موضوع: نقابة الركشات وحبيبنا الوالى وبعض الحقائق الأربعاء 04 فبراير 2009, 11:54 am
مناكفة الما عندو قضية بالكورة فى حاجات فهمها حيبقى صعب شوية
قال ليك الدنيا مسخنة سخانة شديدة والكهرباء قاطعة .. دخل واحد سمين لى مكتب جمال الوالى شنبو مترين وكرشو التقول صهريج .. دخل توووش وقال السلام جاكم الوالى : حبابك طبعاً الوالى قايلو رجل أعمال وعاوز يعمل معاهو ( بزنس ) لأنو شاف الكرشه قايله كرشة زول مقرش أب كرشه : كيفك يا زعيم الوالى : أى خدمه أب كرشه : معاك رئيس نقابة الركشات الوالى : واها المطلوب ؟ أب كرشه : عاوزين مباراة مع المريخ الوالى : مباراة عديل كده أب كرشه : ايوه صاحبنا الوالى حرم لا قدر يضحك لا قدر يبكى الوالى : طيب مؤهلاتكم شنو عشان تلعبوا مع المريخ ؟ أب كرشه : ها زول ها مؤهلاتنا خليها ساى .. أول حاجة طقطقنا ليك نقابة البصات وطقطقنا ليك نقابة الحافلات وبعد كم يوم عندنا مباراة مع نقابة الطيارات على كأس الخبير ( شده ) الوالى : هو ( شده ) عملو ليهو كأس ؟ أب كرشه : والله ما عارفو لكن ده السمعناهو الوالى : هو ( شده ) ده الله يديهو الصحة والعافية لو فارقنا الممتاز ده تانى الا نشوفو بعد الطابق العشرين أب كرشه : حرم مره كده شده ده مشينا ليهو عشان يلعبنا فى الممتاز قام قال لينا ممكن تلعبوا فى الممتاز لكن بشرط .. قلنا ليهو شنو ؟ قال النقابة بتاعتكم لازم تكون ركشاتها كلها مصنوعة فى السودان ونسمح ليكم بى تلاتة ركشات مستورده فقط .. قلنا ليهو السودان ما بصنع ركشات قام طردنا !! الوالى : البركه أب كرشه : آآى متذكرو جاب فيكم القون الغلبكم من حى العرب الوالى : لا .. لا أنا قاصد البركه ( شده ) الما لعبكم فى الممتاز أب كرشه : اها يا زعيم حدد لينا موعد عشان نلعب المباراة معاكم الوالى : يا باشا نحن فريقنا بلعب فى بطولة الابطال الافريقية كيف نلعب معاكم انتو التعبانين ديل ؟!!!! أب كرشه : ياهو التمهيدى ده ولا واحد غيرو ؟ حرم ده نحن ما بنلعب فيهو الوالى حرقتو وبعد تعب قدر يبلعه الوالى : متأسف ما حنقدر نلعب معاكم أب كرشه : طيب انتو قبل كده ما لعبتوا مع فريق نقابة المواتر التشادى وأداكم اتنين صفر زى السم الوالى : يا زول ده فريق القطن التشادى ما فريق نقابة المواتر أب كرشه : طيب المواتر دى شنو الكان سمعنا بيها الوقت داك ؟ الوالى : ده الموتر بتاع المدرب التشادى لأنو ما كان عندو عربية أب كرشه : هئ هئ هئ هئ فريق مدربو عندو موتر ومديكم اتنين طيب انا بى ركشتى الموديل دى نديكم كم ؟ عمنا الوالى الشغلانية حرقتو فى قلبو الوالى : يا زول ما عاوزين نلعب معاكم عديل كده ونحن النقابات والشركات ما بنلعب معاهم أب كرشه : لا بالله غشيتنى .. طيب انتو قريب ما لعبتوا مع شركة السفن أب ؟ حبيبنا الوالى هنا قرب يغمى عليهو وردد فى سرو الزول البلاء ده جانا من وين ؟؟!!!! الوالى : لا .. لا ده فريق السبعات الاردنى .. أقصد الوحدات الاردنى أب كرشه : عاوز تدقسنى يا الوالى البلد كانت كلها مليانة صور سفن أب .. طيب الوحدات الاردنى ده علاقتو شنو بالسفن أب ؟؟ الوالى : والله دى ما بقدر أقولها ليك عجبك عجبك ما عجبك أقع الحفرة؟ أب كرشه : وهسى انا ما جاييك عشان أقع الحفره الوالى فى سرو ( إنعل أ .................ك ) أب كرشه : ممكن نتنازل عن مباراتنا معاكم لكن بى شرط الوالى : أشرط ساى طلباتكم كلها مجابة الا المباراة دى أب كرشه : مع علاقاتك والقروش الكتييييرة دى عاوزنك تساعدنا عشان نرقى نقابة الركشات ونعملها نقابة التاكسى الوالى هنا إتكهرب وقال ليهو قلت لى نحدد مباراتكم معانا متين ؟ أب كرشه : هئ هئ هئ ما قلتوا أبطال يا تمهيداب يا بتاعين الكنفدرالية
مصطفى المحسى
الطيب الامام الطيب قلم ذهبي
عدد الرسائل : 1225 العمر : 51 الاقامة : السعودية المهنة : محاسب مزاجك اليوم : تاريخ التسجيل : 27/07/2008
موضوع: رد: نقابة الركشات وحبيبنا الوالى وبعض الحقائق الخميس 05 فبراير 2009, 9:18 am
والله حوار جميل وانا من الناس الذين ليس لهم علاقة بالكورة والرياضة من زمن طارق وسيماوى وتنقا والايام دى بشوف بلبل يركب فى صور المستوردين من براء ولكن اقولك مصطفى والله انا خايف فرق الدرجة الاخيرة هى قصدى الاوله لو لعبوا معهم نقابة السفرجية بغلبوهم من المهزله البنشوفها
محمد زين نابري قلم ذهبي
عدد الرسائل : 1514 العمر : 44 الاقامة : الجريف شرق المهنة : مهندس ستديو تلفزيون السودان مزاجك اليوم : تاريخ التسجيل : 03/12/2007
موضوع: رد: نقابة الركشات وحبيبنا الوالى وبعض الحقائق الخميس 05 فبراير 2009, 12:21 pm
شكرا جزيلا مصطفي المحسي وين انت يا راجل مختفي بس بهناك في منتديات سيد البلد محتاجنك معانا هنا رغم انو مافي وصيفاب بناقشو بس وجودك ضروري
