الى برجوازية

موضوع: الى برجوازية الأحد 03 فبراير 2008, 4:17 am

إلى برجوازيه

قبل أشوفِكْ عايشه كنتِ
جوه فى أعماق بعيده
خالده زيك وزىْ مبادى
فى حياتى دوام وحيده
ولمـّا قلتَ أنا فى عيونِكْ
أكتب أبيات من قصيده
احكى اشواق عمرى ليكى
وكيف عيونك عاد بريده
كنتَ حاسس بلقى صدِكْ
ومهما اريدك
مافى يوم تدينى ريده
أصلى عارفك قاسيه جافيه
وبرجوازيه وعنيده
+++

أسمحيلى أقول لِكْ إنتِ
داير اجهل للمبادى
وأبقى زيّك برجوازى
إلا لكن فى البدايه
هاكى أقرى معاى جوازى
الوظيفه أنا إبن عامل
يشقى يتعبْ
يومو يصعبْ
فى الصباح الحرو يلهبْ
حقو يضْهبْ
بين إيديكم وكل مكتبْ
إلا لكن صدرو ارحبْ
للجميع دايماً يصافى
وما بيجافى
لأنو عامل
واصلو بعرف كيف يعامل
يعشق الناس من ضميرو
يقسم اللقمه ويجامل
يدّى ناس الدنيا خيرو
وراحتو يتعبْ
وإنتو مرتاحين تنوموا
ما عليكم بالتعابه
وما بتشيلو هموم غلابه
القروش فى الفارغه تمرق
وناس هناك الغُلبْ ذابه
فى مساها تنوم وتشقى
وفى الصباح مشوار عذابه
+++

قولى لىْ بس يانضيره
يعنى لازم فى شريعتك وحياتك
الفقير يختار فقيره
مالو لو فى يوم غفيركم
من قصوركم
شابا وإتزوج أميره
الشمس كان يعنى غابت
وفى المشارق جابو غيره
والنجوم منتحره ماتت
والقمر كاتلاهو غِيره
ولاّ لازم يعنى يبقى
الفقرى فقرى
وحالتو شقيانه وعسيره
+++

داير اهمس أقول حقيقه
ودى الحقيقه المُرْ هُو قوله
الريده مابتعرف فوارق
ومافى يوم وروها جيله
ولا الغرام محصور فى طبقه
وليهو تنظيم ليهو حيله
ولا القروش فصلت حبايب
ومره يوم صبحتْ وسيله
يكفى عزة نفسى دايماً
جوه فى الأعماق بشيله
والشقايا الزىَّ وأكتر
بالمحبه أضوى ليله
أقدم الخير فى دروبهم
وابقى هاديها ودليله
+++

يعنى ايه لو كان أبوكى
داك فلان العندو ماضى
وعندو مليون قصر فاضى
وكم قروش مجهول حسابه
وفى قصورو سعيد وراضى
وشرط لازم ده البريدكم
يبقى معروف زى قروشكم
ويبقى هادى
أصلو ما ممكن يجيكم شخص عادى
جيبو فاضى
وفى جوانحو بشيل محبه
وكم مبادى
+++

أسمحيلى أقول نهايه
أمشى إختارى البدايه
وأوعى نفسك تظلميها
وكلميها
بى حقيقة ريده لىَّ
وريدى ليها
أصلى عارفك كم تريدى
وريده لىَّ تهاتى بيها
وبرضى عارفك

قاسيه جافيه
وبرجوازيه وعنيده
وعاد دروبى أنا مابتجيها

النص رائع يا تســــــــالية
ويستحق التحليق حولــــه
لكني لأ املك رخصة الهبوط بجانبة
ففيه من المعاني الجميلة التي لا أدركها
وان حاولت احترقت ... شراً لكي سيدي
فقد أمتعني النظر وبعض التأمـــل في نواصي
هذه التحفة الأدبية
وبرجوازيه وعنيده
شكرا يارائع

+++

داير اهمس أقول حقيقه
ودى الحقيقه المُرْ هُو قوله
الريده مابتعرف فوارق
ومافى يوم وروها جيله
ولا الغرام محصور فى طبقه
وليهو تنظيم ليهو حيله
ولا القروش فصلت حبايب
ومره يوم صبحتْ وسيله
يكفى عزة نفسى دايماً
جوه فى الأعماق بشيله
والشقايا الزىَّ وأكتر
بالمحبه أضوى ليله
أقدم الخير فى دروبهم
وابقى هاديها ودليله
+++

العظيم بعظمة غاندى

ود نابرى
بقولو الحب اعمى
ودا مامعناتو اقوم احب لى بت وزير
وانا ود عامل بسيط ذى حالتنا
لانو حيكون حب محكوم عليه بالفشل
ذى حب اخونا الفى القصيدة
والكلام ليك يا حافظ يا لمنطط عينيك affraid

لانو انت على وش جواز(على قول اخوانا المصريين)

سيدى تسالية

لك كل الود والاحترام ، فى الحقيقة الناس بتخاف من حتة البرجزة دى وفعلا هى بتخوف ولكن لان الرجزة عندى ليست الفوارق المادية ولكن الفوارق الفكرية وهى اصعب من الفوارق المادية والبرجزة هى العيش فى محيط محمى من اى مشاكل وهى اى الاحاطة سبب البلاء كله وعلى العموم انشاء الله نتكلم عن البرجزة واطفال الانابيب وهى والحمد لله زاخرة بها قريحتى وانشاء نجود بها لمن يريدها .

ونت تعلم عزيزى اننى عانيت من البرجزة فى الزمن ربنا يعيده الينا تانى .
واخير دمت يا صديقى وبس الدعوات الصالحات بان يلمنا الله فى بيت مبرجزة اى اخر المدى فقط تكون نحيفة شديد وهذه النحافة لشى فى نفس يعقوب .

والسلام ختام

ود العبيد

عزيزى ود العبيد

فعلا انت اخطلت ببرجوازية كمبيوتر مان ايام جهلتك فى الجامعة
وطبعا الجكس هناك كلو استايل فرنسى
ورايك شنو نعرس ليك باريس هلتون او فكتوريا بكهام طبعا بعد ما نطلقها من بيكهام
لانو ديل مثال للنحافة عند اهلنا الخواجات ومضرب مثل عندهم هههههههه..
تخريمة صغييييرة:
شاعرنا القدال قال
اختا الرمله ماتقع المكان الهش

عزيزي تسالية
حركت بعض الشجون داخلي ولكن ليست برجوازية
فهي تلك الفنجرية أمونة كما يقول (امين صديق)
لا وردة في المطر الكثيف ولا عشبه نادها البحر
نفضت رذاز الأشتعال بت من لهب أخضر شفيف
في الدم كريات اليقين في الشهق زرات السؤال
في الغنية طعم الإكتمال فى الليل موسيقى الكون
أمونة ألفة وإنشغال بت من شرار نار الله في الزمن الجديد
مسكونة بي طيبة نبى وذرة عناد ..
أمونة بتحب السفر والليل وأطراف المدن ومهوسة باللون والظلال

عزيزى تسالية

لعلنى بعد قلت بيت نحيفة طبعا لشى فى نفسى بعيد كل البعد عن المسائل الجمالية

وهو الاتى وامرنا على الله .

اولا الببت السمينة تقول عاوزة تعمل رجيم وتقتلنى بالجوع وانا ما ناقص قتل

ثانيا البنت النحيفة تعمل الحاجات الدسمة وبالتالى طبعا حيكون شبع تقيل جدا وبالتالى نتمرحل سويا فى مسائل السمنة دى

واوعى تضحك فى المرحلة دى

ود العبيد

اخونا العريس

ود العبيد
لقيتك خطر عدييييييل فى التكتيك
اختيارك للنحافة يعنى ما كان ساى
اتارى لغرض معين
وانشاالله تسمن وتبقى قدر اخونا الفى المنتدى
ود............
ههههههههههه

انت كمان ما تبالغ

]الحبيب دوما تسالية
البرجوازية قصيدة جميلة جدا
بس ناقصة مزيقة الحوارى ؟؟؟؟؟؟؟
السؤال ال3 صلايب دى شنو ؟؟؟؟؟؟؟؟؟
كان الفاصلة تكون هلال لانو الهلال معروف ويرمز لاشياء كثيرة منها مثلا يكون
على راس المئزنة ولى بوش الابن لازم يكون معانا حتى فى كلام بنات حلتنا ؟؟؟ tea;

انا ما قلت ليك خليك معاى فى الغابة دى والله لكن ملاحظة غريبة وعجيبة ولا يقدر عليها الا المازون ويا اخى الله يديك العافية ونحن تيم حى الضلمة ما بنشوف فى الضوء

نساليه كتب:: ود............
ههههههههههه

هي ده ماكان زمـــــاااااااااان
ههههههههههههههه

بدر عبد الماجد كتب:: ]الحبيب دوما تسالية
البرجوازية قصيدة جميلة جدا
بس ناقصة مزيقة الحوارى ؟؟؟؟؟؟؟
السؤال ال3 صلايب دى شنو ؟؟؟؟؟؟؟؟؟
كان الفاصلة تكون هلال لانو الهلال معروف ويرمز لاشياء كثيرة منها مثلا يكون
على راس المئزنة ولى بوش الابن لازم يكون معانا حتى فى كلام بنات حلتنا ؟؟؟

الشفيف بدر

مزيقة الحوارى بتاعت شنو انت زول ما ساهل المفروض
نعزف ليك موسيقة السلام الجمهورى بتاعت الرئيس البشير( يعنى ما بتاعت بوش)
وليك على المره الجاية الفاصلة بدل الصليب تكون سبحه
مؤونة 100 عام من الود

الاخ هندى

سلام كميات
كان زمان بتاع ماذا
الى الآن
(والكلام ده قولو لزول ما عندو حديده)
هههههههههههههه

التوقيع..................صاحب صحبك

بوحة كتب:: الاخ هندى

سلام كميات
كان زمان بتاع ماذا
الى الآن
(والكلام ده قولو لزول ما عندو حديده)
هههههههههههههه

التوقيع..................صاحب صحبك

لا لا لا ده انت منك خوفه عديييييييييل ...
هههههههههههه