مسافاااااااات البعاااااااااااااد

يا مسافات البعاد الدايره منك بس ميعاد

لو حتى بس لحظة امل خطواتي تمشي

على الاهل انا للقاكم بالحنين

مشتاق اعانق بالسنين

في قصايدي الفي مشاعري الفي ترانيم الوتر

بترجى في الغربه الاليمه اريته بس تحكم

علي براءة ياسجن القدر

شيلو الشنط مليانه شوق ومني تزكرة السفر

(((((((((((دعوه للعوده الى الوطن)))))))

((((((((((((((وانشاءالله ربنا اجمع الشمل )))))))).

كل طائر مرتحل عابر البحر قاصد الاهل حملتوا اشواقى الدفيقة ليك ياحبيب ولى الوطن والاهل وكل الاحباب ومااطول مسفات الغربة الحارقة وربنا يرجع كل مشتاق الى اهله وياخت اسماء داما مواضيعك جميلة لكنها تجعل الواحد يزرف من الدموع الى تجف فى العين واقولك انا منتظر تزكرة سفرى مامشكله اقبلها ذهاب فقط والله يهون فى العودة

الاخ الطيب الامام مرحب بيك

وانا بشكرك كتير على رايك في مواضيعي بس احب اوضح ليك شي

امكن المواضيع الانا طرحتها كانت بسيطه وعاديه بس الخلاها جميله هو

مساهماتكم ....

والله انا بالجد فخوره اني اكون معاكم في منتدى الجريف وسط التضامن الكبير والرابط الاخوي المميز .......

وبالنسبه لموضوع التزكره حدد الجهه وانا اجيبه ليك ذهاب واياب .

اسماء كتب:: يا مسافات البعاد الدايره منك بس ميعاد
لو حتى بس لحظة امل خطواتي تمشي
على الاهل

التحية ليك وانت تواسى الناس في هذه الغربة الكربة ...

زمان قال الشاعر ..
بلادي وان جارت علي عزيزة ... وأهلي وان ضنو علي كرام

وكنا قاعدين نمر على هذا البيت مرور الكرام لأنو كان المطلوب منا فقط هو اعراب كلمة "عزيزة" .. ما درسنا حب الوطن ما كانت عندنا مادة اسمها تربية وطنية !! لحدي ما الواحد ضاق بنفسو وعرف قيمة الوطن
عذرا يا اسماء لو عرجت قليلا بس زي ما بقولو اليدو في الموية ما زي اليدو في النار
اللهم رد غربتنا .. سالمين ~ غانمين .. ولو رجعنا سالمين كفاية !

التحيه ليك اخت اسوم كلام يبكى الزول ربنا يرد غربه الجميع ويجمعنا بيهم فى ساعه خير حتى الناس الموجوده هنا مع المشاغل بقت فى غربه واصعب غربه انك تعيش فى وسط اهلك وحاسى بالغربه

عاطر الود والتحايا

الاخت اسماء بت ام درمان

داير اقيل وداير ابيت
وداير اشوف امك يا سعيد
لما غطي النيل الترع
وفاض وجوة الوديان طلع
الطريق بيناتنا انقطع
وبدري فاتتني المراكب
ماشه لي اهلي الحبايب
ابدأ من وين والقلب دايرلو شاهد
الرزق ياتومه فراق
وفري الهم والاشتياق
لامن ارجع
واصحي نص الليل وجاهد
لاني راكع لاني ساجد
ابدا من وين والقلب دايرلو شاهد

قمرية فوق النيمه قوقت
حامدينو ... ياقمريه حامدنو
الماهية جات منو
ماعندك خبر تاني
ابونا الفاتنا ليهو سنين
غارق في العرق والطين
متين يرجع يطمنا
بخاف لو قمت نص الليل
عشان ولدي الصغير يرضع
بخاف لما الصقت ينزل واصحا ادخل الشفع
بدورك يا ابو عيالي
تغطي ديونا في الدكان
ويسمع حسك الجيران
وتتونس مع ولادي

الوقت كان اخر الليل وكانت الحلة مقمته
فوقا صاحي القمر الجميل
والبيوت تحتو مشتته
ذي كتابة على المناديل
الكلب هوا على الدرب
الحبيب جا يمشي ويخب
دخلتو البيت صحت المره
العواطف سما ممطره
والكلام عبرات في الحلق
لحظه ما للبيع والشره
قام سعيد بي خشمو سلم
والبنية بقت تبتسم
شالا بوها في صفحتو
بل شوقو وفرحتو
*******
الكلام حار وصعب في هذا الموضوع وتاني راجع ليك

الاخوان عبدالله ودنابري ويحيى والطيب الامام والسفيره سيده

اهلا ومرحب بيكم :

مادعاني الى كتابة هذه القصيده هو الغربه التي احس بها عندما اقراء البوستات التي تكتبوها واكثركم تنداح عواطفه حبا وحنينا للوطن ..

وحتى الموجود منكم لا نستطيع رويته,,, اذا فكلنا تعاني الم الغربه

لذلك اتمنى ان ينفذ موضوع اسبوع منتدى الجريف كي يحظى الجميع برؤية بعضهم البعض .

والله يايحيى القصيده الانت كتبتها كانت في منتهى الروعه والمفروض تنزل قبل القصيده الانا نزلتها لانها اجمل منها بمية مره.........

بلااااااادك حلوة ارجع ليهاااااا دار الغربة ما بترحم !!!!

لكى اجمل التحية اسوووومة
حقيقة انتى رائعة والله الغربة
كتلتنا كلو كلو

الاخ احمد عثمان مرحب بيك ومشكور على المرور .

وشكرا كتير على رايك فيني وبالنسبة لموضوع الغربة انشاء الله ربنا ارد

غربة الجميع سالمين غانمين ......

اختى اسماء

تحايا معطرة بكل ماهو جميل و محبب الى نفسك

اختى فعلا ليس هنالك ابشع من الغربة ولكن

نحن نحس بانها مفروضة علينا فرضا وهذا يرجع
الى اسباب كثيرة ، وبل الواحد مننا عارف ومتاكد من
كمية الحزن التى سوف يراها فى وجهة اسرتة حينما يعود
نهائى للاستقرار فى السودان .
لكن نسأل الله ان يصلح الحال فى بلدنا
وان نرجع الى اهلنا سالمين .

شكرا اختى على هذه الدعوة الكريمة

الاخ حافظ العبيد هلا ومرحب

مفهوم انك لما ترجع نهائي واسرتك تحزن ده مفهوم خاطئ تماما بل على العكس الكل ينتظر هذه اللحظه

حتى ولو رجعت دون غنائم فالمهم هو عودتكم سالمين .

وانشاءالله البلد تتصلح وترجعو ا وتنوروها وتفتح ليكم اوسع ابوابا .

ارض النيل انحنا فداكي

انت امامنا ونحن وراكي

ارضكم سمحه ماتسيبوها

فيها النيل طويل بالحيل

وفيها رجال بشدو الحيل .

[size=24](((((((((((دعوه للعوده الى الوطن)))))))

[/size]الاخت اسماء خالص التحايا

ربنا يرد غربتنا ويرجعنا للاهل سالمين وان شاءالله بشويه غنائم ولا بدون غنائم

لكن بالوضع الحاصل في السودان دا الله يكذب الشينه

تحياتي

الاخ حسن مرحب والله منور البوست

وانشاءالله ربنا ارد غربتكم وترجعو سالمين غانمين وتنورونا

وتنورو حاسات الجريف .

وانشاء الله الله اكذب الشينه ذي ماقلت ..........

الاخت الكريمة / اسماء

جزاك الله عنا كل خير ، وفعلا طالت الغربة ، ونسأل الله أن يرد غربتنا ويلم شملنا ، وانتي ضربتي في الوتر الحساس ، وخلاص اصبحنا رهيفين جدا ، ضربة وتر كلمة شجن ، زغرودة ولو في غناء فضائية ، تجعل الدموع تنساب دون تكلف شوقا وحنينا لارض الوطن والاهل .
فلك ولكل الاخوان الذين عزفوا معك على وتر الشوق والمنادات للعودة .. نسأل الله أن يردنا جميعا سالمين .

الاخ محمد كمال الدين اهلا وسهلا

والله البلد سمحه وفي انتظاركم فاتحه زراعها لابنائها

وتفتح عينه من الصباح الليله الجاها منو من ابنائها

عشان كده البقدر ارجع مايبخل حتى لو ماعندو نيه استقرار

المهم اشوف الحصل وراه شنو

واخيرا

انشاءالله ربنا ارد غربتكم.

الباش مهندسه الابنه / اسماء

لك التحية والتقدير ، واحترم فيك الحب للوطن ، والروح الطيبه بداخلك وتشجيعك لاخوانك للعودة ، وربنا يرد غربتنا جميعا ويلم شمل الجميع بين اظهر اهلهم وزويهم بالخير .
وجزاك الله عنا كل خير ..وباذن الله لنا عودة غريبا في اجازة بين الاهل مطلع يوليو

الاخ محمد كمال والله خبر عودتك سراني شديد وانشاءالله عقبال اشرفنا الجميع في اسبوع الجريف الثقافي عشان ننعم بترابط اخوي حقيقي غير مزيف .....

ويوليو قرب عشان كده من اسي امشي السوق وكتر الهدايا

اقول ليك سر انا اشيل وانادي تعالوا تعالوا (خايفه الناس ديل افهموني غلط واقولوا البت منتظره الهدايا)

بس انت ماتنسى الهدايا ........

احمد عثمان حاج حمود كتب:: كتلتنا كلو كلو

مادام حبل الصبر غلب أقطعة وقول آآآآآآآآآآآآه وأبكي يا احمد
هههههههههههههههه جميل أنت ياصديقي أينما تواجدت .. فكن بخير وكما اشتهي لك

اسماء كتب:

ياااااه .. يمين بالله كلمات خلتني بين السمــاء والأرض ....
فتــــشت كل الكون كله ألقاليهن مواعين ومالقـــيت ..
الندية أسمــاء دعي لنــا هذا الاحساس فالألم فينـا مزورع من زمن ..
الشــوق والحنـــين وجهين لصرخات وآهات .. وذفرات حزن دفــين مع كل الانفاس تمضي
الغربة والشوق للوطن .. وتبقى الكلمات زادنا للصبر .. والأمل موجود ..

*****
ياغريب عن ديارك مصيرك تعود .. بعد غربه سنين مصيرك تعود ..
تشكي لي يمه شوق شال منامك زمان تحكي ليك الحنين..
مصيرك تعود ياما اعتاب عليك ليه رسايلك قلال
ياخي ما تصحه ليك شوقنا ليكم طال طاااااااااااااااااال ..
الصبيه ام عيون شوقا ليك يوم تعود رايجيه منك وعود ..
تزرع الريد في دربك باجمل ورود ريده فايته الحدود .. فايته الحدود ..
برضو عاتبين عليك ليه رسايلك قلال ياخي ما تصحه ليك شوقنا ليكم طال
طال ياليل الغريب قصر علي زمارك وارجع ياغريب ياغريب يا غريب
فرحك هناك في دارك يخشاك الظلام واصبح نسايم نارك وارجع ياغريب

الباش مهندسه / اسماء

لك التحية والتقدير ، انشاء الله لو بنصادف الاسبوع الثقافي يكون غاية الروعة انشاء الله ، لنشارك فيه جانب المسرح . أو حضورا لنهنأ بالاهل والاصدقاء الطيبين .
أما موضوع الهدايا ، حاضرين انشاء الله .