عدد الرسائل : 180 مزاجك اليوم : تاريخ التسجيل : 23/06/2007
موضوع: حسبنا ومانا عادنك !!! الجمعة 10 أبريل 2009, 4:58 pm
صورة مقلوبة
للفنان عثمان اليمني يوجه رسالته للمغتربين ...
اسال ياخي ماكا غريب ولا حتى المعاك اغراب سؤالك عارفه ياخينا زين وحافظ الفيه وقارئ كتاب سؤال عن بارتي في باريس ولا عن الكعوك والطار؟ والله سؤال اوربي عديل عن مايكل وكمان اعجاب ... ودى الموجع جدودنا زمان .. الموجع جدودنا زمان وكان عاملين ليه الف حساب دي سلبيات علم برا كم جرفت معاها شباب .. والفايت قديمه يتوه . يعيش متقطع الاسباب اظن ياخي السؤال ماعيب ولا حتى الكلام يتعاب وهاك من التراب لجواب: القال ليك بلدنا خراب روج اكبر اكذوبة القال ليك بلدنا جيعان اداك صورة مقلوبة نحن هنا السلام وامان والدلوك والنوبة هنا البرج الشمخ عالي بيت الطين وراكوبة هنا المترة وهنا القيزان جليس جدي في طوبة هنا الثروة وهنا البضعان سعن حبوبتي لي روبا هنا الحقل وهنا البستان تموت تلقاهو شغلوبة هنا الحشمة وعفاف ام زين وكت تعدل تلف توبا القال ليك بلدنا خراب روج اكبر اكذوبة القال ليك بلدنا جيعان اداك صورة مقلوبة هنا التاية وقدح مليان ويد تريانه لي كوعه جنوبنا مامننه تمام حلايب مقضي موضوعة .... سودانا التقوله جيعان كلمته الليلة مسموعه رايات مجده مرفوعه .... اباره يدفقن بترول حقوله الواسعه مزروعه القال ليك بلدنا خراب روج اكبر اكذوبة القال ليك بلدنا جيعان اداك صورة مقلوبة شمالنا جنوبنا مشروعات شرقنا غربنا داقي نبات عشانه نفجر الطاقات نظلل ارضنا الخيرات وكله ولايه حازمة تمام .. تنمنية شاملة وارادات شبكات الطرق قامت محل ماتمشي امجازات شندي ودنقلا وبوحات وكل مواقع الانتاج حلفا القربة والسبعات وانت هناك يامسكين ضعت وضاعت السنوات اوربا وناسا والاعلام خلوك صورة من غير دار القال ليك بلدنا خراب روج اكبر اكذوبة القال ليك بلدنا جيعان اداك صورة مقلوبة تبعت كلامهم العجمي ونسيت عوافي كيفينك تبعت كلامهم العجمي نسيت عوافي كيفنك كلامنا العربي شايفه كتر تقول في طوكيو والدنه تبعت حضارة اولاد جون وناس بوبمارلي عاجبنك ياحليلنا النحنا راجينك .. ياحليلنا النحنا راجينك علشان يغزو البلد علمك تقود لتنمية بلدك وتضع لمساته بفنك اظن يامتر انت خلاص انقطع العشم منك والله نحنا عددنا تم بلاك حسبنا ومانا حاسبنك ايوة نحن عددنا تم بلاك حسبنا ومانا حاسبنك نحنا بلدنا بنصونه بلد شرع الله قانونه ونحنا كيفن نموت دونه دونه ايوة بلدنا والله بلدنا يمين الزيك انت هناك يشوف الزلة بعينه يتوه في مهرجان هوليود تزلو الموضه وتجيلو واذا ادوك بطاقة جيمي اكيد يامتر خادعنك لانه الناس هناك درجات كل انسان حسب لونه نحنا بلدنا بنصونه عاد برانا بلدنا بلد شرع الله قانونه
عدد الرسائل : 817 العمر : 39 الاقامة : khartoum المهنة : technition of nursing (coronarycare unit مزاجك اليوم : تاريخ التسجيل : 17/07/2008
موضوع: رد: حسبنا ومانا عادنك !!! الجمعة 10 أبريل 2009, 5:05 pm
تسلم يا رائع كروعة منظر الغروب......!
صديق النعمة الطيب قلم فضي
عدد الرسائل : 357 تاريخ التسجيل : 22/08/2008
موضوع: رد: حسبنا ومانا عادنك !!! السبت 11 أبريل 2009, 6:27 am
يا ريت بس نفهم قصد الفنان...
و نفهم إنو الغنى جوه في النفس مافي الأشياء الحوالينا... يا ريت نفهم إنو الجمال جوانا و رؤيتنا للأشياء هي البتخلي الأشياء جميلة.. يا ريت نفهم إنو نحن المحتاجين للبلد ما البلد المحتاجه لينا،،، يا ريت نفهم إنو الوطن عطاء و بذل و تضحية و نكران ذات و تجرد، و ما بناخذ منو إلا العزة و الكرامة.. يا ريت نفهم إنو لو اختلفنا في حب البلد بنكون قتلنا روح البلد،،، يا ريت نتفق في حبنا و نختلف في طريقة عطائنا عشان يكتر عطائنا، و عشان ما يكون الإختلاف وسيلة للهروب من عطائنا،،،
Sudania الادارة
عدد الرسائل : 180 مزاجك اليوم : تاريخ التسجيل : 23/06/2007
الاستاذ صديق كما واضح ان هدف الاغنية رجوع المغتربين الى ارض الوطن. اعجبت بالاغنية لان كاتبها نجح في توصيل معلومته بطريقة قوية تهز قلوب الطيور المهاجرة . التي لربما تكون سبب في الرجوع الى الوطن
ولكن هنالك بعض الابيات التي اوقفتني قليلا اظن يامتر انت خلاص انقطع العشم منك والله نحنا عددنا تم بلاك حسبنا ومانا حاسبنك
هنا الكاتب قام بتغير اسلوبه من تعريف بالوطن واحتياج الوطن للمغترب الى اسلوب الاستثناء. قام بارسال رسالة الى المغترب ينوه بانه تم استثناءه من هذه القائمة. ولا اعتقد ان هناك من المغتربين من يوافقه. فهذه الكلمات قاسية بعض الشئ. واعرف ان الكاتب اختارها فقط ليحرك قلب المغترب للرجوع الى الوطن الام ولم يقصد فعلا استثناءه من باقي المواطنين. اخيرا اتمنى ان يرد الله غربة جميع المغتربين الى الوطن سالمين غانمين ومتفوقين واتمنى ان يغزو البلد بعلمهم ويثبته للمغني ان العشم فيهم لم ينقطع
المشكلة يا سودانية كلمة المغترب نفسها بقت مشكلة...
لأنو المغترب ممكن يكون حامل السودان جواهو و لا قاعد فيهو بالنت أو أي وسيلة اتصال،، المغترب حقيقة هو من تنصل عن وطنو... سواء بقى داخل أو خارج بلدو... لأنو خطورة الاغتراب ما عن الوطن و إنما عن النفس و الهوية... و دي القضية... كلامك قمة في الابداع.. و ربنا يحفظكم...
يحيي عثمان عيسي عضو فعال
عدد الرسائل : 168 مزاجك اليوم : تاريخ التسجيل : 18/12/2008
موضوع: رد: حسبنا ومانا عادنك !!! الأحد 12 أبريل 2009, 1:24 am
سودانية وبت رجالا صح اهل الحاره وقتين الموريات تقدح
سودانيه بت اهل الكرم والعزمه والهمه وسناد الضعيف معروف جدك النعمه
يحيي عثمان عيسي عضو فعال
عدد الرسائل : 168 مزاجك اليوم : تاريخ التسجيل : 18/12/2008
موضوع: رد: حسبنا ومانا عادنك !!! الأحد 12 أبريل 2009, 5:02 am
جنوبنا مامننه تمام حلايب مقضي موضوعة ....
حلايب .. حلايب
واحمد غايب في الترايب جاها كلب سنونو صفر اكل حلايب حلب حلايب يا حلايب ... يا حلايب مثلث غايب واحمد غايب
ويا حليلك يا بلدنا وا شريري انا وا شريري
Sudania الادارة
عدد الرسائل : 180 مزاجك اليوم : تاريخ التسجيل : 23/06/2007
موضوع: رد: حسبنا ومانا عادنك !!! الأحد 12 أبريل 2009, 11:50 am
الاستاذ يحيي عثمان عيسي شكرا لمرورك ومشاركتك في الموضوع وكلنا نأمل بسودان جديد تنقضي فيه مشكلة "حلايب" وكل مشاكل السودان
ايمن السر بابكر عضو فعال
عدد الرسائل : 275 تاريخ التسجيل : 12/07/2008
موضوع: رد: حسبنا ومانا عادنك !!! الإثنين 13 أبريل 2009, 12:30 am
السودانيه الاصيله الغربه خشم بيوت فى غربه الزاميه لتطوير الزات ماديا اجتماعيا علميا دى نحنا بنختارا وفق ارادتنا عليه لو الزول اللوز بتاعتو تمام ما بتهاجمو اى جرثومه ودى ما فيها اى غضاضة بس الزول يتحمل الزول بتفوتو حاجات هى حارة بس العوض فى الانجاز وفى غربه الزاميه تفرضى ظروف خارجه عن الارادة ودى ما فيها اى سلوى والاسواء من دا كلو الغربه داخل البلد