شواطــين المنتــدى

بسم الله الرحمــن الــرحــيم
بعض الأقــلام العزيزة عليــنا إختفــت فى رمضــان طوعاً أو كــرها لست أدرى والبعض يظهــر مثل البـرق على سبيــل المثال بــدر وود ريا ومعتصــم وناس رولاندو والجرافى والأقلام الجــديـدة وديل طبعاً أكيييييييييييييييييييييييييييييييد من العاكفيــن.
وناس ود العبيد من العاكفين عليها. لكن الهنــدى عاكف على شنوا!!!
وأخوات المنتــدى طبعـــاً مشغولات بمشروع إفــطار الصائــم
لكن المحيــرنى أبو تراجى حيث أنه يظــهر ليــلاً ثم يخــتفى قبــل الكــشةّ!!! بالرغـم من انى إستخرجت فتوى رسميــة تثبت بأنه من مــلائــكة المنتــدى.
لكن هاكــم الخبــر العجيـــب دا:ــ مـن مصــدر سرى

صاحبك أبو مصعب الحمزاوي مشفر وما قادر يدخل الموقع .. وبيني وبينك
كمان والدنيا رمضان ولو ما صائم كنت قلت لك بإنو تحت .. تحت سمعت إنو
أولاد نابري الهندي وعبدالله تكالبوا عليه وشفروه ولو ملاحظ كان تسجيله
عمر حسن حمزة بالإنجليزي .. ولكن مجرد ما حولوه بالعربي .. صاحبنا لا قادر
يدخل الموقع ولا قادر يرد ... ومواضيع كثيرة طالقة النار فيهو .. عشان كدة
بي معرفتك بعبدالله ود نابري وخصوصاً غشتو ساهلة حاول حل موضوع أو مصعب ده
.. لأاني لو تدخلت أنا في الموضوع .. إمكن أبو مصعب ده تاني ما تسمع بيهو
أبداً.

يـا الشفيــــع ويا مبارك حصــلوا .... ويـا صديــق النعــمة جيب عكازك وأنسى رمضــان.
لكـــن كدى روقــوا المنقــة لأن أبومصــعب هو جــد لـعبدالله ود أمحمــد ودنــابــرى والولــد دا حنييييييين وعــاوز جــدوا يعتكــف فى رمضــان مع النــاس اللى فوووق.وتانى كمــان ماتنسوا إنــه تعــريب إسمه حكايــة معقــدة شويــة لأنه ممكــن يكون تحــول من الإنجــليزية إلى الألــمانية لغــته العمــلية أو تحــول إلى الفــرنسية عنــدما زارنى ثم تحــول إلى التشيكية أو الــروسية عنــدما زار مــبارك الجـــزولى فى بــراغ وبعــد شويــة سوف يتحــول إلى اللهجــة المغــربية وأنا هنـــا مستعــد للتــرجمة.
ودمتم لنــا
خضــر حســن

لكن المحيــرنى أبو تراجى حيث أنه يظــهر ليــلاً ثم يخــتفى قبــل الكــشةّ!!! بالرغـم من انى إستخرجت فتوى رسميــة تثبت بأنه من مــلائــكة المنتــدى.
الاستاذ خضر ادام الله بقاءك رافقك من تحب فى الجنه
والله فتوتك دى كويسه جداً معاى لانها سوف تشعل نار الحقد فى نفوس من لا يرانى كما ترى (وكل اناء بما فيه ينضح ) تاكيد انك ملاك فى شكل انسان
وكنت سوف اتناول مشكلة اخونا ابو مصعب الحمزاوى مع المنتدى بعد ان تبروعوا ال نابرى بترجمة وتعريب اسمه ولكن بحمد الله قد لمست انت المرض بامل من ال نابرى استرداد تبرعهم ليواصل سفير المنتدى الدخول عبر اسم الاجنبى
وهذا الامر قد سبب الارق لسفيرنا ابو مصعب الحمزاوى ولمست هذا عند حضوره المشرف لافطار جدة ممثلاً لاهل الرياض يوم الخميس الماضى الرابع من رمضان نرجو سحب التبرع ليعود هذا الفارس
ولنا مشكله فى اللغة المغربية نامل منك ترجمة بعض المفردات

ومشكوراستاذنا خضر

ورمضان كريم

ابوتراجى

بسم الله الرحمن الرحيم ...
يا ود نعيم اللصحا هميم ...
بسم الله يا ساتر من الدعاتر !!!
استاذنا الخضر دخلت على البوست ده وعنوانه شواطين المنتدى فقلنا نعمل التعويذة دي

اقتباس :

يا سلام على ناس ود العبيد انته عارف الزول لحدي الان يكون ما مصدق .. وبالنسبة لاخونا الهندي ود البشير عمي ده حكايتو متأخرة شوية .. بس اطمنك الراجل بخير وهو فعلا ماسكو الشديد القوي .
ناس ابو تراجي ديل ما ناس حظر التجول زاتم -- وهو مطلوب في بوست اخر لحدي الان ما ظهر لعصام الروحو حرقتو ويا ابو تراجي شوف ليك بلد !!

اقتباس :: لكـــن كدى روقــوا المنقــة لأن أبومصــعب هو جــد لـعبدالله ود أمحمــد ودنــابــرى والولــد دا حنييييييين وعــاوز جــدوا يعتكــف فى رمضــان مع النــاس اللى فوووق

ياخي صبرك عليهو شوية الزول ده جاييكم وبمهلة ورواقة بال ورمضان لسه باقيلو كتير والاعتكاف ده بيكون في العشر الاواخر نحن لسه وفي العشرة الاوائل!!!

كتب ابو تراجي :

اقتباس :: وكنت سوف اتناول مشكلة اخونا ابو مصعب الحمزاوى مع المنتدى بعد ان تبروعوا ال نابرى بترجمة وتعريب اسمه ولكن بحمد الله قد لمست انت المرض بامل من ال نابرى استرداد تبرعهم ليواصل سفير المنتدى الدخول عبر اسم الاجنبى

اول حاجة حمدلله على ظهورك .. واوعه تمش الجريف العام بالنهار عصام منتظرك وشائل السيف!!
الحاجة التانية بالنسبة لاخونا وروحنا ابو مصعب الحمزاوي انت شائف استاذنا الخضر كتب عنو بكم لغة ونحن عدلنا اسمو فعلا بس ما عارفين بياتو لغة !!
اما الدخول عن طريق الاسم الاجنبي فده مرفوض تماما ..
لا..لاااااااااااا.. لا للتدخل الاجبني .. ودي قضية وطن ياخي!!!
عمر حسن حمزة .. اسمك رنان!!!

بسـم الله الــرحمن الــرحيم

بسم الله الرحمن الرحيم ...
يا ود نعيم اللصحا هميم ...
بسم الله يا ساتر من الدعاتر !!!
استاذنا الخضر دخلت على البوست ده وعنوانه شواطين المنتدى فقلنا نعمل التعويذة دي

يا عــبد الله تعويــذتـك دى سمــحة وشافيــة وكــافيــة لــكن الــمقطـع الأول.!!!.كان تذكــرمعاه شيخنا وشيــخ:ـــ ناس ودريا وبدر وحبــوبات ودسنــقد وآل حــاج الطيب بالمنـتــدى بقيــادة عصــام... بالمنــاسبـة آل حاج الطيب من أكبر الأسر الــداعــمة لخــلاوى القــرآن بأم ضــواً بــان.. وابنهم عثمان عــبد الصــادق تمت تسميته على الخــليفة عثمان وتــم أيضــاً بحمــد الله عــقد زواجــه على يـد الخــليفة عثمان
وكل سكان الجــريف وشرق النــيل من ماهم صــغار أهلهم يبــركــوهم ويبخــروهم بفاتحــة شيوخ أم ضــواً بـان .. ويا الخــليفــة يــوسف ويا ود بــدر.. تلحــقونــا
و الــتأ ثر بالأولــياء والشيــوخ يدل على التديــن الفــطرى لــدى المجــتمع السودانى ومن اسم أى سودانى تقــدر تــحدد شيخ أسرتــه مثـلاً بــدر ...يوسـف ... عثــمان ... الــعِبيد .. ابــراهــيم .. الكــباشى .. الفــادنى.
فــرفشة :ــ مسابقة رمضــانية
فى إحــدى المـرات كنــا راجــعين مبــكرين من رحــلة فى الـفـكى هــاشم حتى نحصــل الــرجــبية وفى الطــريق أصــر بعض الــناس على الركــوب بدعــوى أنهم يسكنــون أم ضــواً بــان. فكيـف تــأكـدنا من كـذب دعواهم.؟؟؟
شروط المسابقــة وجــوائزها:ــ
*تذكــر الإجــابات على هذ البوست.
الجــوائز من الأشياء القيــمة التى أرسلها الأخ عصام عبــد الصــادق ومازالت موجـودة طرف ملاك المنتــدى أبو تــراجى { راجـع بوست إشاعة لعبــدالله ود أمــحمد نــابــرى وموثقة ملكيتها لعصام طبقـأ لمكالمــات عبر شركــة زيــن.
حفــل التــوزيع سيكــون بـكازينــو الــراكــوبة وتحــت رعاية المبتهج مستكا وعامــر عــبد الوهاب وفــرقته.
ورمضــان كــريم
ودمتم لنـا
خــضر حــسن

ملاك المنتــدى مشكور على هذا اللقب الذى انت اهل له لا انا وكثيرين هنا يستحقون هذا اللقب
اما بخصوص المسابقه الحل بسيط يااستاذى اكيد كانت اسماءهم من نوع (عصام ود سنقد وهيثم .......الخ )لانو ذى ماقلت (ومن اسم أى سودانى تقــدر تــحدد شيخ أسرتــه )
والتحية للجميع
وفى حالة فوزى بالجوائز نامل تسليمها الى ود سنقد ومعتصم بابكر مناصفه
تخريمه
ماعارف ترجعوا الكراسات والاقلام من حسبو حسين حاج الطيب ام يدفع قيمتها للفائز
ابوتراجى

كتــر خـــيرك يا أبو تــراجى حــلك معقـــول لكــن فى حــــل تــانى ونــدى فـــرصة لبقيــة الأخــوان
لكــن معــقـول ياجــماعــة حسبو يطــلب من عــصام المغتـــــرب حــاجــات زى دى!!!
انــا سمعــت أنــه فى كـــمـــسارى فى الخـــط طلــــب من عــــصام حـــافلة بى سواقهــا!!!
ورمضــان كــــريم
والبوست مستــــمر حتى إطــلاق ســراح كل المقــبوضــين فى رمضـــــان نــاس أبـــو مصــعب و الكـــــردى وبــديع الغــريب والــسنهــورى وقرشى التــوم وتيــتا عــوض وحــسن عوض وأبعــاجــات والحــاج ود الــرشيـــد وكل الغــــائبين مع دخـول رمضــان
ورمضــــان كــــريم
ودمتم لنــا خــضر حــسن

كتب الخضر حسن

اقتباس :: فــرفشة :ــ مسابقة رمضــانية
فى إحــدى المـرات كنــا راجــعين مبــكرين من رحــلة فى الـفـكى هــاشم حتى نحصــل الــرجــبية وفى الطــريق أصــر بعض الــناس على الركــوب بدعــوى أنهم يسكنــون أم ضــواً بــان. فكيـف تــأكـدنا من كـذب دعواهم.؟؟؟

انا عندي الحل يا استاذ وهو ..

طبعا انتو كان معاكم نوبة في عربية الزبير ود الجيلاني وقلتو للجماعة خلاص انتو كان من ام ضواً بان تعالوا جلدو لينا في النوبة دي شوية .. وطبعا الجماعة ما عرفو عشان كدي انتم عرفتم انو الجماعة ديل ما عندهم اي علاقة بأم ضواً بان..
بس المشكلة يا استاذ انو الجوائز بتاعتك ما مغرية لانها وحسب - افادة ابو تراجي - عبارة عن كراسات واقلام رصاص!!

والبوست مستــــمر حتى إطــلاق ســراح كل المقــبوضــين فى رمضـــــان نــاس أبـــو مصــعب و الكـــــردى وبــديع الغــريب والــسنهــورى وقرشى التــوم وتيــتا عــوض وحــسن عوض وأبعــاجــات والحــاج ود الــرشيـــد وكل الغــــائبين مع دخـول رمضــان
ياربى يكونوا ................؟!!!
طيب لوماماسكينهم مالهم ؟!!!
وكان................ عصام عبدالصادق ده الفاكيه شنو ؟؟؟؟؟؟؟
السؤال ده محول الى اولاد الشيوخ زى الكان صاحبى وتاب الطيب بخيب
ابوتراجى

[size=18]استاذ الخضر سلامات

فعلا افتقدنا هؤلا الكوكبه الرائعه وفي انتظار عودتهم والعود احمدو انشاءالله

بالنسبه للمسابقه الجماعه ديل اكونوا جاين من حفله ومايكونوا عارف في رجبيه اصلا !![/size]http://scotland.indymedia.org/usermedia/video/6/alshaglin_towmv.wmv

تحياتي حسن

الوو الووو الو

ايوا معاك

منو معاي ؟؟ هبة ؟؟

لا يا سيدي أنا الخدر ..

انا داير هبة ..

هبه ما في الليلة ..

خلاص عوضنا الله .. ممكن اشترك ؟؟

جدا اسمك وسنك وسكنك ..

انا ود سنقد .. والإجابة هي الناس ديل يكونوا بعد ما نزلوا ..

ضحكوا فيكم وقالوا ليكم وييييييييييييييي نحن غشيناكم نحن ما من أمضواً بان .

وبعد ما نزلوا مشوا على فريق اولاد باعو ..

جداً يا ود سنقد .. حاتسمع الإجا ...

لو سمحت معاي اخوي بله داير يشترك ..

جدا..

الو الإجابة هي كنتوا بتتونسوا معاهم .. ولقوكم طيبين ولطيفين وقاموا إعترفوا ليكم ..

جدا يا بله شكرا ..

معاي اخوي داير يشترك ..

تيت تيت تيت تيت (قطع .. مخير الله)

ودمتم في أمان الله ...

]أستاذى الفاضل وأخى الاكبر خضر حسن والاخوة جميعاً رمضان كريم

أخى خضر يطارد الوقت الانسان فلا يسمح له بانجاز كل ما يحلم به فى هذه الحياة وحلمى بأن اكون معكم
دوماً بدون إنقطاع فى هذا البيت السعيد ونسبة لظروف عملية أجبرتنى على هذا الغياب الذى لا أرغب فيه
أبداً وطمعى بالوجود معكم دوماً .

جميلا ان توكد لكل المارين على هذا البوست باننا أبناء الصوفية ونحن صوفيون حتى النخاع وكما زكرت
من منا لاينسب لتلك الجماعة الطاهرة النقية كقلوب أباءنا الشيوخ الذين سمين عليهم ونتمنا أن كون مثلهم
الشيخ ودبدر -الخليفة عثمان -الفادنى على باب المثال ولك الشكر أستاذى على هذه الاريحية وأنت تبحر
بنا من الفكى هاشم إلى أموضواً بان .

ياربى الجماعة ديل كانوا من شواطين المنتدى أتمنى أن أنال الجائزة حتى لو كانت
أقلام وكراسات عشان ناس أبوتراجى ما يكتبوا إلا سقف !!

وراجعين[/size][/size]

بســم الله الــــرحمن الــــرحيم

انتو كان معاكم نوبة في عربية الزبير ود الجيلاني وقلتو للجماعة خلاص انتو
كان من ام ضواً بان تعالوا جلدو لينا في النوبة دي شوية .. وطبعا الجماعة
ما عرفو عشان كدي انتم عرفتم انو الجماعة ديل ما عندهم اي علاقة بأم ضواً
بان..
بس المشكلة يا استاذ انو الجوائز بتاعتك ما مغرية لانها وحسب - افادة ابو تراجي - عبارة عن كراسات واقلام رصاص!! رواه عـبد الله محـمد نـابرى

والله يا ود أمحمد الحـل بتـاعـك فكـرته لطيفـة وذكيـة والــزبيـر الجــــيلانى دا صـــاحبـــى شـديـد وقـربت أديـك الجــــــــائزة لأنه فعـلا اللى ما بيعــــــــــرف يجــــــــــلد النـوبة لا علاقــة له بإم ضـواً بـان لكـن أتـذكـرت أنه ما كان معـانا نوبة. كـدى نشوف أفكـاربقيـة الأخـوان
بخصــــــــوص الجــــــــــوائز منتظـرين عصــام يحــــــدد بماذا وصـى أبـوتراجى
لآنـه مولانـا محـمد كمـــــــــال الـدين عمم فتـــــــوى موثقة من عمـك البـشير أبــــو الهنــــــدى المحـبوس ظلـماً ..الفتـوى تقـــــــول أن كل نزاع مـادى أو عينى فى المنتـدى تؤول ملكـية العين للمنتـدى.
ورمضـــــــــــانكم كـــــريم
ودمتم لنـا
خـضر حـسن

بسـم الله الـرحـمن الـرحيــــــــــم

فعلا افتقدنا هؤلا الكوكبه الرائعه وفي انتظار عودتهم والعود احمدو انشاءالله

بالنسبه للمسابقه الجماعه ديل اكونوا جاين من حفله ومايكونوا عارف في رجبيه اصلا

حـــسن!!! معــقـول؟؟؟؟
حـمد لله عـلى السلامة يــــا راجـل... تـعرف أنـا دخـلت الليـلة مبــــــــــــكراً لكـى أعــلـن لنـاس المنتـدى الخبـر المؤسف بالـقـبض عليـك ومن 3 جـهات
1-جهـة دولــــــــــية أسأت فهـم علاقــتك بجابـر بن حـيان وإفتكـرتك إنـك حـسن كيماوى
2- مصـــــلحـة الأراضى ... لمطـالبتـك بإعتـماد بنـد العادات الجـرافية فى تــوزيـع الأراضى السودانية.
3- الـشؤون الديـنـية- قـسم الـمواريـث... تفضـيل البــــنت عـلى الــولد.
ولكـن الحـمد لله جـات سلـيمة وأنـا وخالك عمــــر عمـلنـا أتصـالات مكـوكـية والـبركة فى لاكـازا.
وبـل ريـقك فكـرتك فى الحـل لـذيذة وطـريفة... لكـن نصبـــــر شـوية نشوف أفكـار بقيـة الـجماعـة
ورمضــانكم كـريم
ودمتم لنـا
خــضر حـسن

سلام عليكم

طبعا اخونا الخضر
بكون سالتوهم اسئلة مثل
1- اين تقع ام ضوبان : فى الخرطوم ولا امدرمان
2- خليفة ام ضوبان هل هو عبود ولا نميري
3- مين ال قال جريفاتى فوق كتيفاتى هل هو عاصم ام محمد كمال الدين ام ابو مصعب الحمزاوى

جائزتى متبرع بها لقنصلية الجريف (لانو ناس القنصلية بكونو نهبوا كل شى ha ha

)

مسابقة رمضــانية
فى إحــدى المـرات كنــا راجــعين مبــكرين من رحــلة فى الـفـكى هــاشم حتى نحصــل الــرجــبية وفى الطــريق أصــر بعض الــناس على الركــوب بدعــوى أنهم يسكنــون أم ضــواً بــان. فكيـف تــأكـدنا من كـذب دعواهم.؟؟؟

1- كدي أول حاجة إنتم كنتم راكبين شنو ؟ لوري أم بص أم دفار أم حافلة أم هايس أم أمجاد أم ركشة أم ..... وقبل ما تجاوب إنت يا أستاذ خضر يخيلي حدك الحافلة .. لكن ناس الهايس وأخواته ديل ما حضرتهم.
2- الناس ديل ما ممكن يكونوا من أم ضواًبان باي صورة من الصور لأن ناس أم ضواًبان بيجهزوا للرجبية دي قبل شهر وما ممكن يكونوا من أم ضواً بان وعاوزين يجو مع ناس الخدر الجايين من رحلة في الفكي هاشم وعاوزين يحصلوا الرجبية ...والشكية لي الله ناس الرحلة ديل كلهم الجماعة ديل ما عرفوا منهم واحد .. ده أسمو كلام

أستاذ خضر في مداخلتي السابقة ركز على كلمة أم ضواًبان الاولى والثانية على لساني والثالثة على لسانهم أم ضواً بان .. والتحية لأهلنا وشيوخنا ناس أم ضبان

بـسم الله الـرحمن الــرحـيم

أنا ود سنقد .. والإجابة هي الناس ديل يكونوا بعد ما نزلوا ..

ضحكوا فيكم وقالوا ليكم وييييييييييييييي نحن غشيناكم نحن ما من أمضواً بان .

الو الإجابة هي كنتوا بتتونسوا معاهم .. ولقوكم طيبين ولطيفين وقاموا إعترفوا ليكم ..

ودسـنقد حـبابـك... أنـا عـــاااااااااااارفـك الأيــام دى مـركلس مع معتـصم بــابــكـر وضــاربين كـندشـة فـندق الـقصـر عـشان كـدى مـرطــــــــب ودايـر هـــبة.. لكـن هـبة مـرقت مـع هـدية ولو عـاوز صـدقة ممكـن نديـك ليها لأنـه دا مــوسمها ... الـصحـيح فى إجابتـك أننا فعلا تـونسنـا معاهم لكـن بعـد ما كشفناهم ... وهـم مـا من أولاد باعــو وممكن تتــــــــأكد من محـمد بـاعو وهو الأيـام دى مش هـارب إنـما قـاعـد يـضحـك على المحـبوسين.
وكفايـــــة تلفـــــــــــون معتــــــــــصم دا ما تلحـسوه كـله... ومبـروك عـليكم أبو تراجى قال لـو فـاز الجـائـزة ليك ولى صـاحـبك معتــــــصم... يابختـــــكم جاتـكم باااااااااردة هبـة وهــديـة وصــــدقة كـمان... مـدد يا أبو تـراجى مـدد .
ورمضــــــــان كـريم علـيكم
ودمتم لنـا
خـضر حـسن

مـدد يا أبو تـراجى مـدد مشكور يا استاذى على منحى الجائزة وكما وقلت متبرع بيها الى ود سنقد ومعتصم بس داير ودسنقد يقر ويعترف ؟؟!!!!!
وبالمناسنة بتاعت الشيوخ دى انا ود شيوخ (عبدالرحمن الحادو ) للداير يعرف اسمى جاى من وين ؟؟!!!
مش زى الاسماء التى ليس لها اى انتماء
(ودسنقد وعصام ومعتصم و.......)
كنت داير اكتب هيثم بس لقيت فى الفكى هاشم والفكى هيثم والفكى ود حسين والفكى محجوب والفكى حسن الفضل وحسن ودالفكى يوسف ولهم جميعاً التجلا والتقدير وكل عام والجميع بخير
ابوتراجى الحادو

جائزتى متبرع بها لقنصلية الجريف (لانو ناس القنصلية بكونو نهبوا كل شى
هوووووو يامعز هوووووياوداستاذعبدالمنعم اخير ليك تدفع لينا ضرائبكم ومساهماتك الوطنية وكل الالتزامات (دمغة جريح وقناةفضائية وترعتى الرهد وكنانه وخلافه ) وتبطل الاتهامات الما عندك ليها (دليل ولا الضوء)
وبعدين تفتش الجوائز
قال جائزتى متبرع بها لقنصلية الجريف
تلبدو بالقروش وتتبرعوا بى الكراسات
كويس والله!!!!
الحادو ابوتراجى

سلام عليكم

اخونا عبد الرحمن خلينا نروق شوية من الضرائب
ياداب السفارة وقفتها تجى انت تقول ادفعو ضرائب
انت وقت داير تاخد نصيبك
تجى بعد شنو
بعد ما الجماعة ضربو كل حاجه
خلينا اول حاجه النفوز بجائزة الاستاذ خضر لاننا نصيبنا من الشنطة الى الان ما جانا
شكلو شنطة العزابة استولى عليها ابو مصعب الحمزاوى وعصام
وده كله لانو الخضر ما رسل لى التوكيل
وبعد داك نفكر نديك الضرائب يا ابو تراجى
معز عبد المنعم خالد

مشكور يا ابو تراجي ..
انا تديني قميص أصور بيه ؟؟ معقولة بس ؟؟
بالنسبة للشيخ ما في كلام يا عمنا ات اكيييييييييييد ود شيوخ .. لكن ...
قالوا النار تلد الرماد (بعد التحسين) ..
لكن قالوا ليه ابدا النار تلد الجمر .. لكن ابوتراجي ـ هي اقصد ـ الجمر برااااااااااه ببقى رماد ..
بغادي :
يااااا الخدر أنا توكلني الصدقة ؟؟
يعني الواحد لما يطالب بحقه يا جماعة يقول ليه هاك دي صدقة؟؟
يا جماعة انا هديتي دي خليتها لي ابو تراجي دا ..
وكدا يا ابو تراجي تبقى كم حاجة خليتها ليك ؟؟ حاسب؟؟؟

وربنا يديم عليكم نعمة الصحة والعافية ..
بالمناسبة السمحة دي .. ود نابري وين ؟؟

ودمتم لنا ...

ود سنـقد حبـابك يـارائـع
حـاشاك ما بتـاكل الـــــــصدقة...
وعــارفك أخـــــــو أخـوان وعشــــا ضيـفـان..
وجـدودك من زمـان ليهـم ضـوء يهـدئ الحـيران...
وقدحــــك مـليــــاااااان يغـدى نـــاس الـراكـوبة فى رمضـان..
ولـك كل الشكـــــر عـلى مـداد قـلمك الظــــــريف والـذى يشكـــــل لنــا واحـة تفـرج الهـم
وكلـمة صـدقة دى جـات من المعــانى المتقــــــــــاطعـة من اسـم هـبة صـاحـبتك+ هـدية بنت عمتـها+الـمسكينة صـــدقة والتى لايقبــــل أحـد أن يسـمى فـلذة كبـده عليـها ..بالـــرغم من أنــــها هـى الـوحيدة الـداخلة الجـنة قـبـل أخـواتها.
ورمضــانك كـريم.
ودمتم لنـا
خـضر حـسن

لا كان كدي يا الخدر صدقتك مقبولة تب ..

وراكوبتكم هواها باااااااااااااااااااارد ..
بس دايرة عنقريب هبابة وتخته تحت النيمة ديييك ..
والعصافير فوق الشجر يغردن ليك سيمفونية النوم ..
وتتمدد على العنقريب بعد ما تشرب كباية قهوتك بالنسكافية ..
واحمد ود النمير يشرب سيجارته بمزااااااااااااااااااج .. ويمش يخليك برااااااااااااااك ..
تصارع في النسمات العليلة وتغالب النوم حتى تسترخي تماماً وتمعن النظر في السماء الصافية ..
وفجأة يجي عصام يطمم بطنك .. ويقول ليك ارح المقابر ..
فلان داك مات ..

ودمتم لنا ولها ..

بسـم الله الـــرحمن الـرحـيم
ودسـنقــد ههههههههههههههههههه ههههههههههههههههههه
والعصافير فوق الشجر يغردن ليك سيمفونية النوم
تعـرف يا ود سـنقـد عنـدنا هـنا فى متـاجــــر متخصصـة فـى بيــــع العطــــور الطبيعيـــــة والبخــــور وكـل ما يســاعد المــــــرء عـلى الإستـرخــــــاء والنــــوم الهــــــــادى فى جـو طبيعـى مثـل سيديـهات مسجـــــــل عليهــــا أصوات العصـــــــافير ... صــــــــــــوت البحـــــــــر... حفيــــــف أوراق الغـــــابة.... وجهـــــاز يسخــــــن المــــاء وتنقــــط عليـه 5 نقـــاط من عطــــــر مخصــــوص يعمـل ضبـــاب معطــــــر ... يعنى أى جـو تحـلم بأن تنــــــام فيــــــــه تجـــد مؤثـراتـه موجـــــــــودة....لكــن زول يصحــيك عشـان تمشــــــى المقابـر دى حـق بـرأة إختـراعهـا محفـوظ ليـك ولعصـام تخصص إزعــــاج العبـــــــــاد ... حـرب ... فـن الفـلق بالحجــارة عـلى طـريقة حـاج عـــــلى... الـدعـوة للغــــداء فى رمضـــــــان جهــــــــاراً نهـــــــاراً... منــــاكـفات مـع أبو تـراجى عـلى طــريقة تـوم وجيـــرى.
خـبر عـــاجل... إختـفاء الوجيـــه تسـاليـة منـذ يوم الأحـــد 09/07
والإحتجـاجات قائـمة علـى إشــــاعة حبسـه مـع شـواطــــــين المنتــــدى.. حيث أن سجــــله خــــــالى من الشوائـب ماعـدا بعـــض المنــاكـفــــــات الســــــــــياســـــــية والأغـــــــانى العـــــــــــــاطفية..
ورمضـــانكم كـريــــــــــم
ودمتم لنـا
خـضر حـسن