت إسم أبو تراجي ضمن القائمة .. لك التحية أين ما كنت ومرحباً بقلمك وسط الحضور..
ود ريا يلحقني وفوق تندة اللوري يجدعني .. وطبعاً أستاذ خضر بيعرف اللوري ماش وين .. ولكنأخونا مستكا ما اظنيتو يجيب خبر..

وليد عثمان علي سنقد كتب:: بالمناسبة السمحة دي .. ود نابري وين ؟؟
ودمتم لنا ...

قااااااعد مصنقع على قفاهو يقهقه من الضحك
اريتك انت طيب الباقي كلو هين

خضر حسن الفضل كتب:: وكلـمة صـدقة دى جـات من المعــانى المتقــــــــــاطعـة من اسـم هـبة صـاحـبتك+ هـدية بنت عمتـها+الـمسكينة صـــدقة والتى لايقبــــل أحـد أن يسـمى فـلذة كبـده عليـها ..بالـــرغم من أنــــها هـى الـوحيدة الـداخلة الجـنة قـبـل أخـواتها.
ورمضــانك كـريم.
ودمتم لنـا
خـضر حـسن

والله ياعمنا الخضر تفسير يجنن .. وخصوصا هي الداخلة الجنه قبلا أخواتها

ابو تراجى كتب:: [size=]لانو تحت تحت سمعنا انو ابو تراجى عبد الرحمن داير يبقى انفصالى
ونحنا قلنا احسن نتقى الشبهات [/size]
والله يامعزمامواكب انت مقطوع من زمن ماكان دى النية لكن هسه انا بقيت انفصالى والشبهات دى لاحقاكم بتمشو منها وين !!!!
بعد شويه الجماعة يلمو فيك !!
اسمك منو ؟؟
اسمى معز
من وين
من الجري
طاخ طاخ طاخ
الجريف ايو طاخ
ماانتوا النحن بنفتش عليكم !!
تعرف عصام طاخ
ايو
تعرف ع
ايو
ابو تراجى ده منو ؟طاخ
مابعرفو طاخ طاخ مابتعرفو كيف يعنى !!
انت مش معاهم فى المنتدى ؟!طاخ
ايو
بتفكروا تعملوا ...طاخ
طاخ طاخ طاخ
وبعد داك يامعز تكره اليوم الجابك المنتدى والسمعتهفيه بالجريف والمناعيل الانفصالين
عصام وابوتراجى وامثالهم
والله يكضب الشينه
وكان مالمنو فينا ومشروعنا نجح اوعدك بانو نديك تخطيط المدن !! شنو ليك
لانو اللقف فيها مضمون ياحبه ويافردة وتاكل الجماعة وتخطط الحضارة والحوش
بسم الله الرحمن الرحيم

الحلمان ابوتراجى

والله الليله يا أبو تراجي جبتها كبيره شديد ههههه
المهم أنا عندي معاك اتفاك بالباطن ان شاء الله ما تكون ناسيهو
طاخ طاخ طاخ الحقوني أنا لحقت امات طه

عصام عبدالصادق كتب:: [b]ود ريا يلحقني وفوق تندة اللوري يجدعني .. وطبعاً أستاذ خضر بيعرف اللوري ماش وين .. ولكنأخونا مستكا ما اظنيتو يجيب خبر..

[size=18]
[color=blue]قصة اللوري دي كلمني بيها الحاج حسن فضل وقال لي ماشي
على الشيخ البرعي وفي الدرب فيها غشوه لأم روابه

وهنـــا أعلن حضور دائم ولا منقطع ان شاء الله
وفكينا الإعتكاف والعكفان وأريتنا نعتكف ونتعنكف ونلحق ود العبيد
مديدة .... شوف بالله داير أقول مدد مرقت في مديده
غايتو الحمد لله على مراد الله مدد ياود العبيد مدد تزيل البينا والعلينا

الهـندى انت مـالك هـباش كـدى؟؟
دا أنـا صهـينت مـن كـلام عـصام وعمـلت فـيهـا زول مــودرن لـم أرتـكب خـــطـيئة التـشعـلق فى اللــــوارى عـبر الـبـرارى والضهـارى... وكلمـة الضـهـــارى يطـلقهـا سكـان أم روابـة على القـرى والحـلال المجـاورة لهـم... وأم روابـة مبنـية بأيدى جـرافـية وبإشراف العـم عـباس الأمين حيث ان جـدنا حـسن عـبد الـرحـمن عليه رحـمة الله من مـؤسسى أم روابـة وأول مـن عـمل كمـائن طـوب بهـا حيث بـاع دكـانه بالخـرطوم جـوار استـديو بـابـا وشمـال الجـامـع الكـبير مـوقـع صـيدليـة العـاصمة المثلثة سابقــاً وفـندق آراك حــــالـيـاً وخـالنـا حـمدنالله أحـمد عـثمـان عليه رحـمة الله كـان مـن أكبر تجـار أم روابـة ومتجـره يحـمل الرقـم 1 في تـرقـيم الـمتــاجـر بسوق أم روابة.. وتمتـاز أم روابـة بأن بهـا احـلى مـياه عـذبة بالسـودان وبهـا معـاصر الزيـوت وأهـلها يشبهــونـها بمـديـنة المنـصـورة المصـرية من حيث تمازج سكـانها من مخـتلف قبــائـل شمـال السودان مـع بعضهـم بالزواج .
و السـفـرلزريـبة الشيـخ الـبرعـى عليـه رحـمة الله يكـون مـن أم درمـان ولأنى لم اوفـق باللحـاق بالبـص فقـد نصحـونى بالسفر لكـوستى ومنها للــــزريبـة... وامضيـت ليـلتى فى كـوستى وفى الصـباح قالوا لى لاتــوجـد مواصلات للزريـبة إلا من أم روابة وفى أم روابـة قـالوا لى لازم تـرجـع تـركب مـن كوستى... و قلـت أستـفيـد من وجــودى بأم روابـة وذهـبت لمنـزل خـالى المرحـوم حـمـدنالله وخـطـبت بنتـه لأخى الحـاج .
ورمضـانكم كــــــريم
ودمتم لنـا
خـضر حـسن

من وجــودى بأم روابـة وذهـبت لمنـزل خـالى المرحـوم حـمـدنالله وخـطـبت بنتـه لأخى الحـاج .مبروك يااستاذ هذه المهنة الجميلة (تدبيس راسين فى ظرف )بس سؤال الدبس
الشريف عبدالصادق وعصام عبدالصادق ياربى يكون منو؟!!
حقوق التدبيس محفوظة
الدبوس ابوتراجى