تسجيل الإسم حقيقى بدون إ ستعا رة

هجرة عصا فيرالخريف
قدرى الإرتحال دوما وإذا كتب الله لنا البقاء سوف يكون بيننا اللقاء، جمعتنا الايام بعدما إفترقنا
أنا وأخى الهندى ودنا برى وتفا كرنا فى كيفية تسجيل إسم المشترك لماذا لايكون حقيقى بدون
إستعارة ليكون التواصل حقيقى ونحقق ما نصبو إليه رايكم شنو ؟؟؟

تانى عودة لعيون جديدة
وراجعين smart

الانسان الذي يختار اسماً مستعار دوماً يتشوق الية الناس وهذا هو رررررر؟ لاتزعلوووووووووووو يا شباب

اشتياق وحيـــــــــــــــــــــــــــــــــــرة

وارجع تأخذني اليك ذكرياتي وحنيني .... اهرب من ظلال المقل آيبا اليك ..ابتغي بعض سلوان مفقود وحزن قديم

اسوح مع اليراع ..عسي ان اجد منه صبرا وحكمة ... طالما كان ماضيه يخط بريق اللحظة في ومضة البرق ويهدي المسير

كتبت في ماضيات السنين ورواحل الايام اني همت بالاطلال والمضارب والوديان البعيدة ونغمات الناي تحت الشجيرات في هاجرة البعيد .... رحلت انت بعيدا ..بعيدا . اشتاق ماكان للشوق نغم وايام وشجيرات وظلال

اشتاق لك ماكان للشوق قيثارة للنغم ...اشتاق لك وللشوق صدي بعيدا تردده خفقة صدري وقلبي وعمري

واكتم جراحات الذكري والحزن النبيل وابتسام رغم المحن وبكاء دواخلي

تتهدج النفس بعبرة لا تغادرني وحيرتي تأخذني في شتات غريب عجيب من دنياي ... وابصم نحو الافق في صمت

مالي وللايام وللدهشة تاخذني في حيرة وارتياب ؟ ... مالي ولهذا الشعر المجنون الذي يسكنني ؟...مالي ولهذه الحروف العصية لا تاخذني الي الالق والفتون والقافية؟

ليه يا شمعة سهرانة زينا إنت بتريدى

جمال الزكرى بالإنسان وجمال الإنسان بالنسيان
لاتحزن فالسعد أقرب

الاخوة الاعزاء لكم التحايا اقصى ماتراهو العيون

كل عام وانتم بألف خير واعتذر كثيرا عن حضوري المتاخر اليكم

كان حديثي مع الاستاذ بدر عبدالماجد بخصوص التسجيل بالاسم الحقيقي يدور حول

انه اذا سجل أي واحد من ابناء الجريف شرق او بناته في المنتدى باسمه الحقيقي يكون من السهل التعرف عليه والتواصل معه ولا ننسى اننا جميعا اسره واحده وكان الدافع من هذا الاقتراح فقط هو الشوق الدفين للتواصل مع كل ابناء البلد .. وهذا لا ينمتع نهائيا الاشتراك باي اسم آخر فلكل اسم حركي يحب ان يُعرف به في اي مكان ... لكن الشئ المهم ان نعمل بوست واحد يجمعنا جميعا ونتعرف فيه على بعضنا البعض بشكل اكبر .... وكل عام وانتم بألف خير

وكم سعيد انا بوجودي حولكم فكونو بخير الى الابد

الهندي محمد البشير عبدالله احمد نابري

[الناس ممكن تتواصل مع بعض من غير الاسماء الحقيقيه يعنى

با لاسماء الحركيه وبالتاكيد اى زول بكون متكيف جدا لمن تتعامل معاهو
باسمو الحركى عارف ليه؟؟
لانو هو الاختار الاسم لنفسو ]

ممكن نتعامل مع بعض بالاسماء الحركيه دون الحقيقيه انا شايف مافيها
حاجه بل بلعكس الزول بكون متكيف جدا لانو هو الاختار الاسم
لنفسو وبالتكيد الاسم دا بكون عندو واقع فى نفسو

الأخ بدر عبدالماجد بله عبدالماجد
سلام
مثلي أنا لى عشرة سنوات ادخل النت في منتديات وشات ولكن لم ادخل بأسمي الحقيقي هذا لا يعني أنا جبان لكـــــن ( تنظيم الجبهة الاسلامية لا يرحم) وأفتحوا السياسة كما اعلم أن في هذا المنتدىكثير من أولاد الجبهة الاجرامية منهم في الرياض ومنهم بالسودان .
الأخ بدر أنا اعرفك حق المعرفة واعرف عنك كل شي لكن أنت الأن لا تعرفني واذا كنت تعرفني ماكنت اكتب واتكلم معك بصراحة ؟؟؟؟؟

الاخ بدر متعك الله بالصحه والعافيه

طرحك جميل انما يدل على توطيد قوة العلاقات والاخوه النبيله فانت كذلك نعم الاخوه !

البعض يفضل الاسم المستعار لشئ في نفس يعقوب او يكون له مدلول خاصه به ..

بالنسبه لي قد لاتهمني الاسمى بقدر مايهمني من صاحبها المهم تكلم واكتب ليتعرف عليك الاخرون !

وبما انه منتدى لمنطقه واحده فعلى الاقل الناس تكون واضحه !!

توجد طرق كثيره للتعرف علي الاعضاء منها الرسائل الخاصه والايميل وعن طريق عضوء اخر.

نحن كالشمس اخي لا يحجبها غمام لان مبادئنا واخلاقنا واهدافنا واضحه !!!

طرح موضوع الشفافيه في هذا المنتدى والناس عقبت ولكن ؟؟؟؟؟؟؟؟؟؟؟؟؟؟؟؟؟؟؟؟؟؟؟

اخي طرحك رائع لك الود والاحترام
حسن

ود رياء كتب:: الأخ بدر عبدالماجد بله عبدالماجد
سلام
مثلي أنا لى عشرة سنوات ادخل النت في منتديات وشات ولكن لم ادخل بأسمي الحقيقي هذا لا يعني أنا جبان لكـــــن ( تنظيم الجبهة الاسلامية لا يرحم) وأفتحوا السياسة كما اعلم أن في هذا المنتدىكثير من أولاد الجبهة الاجرامية منهم في الرياض ومنهم بالسودان .
الأخ بدر أنا اعرفك حق المعرفة واعرف عنك كل شي لكن أنت الأن لا تعرفني واذا كنت تعرفني ماكنت اكتب واتكلم معك بصراحة ؟؟؟؟؟

لك التحية أخونا العبيد ودرياء
القصد من تسجيل الاسم حقيقى هو التواصل بين الناس لنتعرف سويا بعضنا البعض من خلال هذا الصرح العظيم منتديات الجريف شرق ، ومن الناحية السياسية لا أجد شىء هناك يمنعك لتناقش بحرية وبصراحة شديدة
وكما أعلم جيدا جماعة الجبهة الاسلامية يفهمون بقوة مهما كان هناك إختلاف فى الراى وحرية الراى من الاشياء
الاولى التى تدعوا بها الجبهة الاسلامية القومية أى يعنى للجميع لم تكن محددة .وانا أتشرف بمعرفتك بى .
وراجعين

بدر عبد الماجد كتب:

ود رياء كتب:: الأخ بدر عبدالماجد بله عبدالماجد
سلام
مثلي أنا لى عشرة سنوات ادخل النت في منتديات وشات ولكن لم ادخل بأسمي الحقيقي هذا لا يعني أنا جبان لكـــــن ( تنظيم الجبهة الاسلامية لا يرحم) وأفتحوا السياسة كما اعلم أن في هذا المنتدىكثير من أولاد الجبهة الاجرامية منهم في الرياض ومنهم بالسودان .
الأخ بدر أنا اعرفك حق المعرفة واعرف عنك كل شي لكن أنت الأن لا تعرفني واذا كنت تعرفني ماكنت اكتب واتكلم معك بصراحة ؟؟؟؟؟

لك التحية أخونا العبيد ودرياء
القصد من تسجيل الاسم حقيقى هو التواصل بين الناس لنتعرف سويا بعضنا البعض من خلال هذا الصرح العظيم منتديات الجريف شرق ، ومن الناحية السياسية لا أجد شىء هناك يمنعك لتناقش بحرية وبصراحة شديدة
وكما أعلم جيدا جماعة الجبهة الاسلامية يفهمون بقوة مهما كان هناك إختلاف فى الراى وحرية الراى من الاشياء
الاولى التى تدعوا بها الجبهة الاسلامية القومية أى يعنى للجميع لم تكن محددة .وانا أتشرف بمعرفتك بى .
وراجعين

منو القال ليك يا منير الكلام السمح دا ؟؟
غايتو أنا ما عارف هي واحدة من إتنين ..
يا إنك ما عايش في السودان وما عارف الحاصل شنو .. يفكر

أو إنك ما عايش في السودان وما عارف الحاصل شنو .. يفكر

يا اخوي تحياتي ليك من أرض السودان ..

ودمت معانا ...

اخى الغالى العزيز

فى البدء
ناسف لعدم المشاركة المتواصل لوجود بعض الظروف القاهره
اشكرك على هذا الطرح
والله من اجمل الاقتراحات انو الناس تتعامل بالسجيه ورفع التكلفه والاسماء المستعاره

...................
لك الاحترام والتجلاء

ود جريف قمر كتب:: اخى الغالى العزيز

فى البدء
ناسف لعدم المشاركة المتواصل لوجود بعض الظروف القاهره
اشكرك على هذا الطرح
والله من اجمل الاقتراحات انو الناس تتعامل بالسجيه ورفع التكلفه والاسماء المستعاره

...................
لك الاحترام والتجلاء

يا ود جريف قمر .. حبابك فد الف ..
ما كعب يا أخوي الناس ترفع التكلفة .. مع إنو ما في تكلفة .. وما كعب الناس تتعارف ..
لكن أنا بشوف إنو مسألة الأسماء المستعارة دي حق لكل عضو لحماية نفسه من مخاوف بعرفها هو ..
أما مسألة التعارف دي مرحب والله بس ممكن تكون حتى بالأسماء المستعارة ..
يعني ممكن الناس زي ما إقترح الشباب تعمل منتديات تعارف حقيقية يعني ممكن الناس تتلاقى في يوم محدد
وتتعارف أكثر بدون ما الناس تعرف حاجة في المنتديات العامة .. لزوم الحرص وكدا ..
وإنشاء الله تكون فاهمني يا باشا ..

ودمت معروف ...

عضو نشط عدد الرسائل : 50 تاريخ التسجيل : 12/03/2008

راهنت بيك قلبى الوفى انك ينابيع من حنان منك محال انا اكتفى ماعندى زول فى الكون سواك كيفن لغيرك احتفى اشعلت ليك كل الشموع قبال مجيك كيف تنطفى راهنت بيك غدر الزمن ياحلى سر جواى خفى

،،،،،،،، القلعة راجعين ،،،،،،،،

شكراً على المرور

اخى ود ودسنقد لك التحية والاحترام
انا كنت داير اوضح نحن من منتطقه واحد وهى الجريف
القرض الاساسى من المنتدى انو الناس تعرف بعض
وانا معاك فى الاقتراح الطرحتو بس فى النهايه الناس
دايره تعرف بعض
التحيه لك

.................لنا عودا....................

وانا معاك يا ود جريف قمر ..
وفي بوست بعنوان رايكم شنو ؟؟
ممكن تدخل وتورينا رايك ..

ودمت سديد الرأي ...

الحكيم ود عبدالماجد الف تحية اليك وفعلا الدخول بالاسم الحقيقى يعطى منتدانا بريقا اخر دون المنتديات الاخرى ويختلف هذا المنتدى عن باقى المنتديات فى كل شى واهم شى نحن من منطقة واحدة وهدفنا واحد هو رفع اسم جريفنا والتواصل والتعارف مع بعض يعنى هذا المنتدى يعتبر بيتنا الكبير وانا اويدك الراى فى الدخول بالاسم الحقيقى دحين ياجماعة نكت ليكم البوست ده كان نعدل الاسماء ونكشف الستار البينا

بدر البدور ...صاحب البوست الاخوه المتداخلين لكم التحيه والتجلاء

حسب وجهه نظرى المتواضعه جداً .. ظاهرة الأسماء المستعارة ظهرت بانتشار المواقع الإباحية ومن بعد ذلك دعمتها غرف الدردشة لعدم معرفة الشخصية الحقيقية .. .ولكن أصبحت هذه الظاهرة منتشرة حتى في المنتديات العلمية الجادة بدون وجود مبرر واضح لإخفاء الاسم الحقيقي ..
هل هو هروب من الشخصية الحقيقية ؟ هل هو نجم ومشهور والشهره متاعب طبعاً ؟ أم إعطاء فكرة عن شخصيته وغايته ؟ أم نوع من الترفيه ؟ أم عادة نفعلها كما يفعلها الآخرون بدون تفكير ؟

يقولون : لكل امرئ من اسمه نصيب ..

عندما يختار احد اسم رئيس العصابه مثلاً هل يكون اختياره للاسم معبرا عن نفسيته الداخلية و أفكار إجرامية أم انه على عكس ذلك تماما إنسان ضعيف و رقيق ورقته تسبب له مشاكل مع الوسط الاجتماعي فاختار هذا الاسم كنوع من التحدي أو للهروب من شخصيته والعيش بشخصية جديدة على النيت مع أشخاص لا يعرفهم ولا يعرفونه !!!!
ومثلاً الذى يسمى نفسه طرزان هل هو رجل غابات ويتسلق الاشجار من شجره الى شجره ويكلم الحيوانات ام هو يخاف من الكديسه .

الذى لاحظته اخوتى ان ظاهره الاسما المستعاره ظاهره كثيراً فى المنتديات العامه او الغير تعليميه واكثر شىء عند البنات ..
وحقيقه منتدانا هذا الذى يميزه من غيره هو الانحصار فى ابناء المنطقه فقط وكلامى هذه ليس القصد منه اننا عنصرين .... بالعكس نحن نحب كل الناس ودا ماجديد علينا فى الجريف ..بس انحنا نتبع مقوله رئيسنا البشير ( البحترم نفسو والله نشيلو فى راسنا ).
فيا اخوتى دعونا نناقش هذا الموضوع بجديه تامه:-

لماذا تدخل\ي باسم مستعار ؟؟

هل الغرض من دخولك\ي باسم مستعار هو عدم معرفة الآخرين لك\ي أم معرفتهم لك\ي باسمك المستعار؟؟

ما هو المبدأ الذي تنتقي به اسمك\ي المستعار؟؟

هل لك نصيب من اسمك\ي المستعار؟؟

ما مدى تأثير الاسم المستعار على كتاباتك ( عدم معرفة الآخرين لك ) ؟؟

برأيي أن 80% منا يدخل بأسماء مستعارة بدون تفكير...
لأننا اعتدنا على التقليد وتطبيق ظروف غيرنا على أنفسنا وتأثير شخصيات أخرى علينا..

مــع احترامى لكل الاراء ولكل الاسماء المستعاره.

A7MED

بدر باشا

ولا يهمك انا معاك

انا عبد اللطيف محمد عبد اللطيف عبد الرحيم

وانا رضى (عبدو كمبيوتر).

كلنا اخوة وللكل حق الاختيار .

مع احترامى الشديد لك

تقبل مرورى

بعد التحية
طبعا البوست ده قديم جدا من سنة 2007وناقشت هذه الموضوع
وسوف اناقشه للمرة الثانية
باعتبار اننى من الفئة المستعارة
انا شخصيا عندما سجلت فى هذا المنتدى ب(تسالية)
لسببين:
لان هذا الاسم او دعنى اقول اللغب
معروف بة وسط اقرانى فى الحلة منذ الطفولة (وبريدو شديد)ماتسالونى ليه
السبب التانى والاهم
وفى اعتقادى اى شخص مشارك باسم مستعار بكتب بشجاعة وحرية كاملة
و يبدى رأيه بكل صدق وامانة دون نفاق ومجاملة
(مجرد اعتقاد احتمال صاح واحتمال خطأ)
بمعنى
اذا كنت مشارك باسمى الحقيقى و هنالك شخص اعرفه ويعرفنى
وقام بطرح قضيه واريد ان اخالفه الراى
لا استطيع نسبتا لاشياء كثيره
خوفا من زعله
او احترم لسنه او او او ...الخ
وبتالى سوف تكون مشاركتى عبارة عن مجاملة فى مجاملة
وهنا سوف يفقد النقاش مصداقيته ويخرج بصوره باهته
وفى النهاية لن يخرج البوست بالنتيجة المرجوءه منه لان اساسه كان المجاملة و المعرفة .
نقطة اخيره:
حقيقة بستغرب جدا عندما اجد شخص يطالب كاتب المقال باسمه الحقيقى
لكى يطرح رأيه ويناقشه والا لن يتحاور ويتناقش معه
هذا ليس منطق!! اذا كنت فعلا تريد ان تحاور وتناقش عليك بالمقال
وليس بكاتب المقال
لان اسم كاتب المقال لو كان( زيد او عبيد) ليس مهم بقدر اهمية المقال نفسه
لذلك من المفترض اسم الكاتب لا يغير فى وجهة نظرك او اطروحاتك
كسرة:
مجرد وجهة نظر مع فائق احترامى لكل الاسماء الحقيقية
مخرج:
يابلد اسمعينى وهاكى كل البيعة كاملة
اسمى هاشم
امى امنة
ابوى ميت وكان خضرجى ومره صاحب قهوه فى ركن الوزارة
وبيتنا طين واقع مشرّم
لما حال الطين يحنن
نشقى شان نلقى الزبالة ..

..كن أو لا تكون
كن أنت نفسك وكن فى شجاعة رأيك... من يقف مستتراً بالظلام ليقول رأيه يهين نفسه فى المقام الأول لأنه يزلق بنفسه فى الشبهات ويوقعها فى الشرك الأصغر وهو الخوف من الناس بينما الواجب هو أن يخاف فقط من الله ولا يخشى فى الحق لومة لائم.
لايستمتع أى قارئ بأن يقرأ لكاتب مجهول الهوية أو يحاوره فإذا كان كاتب الموضوع نفسه يخجل من أن يمهره بإسمه الحقيقى فعليه أن لا يتوقع أن يجد ما كتبه صدى أو قبول عند الأخرين.
اللحظة الرائعة التى يكون فيها التخفى مكرمة ومحمدة وقمة الشجاعة هى لحظة عمل الخير. ولا تدرى حتى شماله ما انفقت يمينه.
و الجميع معجبون بالجندى المجهول ويقفون إحترامـأً له ولكن ليس هناك من يصفق للكاتب المجهول.
ومرحبا بكل من يأتى مبحراً فى الضؤ.
خضر حسن

مرحبآ بك انت خضر

عظمة و الله يا أستاذنا الخضر،،

تعبيرك روعة في الجمال و الفكرة المعبر عنها دروس و عبر،،،
أدام الله لنا ذلك اليراع الذي يشير لنا دوماً نحو طريق الخلاص،،،
في العادة الواحد لما يقرأ موضوع بستمتع بالفكرة أو التعبير و لكنك بكل اقتدار تمتعنا بهما جميعاً،،،
لك ألف تحية و وقفة طويييلة جداً إجلالاً و احتراماً،،،

الكتابه بالاسماء المستعاره ما ابتكار جديد ممكن تكون بي اسمك وصورتك زى الخضر دا وما اعرفك المهم الموضوع .
المنتدى عباره عن مجموعات بترد على بعض بقرو الاسم طوالى بردو شوف تلقى معز السمانى البرد عليهو طوالى عبدو تساليه ......
صديق النعمه يعنى ايمن السر ععصام سيدة الهندى
نابرى تلقى عبدالله محمد زين سنقد وهكزا
الاسم المستعار على الاقل جوده الموضوع هى البتستحق الرد

الاخوة الافاضل لكم التحية أينما كنتم

جميلاً أن يعاد النقاش فى هذا الموضوع الاسم الحقيقى دون الاستعارة رغم أن الفترة تعدت
ال3 سنوات تقريباً وهذا يدل على أن الاخوة مهتمون بهذا الامر وحقيقة الامر مهم جداً جداً وجميعنا يعلم أن هذا المنتدى يختلف عن باقى المنديات والهدف أسمى من ذلك وعندما أشرت
على هذه النقطة كان القصد الاول والاخير تسهيل وتقريب طريق التعارف بين الاعضاء وأتمنى أن يعزز هذا الطلب بتنزيل صورة فوتوغرافية حديثة لكل عضوء مثال لذلك الاخ الاستاذ /خضر حسن
الاب الروحى والزاد لهذا المنتدى الرائع بكم جميعا ، والشكر للاخوة المتداخلين الذين أعادوا الفكرة
من جديد لعلها تجد القبول والاستحسان من الجميع .

» بدون شمار
» بدون تعليق
» ليس الغريب :-)
» كلمات بدون برواز
» شاهد مدينتك بدون ما تحمل قوقل ايرث