نطلب من الاخوه افيدونا

سلام

اخوى ود ريا

ظاهرة الانقسامات فى الاحزاب السودانية
هى ظاهرة طبيعية وجزء من الارث السياسى
السودانى حيث نجد ان كل الاحزاب السودانية قد
انقسمت الى حزبين او الى عدة احزاب . يعنى ظاهرة
طبيعية فى الادب السياسى السودانى .
اما الانقسام فى الجبهة الاسلامية سابقا والمؤتمر الوطنى
حاليا ، وبالمناسبة الجبهة الاسلامة جاءت من انقسام الاخوان
المسلمين والانقسام حصل فى مؤتمر العليفون الشهير
حيث انقسم شيخ الترابى من شيخ الصادق عبدالماجد
اما انقسام المؤتمر الوطنى هو انقسام فى راى الشخصى
والبسيط هو انقسام تكتيكى وليس هنالك انقسام بالمعنى المقصود
واحسب انها تضحية من بعض الاشخاص حتى لا تفشل التجربة
الاسلامية فى السودان ، حيث نجد ان الانقسام افاد الحركة
اكثر من يضرها ، والفائدة هذه ترجع الى المرجعية فى الحركة
الاسلامية حيث نجد ان فى الحركة الاسلامية وبواقع التجربة الان
هى اكثر الاحزاب السودانية ثراء من الناحية التنظيمية والناحية البشرية
المؤهلة فعلا لقيادة الحياة السياسية فى السودان .
طبعا بعد اقول كلامى هذا ليس تقيليل من شأن الاخرين ولكنها الحقيقة
واقرب مثل الانقسام الذى حصل لم يؤثر فى دولاب العمل العام او التنظيمى
وهو شى مدهش يدعو الى المفخرة . وهذا مرجعه الى المنهجية والمؤسسية
القائمة فى المؤتمر الوطنى .
اما بخصوص الانقسام كما قلت هو لديمومة الحركة الاسلامية لانها كانت فى تلك
الفترة مواجهة بمشاكل وضغوطات عالمية واقليمية رهيبة وعليه كان لابد من
طلوع الترابى من القيادة لفترة . وانا بعد اقول لفترة لاننى اتوقع اندماج الحزبين
مع بعض او الشراكة يعنى ان يكون الحزبين قائمين ولكن هنالك شراكة فى
الحكم والمسئوليه .
والدليل على كلامى هذا نجد ان موضوع الخلاف الان قد تم تجاوزه مع السيد المرغنى
بأتفاق جدة المشهور حيث نجد انه السبب الرئيسى فى الاختلاف وهو موضوع الولايات
و الولاه فكيف يختلفون مع بعض ويقرونه مع الغير . وهذا يؤيد فكرتى.
وهذا الكلام اجمالا ويمكن ان نعود اليه تفصيلا
شكرى جزيل لود رياء لطرحه موضوع فى غاية الاهمية .

نشكر الصديق والاخ الحبيب حافظ العبيبد

مشكور ود العبيد على هذا الرد الجميل من رجل مثقف مثلك أنت مفروض تكون والى الخرطوم بحق وحقيقه الله يحم والى الدين ياحافظ . يا حافظ وين ود سنقد ماظهر .
الحبيب حافظ مشكور

ود رياء

سلام كتير بلحيل ليك وللناس فى الصورة معاك
ويا اخوى الناس ديل كتار كدى مالهم فى الصورة
عليك الله بينهم لينا وبعدها عندى ليك سؤال بسيط
وهو يدخل ضمن بوستر تانى لكن جاءت المناسبة
ودمت اخوى

هذا يا الاخ حافظ الذي يتوسط الصورة الخليفه عثمان ود بدر توفي إلى رحمة الله والذي عليه شال هو الخليفه الان بام ضوابان ومعهم أبن اخت الخليفه . الخليفه الموجود الان هو الأستاذ الشيخ الخليفه الطيب الجد العباس ود بدر وكان قاضي بقطر .

مشكور الحبيب حافظ العبيد

اخوى ود رياء

شكرا جزيلا للتوضيح والافادة طبعا انا عارف الخليفة عثمان
تمام المعرفة ولكن بعد سألتك هذا السؤال لشى فى نفسى
وطبعا انا وعدتك بسؤال ، وهو التالى
ماذا لو احد سب او زم احد الموجودين فى الصورة
ما هو شعورك تجاه هذا الفرد هل تعتبر هذا السب هو
حرية فى التعبير او الراى ام تعتبره ماذا ؟ وكيف يكون تصرفك
معه فى هذه الحالة ؟ اسألك بالله ان تجاوبنى بصراحة شديدة
طبعا اخوى ود رياء انا الحمد لله صوفى وانتمى الى اسرة صوفية
ولكن هذا السؤال اجابتو سوف تكون رد لموضوع فى بوستر تانى
فى قسم مختلف ، وانا لم اعلق فى هذا الموضوع لاننى شفت ان النقاش
فقط للنقاش وليس للفائدة . اخيرا اتمنى منك واستحلفك بالله ان ترد على بكل
صراحة .
ودمت بخير

والله الموجودين اذا كانوا سياسين وكانوا تقدمون امام الاعلام فهم ليس انبياء يتعرضون لهذا لشي والصحابة حتى الان الشيعة تسب الصحابة . وبخصوص موضوع السب يالغالي الشخص الذي سب هو تساليه وليس ود رياء حاول ارجع وشوف ود رياء قال كل شخص يتعرض للسب اذاكان يعمل في عمل عام . والسيد محمد عثمان المرغني في من سبه والصادق المهدي ونميري وغيرهم ليس المتعافي وحده . وياريت كان من الاول تقول كلامك ياحافظ عشان ما نضيع الزمن .

حبيبي وغالي

وبخصوص السب والله حتي السادة المشايخ الان في من يسبهم ومن قال عنهم كفار وانت اعلم مني بهذا هم ليس معصومون هم بشر مثلنا لكن اختصهم الله . بعدين تعال انت بالامس ما كان منير وغيره من جماعة الجبهة الاسلامية يقولون بان السيد محمد عثمان المرغني والسيد الصادق وجون غرنق كفار ويقاتلون مع الكفار وقالوا ما قالوا من سب وغيره عن طريق يونس محمد حتى انه سب الملك فهد يرحمه الله وين كنت انت وين كان باقي الاخوان .

الرجاء الرد الان بسرعه مثل السؤال .

استحلفك بالله الذي حلفتني به ان ترد بالصراحة التي طلبتها مني اذا كان لديك رد او تقول كلام صح . بدون اي كذب واعلم انا كنت في السابق تابع للجبهة الاسلامية واعرف ما اقول اذهب وشوف السودان كيف حال الناس ما تشاهد اعلام الحكومة اعلام السودان يخص الحكومة فقط كل الجرائد في السودان كل يوم الحكومة تمنع الصحفين الكتابة وهناك يوجد رغب بالسودان لكن رغيب ينتمي للحكومة .

يالغالي

اولا" يا لأخ حافظ نضع تعريف للسب كلنا

والله أنا لا احب السب ولكن هل المتعافي اذا جلس في البيت في واحد يسب المتعافي .؟
الجواب لا طبعا" السيد د/ عبدالحليم المتعافي الان يعمل عمل عام وهو والى صح وليس منزه مثله مثل سيدنا عمر بن الخطاب وسيدنا أبوبكر الصديق قد تعرضوا للسب .
يا حافظ بنفس نوع السب الذي قام به الاخ العزيز تساليه قد قام به العقيد يونس محمود بالامس حينما كان يسب حسني مبارك والملك فهد يرحمه الله اليس هذا سب ام السب له اعنواع . نعم السب له انواع اذا كانت هناك معرفة تامة وعلاقة بين تساليه والمتعافي وقام تساليه بس المتعافي سب شخصي هذا النوع من السب ممنوع ويحاسب عليه القانون ولكن سب تساليه كان ليس في شخص المتعافي كان في سياسة المتعافي .

حافظ وين الرد

اذا انت تعبان وفتران يالحبيب ما مشكله ممكن استعمل الرسالة التي ارسلتها لى في الخاص عادي

وكيف يكون تصرفك
معه فى هذه الحالة ؟ اسألك بالله ان تجاوبنى بصراحة شديدة
طبعا اخوى ود رياء انا الحمد لله صوفى وانتمى الى اسرة صوفية
ولكن هذا السؤال اجابتو سوف تكون رد لموضوع فى بوستر تانى
فى قسم مختلف ، وانا لم اعلق فى هذا الموضوع لاننى شفت ان النقاش
فقط للنقاش وليس للفائدة . اخيرا اتمنى منك واستحلفك بالله ان ترد على بكل
صراحة .
ودمت بخير

الغالي ود العبيد
مثل الصراحة التي عندي والتي اعرفها فيك والتي كانت في رسالة خاصه منك لى عبر الخاص أن تكون على العام ويستفيد منها الجميع بالرد على جميع الاخوان وكلامي عن يونس محمود وغيره .

مشكور يالحبيب اعلم انك حتى الأن غالي رغم الهروب ليس هروب من الكفيل هروب من الرد

الأخوان

هذه اخر زيارة اقوم بها في هذا المنتدي الجميل الذي كنت احب ان يكون اجمل ولكن يبدو انه مثل حال الحال الناس بتهرب من السودان وقناة السودان عشان تجد اعلام حر وتعبر ما بالدخل لكن للاسف الشديد كل ما ترفع حجر تجد جاسوس من الجبهة الاسلامية تحته .

وللجميع التحية والتقدير وعلموا اولادكم الشجاعة وكلمة الحق السودان يحتاج ناس شجعان

من المفروض يكون اسم هذا المنتدي

منتدي الجبهة الاسلامية

شباب

هذا رد حافظ العبيد عبر الخاص بتاعي

عزيزى ود ريا

لك التحيا والشكر والعرفان
واولا السلام عليكم ورحمة الله
يا اخوى انا بعد قلت الكلام هذا ليس موجه لك
ولكن للعامة وبالذات الذين شاركوا فى الموضوع والله
وثانى انا ما ريت ان اضرب مثل الا فى الاشخاص فى الصورة
لاننى انا شخصيا ممكن ان اشاكل فيهم عديل لمحبتى فيهم
وطبعا دى ما دايره كلام .
ثانى شى يا اخوى انا عاوزك ترد فى الموضع للفائدة العامة
وحتى ان يحترم البعض فى الشخوص بالله رد على الموضوع
وتأكد بان الله سوف يجزيك خيرا .
اخى قالوا البحبك بيميل عليك وانا ملت عليك لاننى بعرفك حق المعرفة
فقط ولا غير .
اخى تعلم بان معظم الناس هنا جديدين فى المنتديات ولابد من ارشادهم
والارشاد والتوجية لابد ان يضرب له المثل والمثل الحى .
هذا هو الموضوع ليس الا .
اخوك ود العبيد

لكي يعمل الجميع

اخى ود ريا

والله انا نزلت موضوعى للمرة الثالثة ولم ينزل والله ما عارف
السبب من شنو كدى اصبر على شوية حتى اكتبه للمرة الرابعة

اخى ود ريا

تحياتى
يا اخوى انا بعد او ضربت مثلى ليس المقصود من سب
ولكن المقصود العامة .
ثانيا الشيوخ فى الصورة ديل بالنسبة لى ولك رموز بمعنى
يمكن ان نصل الحد مع اى حد يحاول ان يسبهم وبالتالى
ايضا هنالك بعض الاشخاص ايضا يعتبرون اخرين رموز
وعليه انا كنت اريد اوضح التالى
هو الابتعاد من الاساءة الى الاشخاص والمناقشة الافكار
وبالتالى يمكن ان نستفيد من فكر بعض وهذا لا يقودنا
الى طرق مسدود فى النقاش.
اما بخصوص يونس محمود والاعلام الحكومى والله هؤلاء
لا يهمونى ولكن يهمنى كل الاخوة فى المنتدى ويهمنى ديمومة المنتدى
وعليه كان هدفى هو توجية دفة الحوار بصورة صحيحة وهذا على حسب
فهمى المتواضع . اما بخصوص اننى كنت جبهة اسلامية والله هذا شرف
لى . اما اننى اعلام جبهة والله يا اخى كان هدفى الفائدة العامة ليس
الا ورغم عن هذا انا بقول ليك برضو انت والاخرين اخوانى .
وانا كنت قاصد الفائدة كما قلت ليس الا .
اخى اعلم باننى قد كتبت موضوعى هذا للمرة الرابعة والله يشهد على هذا

الحبيب الغالي

سلام سلام سلام ياود رياء النادر سلام يا سيد القوم سلام يا كاشف هم المهموم سلام يا شيخي عثمان سلام يا رجال ام ضوابان سلام يا فخر شرق النيل سلام يالبيك ينشد الحيل سلام يا سيد القيمان سلام يا بقعة القرآن .

هرب الجميع

والله الشئ الذي احبه في حافظ العبيبد الشجاعة بالرد

مثل هذا الموضوع المقصود بدر ومنير ولكن يرد عنهم حافظ العبيد ليس لديهم رد هروب كامل تبليغ هروب في الترحيل ثم التسفير