خرج ولم يعود

خرج المدعو حافظ عبيد من منزل زويه بالدمام ولم يعود حتى الان وظن البعض انه قدشد الرحال الى السودان وقد جاءنى افادتة عدم وصوله اليها حتى الان اوصافه كالاتى (الاوصاف قديمه شويه من كم سنه كدة )
ضعيف جداً واحرف جزار مايطلع منو ربع كيلو
عيونه عسليه وثاقبه فىالحاظها
شعرو سبيبى ومايل الى الرمادى وذلك من فعل مياة الخليج العربى
ولونه كلون سنابل القمع الانقازى اسف اعنى القمح الشمالى
نامل من الجميع البحث
سليم و راجح العقل
له حسابات بنكيه فى كل البنوك
مما يساعد فى دفع الحوافز لمن يعثر عليه
امانينا برجوعه قريباً
ابو تراجى

[size=29]بسم الله الرحمن الرحيم

خرج المدعو حافظ عبيد من منزل ذويه بالدمام ولم يعود حتى الان
ضعيف جداً واحرف جزار مايطلع منو ربع كيلو { ليه ؟؟؟أصله هو مغترب فى السعودية ولا المسعودية}

زولك دا يا ابوتراجى أنا شفته ماشى وعنده حمى اسمها حمى العرس وطارت ليه فى رأسه وهو دلوقت راقد فى بساط الريح فى نادى العولمة والجماعة ناس الهندى وبدر سفسفوا قروشه كلها وعملوا ليه عيزومة السفرجى بتاعها الشيف المصرى أسامة السيد وعشان مشاكل الطيران السودانى هو وشلته متحركين ب Google&Yhoo وطبعاً دى المواصلات الوحيدة التى توصلك له
ودمتم لنا
الخِِِِِِِِِِِِِِِِدر[/size]

بركه الجيت
ياود البخيت
المن زمن الخرتيت
وين الحى بيك ؟؟
والجابك انشاءالله يجيب
ود العبيد!!!
مشتاقين
بالله شوقى داير يبقينى شاعر!!

ابوتراجى

[size=24]

أخوي ابو تراجي أخيراً وجدت حافظ في ليلة إيهاب مع جمع كبير من الأخوان .. وحقيقة كانت ليلة مشهودة شكلوا فيها الجرافة أكبر ملحمة للتراحم والتعاضض .. وكانت فرصة أن ألتقي بعدد كبير من الأخوان بعد أن تباعدت المسافات بيننا بسبب ظروفنا وظروفهم ولكن ظل الود والحب والإحترام متواجد.

والمسكين حافظ وقع في الكمين وتم إحضاره بواسطة اخطر رجل عرفته البشرية (خالد شريف) وبحضور الأخ الطيب بخيت .

لكن بيني وبينك الضرب في الميت حرام .. وطبعاً أنا مقدر وضعه وخصوصاً أستاذ خضر لفت إنتباهنا من قبل وقال زولك دا يا ابوتراجى أنا شفته ماشى وعنده حمى اسمها حمى العرس وطارت ليه فى رأسه وهو دلوقت راقد فى بساط الريح.

وبالفعل هذه الملاحظة هي الواقع .

عشان كدة يا جماعة الخير توصوا خيراً بالحافظ ومن الصعب أن يعوض .. ومهمتك إنت يا أبو تراجي أن تكمل الباقي وأشركنى معك لتكملة باقي السناريو.. والله يستر.

[/size]