من البطانة إلى الاهل بالجريف

سلام سلام ياسلوة الذوق والجمال والروقة
زينة وسمحة عاجبانى الضفائر فوقا
سنك بيضة القمرى البيسجع قوقا
وطتنى ام لهيب بى حسرة قاعد فوقا
***********
سلام سلام ياملكة الجيل الابوكى الشيخ
سلام ياالفدنة مربوعة ومشيك مليخ
سلام يا العندك قوانين الادب تاريخ
سلام ياالغيرك الجيل كلو عندى مسيخ
**********
الليله قلبى الليلة راحل من مساكنو الفيها
فاقد العكرت دمى وصفاى بى تيها
ان جلست امام البنظرولها وجيهة
مى قوالة تقرن فى الحديث غير جيهة
**********
الزول المبوبح عنقو مو متانى
االم فيا ياودموسى حبو شوانى
دى المشاطة ماخدا اسبوعا فى التحتانى
جود ياخالقو لسع ماانبدا الفوقانى
*********
جاتك امانة يامشاطة يا خد كم زمن ديس الكنينة مشاطها
ياخد عشرة يوم ويوما معاهو نشاطة
كلو مكرماهو وفى الفرقة عاملة تلاتة

هععععععع
سلام سلام ياسلوة الذوق والجمال والروقة
زينة وسمحة عاجبانى الضفائر فوقا
سنك بيضة القمرى البيسجع قوقا
وطتنى ام لهيب بى حسرة قاعد فوقا
تقول لي عوض دكام و ماعارف منو..

اقتباس :: الليله قلبى الليلة راحل من مساكنو الفيها
فاقد العكرت دمى وصفاى بى تيها
ان جلست امام البنظرولها وجيهة
مى قوالة تقرن فى الحديث غير جيهة

والله ناس البطانه لهم حق بنجلدو بالسوط وكت يسمعو الكلام المتل ده
نحنا السوط ده مامعانا دايرين نعرض ساي لكن خايفين نكسر اقسام المنتدى ده
والحكايه تتلخبط ... شكرار هميما ليك يا ود ريا والله الكلام عجبني شديد
والمساحة البتعكس بلاغة أهلنا

ياسلام ياهل الزوق الاخوان ronaldo والهندي مشكورين على المرور الجميل ولكم التحية وانتم تعطرون سماء هذا المنتدي .

ودرياء المسكين

البارح كـــــلام الناس بدور يـفــــرقنا
كلــــو مرق كضب عقبا صفينا ورقنا
الدرعه ام شلوخا سته مالكه عشقنا
تتمايل متل قصبة مناصح الحـــــــقنه
ود ريا

سلام شباب

الشمس خوخت بردن ليالي الحرة
والبراق برق منا جاب القرة
شوف عيني الصقير بي جناحو كفت الفرة
تلقاها ام خدود الليلة مرقت برة
********
تعرف لي مشاهيد الرقاد والفرة
فلاخ المصب بيه متين تتوري
فوق حيا فوق من الصعيد منجرة
ياباسط النعم تسقيها هادي المرة
********
أب عراق فتق قرنو المبادر شرة
والباشندي عمت مهششيب الدرة
من النقرة كل حين فوق عليو منصرة
وها الايام محاريها القليعة ام غرة

الله عليكم ياشباب يارائعين بس عندى ملاحظات فى الكلمات
الشم خوخت بردن ليالى الحرة
والبراق برق من منا جابت قرة
واظن هى كدة ياودرياء اخوى
ابوتراجى

لك التحية أخونا ودريا

سلام سلام ياملكة الجيل الأبوكى الشيخ

لك التحية مجدداً وانت تحى فينا شجاعة وفراسة روح البطانةا لمتمثلة فى( أبونا الشيخ )!!!!!!
وراجعين

الاخوان أبو تراجي وبدر عبد الماجد
ياخوان والله كل يوم قاعدين تعقدوا فينا وتبرهنون لينا إنكم ناس رائعين وزوق جداً ولكم منا خالص الشكر والتقدير (ويابوتراجي انت على حق لكن حسب الفنان )هههههههههههههههه

ودريا العاشق

شوفو النعمة السالت فوق قيزان الرملة
ناس البندر لبن الشاي بالعملة
سمح الخمج الفوق أسيادو
سمح العز المن أجدادو
الجنيات المشو ما عادو
كان بالردة أكان اتنادو
غرب حامد وشرق بلة
كانوا بحلبو الضرع الدلة
كانوا بحضرو الخير القدحو معلا
الجنيات ما كفرت بنعمة الله
بالحيل آ جني إيه والله
ذات في يوم والغيمة تهتّف مطرا نقّع
فوق نوار الطلح الفقع

» شعر البطانة
» صلة المغترب بالجريف
» أهم الاخبار بالجريف شرق
» الدوري العام بالجريف شرق
» نادي السلام الشامل بالجريف شرق