والله يا اخوي الطيب احساسي كده انك اليومين ديل غرقان لي شوشتك الله يصبرك ويجبر خاطرك وتلقي مرادك ويحنن خلقوا علينا وعليك
والحكاية زي الولادة بالضبط الم ومخاض ويا طلع جنبن مكتمل او جنين مشوه يتعب ويتعب الحوالينو
والجنين المكتمل عافية وصحة يسعد ويسعد المعاهو
انا عندي كلام قلتو من سنين لي واحده اهدت لي كرت معايده مكتوب فيهو احبك حبا ابديا
قلت ليها
وأنا
أي حب لك عندي
أبدي .. سرمدي ... لانهائي
لست ادري
غير انك كنتي
ثم صرتي
ثم دمتي
كل شيء هو عندي
وما تقلب علينا المواجع نحنا ناس بكاين بالحيل