عفوا اذ دخلت عليكم من باب الخروج

أحبتي

من خلال تصفحي لبعض مواضيع المنتدي لاحظت أن جميع المواضيع تسير علي منهل واحد وهو إما قبلية وهي الكلام عن انو أنا جرافي وغير جرافي أو حزيبة في انو الجريف وين خططا الاسكانية أو كبري الجريف لا أحب أن اقلل من شأن المواضيع ولكن دعونا من هذا وذاك لماذا لا نتكلم عن أهم المواضيع في الجريف وهي الوضع الاجتماعي لبعض الأسر ومساعدتهم ماديا من خلال عمل صندوق خيري وان كان هناك بعض الخصوصية لهذه الأسر ولكن هي محتاجة جدا قروش خلونا واضحين هناك اسر في الجريف ما لاقيه البتاكلو ولا شنو

وأخيرا..............

عفوا إذ دخلت عليكم من باب الخروج

حاج احمد

الخبر 2008

والله يا حاج احمد عين العقل

ياخى انا بتصفح والناس بتطرح فى مواضيع والحلول كلها بتكون عبارة عن ( كلو من الحكومة وديل الكيزان ) .
خلونا نبقى شوية واقعيين وعندما نتكلم عن مشكلة فى جريفنا الحبيبة بالله خلونا نشوف الحلول الممكن الناس تعمله ولو كان تفاكر ومعرفة كيفية الحل دة اذا عجزنا عن المساهمة المادية وهو ( اضعف الايمان )
ولكم الشكر

وتسلم كتييييييييييير يا حاج احمد على ملاحظتك وانا زاتى علق على موضوع الكبرى بعنوان ( تموت الاسود جوعاً )

اشكرك اخوي maia وكنت عاوز ارسل رسالة للناس عشان تخلي الكلام المابحل مشكلة عاوز الناس تضرب في الوتر الاساسي ويخلو المواضيع الثانوية وغيرا

لك الشكر
,,,,
,,,,,

,,,,,,,
حاج احمد

الخبر 2008

من خلال تصفحي لبعض مواضيع المنتدي لاحظت أن جميع المواضيع تسير علي منهل واحد وهو إما قبلية وهي الكلام عن انو أنا جرافي وغير جرافي أو حزيبة في انو الجريف وين خططا الاسكانية أو كبري الجريف لا أحب أن اقلل من شأن المواضيع ولكن دعونا من هذا وذاك لماذا لا نتكلم عن أهم المواضيع في الجريف وهي الوضع الاجتماعي لبعض الأسر ومساعدتهم ماديا من خلال عمل صندوق خيري وان كان هناك بعض الخصوصية لهذه الأسر ولكن هي محتاجة جدا قروش خلونا واضحين هناك اسر في الجريف ما لاقيه البتاكلو ولا شنو

الغالي حاج أحمد
تحياتي
بخصوص موضوعك ما ادري هو موضوع او نقد لكن مشكور ....
وبخصوص المواضيع التي يذكر فيها الحكومة او الكيزان والله هذا هو الحال والفقراء الذين تعنيهم انت السبب في الفقر هو الحكومة والكيزان من صميم الحكومة ومشكلة دارفور ومشاكل كثيرة اخي حاج احمد أنت احد ابناء الجريف الحبيبة هل لك قطعة ارض تخص حاج احمد من الحكومة ليس من مال حاج احمد الحر من الحكومة اخي أن اي شخص ينتمي إلى الحكومة اصبح مرتاح وله منزل وسيارة ماكلهم لكن الكثير منهم . وبخصوص الفقراء ودعم الفقراء نحن ننادي من قبل سنتين لكي نقوم بعمل جماعي لكن لا احد ومن قبل سنتين ننادي لكي نشتري مكرفون لمسجد سرحان لكن لا احد . ماذا تقصد اهذا نقد هدام ام بناء .

ولك حبي بدون زعل ود ريا النادر

شكراء ود رياء لكن موضوع الكيزان دا الانت مزعجك جدا دا موضع غير قابل للنقاش لانو الكيزان خلاص ثابتين وقاعدين ومتحكرين ومافي زول بقدر يطلعم دي حقيقا لازم اي شخص يعرفها اما موضوع الاراضي ما الكيزان بس الاكلوها حتي اهلنا اكلوها وانا وانت عارفين دا بس انا بحاول اعرض مشكلة نحلها ما مشكله ما بنقدر نحليها
وليك سلام ,,,,,,,,,,

حاج احمد
الخبر 2008
sudan

عزيزى حاج احمد

وينك يا راجل انشاء تكون بخير
اما بخصوص المواضيع المطروحة فى المنتدى
ليست سياسية ولكن الناس ما بتشارك الا فى المواضيع
السياسية وهى تشارك بحرارة شديدة لذا هى فاكهة المنتدى
اما المواضيع الاجتماعية الناس تشارك فيها بأبداء راى
هو اصلا المطروح ولكن ليس هنالك اى تحرك بمعنى واقرب
مثل هو موضوع المكتبة العلمية الذى طرحه اخونا بدر كل
الناس قالت هو جميل وهو ممتاز ما عدا اخونا
حسن وهو قرن القول بالفعل وقد تبرع بكتب ولكنه احسب
ايضا انتظر اخونا بدر لكى يستلم الكتب ، لكسر هذه القاعدة
اننى نقترح بتكوين لجنة من كبارنا حتى ينظروا فى المواضيع
التى تم طرحها والنظر فى كيفية تنفيذها .
وانا بعد اقول كبارنا ليس تقلبلا للاخرين ولكنه لهم باع طويل
فى مثل هذه الامور .
واخيرا لابد من طرح الراى سياسى حتى ننتفع من راى الاخرين
ونكون قادرين لمناقشة الاخرين بالاسلوب القويم .

حافظ العبيد
مساءك جميل
كلامك كلو حكم بس نحنا دائما بنكلم وما بنفز ليش
في شنو
نحنا عاوزين شي عملي
ما كلام وبس
والمواضيع كثيرة والحلول كثيرة
بس التنظير اكثر ودا المرجعنا وراء
ولا ريك شنو

حاج احمد
sudan

الخبر2008

الاخ حاج احمد مساء معطر

مشكور للتلميح الجيد وهذا يدل اولا لمتابعتك للمنتدى وثانيا لمصلحة المنتدى والجريف

كلامك عن المنتدى صح واحي فيك الجراءة

مقارنة مع باقي المنتديات المنتدى غلب عليه طابع اللاموضوعيه والمجادلات الغير مثمره

والتعصب القبلي والسياسي , بعض المواضيع مستوى الحوار كالونسه او الشات

يؤسفني ان اقول هذا الكلام ولكن هذا شئ استشفيته من بعض الاعضاء وانا منهم

بقولو المنتدى مافيه موضوع يشد.

عشان نتناقش بموضوعيه ونحصد ثمار نقاشنا على

ارض الجريف واقعا ملموسا ..

المنتدى يعكس واجهة الجريف ومشاكلها وهمومها وثقافتها وعراقتها وعلمائها ومثقفينها

نتمنى من كل العقد الفريد الاستفاده من هذه التلميحات والحمدلله ماجاءة من غريب

لك التحيه ياود حاج احمد ياهرم

ود العبيد بخصوص المكتبه انا جاهز ومنتظر !!!!!

حسن

الاخ حسن
عمت مساءا
اشكرك علي الاطراء
بس في مثل بقول
كلم البسمع
واكل البشبع
وقود البتبع
ان شاء الله الناس تنفز المواضيع
وليكم سلام مني

,,,,,
,,,,,,
,,,,,,,,,

حاج احمد
الخبر2008

حاج احمد كتب:: أحبتي

من خلال تصفحي لبعض مواضيع المنتدي لاحظت أن جميع المواضيع تسير علي منهل واحد وهو إما قبلية وهي الكلام عن انو أنا جرافي وغير جرافي أو حزيبة في انو الجريف وين خططا الاسكانية أو كبري الجريف لا أحب أن اقلل من شأن المواضيع ولكن دعونا من هذا وذاك لماذا لا نتكلم عن أهم المواضيع في الجريف وهي الوضع الاجتماعي لبعض الأسر ومساعدتهم ماديا من خلال عمل صندوق خيري وان كان هناك بعض الخصوصية لهذه الأسر ولكن هي محتاجة جدا قروش خلونا واضحين هناك اسر في الجريف ما لاقيه البتاكلو ولا شنو

وأخيرا..............

عفوا إذ دخلت عليكم من باب الخروج

حاج احمد

الخبر 2008

حاج احمد

سلام
حقيقة ما فهامك قلصد شنو؟؟ يعنى جميع القضايا التى طرحت فى المنتدى كلام فارغ
(ونحنا كنا مضيعين زمنا فى الفاضى ولى شنو)؟؟
ما هداهو المنتدى فيهو كم موضوع بناقش قضايا الجريف بصورة خاصة
(مقابر ناصر_مركز لشباب _ صور الجريف_الزواج الجماعى فى الجريف
_المكتبة العلميه فى الجريف وووووووالخ)
اتخيل لى دى كلها قضايا مهمة وتمت مناقشتها ووضع لها حلول .
وياعزيزى جميع المنتديات تناقش قضايا الوطن الاكبر اولا ثم بعد ذلك الوطن الاصغر
وياحاج احمد عليك الله ماتقول لى اقلل وماعارف شنو(انت قللت وانتهيت)
لانو برضو لمحت للكلام ده فى بوست بعنوان اين الجريف من المنتدى
اى موضوع طرح فى المنتدى قبل كده اهم من اقتراحك ده
لانو ليس من المنطق عمل صندوق فى المنتدى
باختصار شديد ده منتدى ثقافى يعنى للتفاكر حول المواضيع التى تمس
حياة المواطن السودانى بصفه عامة واى موضوع بهم
المواطن من (صحة وتعليم وماكل وملبس ومسكن)
سياسة يعنى السياسة جزء من حياتنا ويجب مناقشتها ووضع حلول لها

أخونا حاج أحمد

لك التحية يا غالي..

يا خوي والله حتى هذه اللحظة أنا ما عرفت إنت عاوز شنو .. وأتوقع من عنوان البوست أنك بتقول عفواً دخلت عليكم من باب الخروج.. ولكن أنا بتوقع أنك لم تدخل من باب الخروج بل دخلت عن طريق المزيرة ثم عرجت على البرندة وبعدها نزلت وطلعت من نتاق الحمام على الشارع حتى جيت داخل من الباب الرئيسي. وعشان كدة والله لم أستوعب ما تريد أن تقوله..

وعموماً أتمنى أن تعيد قراءة جميع المواضيع التي طرحت من الأعضاء بما فيها المواضيع التي نزلت بإسمك .. عندها سوف تجد أن المواضيع لم تسير على ( منهل ) واحد.

تحياتي...

عصام عبدالصادق

» دخلت النت داعية..خرجت منه عشيقة
» سلااااااااااام عليكم
» عليكم بالبصل يا جماعة
» منكم و اليكم والسلام عليكم
» السلام عليكم