مجرد سؤال ولا داعى للفلسفة

يا جماعة الخير ناس الهندى واخوانه الميامين انتم المنتدى بتاعنا دى ما فيه بنات الشكية لله ولا ناس الجريف كلهم رجال مجرد سؤال ؟؟؟؟؟؟؟؟؟؟؟؟؟

اخونا تسالية ما راى اخونا الياهم فى الموضوع دى ولو سمحت بالله بلغ اخناتون علشان يدينا طلة

واخونا الهندى نمشى ناس الحاج يوسف وحلة كوكو وكمان كوبر ونقطع البحر علشان نجيب بنات من الجريف غرب كمان ويعملن لينا شوية وجع راس

هذه دعوة موجهة الى الاخوة الاعزاء والاخوات العزيزات لكى يوجهن ويوجهوا الدعوة الى الاصدقاء من المناطق الاخرى وحسهم على المشاركة فى المنتدى والا وعلى بالطلاق باص الفاتحة دى كان انزل منو ونمشى نشوف باص سيييييييييرة بتاع ود نابرى القالوا دى وعليكم الله ما فى اى واحد يحلف على طلاق لانو يظهر انو ماعندكم نسوان تطللقهوهم ذاتو والله يكون فى عونكم وعونى معاكم

ودالعبيد

حبيبي ود العبيد .... مساك سعيد ...
على حسب ظني ... الى الان المنتدى محتاج لاعلان
أوسع في كل الانحـــــاء وكل الموجودن وصلو عن
طريق الدعوة الشفهية والصدفه عن طريق البحث في
قوقل ... لكن الوعد سابق الكلام أن القادم أجمـــــــل
انشاء الله ... والعنصر النسائي مهم جدا الى ابعد الحدود
والرأي الآخر على جميع الأصعدة الثقافية والاجتماعية
والعلمية .. وفي قد أنجبت الجريف نماذج يشار لها بالبنان
انت خليك قريب بس وما تقعد في نص الباص خليك في
الكراسي الورا معاي جنب الباب ... علشان النطاه تبقا
ساااهله ... ههههههههههههه قلت لي الجريف غرب
بيوين ؟؟؟

عزيزى ودنابرى

انشاء الله ما نحتاج الى النطة نحن ما الناس البتنط اما الجريف غرب فهى قصة طووووووووووووووووووووووووووووووووووووووووووووووويلة

وعريضضضضضضضضضضضضضضضضضضضضضضضضضة

انت مستعد للدخول الى الفلم الهندى دى ولا لسع صغير وجاهل

ود العبيد

الشفيف ود العبيد

والله على قولك
الشكيه لله ولا بنت
تقول منتدى انصار سنه
ويا هندى والله معظم بنات الجربف (الجوه السودان والبره)
عارفين المنتدى
ملحوظة:
اتذكرتا انو عندنا ثلاثة او اربعة بنات لكن
مشاركتهن ضعيفه جدا (عدا سودانية الله يديها العافية)
المفروض اقل حاجة يطرحو قضيا المراة ويتاقشوها
لكن المؤسف نحنا (الاولاد) بنطرح هذه القضايا ونناقشها بدلا عنهم
حتى الاخت سودانية البتمثل العنصر النسائى فى هذا المنتدى انا ملاحظ ليها
لم تناقش قضايا المراة التى سبق ان طرحناها مثل(عاهرات ام ضحايا)
وعدة قضايا بخصوص المراة( بس مامتذكر)
على العموم شكرا للبنات الاعضاء فى المنتدى
وكونو سجلتو فى المنتدى دى خطوه ما ساهله وبتعكس
مدى وعيكن......
(ود العبيد شكرا طرح موفق)

اخى الهندى

انت يا اخوى الاستهبال ده اتركه انت يا اخوى سنة 85 لافى فى الجريف غرب محطة المجلس

وانت عارف محطة المجلس كان جنبها شنو والله حكاية

يا جماعة بالله بلغوا الهندى بالموضوع دى

يا جماعة بطلوا حكاية عزيزى والشفيف والشقيف والرائع وغاندى والله بقت مملة نحن

دايراين شكلة قوية جدا بين الهندى وتسالية او رحال واخناتون وبين المغتربة وسودانية

ويا ريت نجمة تكون محيادة لانها لو ما حايدت انا مع المغتربة وانا ما عارف الهندى

بيقيف وين . ولكن على العموم والله انا مشتهى شكلة حريمية كاربة وانا قاعد اعمل فى المديدة حارة . يا جماعة منو المعاى علشان نخلى دخانها فى السماء

برضو قولوا لى طرح جميل ومميز والله لو قلتوا كدى الا اكسر الشاشة واجيكم بيجوة
ويحلكم منى الجليل الرحيم

ود العبيد

حافظ العبيد الطاهر كتب:: برضو قولوا لى طرح جميل ومميز والله لو قلتوا كدى الا اكسر الشاشة واجيكم بيجوة
ويحلكم منى الجليل الرحيم

ود العبيد

الجمــــيـل وين في الشكل والمضاربات ؟؟ هيا يابه مات تروق لكن انت عارف مما
عقلنا لينا زمن طويل كدي خلينا نرجع للمشاكل تاني ... ناجي سريع جيب السكين ...
يامعز الحقنا بالعكاز ونادي حمدي البرعي وهشام وكوركو لهمزة والدقل بس ماتكلم
عبده ود امحمد بجر بخلينا برانا وبزوغ .. لكن نادي عبدالملك برضو .. وكورك للتاج
خليه يلعب الكراتي الليله .. والله لو لميت شلة حوش حاج عبدالله واستعنت بيهم في الشكله
دي أكان تفوتوا تخلو لينا الكرة الأرضية كلها ... لكن المابنعرفو الشكل مع الحريم ...
أهااااا دي بس ما بنعرفها كلو كلو ولا بنقدر عليها ...
( حكمة الله انا دائما في المشاكل بأولعهـــا وباكون الحجاز وباخد العكاز ...)
تحياتي ود العبيد

عساهو يسلم منتدانا من الشكل انشاء الله وود العبيد كل يوم مايلقا
غير الشفيف .. الجميل والانيق وغاندي والكلام السمح ده
كيتًا عليهو ....

عزيزى ود نابرى

انا اريد الاختلاف فى الراى والذى لا يفسد للود قضية ولكن المناوشات والمناقشة

تولد افكار جديدة وانت اعلم بهذا منى .

اما اولاد حوش ونابرى وكل الجماعة ديل يا يابه انشاء الله يجو فى عرسى ويدقوا الصيوان

ويدقوك انت لانهم اصحابى والصحبة اليومين ديل نادرة ندرة الهندى مع الابواش

هههههههههههههههههههههههههههههه
آمين يارب .. انا قلت لي أمشي معاك لأهل العروس
ولا ألبس لي عراقي واشيل المرزبة وابقى عشره على
الصيوان والحفر
******************
انا بس قلت نطلع من جو الطرح الجميل والشفيف الكلام الظريف

الهندى

الظرافة الكتيرة قالوا بتقتل وبتزيد الملل ويا اخى نحن فى بلد ما فيها اى مشاكل ضرب

ولا فيها مشاكل نسوان وحبينا نشوفها فى الانترنت حتى دى ما دايرين

تخلونا نتمتع بيها يا زول انت مالك معاى فى حد محرشك ولا الحكاية معاندة وعليك الله
تم الاغنية بتاعت المعاندة دى

ود العبيد

الهندي ود نابري كتب:

حافظ العبيد الطاهر كتب:: برضو قولوا لى طرح جميل ومميز والله لو قلتوا كدى الا اكسر الشاشة واجيكم بيجوة
ويحلكم منى الجليل الرحيم

ود العبيد

أهااااا دي بس ما بنعرفها كلو كلو ولا بنقدر عليها ...
( حكمة الله انا دائما في المشاكل بأولعهـــا وباكون الحجاز وباخد العكاز ...)
تحياتي ود العبيد

والله يا ود العبيد انا مع الهندي , والشكله دي لا بنقدر عليها ولا حاجه اخير نطلع منها ولو ماطالع انا بطلع الهندي معاي

ود العبيد شنو الازعاج دا

ياخي الجنس اللطيف مطلوب لان توجد قضايا لابد للمراة ان تدلو بدلوها فيها ولها زوقها الجميل , وكان في كميه كبيره من الفتيات كان على الاقل هذبنا البوستات وكنت يالعبيد هديت وماكنت بتنفعل بهذه الطريقه وكان غلب على الكتابه الشعر واللطافه والاهتمام

على كل حال الموجودات الان مامقصرات وهذه كثيره منهمن ونتمنى ان يزيد العقد الفريد

ويصبح الباص باص سيره للحافظ العبيد

ودمت حسن

» مجرد سؤال
» شركة زين للإتصالات بين مجارة السوق وخدعة العميل (سؤال)
» مجرد لحظة سعيده في زمن صعب
» سؤال ؟
» سؤال فى الرياضة