حركات الاولاد والبنات المستهبلين

حركات البنات والاولاد المستهبلين

شوفو ياشباب عشان البنات ديل مايوهموكم سااااااااااي

***حركات البنات المستهبلات ***

كان قالت ليك :طالعه مع امي اعرف انوو (مواعده ليهااا زول )
بتحبني ولا لا او بتحبني قدر شنو اعرف انوو (مشغله الاسبيكر)
جاني عريس اعرف انو(عايزاك تجي تتقدم ليهااا)
جوالي خربان اعرف انوو )دايره ليهااا جهاز(
انا جيعانه معناتوو (دايره عشااا)
دايره انوم )ماشه تشغل الجوال التاني)
اي اي معاك) قاعده ترسل ليهااا في رساله(
تضحك بدون سبب(انت عبيط)
دقيقه اركب الشاحن)خط تاني )(مكالمه تانيه(
امي امي بتدق في الباب اتصل لي بعد شويه )مافي موضوع وونسه بايخه(

اها ودي من ناحيت الاولاد فاعملو حسااااااااابكم يابنات:

كان قال ليك :مشغووول في الشغل )قاعد مع اصحابوفي وما فاضي ليك)

انتي اول حب في حياتي)

كزااااااااااااااااااااااااااااااااااااب بحكم العاده
ابوي قال بنات عمي ما بطلعو مننا(عايز يتخارج منك )
نسيت جزلاني في البيت )دايرك تدفعي مستخسر فيك حق عزومة الغداء(
بكلمك بعد شويه) ماشي يتصل بالتانية في الخط (

مسافر لي في مامورية اسبوع )داير يرتاح من وشك وصوتك)
اي اي معاك) بتكلم في الماسنجر(
لاول مرة يقول ليك لبستك رهيبة(الزمن دا كله في نظرو كنت مبشتنه)
المدير داخل علي)زميلتو المكسراهو في الشغل دخلت عليو و صاحب بالين كضاب فانتي بتستني(
الظروف والجوابات والمرتب ما بكفي)دايرك تشاركي يعني الحياة مشاااااااااركة وشوية شوية تلقي روحك عرستي بحقك(
استنيني سنتين اوتلاته )داير يزوغ من العرس(

اه كدي عرفتو الحاصل الكل اعمل حسابو..................

وفي النهايه كل الناس ماواحد اكيد من الجنسين في ناس صادقين ومميزين ويستاهلو التضحيه........

وبالنسبه لديل الله مارماكم فيهم .....................

والله يا اسماء حيرتينا

وعليكي الله واصلي

والله يا اسماء ماشاء الله راسك............

الاخوان يحي عثمان وعلي عمر مشكورين على المرور

وياريت اعرف رايكم بصراحه الموضوع ده حقيقي ولا انا بتخيل

واقول ليك حاجه ياعلى الوجوه الثلاثه الانت ختيتا دي شككتني فيك الله استر ماتكون عندك ثلاثه وجوه وغاشي بيهم ثلاثه بنات ........

استنيني سنتين اوتلاته )داير يزوغ من العرس( : دى بخلى ودنابرى يعلق عليها أقصد الهندى

انت اول حب فى حياتى ) كزااااااااااااااااااااااب : دى بخلى تسالية يعلق عليها .

أختى أســـــــــــــــــــــــــــــــــــــــــــماء نورتينى الله ينور قلبك أنا من النوع البتخدع سريع ولكن
قصة الاستهبال دى هل منتشرة بكثرة فى وسط الشباب بهذا المستوى ؟

هيا بنت الحلال ده كلام شنو الجبتيهو لينا ده وبعد شنو؟... وأنا كان كده ما إنتهيت .. وفت ود عبدالماجد وتلبت الهندي!!!
لكن بيني وبينكم والله طقاني جنس جوعة!!!
مع السلامة ... مع السلامة ... صديق النعمة معاي على الخط التاني.!!!!!

طيب يا عصام ما تقول الكلام القلتو في التلفون...

أسلوبك يا أسماء أسلوب المسلسلات المصرية، بعمل من الانحرافات الاجتماعية قاعدة و دي مشكلة لأنها بتأثر في نفسيات الناس و بتشكل طريقة تفكيرهم و تقبلهم للواقع، لأنها بتضخم الظواهر السيئة، لدرجة إنو الناس بتبدأ في الإعتقاد أنو الكون ماشي بطريقة واحدة،،، بعيد عن الكلام ده الإخراج فيهو إبداع و محاولة للإصلاح بطريقة ناعمة،،،
ودا ما معناه انو الحاجات دي مافي، لكن تلفون عصام برن،،،

قولتى شنو يا اسماء اختى !!!!

كان كدة
نحن قدام جدا!!!
لانو زمنكم ده ما بنعرف فيهو الا حفظ الارقام الواردة
بس انا وبدر العامل فيها ملتزم هسه
كان مواضيعنا فى اشهر عامود فى جريف قمر (بس زى رجال المرور ) اشارات فقط
وحبيتو ماحبانى انتظرتو قام شرانى!!!!!!
الحمد لله الورانا زمن المس.............................كول
وعالم الكمبيوترات
ومنكم نستفيد
ودى دعوه منى لبدر التمام لاتمام حديثى عن تلك الفترة

بدر عبد الماجد كتب:: انت اول حب فى حياتى ) كزااااااااااااااااااااااب : دى بخلى تسالية يعلق عليها .

؟

تعليقى مقطع غنائى

لا بقدر ولا عايز
بعد حبك احب تانى

وراجى تعليقك على كلام ابو تراجى
هههه ههههه

الاخ بدر عبد الماجد مرحب بيك

ومشكور على المرور انا وريتك الناس ديل بتصرفوا كيف وتاني اي واحده تقول الحاجات الوريتك ليها دي على طول تصنفه شنو

عشان يااخوي ماتقول اختي اسماء ذمان كلمتني وانا نسيت ......

دايراك واعي.....

اما بالنسبه لموضوع انشار الاستهبال حدث ولاحرج ......

الاخوان عصام عبدالصادق وصديق النعمه وابوتراجي وتساليه

مرحب بيكم ومنورين والله :

مامشكله ياعصام المره دي الغداء علينا لكن المره الجايه بخليك بجوعك

وشايفاك وزعتني سريع المدير جاء ولا شنو ؟؟؟؟؟؟؟؟؟؟؟؟؟؟؟؟؟؟؟؟؟؟

وبعدين يااخوي اتفقوا انت وصديق النعمه التلفونو رنه منو .

وياصديق انا اسلوبي مااسلوب المسلسلات المصريه ومابحضره حتى

لكن ده واقع معاش .

وكونو الناس تسمع كلام وتمشي وراهو ده معناه انهم ناس اصلا عايذين انقادوا وديل ماحاتجي لحظه اقودوا ابدا لانهم فاقدين الثقه في روحهم .

ويابوتراجي الفجعه كلها في الوارده دي انت ماقالوا ليك ولا شنو اعمل حسابك منها الله استر .

يجماعه تساليه اخوي شكلو واقع لشوشتو بس الله امرقو من الغشه .

الاخت اسماء حياك الله

فى داعى هسى للفضايح دى ماتخلى الاولاد ديل يتغشو نحنا نشيل ونصلح فى صورتنا قدامهم وانتى تجى تتبظيها حددى موقفك انت معانا والا مع الخيانه ..

الحاجات دى للاسف الشديد واقع معاش سواء من الطرفين دى الاصل وياصديق شكلك لسه عايش فى زمن الابيض واسود والزمن الجميل والاخلاص وشكلك طولت من الشارع والالوان الغريبه البقت تحصل دى الخداع بقى شى اساسى عند الشباب انعدمت الثقه والانسان الماجرب وانخدع اكيد سمع ليه حكايه واقعيه سواء من بنت او من ولد وانهزت ثقتو فى نفسو ...

اقول ليكم حاجه مع السلامه مع السلامه هسى الباب دقه برجع ليكم تانى

برغم احباطي المعلن منذ انضمامي لكم يا رفاق الا انني اعترض علي هذا الاحباط في النقطة دي بالذات واضم صوتي الي عزيزي صديق النعمة وازيدكم تفاؤل بانه يجب ان ننظر الي هؤلاء ان وجدوا علي حد زعم الاخت اسماء بعين الاحتقار والاستهتار والحاجات الاخرها ار دي

طيب يا ستي ورينا نية البت لما تقول ليك .. بعد ما أحللها ليك ..

(دايرة اكمل دراستي) .. دايرة تختبرك .. لانها ما عندها إستعداد تتخلى عن واحد اياً كان ..
(انا ما بطلع معاك بره برانا ) .. دايرة تخسرك مرتين في اليوم الواحد ..
(انا ما بطلع معاك إلا يحصل إرتباط رسمي) .. شفغانة ..
(إت بتسف ولا بتسجر ؟؟) .. دايرة تحسب مرتبك ..
(مرتبك كم ؟؟) ؟؟

ودمتي ...

لمّا تقول ليك انا بنتظرك ... معانها عاوزة تشوف اخرك شنو !!
لمّا تقول ليك انت أملي ... معاناها انت بالنسبة ليها اخر طلقة ..
لمّا تقول ليك ... اليوم عندنا محاضرات مهمة ... معاناها اقطع وشك !!
لما تقول ليك والله الموصلات بهدلة ... معانانها مفكرة في إنك تعمل ليك عربية كشرط اساسي للارتباط ...
لمّا تقول ليك ... انا بيتي جاهز ... معانها الكورة في ملعبك !!
ولّما تقول ليك ... ما معروف القسمة موديانا وين ؟؟ ... معانها بلّ راسك ساآآآكت يا كمبيوتر !!!

الاخوان مستكا ووليد عثمان وعبدالله نابري والاخت سيده صباحي ليكم التحيه ومرحب بيكم

سيده سالتيني انا معاكم ولا مع الخيانه , احب اعرفك انو انا عنصر محايد وبعدين انا حللت ليكي الطرفين بدون مجامله يعني كيف اكون مع طرف معين ..

ومستكا قال ان وجدو ننظر ليهم بعين الاحتقار انت يااخوي فاكر انهم مافي والله موجودين بكثره كدي اتلفت يمين وشمال وشوف تلقى كم احب اقول ليك الدنيا دي كبيره فيها الصالح والطالح .......

اما انتو ياود نابري ودسنقد ده ظلم منكم تشيلو حال البنات وتخلو الاولاد المفروض اكون في عدل ولا انتو فاكرين المستهبلين البنات بس .........

لكن بيني وبينكم كملتو الناقص اديكم العافيه.........

لمّا تقول ليك انا بنتظرك ... معانها عاوزة تشوف اخرك شنو !!
لمّا تقول ليك انت أملي ... معاناها انت بالنسبة ليها اخر طلقة ..
لمّا تقول ليك ... اليوم عندنا محاضرات مهمة ... معاناها اقطع وشك !!
لما تقول ليك والله الموصلات بهدلة ... معانانها مفكرة في إنك تعمل ليك عربية كشرط اساسي للارتباط ...
لمّا تقول ليك ... انا بيتي جاهز ... معانها الكورة في ملعبك !!
ولّما تقول ليك ... ما معروف القسمة موديانا وين ؟؟ ... معانها بلّ راسك ساآآآكت يا عبدالله ودنابرى !!!

احمد عثمان "باداب"
من رأي ليس كمن سمع .. ولّاـ كيف؟!

احمد عثمان وعبدالله ودنابري براحه كده ورونا منو الحايبل راسو

والشاف منو والسمع منو وفي النهايه نحنا ناس اخوان يعني اي واحد منكم اخد مغلب بنقيف معاهو للنهايه

وسركم في بير .......

لكى التحية "اسووووووومة"

حقيقة انتى رإئعة بس الحايبل راسو عبدالله ودنابرى لانى خلاص طفيشة من بنات حوا

بس بنات الزمن دا الله يستر الله يستر

نظرة البنات للشباب :

واحد فى الصف

واحد فى الرف

واحد لى اللف

ودمتى اسوووووومة

عجب يابنات حوا
عجبتني قولة أمي بتدق في الباب ههههههههههههه
تلقى الزول قاعد يطقطق ليها في اصابعيها ولما ماطقن معاهو قال ليها الطقطقن ليك منو الليله

الاخ الهندي مرحب بك والله سعيده بمرورك :

وانا بالجد كنت منتظره مساهمتك ورايك في الناس ديل بس من موضوع الطقطقه ده شكلك منحاذ للاولاد لكن احب اوضح ليك الزول ده اصلو كان عبيط ومابعرف اتونس معها بس حفظوه الطقطقه دي ولمن ملت القصه دي طقطقتون في البيت وجات صاحبك ساءلها الليله الطقطق ليك منوووووووووووو.

نظرة البنات للشباب :

واحد فى الصف

واحد فى الرف

واحد لى اللف

باداب يااخوى ده بالغت فيها عديل بطل فضائح ماتقوم علينا بنات حواء ديل انهم اشد مكرا والرابعة للاكل ويااسماء البالين روسهم كتار لكن اكلمك فى سرك باداب ده انا عارف ليه ستة عشر حلقة وفى واحدة فى الطريق لكن ود نابرى بله راسوا بالموية والان فى مرحلة الصابون وادينى شوية اجيب شى من العربية وارجع

اسماء كتب:: الاخ الهندي مرحب بك والله سعيده بمرورك :
وانا بالجد كنت منتظره مساهمتك ورايك في الناس ديل بس من موضوع الطقطقه ده شكلك منحاذ للاولاد لكن احب اوضح ليك الزول ده اصلو كان عبيط ومابعرف اتونس معها بس حفظوه الطقطقه دي ولمن ملت القصه دي طقطقتون في البيت وجات صاحبك ساءلها الليله الطقطق ليك منوووووووووووو.

الغالية أسمـــاء ... بل أنا السعيد بتواجدي خلسة ودومــاً بهذا البوست رغم الفكــاهة الجميلة
إلا أنه وجبة صباحية دسمة اتناولها واتابعهـا خلسة وصباحياً متى ما استطيع ..
استمري بذلك الألق يا أسمـــاء ودعينــا نعيش على سطح مستوي ومكشوف ففي عوالم آدم وحواء الكثير
لنحكي عنه وبلـّــي راسك انتي كمــان وأسألي سيده صباحي بتوريك الراجيكم شنو

* بارجع ليكم بعد شوية ......
* المدييييييييييييييييييييييير جاء .. لاحوله ولاقوة الا بالله ..قادر الله في خلقه ....
* المنتدى ده عايز مجهود كبير والعشرة والعشرين مابكفو بس زي المرتب ....

الرائعين دوما الطيب الامام والهندي ودنابري

الطيب بنات حواء نوعين حدد انت قاصد ياتو نوع من بنات حواء

كان بتتكلم عنهن ككل احب اوضح ليك

النوع الاول قنوع وراضيه بقسمته

النوع التاني ده القومنا وقعدنا ولابكفيها الفي الصف ولا الفي الرف ولا الفي الصف وماخفيا كان اعظم.........

بالنسبه لموضوع بل الراس انا اتاكدت منو الحايبل راسو ....

بس موضوع العربيه ده موضوع براهو !!!!!!!!!!!

الهندي

والله البوست جميل باطلالتك اليوميه الصباحيه وكل ماتطلو بزيد فكاهتا" وجمالا"

وبجيك صاده لانو اسي امي جـــــــــــــــــــــــــــــــــــــــــــــــــــــــات والباب بــــــــــــــــــــــــــــــــــــــــدق

» قصة د. طــارق وصاحبة عوض والبنات السمحات ،،،