ده البنحلم بيهو يوماتي

الي اعزائي الكرام

تحية طيبة وبعد
عذرا للدخول المفاجئ
ولكن مأساة شعب كتمت انفاسه من ابسط حقوقه

1/ مجانية وشمولية التعليم
2/مجلنية الصحة
3/حقوق المرأة من الآخر كدة (تحية لحكومة الانقاذ)

عزيزي ود الأمين لم نفهم ما المقصود بالنقاط الثلاثة التي ذكورتها
لذلك كملنا لك رائعة أستاذنا الكبير/ محجوب شريف والتي تغنى بها الموسيقار/ محمد وردي أطال الله عمره
عل وعسى تفيد

حنبنيهو البنحلم بيهو يوماتى
وطن شامخ وطن عاتى وطن خيّر ديمقراطي
وطن مالك زمام أمرو ومتوهج لهب جمرو
وطن غالى نجومو تلالي فى العالي
إرادة سيادة حريّة
مكان الفرد تتقدم قيادتنا الجماعيّة
مكان السجنِ مستشفى
مكان المنفى كليّة
مكان الأسرى ورديّة
مكان الحسرة أغنيّة
مكان الطلقة عصفورة
تحلق حول نافورة
تمازج شُفّع الروضة
حنبنيهو البنحلم بيهو يوماتى
وطن للسلم أجنحتو ضدّ الحرب أسلحتو
عدد مافوق وما تحتو
مدد للأرض محتلة سند للإيدو ملويّة
حنبنيهو البنحلم بيهو يوماتى
وطن حدّادي مدّادي ما بنبنيهو فرّادي
ولا بالضجه فى الرادي ولا الخطب الحماسيّة
وطن بالفيهو نتساوى نحلم.. نقرا ..نتداوى
مساكن كهربا ومويه تحتنا الظلمة تتهاوى
وتطلع شمس مقهورة بخط الشعب ممهورة
تخلي الدنيا مبهورة إرادة وحدة شعبيّة

التلاتة حاجات دي الوفرة الحكومة للشعب السوداني
رايك شنو ؟

أخي وحبييي ود الأمين
لك مني تحية بقدر مساحة السودان
وطيبة أهل الجريف
نشكرك على المحاور الثلاثة وآسف لعدم فهمي لها
عند قراءاتي الأولى لها
فها نحن وقد أصابنا الكبر
وكتبنا لك رائعة أستاذنا محجوب شريف
حنبنيهوالبنحلم بيهو يوماتى
وطن حدّادي مدّادي ما بنبنيهو فرّادي
ولا بالضجه فىالرادي ولا الخطب الحماسيّة
وطن بالفيهو نتساوى نحلم .. نقرا .. نتداوى
والله يا أخوي الثلاثة حاجات
البتحلم بيهم يوماتي ديل حالياً فيهن مشكلة
أولاً: التعليم لا هو مجاني ولا هو شمولي
الطالب من الروضة حتى الابتدائي بيدفع اسبوعي
يعني لما يكمل الشهر يكون
دفع نفس مبلغ المدارس الخاصة
أفهمها وراجعلك

ربنـــا يصلح الحال
ولا مصلح للأحوال إلا الله عز وجل

لا حولة ولا قوة إلا بالله العلي العظيم ..
الموضوع دا خطير .. وبخلي الواحد يطلع من علبو ..
غايتو .. دينا الحنيف يدعونا أن لا ندعوا على أولياء أمورنا ..
عشان كدا بندعوا ليهم بالهداية وربنا يصلح حالهم ..

ولو ما كدا ...

ودمتم لنا ...

ود سنقد كتب:: لا حولة ولا قوة إلا بالله العلي العظيم ..
الموضوع دا خطير .. وبخلي الواحد يطلع من علبو ..
غايتو .. دينا الحنيف يدعونا أن لا ندعوا على أولياء أمورنا ..
عشان كدا بندعوا ليهم بالهداية وربنا يصلح حالهم ..

ولو ما كدا ...

ودمتم لنا ...

الغالي محمد ود الامين

السلام عليكم ورحمة الله
اخي محمد (صلى الله عليه وسلم )صاحب الاسم الأول
اخي محمد موضوعك جميل بس اتكلم بحرية ونحن معك والله هذا هو الواقع بالفعل بالسودان لا تعليم لا صحه لا امن . بس اعلام في التلفزيون فقط والناس بتموت بالامراض هذا منبر حر ولك الحرية في التعبير بس بدون ان تسب اي احد لك حبي واحترامي وتقديري وانت تهتم بحال الناس بالسودان .

وبخصوص كلام الاخ ود سرحان ود سنقد كلام زول كاتم كلام كثير بس بقول يا ودسنقد اتكلم عشان ما تمرض الكلام مجان وانا اعرف انك صاحب تعبير جميل وكلام سلس . ولو ما كدا والله هذه الكلمة جميلة بالحيل انا تخيل انك عاضي شلاليفك عندما تكتب هذه الكلمة .هأههههههههههههههههههههههه
ودرياء النادر

h

mohamed el-amin كتب:: الي اعزائي الكرام

تحية طيبة وبعد
عذرا للدخول المفاجئ
ولكن مأساة شعب كتمت انفاسه من ابسط حقوقه

1/ مجانية وشمولية التعليم
2/مجلنية الصحة
3/حقوق المرأة من الآخر كدة (تحية لحكومة الانقاذ)

محمد الامين سلام عليك ...

انت تكون قاصد..
1/ مجولقة التعليم
2/مجانين الصحة
3/حقارة بى المراءة

ومن الاخر كده ( حيـــــــة من حكومة الانقاذ)

احمد عوض الحاج النميرى كتب:

mohamed el-amin كتب:: الي اعزائي الكرام

تحية طيبة وبعد
عذرا للدخول المفاجئ
ولكن مأساة شعب كتمت انفاسه من ابسط حقوقه

1/ مجانية وشمولية التعليم
2/مجلنية الصحة
3/حقوق المرأة من الآخر كدة (تحية لحكومة الانقاذ)

محمد الامين سلام عليك ...

انت تكون قاصد..
1/ مجولقة التعليم
2/مجانين الصحة
3/حقارة بى المراءة

ومن الاخر كده ( حيـــــــة من حكومة الانقاذ)

يا ودعوض

سلام كيف اخبار المجنون حافظ النور
والله كلامك زي العسل يا عسل ومن الاخر كده دي حلوه بحق وحقيه والله انا الان اضحك من كلامك هذا كلام زول زهجان . اخي الله يكون بالعون ويصلح الحال بس اهم شئ يكون الاحساس بحال المساكين بالسودان موجود اذا لم يوجد الدعم لهم اضعف الايمان الاحساس بحالهم .
مشكور اخوي احمد ومن الاخر كده ( حيـــــــة من حكومة الانقاذ)

الشيخ ود ريا
والله انت ياود ريا شكلك كدا زول شيخ كبير من مقالاتك والصورة بتاعتك دى
عشان كدا ادينا فاتحة قوية خليها تمشى معانا عديل .
الله اكون فى العون مقلين عديل كدة
.

يا شباب شايفكم ماخدين الموضوع من باب المزاح مع انو ديل اهم وابسط حقوق ممكن توفره الحكومات لشعوبها وانا بتكلم عن الحكومات ما حكومتنا يعني لا تعليم مجاني لا صحة وفي الاخر بتجي تتطالب بالخدمة الوطنية ...

أخي محمد الأمين !! إن كان ذلك حاصلاً فمن الظلم أن نجعل الأنقاذ هي السبب الوحيد فالسودان منذ الاستقلال التعليم والصحة اكبر المشاكل فيه وكل الحكومات ساهمت وبالعكس ارى أن الانقاذ قد فعلت الكثير في هذا الاتجاه وإذا حسبنا اليوم عدد المدارس وعدد الجامعات وعدد رياض الأطفال لفهمنا ذلك!! وإن كانت بالمال!! ففي زمن كان الناس بمالها لم تجد جامعة او معهد!! زائد ذلك الشعب هو الذي يكون الحكومة وهو الذي يجلب الحكومة أما أن نجعل العكس فهذا ليس صحيح!! وقبل ما نطالب الحكومة بحقوق ما هي حقوق الحكومة علينا !! ودمتا بالف خير

الاخ ودالامين لك التحيه ولكم

النقاط التي زكرتها وهي خدمات من المفترض ان تكون مجانيه وليست مجانيه اكرر والدليك انا عندي اخوانا بيقرو في مدارس حكوميه وبي قروش وهذا مثا امامي انا فما ح تقنعي بانو كلامك صاح ( ولاشنو ) بعدين مسالة شمولية التعليم دي زي ما قال الصادق المهدي في موتمر صحفي ( التعليم في السودان بقا زي كوز سكر كبوهو في برميل مويه ) .
مين قاليك كدا انا الاسبوع الفات مشيت فحصات اكان عندي مجموعة علاجات ملاريا موش عارف ايه ....... كلف معاي 24 الف جنيه يعني برضو مثل قدام وفي نفسي يبقي وين مجانية التعليم
اما بالنسبه لي حرية المراه ما اعتقد لي سببين
الاول في حريات ما اخوذه او مسلوبه وهي الاحق قبل ان نعطي المره حقوقها فما معنا ان ناخذ حق الاعلام والصحافه وبقية الحقوق الواجبه ونعطي فقط المره ماذا يعني ذلك ان الحقوق لا تتجزاء عزيزي محمد
انا اعمل لصالح الBBC ARABIC لمجرد خبر حقيقي تم ايقفاف المكتب لي فتره والان نحن نعاني من مسالة الحقوق والحريات والكلام الجميله دا
هذه ثلاثه امثله مرت بي ولدي الكثير منها لذا انا مقتنع تمام بان هذه النقاط غير صحيحه لو ( جبتا مرسوم جمهوري) لانو ما شايفه قدامي او انا ما لاقتي في حياتي من ولدونا لحي الليله
تحياتي

الاخ العزيز محمد الامين (سوسيو ) التحيه لك علي هذا الموضوع الرايع
واقول ليك اول حاجه سوف اعلق علب مسال التعليم
المساله ليست مسالة معادات الحكومه او انو الزول دايما بفتش
في السلبيات المساله مساله حقوق لابد من توفيرها للمواطن
فثلا التعليم
الاخ منير زكر ان التعليم في عهد الانقاذ احسن من الحكومات السابقه
وان المشكله من زمن الاستقلال موجوده والناس كان بتفتش بالقروش
مالقت التعليم لكن في عهد الانقاذ الحكومه ساعدة كثيرالانو عدد المدارس والجامعات
اصبح كثير
هل يعني ان كثرة الجامعات والمدارس ان التعليم تطور
هل يعني ان الحكومه طورت التعليم
المساله في وجهة نظري ماديه بالنسبه للحكومه والدليل علي ذلك
المدارس والجامعات الخاصه كلها مشاريع استثماريه قصدة منها الحكومه
استنزاف الشعب عشان يكون الشعب ضعيف وماعندو مايملكوا
من نحية التعليم لا وجود للاكادميه في الخاصه لو في المدرسه
او الجامعه يعني (مافي استفاده علميه ) والنوع التاني نزع القروش من
خلال دفعها في الجامعه او المدرسه وده الغرض منو انوا الشعب يكون تحت امر الحكومه
اما بالنسبه للجريف الناس بتقول الجريف بها مدارس حكوميه كثيره ومتطوره

الكلام ده غير حقيقي لانو برجعنا للكلام السابق
نجد ان المصاريف التي يصرفها الطالب في الحكومي نفسها ي الخاص
وكلنا يعلم ان اغلب اهل الحريف يعتمدون علي رزق اليوم باليوم
يعني لو طلب من ولي الامر مبالغ كبيره لا يستطيع دفعها
ومن هنا تبدا المشكله ويفكر الاب في اخراج ابنه من المدرسه عشان يعلموا
شغل يكسب منوا قروش يعيش بيها
ود الدايراهو الحمومه عشان مايكون المواطن واعي للحاجات وده ناتج من عدم
التعليم ومن ال(العصره الماديه عشان الناس تسكت )
وعشان الراي العام تقوم الحكومه بفتح جامعه او مدرسه خاصه
العندو قروش يتعلم والماعندو ياكل نيم يا يبقي موتمر وطني عشان
يتعلم
ولينا عوده
معز السماني

» اخر عهدي بيهو
» عضو جديد كرت خش ورحب بيهو