الرجوع للبيت السعيد

عودنا والعود أحمد بإذن الله

أعتزر للغياب الطويل الذى كان دون قصد زحمة العمل ليس إلا ، الشكر لك أخى الهندى على السؤال
الدائم بدون إنقطاع والشكر لكل من سال عنى من إخوتى واعزائى بهذا المنتدى الجميل ( البيت السعيد )
والتحية للاعضاء الجدد الذين ملؤا هذا المنتدى بكثير من الإشراقات الجميلة المتمثلة فى مواضيعهم الجيدة
وعلى رأسهم الاخ الطيب بخيت والاخوة الأجلاء بديع الغريب * الزين كوف*منير السانى *وكل الاعضاء
الجدد الذين فاتنى الزكر باسماءهم والتحية الخاصة لمبتكر الفكرة الجميلة (المنتدى السياسى )وهنئا لك أخى
تسالية بهذه الفرصة لتجد مساحة خاصة لركن النقاش الواسع من جميع أبوابه وما أظن تقدر على مناقشة ناس
الضلمة وفريق قدام أرمى قدام ورى مأمن وجيناكم ياحبايبنا بعد فرقة وشوق

حبابك .... حبابك .... حبابك
أيها القادم من أعلى القمم
ألف مرحب بيك من جديد
وهاأنت كما عودتنـــــا تعود أجمل وأبهى وأنضر
أبقى قريب معانا وحولينـــا فكيفينا من ألم الفراق
ما نحس ونعيش والبيت السعيد ياهو بقا لينا البيت
تحياتي أو محمد على هطولك الأنيق بيننا ... وأبقى
بعــــــــــــافية وعساها ناضرة سنينك وعامرة أيامك
وتحياتي تطال الأسرة الكريمة

عضو نشط عدد الرسائل : 86 تاريخ التسجيل : 03/09/2007

أبو محمد
عوداً حميداً .. يا الهليت فرحت قلوبنا

ياخي داير أشكي ليك الهندي ده
دائماً سارق دهشتنا وماشي
يوم واحد نحاول نسبقو على حاجة حلوة وما قادرين
شفت كيف سبقنا قدام الباب وشالك بالأحضان

أبقي قريب ياخي .. طالما إنت أصلاً قريب
لك مودتي

اهداء خاص وخاص جدا لعزيزنا ودعبدالماجد شيخ البلد

كم نظرنا هلال ما شاقنا غير هلالو
ما اظنو ذلال يروينا غير ذلالو

ارى الهلال ينقاص ورا محيو يتجلالو
كل يوم يزداد في خديدو نور يحلالو

قاصر الابصار عن حسنو من اجلالو
يتيه يصول باسم هي ما الذ دلالو

الذّ شئ قربو غزل النظر في جمالو
امّر شئ بعدو وجفاهو
ارى الغصون بتميل ما اظن هواها امالو
على الخلاف واذا ميل علي انا مالو

طرفو ليه نعسان وانا طرفي ليه يصحالو
يتلو اية الحب الفي الخدود لايحالو
جمالو كل ما يزيزد جسمي بيزيد انحالو
اما قلبي الضاع خلي اليضيع في حالو

انا لي حبيب يا ليل نوم العيون قلالو
انا لي حبيب يا ناس قتل النفوس حلالو
ولي حبيب يا ليل بشوف خدود يلالومع الظلام تشتاق الزهرة تدالالو

اقتباس :

رحال كتب:: أبو محمد
عوداً حميداً .. يا الهليت فرحت قلوبنا
ياخي داير أشكي ليك الهندي ده
دائماً سارق دهشتنا وماشي
يوم واحد نحاول نسبقو على حاجة حلوة وما قادرين
شفت كيف سبقنا قدام الباب وشالك بالأحضان
أبقي قريب ياخي .. طالما إنت أصلاً قريب
لك مودتي

ليقتكم في الدنيا أجمــــل ناس
ملكو سنين عمري وزمام أمري
بيهم بأحيـــــــــــا وبيهم أعيش
*********
تعلمت منكم يارحـــــــــــــــــال ومازلت باتعلم ...
لك ودي ولا أجد سوى أن انحني لكلماتك التي تثقل على كاهلي
من ثقل ماتعني لي .... فكن بخير صديقي فأنتم أهل الكرم والجود

هلا يا بدر بيك وتشكر يا حبيب على الترحيب ونسأل الله أن نكون عند حسن الظن ونثري هذا المنتدى ونخدم منطقتنا الحبيبة!!

تم دور وادور

عم ونورو شال
فات الحلة نور زى بدر التمام

اخيرا هليت والله المنتدى نور
وعليك الله تانى ما طوّل الغياب وبطل الحنك بتاع المشغوليات ده

ولك منى مؤونة 100عام من الود
اها قصرت معاك قرن كامل من الود

الاخ بدر عبد الماجد

[img]

[/img]ِ

مرحبا بعودتك والعود احمدو ِوالف مرحبا بك

دفقا من الاشواق بلاحدود

في انتظار روائعك

كن قريبا

لك التحيه

الاخ بدر
عودا حميدا وشكرا للترحيب ونتلاقي في بوستات المنتدى.

الرائعون بكل تفاصيلهم
لا أستطيع ان أضف شئ سوى
أني احبكم

مرحب بيك مره في بيتك و ان شاء الله غيابك كان لي خير

شكراً لك أخي بدر

على الترحيب

أريت حالك زين وعذرك

معاك على الغيبة

بس شد حيلك على الاستمرارية ومناقشة

الرائع تسالية وود نابري

وخليك من ناس فريق وراء

ناس مجلي والعرقوز والتبش

وتلر وحطي الجردل

الشباب المبدعين ديل ما يغلبوك

[الغالى أبو ياسر ] يوم طليت فرحت قلوبنا ] نورت المنتدى بإطلالاتك الجميلة
أتمنى الاستمرار بأن أكون بجواركم العامر دوما ولكن قد يحصل ذالك بدون إرادتى.
أما الشباب ديل ما عليك أنا بحاول أقدر عليهم بالرغم من إننى لم أملك القدرة الكافية
(دقة الحنك السنين ) ذى أخونا العرقوز وناس فريق وراء ولكن نحن فريق الضلمة
ناس أخونا حافظ عبيد. وتسالية والهندى ديل كلامهم تانى بحتاج دفرة شوية منك .

وراجعين

اعجبني في هذا البوست ..
وله اللذيذ بدر عبد الماجد للمنتدى ..
ترحيب عمنا الهندي ورحال زينكوف وحسن ومعز وحفاوة الإخوة في إستقبال من نهوى ..
البيت السعيد (النتدى) ونسأله تعالى أن يديم علينا السعادة ..
روعة عمنا حافظ ود العبيد الذي لطالما إشتقنا لكتاباته ..
الحب المعتلي وجه إخناتون للجميع الكريم ..
ويا الغايبين دايماً في شوق لكم ..

احبتي :

كونوا دوماً كما نشتهي ..

» تهنية العيد السعيد
» تهنئه بالعيد السعيد
» ثقافة المراه وتعليمها وكيفية الرجوع الي حبوبتها
» تهنئة الجميع بالعيد السعيد والحج