فتاة طالبة عريس

ود رياء كتب:

طالبة عريس
فتاة بجامعة القاهرة الفرع



بلاش عربيــــة خصوصي مالو الكداري دا هســـع
بلاش من شبكة وشيلة بي أبســط حاجة بنقنع
البيت ماشــــــرط عمارة دي مظاهر ساكت تخدع
لي جنة نضيرة نحــــــول البيـــت الخرب البجمـــع
ما شـــــرط تجيب تلاجة كفاية الزيـــــــــــر البنقع

ود ريا
سلام
يارب من خشمك لاضان حواء قول امييييييييييييييييييييين

[size=29] {مد رجليك قـــــدر لحافك وشوف ليك طـورية وأزرع}...شاعرنا ودرياء ... قصيدتك زى ما قال وليدنا الهندى :تعكس الواقع المؤلم فى قالب فكاهى .
الحل شنوا البنات دايرات العرس والأولاد خايفين من [ سفة أم العروس ].
وزى ما قالك معتصم بابكر أنت مقيم فى السعودية وخارج دائرة الغبش.
يعنى خرجت من آل سعوط إلى آل سعود ..وهنا ام العروس[ بتسفك] عبر البحار عن طريق بنتها. ويا الهندى {بتطمن} من الإطمئنان... فى نفسك بكلمة موش؟؟ جيب ليك من الهند عروسات ليك و لناس المنتدى... وبعد داك تعال شوف فى واحد منهم بتذكر ليك مقابر ناصر ولا الكمائن؟؟ويكون عندنا منتدى راقص كله موسيقى وافراح وعلى بنات السودان السلام الشامل.
وانا عارف أنه دى مؤامرة مخططين ليها ناس بدر وود رياء { واحد جاب تفاحة وواحد جاب سفة} عشان يطلعونا من طيارة الأحزان.وفعلاً نجحوا خلونا نسف التفاحة ونقرم السفة.(ما تقرمها ما تقرمها)
ودمتم لنا
خضرحسن
[/size]

الاخ الهندى
فى البدء انا ماجبت القرقف قلته الزول مطول من البلد وما بعرفو
ثانيا ودرياء سخن معاك شديد فى الهندية علشان كده اهم واحد تسلموا هنديته فى يدو اما ورغم احترافى بالجمال الفائق للهنديات لكن زولى ما ببدلو بهنود العالم وان اجتمعت فيهن صفات الكون الجميلة
سودانى وخليك سودانى
ولا اقول ليك جرافيه ما بتنفات لو جمعوا المكارم كوم تلقاه فوق الكوم
ولو قلت الجمال تلقاها اية من الجمال

[size=29][b]بسم الله الرحمن الرحيم
الأخ عمر حسن حمزة :
عبارة تعزيز التأهيل دى عبارة مبتكرة ودسمة...ولم تزرع الخوف فى قلوب وجيوب عزابة المنتدى فقط بل شتلته شتل ليه ضل...قاعدين يبكوا فيه
ويا مبكى العالم خلى عندك{لحمة}

[لحمةمع العزابة]

ودمتم لنا
خضرحسن
[/b][/size]