قنصلية الجريف

والله اقتراحك في محله

أنت كلك قنصلية بدون ما نكتب على باب شقتك

ود خالك ظهر في المنتدى

مشكورين على المرور
الهندى وحسن وودسنقد
والطيب بخيت ومنير
بدر اخوى المرور دة مابحلك من مشروعنا النهبى المتحضر
شاحد الله يجيبك عندنا
عشان تشوف المشروع بتاعنا
وعينك ماتشوف الا النور
حضارى اه
كويس !!!!
ابوتراجى وانصارو

الهندي ود نابري كتب:

أبو تراجي بدر عبدالماجد ده مسنود
وما بنقدر كلو كلو صدقني

والله الا يكون مسنود بى شعبه(كسر على الشين ومفتوح العين والهاء )
صاحبى ده يقوم يقراءها (مسنود بشعبه (الجماهير ) ويصدق روحو وينزل الانتخابات !!!!
ابو تراجى

[ quote="بدر عبد الماجد"] إقتراح جميل جداً جداً يا أبوتمارا

فاليكن أول مشروع سوف يتم تحت إدارتكم الموقرة (كبرى المشاه بكبرى الجريف شرق (المنشية )

قول تم يا أبو تراجى
ويا حسن نحن أبناء المشروع الحضارى !!
وراجعين [/quote]
كبرى المشاة دة يابدر
مشروع مابنطلع بى وراهو بى اى شى (موتر مابجيبو لينا )
دايرين الهبر (السمينه )بلغة الحراميه الفى السودان
عشان نعمل زى الجماعة (تبنى عمائر وتعمل عربات وكرشه وجيه )
ونكتب على ابواب العمائر (اما بنعمة ربك فحدث )
بعد داك نشوق كلام ودسنقد جريح وفضائية وترعة السليت وام دوم
ابو تراجى

حسن كتب:

الرائع ابوتراجي لك الود



ياخوي قنصليتك دي فيها دمغة جريح وقناة الجريف الفضائيه



وطريق الانقاذ وكبري مشاة ووووو



بطلو حركات الكيزان دي ....ويابدر اوعك تمر !!





انت قول فاتحه صدقه جاريه كدا الواحد ممكن يمر



مشكور ياكريم ويازوق



لك التجله والاحترام



حسن

معليش دة حسن القال الجريح وووووووو
ياودسنقد
خلينا نشوف اسماء جديدة للجبايات دى
وبتشوفوا

ابوتراجى

ود رياء كتب:

قنصلية الجريف شرق بجدة

كلام جميل
الظاهر اسعار الايجار مرتفعة بجدة كما بالدمام هههههههههههههههه
هل هي قنصلية تخص الجريف ام تخص المعارضة ؟
من دخل دار أبو تراجي اصبح معارض هههههههههههههههههه
وبخصوص الموارد ( تقصد التحويل الاجباري ) ؟
شكلك عايز تظهر في التلفزيون عشان وتستقل القنصلية في اعمال معارضة
ويحرك البشير مجموعة من المساعدين المالهم لازم لكي يوقعون معك اتفاقية هههههههههههههههههههههههههههههههههههههههه.
الموضوع جميل

والله ود اختى دة شاكر جداً وفهما طائرة
بس باقى الكلام بتاعك التحت دة
انا مافكرت فيه جاء كدة
وكويس معانا
بس الخوف من المساعدين والكماسرة والسماسرة
ابو تراجى

[quote="muizk"]ابو تراجى

غايتو كرشه بتعملها لكن قروش وعمارات ما ظنيت

لك التحية وانت لحالك قنصلية

فوضناك لكى تقوم بكل ما يخص الجريف شرق
ونعمة من الله انك قدرت تتحمل السكن فى جده
الله يعينك
معز عبد المنعم [/quote]

يامعز اخوى
كرش بدون قرش
زى السرير بدون فرش

تفوضونا حسه وبعدين
كلامكم بكتر
(سرق قروشنا وووووووو)
وانت قروشكم دى ماتجيب قطرة لوجع العيون
لكن الزمن داك تقولو ا الكرش دى بى قروش
القنصلية والفضائية ودمغة ووووووو
مشكور حبيبنا
الله يديك العافية
وتحياتنا للوالد والاولاد

ابو تراجى

يامعز اخوى
كرش بدون قرش
زى السرير بدون فرش

تفوضونا حسه وبعدين
كلامكم بكتر
(سرق قروشنا وووووووو)
وانت قروشكم دى ماتجيب قطرة لوجع العيون
لكن الزمن داك تقولو ا الكرش دى بى قروش
القنصلية والفضائية ودمغة ووووووو
مشكور حبيبنا
الله يديك العافية
وتحياتنا للوالد والاولاد

ابو تراجى [/size]

[[size=29]size=29]كما ننوه للسادة الجرافة والاحبه بان الافطار السنوى بجدة يوم الخميس من كل اسبوع طوال شهر رمضان
بحدائق المطار القديم ويشرفنا بحضور الافطار الاول
عمر حسن حمزة ممثل الرياض واحمد عثمان ممثل قطر وبكرى عبدالله عابد ممثل الامارات فالشكر لهم
ابوتراجى
أنا كــنت فاكــر إنه القنصــلية دى إشــاعــة
لكن بعد ظهــور هذه الأســماء الدبــــلوماســية اللامــعة ومن دول مختــلفة فما عــلى الجميــع إلا مبــايــعة أبو تراجى مستشــاراًعامــاً
شكــراً ســعادة المستــشــار/ عبد الرحمن يــس حسيــن
وأنبهك بأن لا تقبل بلفظة قنصل إطلاقاً حتى لا تقع فى المحظورلأن هذه الكــلمة:ـــ
لو قرأتها من دون الحرف الأخير تكون قنـص
ولو قرأت الحرفين الأواخر عكــسيــاُ تكــون لص.
ولو قرأتها من دون النـون واللام تكون قص.
ولو قرأتها من دون القاف تكون نــصل.[ الحافة الحــادة للقطــع] فكلمــة قنصــل تحوى كل المــعانــى التــى تــسهل الوصــول لجيــوب المــغتــربين. و حاشــاك من الِقــرش والكــرش.
ودمتم لنـــا
خضر حســن[/size][/size]

[size=24]ذهب الشاعر الكبير الجاغريو إلى عرس وفقد منديله (اتسرق منه) ..
فما كان منه إلا أن كتب قصيدة في هذه المناسبة وفي الوقت نفسه والغريب انو المنديل سرقه ولد صغير وبعد أن وجدوهو طلبوا منه أن يعفو عن الطفل ففعل وهذا جزء من القصيدة.
منديلي الراح منــــــي والشالو ما يهنـــــــــي
ود عيسى الفي المسيد أبوي لحاق بعيـــــــــد
منديلي مــــــــــو تقليد الشالو إشل الإيـــــــــد
،،،،،،،،،،،
يا برير ويا التقـــــــــر والشالو لي ماقـــــــــر
الشالو يضوق سم الدقر وكمان أبوه يكون عقر
،،،،،،،،،،،
يا الحبر الدافعـــــــــــا اب ضيفتن نابعـــــــــا
تشيل روحو التابعـــــا وإشيلوهوا الأربعـــــــا
،،،،،،،،،،،
يا رجال أم مرحــــــي قولوا لي الرخا أفرحي
وماتسهي وتسرحـــــي والشالو إتمحــــــــــــي
،،،،،،،،،،،
يا حمد عصاية السيف هيا للمنديل أقيــــــــــف
الشالو يصبح ضيــــف في الشبر الما نضيـــف
،،،،،،،،،،،
يا ودحسونة الحـــــــار ياصاحب الـــــــــدردار
منديلي في الــــــــودار أخلوهو من الــــــــــدار
،،،،،،،،،،،
يا الصالحين هِمَــــــــو في مكة إتلمـــــــــــــــو
القشا بي فمـــــــــــــــو تحرق حشا أمــــــــــــو
أيها الأحباب هذه مقدمة فقط لموضوع زيارتي للقنصل أبو تراجي وقنصلية جدة
حيث أنني فقدت خلال هذه الزيارة طاقيتي العزيزة إلى نفسي .. وفي رمضان وفي ليلة 27 (لا حول ولا قوة إلا بالله )
عموماً سوف أسطر إنطباعي عن هذه الزيارة بعد أن ترتاح نفسي قليلاً من هذه الصدمة.
لك التحية أخي أبو تراجي ولأسرتك الكريمة وكل عام والجميع بخير [/size]

يا الشيخ حسن ود حسونة يا سيد البنية
يا الشيخ ودبدر أدع لى الله بروحك القوية
وشوف لى موضوع الطاقية
أصل الحكاية والقضية فى الليلة القدرية بداخل القنصلية وإنتهت بسرقة الطاقية
المجننى الطاقية جاية هدية
يا الشيخ ود بدر أبقالى ضرية من راعى القنصلية
وناس جدة السوها فى المنتدى ماهى شوية


يا ود عبد الصادق أعقد النية والقدروا عليها ناس شيخ ودبدر ماهى شوية

البياض أدفعه للحوار بديع الغريب بالدولار الكندى

وراجعين