شريط النيل في المستقبل

والله ناس السجارة سوف يكون مرتاحين مع حكومة ................... هذا شريط النيل من ناحية الجريف في المستقبل بعد تكسير المنازل التي بها كثير من الناس والتعويض يمكن يكون في مشروع ام دوم هذا شمار جديد من شخص قادم من الجريف . لكن هل التعويض يكون ارض فقط ام ارض وفلوس ,طبعا" مخطط الجبهة الاسلامية هو تفكيك اهل المناطق المحافظة على القبيلة والعادات . مثل تفريق اهل الجريف وتفريق القبيلة لكي تسود على الناس وتفوز بالانتخابات لكن الجريف بلد المولى عظم شانه والجود والكرم مكتوب على بيبانه . وراجعين اللبيب بالأشارة يفهم .

باركالله فيك الاخ ود رياء

الله اعلم لو كان في تعويض من اساسه

يا ود ريا حبابك ..
وتحياتي الكتارات ..
أنا ما لبيب لكن فهمت ..
والله يكضب الشينة ..

ودم لنا ...

ود ريا أزيك وأريت حالك زين ياعسل

وألف شكر على الصورة الجميلة لشريط النيل المقترح

والله يا ود ريا الناس ديل

إذا بيعملوا الجريف زي ما في الصورة مرحب بيهم

أما كسروا ساااااااااااااااااااااااكت

فأنا من هنا بدعوا الشباب

أن يلبسوا الشمرات ويشدوا الحيل

هالله هالله على الجد

دي بلد جدي سرحان وعبد الرحمن

منو البيقدر عليها

مرحبا بأوبنا الشيخ سرحان
ود عبد الرحمن الكبير والصغير ..
ومرحبا بكل السراحين الفي لجريف والفي الحادو والفي ود برد والفي أمضواً بان
نحن فداك يا أبونا الشيخ ..

على فكرة يا ود بخيت الشيخ سرحان دا جدي عدييييييييييييييييييييييييييييل كدا ..
وكان ما بخاف من الكضب أقرب مني ليك ..

هههههه

دم لنا سرحانيا ...

ها زول ها

أكان سرحان جدك

والله أنت زولنا خلاص

وأنا من زمان بقول الزول دا

ما له بريدة النصيحة كدي

باجيقا كتب:: ها زول ها

أكان سرحان جدك

والله أنت زولنا خلاص

وأنا من زمان بقول الزول دا

ما له بريدة النصيحة كدي

باجيقا ..
حبابك أبوي ..
ومرحباً بك بيننا ..
طلتك أسعدتنا كثيراً .. واثلجت صدورنا ..

منتظرين منك الكثير حبيبي ..

انا سرحاني 100% والحمد لله ..

والشيخ العبيد ود الشيخ سرحان أبو أمي طوااااااااااااالي ..

أها شنو ليك ؟؟ ..

ودم بيننا ...

ود سنقد
مرحبتين حباب مطر الرشاش الرشه وبرق الدعاش الشال

ياود سنقد
أنا عرفك من زمان ود ناس عزاز عارفين معاني النم والمتلك يالعزيز للجروح بلسم
مشكور يالختمي يالغالي .

تسلم يا ود ريا ..

وأريت حالك بالسعادة التامة ..
والفال الحسن ..
وشكراً على الأريحية الطيبة دي ..

وإنشاء لي تسلم ..

ودم لي ...

أهلاً ومرحب بيك أخونا باجقا

الحكاية شنو يا جماعة

أنت برضك جدكم سرحان

ود سنقد مرحب بيك ألف

شرفتنا وأسعدتنا والله ياعظيم

يعني أنت ود أبونا الشيخ العبيد ود الشيخ سرحان

وباجقا برضو قال جدو الشيخ سرحان

ما شاء الله الحكاية بقت عسل في عسل

خلاص ياجماعة شدو حيلكم شوية

علشان حلة سرحان ما تروح وسط الأرجل

ياناس سرحان كلنا اخوان وكلنا اولاد الجريف وخلونا من قرايب قرايب دي الوضوع كدا حيبقي فيهونوع من العصبية..

وليكم ولي جدكم الشيخ سرحان كل الحب والاحترام

العصبية البجيبها شنو يا هلالي ..

المسألة هنا أكبر من كدا ..

ما فوكا حاجة .. هههه

والقال منو إنو كلنا هنا ما اخوان ؟؟
ومنو القال نحن ما فرايب ؟؟
ومنو القال نحن ما أولاد الجريف ؟؟

وليك تحية من أولاد سرحان ..

بهناااااك ..
يا ود بخيت انا ما من حلة سرحان ..
أنا من كركوج يا ملك ..

ودوموا لنا ...

أخوي الهلالي لك سلام كتيييييييير

وكلامك على عينا ورأسنا

وفعلا أنت صادق بكل كلمة قلتها

بس شنو الحكاية ياجماعة

كل شيء إلا العصبية العصبية دي جننتنا عند ناس الحركة الشعبية

ومنو القال ليك نحن ما من أولاد الجريف

ومنو القال ليك نحنا ما أخوان

كلا يا أخوي نحنا أولاد الجريف وأخوان وكل شيء تمام

لكني يا أخوي بس نحنا جدنا سرحان
ونحنا من حلة سرحان

فوقا شنو دي

كدي قولي

دا البنحلم بيهو يوماتي ..
تبقى جريفنا جنة زاهية ..
مذدانة بأبهى صورها ..
شجرها يقيف تيوة ..
نخيلها دليل على شموخها ..
شوارعها تقيف زُت ..
حدائق غناء ..
ناس طيبة أبية ..
تمرق من بيت دا وتخش في بيت دا ..
تلقى الحبان مجتمعين في بيت العمة والخال ..
نفوسهم صافية .. قشطة بس ..
أصوات فرحهم تحمي الناس النوم ..
ضجيجهم يملأ الأركان ..
وتقول .. دي اهلي البعزوني ..
ديل اهلي البتشابا بيهم ..
ديل عزتي ونزوتي ..
وبنحلم بإنو الكهرباء ما تقطع ..

وبجيكم صاد ..

ودوموا لنا ...

والله يا ود سنقد

حلم كبير خلاص

هو لما الجريف تبقى جنة

بخلوها ليك أنت

وألا لواحد غيرك من الجريف

وما حتكون جنة ليهم

يعني بيأخدوها زي ما أخذوا مقابر ناصر

أخونا باجيقا ..
تحية قدر قامتك ..
يا أخوي عندي ليك مشروع طيب..
أرح نخلي النظرة التشاؤمية دي ..
ونبقى أصحاب أمل .. وروح طيبة يحدوها الأمل في بكرة ..

رائك شنو مان ؟؟..

ودم لنا ...

مشكور والله لا اقدر ارد على هذا انت بحر ولكن بقول الله يوفقك ومشكور ولك خالص حبي

» بواسير السمك قريب جدا على شاشة النيل الازرق
» الجلسة الاولي لاعضاء منتدي الجريف بشارع النيل
» مرحب ببنت النيل
» المؤتمر التاسيسي لمنطقة شرق النيل غرب
» بنغالي يقتل زوجتة بشرق النيل