غدر

موضوع: رد: غدر الثلاثاء 07 أبريل 2009, 11:10 pm

الخيل تجقلب والشكر لحماد واللبيب بالاشارة يفهم يا باشمهندسة

موضوع: رد: غدر الأربعاء 08 أبريل 2009, 3:41 am

ملهمة كتب:: اصبحت اتجنب مجالسة صديقاتي خوفا أن اشم رائحة عطرك بينهم.......................................
جعلت مني امرأة اخرى تعشق الشك وتدمن الغيرة لم أكن كذلك يوما ما وبعد كل هذا تأتي وبكل برود وتعلن أنني لست المرأة التي أحببتها بعدما غيرت كل مابي تعلنها دون أي أسف فيا لاسفي على نفسي

ياذلك الوهج الذى يأتى إلينا فاصلاً بين الظلمةِ الحلكاءِ وأزاهر الدفلى التى تتفتح’
فى الصباحات الجميله معبقةً بعطر السوسن والياسمين ... الملهمة ... اسم من
آخر الزمــان يفضي إلينا النغم ...
فكوني في إلهام مستمر ومتواصل فهذا ما نحتاج ونشتهي لينتعش المكان بعبير
لايضاهي واليكي السيدة صباحي وأسماء وسوار الياسمين والسودنية والنجمة
وأخريات وأخريات وامضوا في براح المكان .. وهذا ترحاب بكي وبكل من هو على شاكلتك
وسيأتي بعد قليل الحديث عن ما افضى فيه الاحباب ابتداءا من ابن عمي عبدو ود نابري .
فللحديث عن الشـاكوش شجون وخصوصاً من ذوي أهل الخبرة .

موضوع: رد: غدر الأربعاء 08 أبريل 2009, 4:19 am

الساطع فى سماء منتدانا

القآ
وفنآ

وابداعآ

الهندى ود نابرى

عمت نهارآ

لقد قلت ( وبى عظمة لسانك):_

فللحديث عن الشـاكوش شجون وخصوصاً من ذوي أهل الخبرة .

اها

رااااااااااااااااااااااااااااااااااااااااااااااااااااجنك.....؟!

موضوع: رد: غدر الأربعاء 08 أبريل 2009, 7:06 am

يا صديقي عبدو لك التهاني أقصى ما تراه العيون ..
ولك المعزات ولك معتق الديباجات التي توازي ما أنت فيه من أفراح .
.بعيدا عن الحديث في القدر المحتوم والمصير المحتم لكل الرؤوس .
أما عن رأيي فانتظرني قليلا ألملم أنفاسي وابحث في أوراقي علّي أجد ما اكتب
من أثر الدهشـة والحيرة وشيئاً من الألم . ( لحال البعض - المصابين )
انتظر انتظرني فقط ياصديقي

موضوع: رد: غدر الأربعاء 08 أبريل 2009, 10:24 am

الحبيب تكعيب
الهندى ود نابرى

الحب فى زمن مضى كان حبآ صادقآ يمتاز بالشفافية والصدق؛ حب بمعنى الكلمة ...!

وكانت المحبوبة صعب الوصول اليها زى التلفون المقفول كما قال ( والدى الحبيب )
اطال الله عمره.

يعنى يا الهندى المساسكة والرجاء الاتصال لاحقآ من زمن ابوى وابوك

مع انو ابوى وابوك زمنم الحب كان بخيرو.....................!

اما الشاكوش
فلقد استدرجت ابتى اطال الله عمره فلم اجد له وجود او مسمى
لان حب السابقين كان يبدأ من يوم الزفاف يعنى جدى وجدك
حلفوا طلاق وحرام وزوجوا ابهاتنا بمشورتم هم (ولا حب
ولا معايير ازدواجية ولا فى مرحلة الجامعة ) ولا (يا ابوى انا بحب
فلانة ) خبت لزق يقوموا يعرسوا ليهوا..........

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه

والله نعمة الله يسالك يا الهندى غير ( البوبار وارتفاع مدلات البوار
وغلا المعيشة وعييييييييييييييييييييييييييييييييييييييييييييييييييييق...الخ)
المجهجهنا شنو ؛ مش كان احسن نعمل زى ابهاتنا ..........................؟؟؟!

المهم ابهاتنا ديل مرزقين جنس رزق الواحد فيهم
تقولى يابا انا اخته شاااااااااااااااااااااااااااااااااااااااكوش
يضحك ويقول ليك ( دمك مالو ما سال ) فهم شاكوش يعنى شاكوش الحدادين
يجيك فى النافوخ لمن تقول :_

قبل ميعادنا بى ساعتين ابيتو انا وابانى البيت
اغالط نفسى فى اصرار اقول يمكن انا الماجيت.

رحم الله الفنان الراحل خليل اسماعيل وهو يجسد

منظر (عبدو كمبيوتر ) بعد الشاكوش ؛

حاجة اخيرة :_

رحم الله الحب

فلقد كان مميزآ ونادر وجوده فى هزا الزمان وفى بعض الاحيان ينعدم...!

بره الموضوع:_

اقيس محاسنك بمن
يا الدرة الماليك تمن
انتى ....! نور عينى ونور الزمن .......!؟

دمتم متحابين واموركم ماشة باسطة
زيى كده؟؟؟؟؟؟؟؟؟؟؟؟؟؟؟!

موضوع: رد: غدر الخميس 09 أبريل 2009, 12:29 am

الاخوة الاعزاء لكم مني كل التحايا حقيقة شكلو الموضوع وقع ليكم في جرح وبعدين يعني شنو تتشوكش بتحصل لا أول ولا اخر واحد عادي بعدين لازم يكون شعارنا يعني شنو لو اتشوكشنا

موضوع: رد: غدر الخميس 09 أبريل 2009, 3:17 am

ملهمة

صباح نديان وعساءك بخير

والله سؤال منطقى يعنى شنو لو اتشوكشنا ............؟؟

مش الرضاء بالمقسوم عبادة ...............!

حب ايه الانته جاى تقول عليه .............!

ملهمة .......

الزمن ده لا بنفع معاهو حب ولا حاجة يعنى البنات ديل

يقومن نفسنا ويقطعن وطول السنة يسمعوك

انا بحبك حب ما ليهو حدود والله غيرك ما حأحب

وياملهمة .................................

الحكاية دى ما دايرة ليها شهود ...............................!

هدية

الى كل من وقع عليهم الش.......ااااااا.......كو......ش.

موضوع: رد: غدر الخميس 09 أبريل 2009, 6:15 am

معز السمانى كتب

هل من المفروض ان ينتهى الحب بالزواج نقطه سطر جديد

عايزه اتم ليك السطر من وجهت نظرى انا شايفه ماضرورى اى واحده تحب واحد تتزوجو ومابضرورى كمان تديه شاكوش مؤلم يعنى ممكن تسيبو وجواها منو اكبر زكرى انا شخصيا لو عندى حبيب كنت بخليه صوره بس يعنى ما ماكنت ح اتزوجو وندخل فى مشاكل الحياه الزوجيه واكره اليوم الشفتو فيه ( جيب السكر وجيب العيش واقصاد المدارس وطلبات الاطفال ونكد ومشاكل كل يوم والغريبه بقولو اتزوجنا عن حب بس ضاع احسن اعاين ليه من بعيد لى بعيد واتزكر الاشياء الجميله الجمعتنا . يعنى زى الوحده لما تشوف ليها ورده جميله داخ بترينا مقفوله بتعاين ليها من بعيد بتتخيل ملمسها وراتحتها فى حين انو لو فتحت البترينا وحاولت تطلع الورده دى ممكن تكون بلاستك وصناعيه ومافيها اى ريحه ويجيها احباط وتقول ياريت لو ما طلعته بس بى نفس الفهم . عشان كدا الحب كل ما كان على البعد بيكون احسن (لانو الاحتكاك بيولد حريق ) يعنى الشاكوش الاول مطلوب والاتنسان البتحبو كتير ماتحاول تقرب منو عشان ماتتصدم بحاجات ما متخيله عنه بيقولو البحب مابيكره وانا بقول عكس دا بمقدار الحب البت الحبتو ممكن يتحول قدرو وزياده الى كراهيه لو حصل من المحبوب حاجه جرحتها

تخريمه حقت كمبيوتر

مامعناها انو كل واحد يتزوج من طرف بس فى حاجات فى الحياه الزوجيه اكبر من الحب . المتزوجين اكيد بيعرفوها منها الاحترام المتبادل والعشره الطيبه والرفق بالقوارير وغيرو وغيرو وغيرو .............الخ وناس كمبيوتر ديل ليهم الله يعنى اليها سته سنه دى ولو خلتك عادى عشان انت زاتك كترتا المحلبيه وتستاهل يفكوك وتقعود تعنى كنت راجيها سته سنين حبى ليك كان زادى

موضوع: رد: غدر الخميس 09 أبريل 2009, 8:10 am

ادمنت ريدك وعشقت ريد غيرى انشاء الله ما تتهنا دعوه خالصه فى ضميرى..

موضوع: رد: غدر الخميس 09 أبريل 2009, 11:36 pm

[quote="احمد عوض النمير"][ادمنت ريدك وعشقت ريد غيرى انشاء الله ما تتهنا دعوه خالصه فى ضميرى ود النمير جد الادمان الحب حلوه كتير ولكن مازى ماقالت سيدة بان لاتتزوج بمن تحب الحياة الزوجية اذا كان فيها حب وتضحية متبادلة من الطرفين وخصوصا العنصر الرجالى لاننا من جد الاغلبية يجيدون العزف على طريقة ؟؟؟؟؟؟؟؟؟فى الخيانة وعنصر النساء اذا اتزوجتها عن حب واخلصت لها وكل لحظة قمت بعزف على الوتر الرومانسى ووفرت لها سبلة المعيشة وكنت موضح لها كل ظروفك وحياتكم مبنية على الصدق بتكون اسعد انسان لن فى حب وزواج واهم شى تعمل زى ماالمثل بقول مد رجلك قدر لحافك يعنى مامكن تكون شغال عامل وتجى تقولى انا بحب لى واحدة تدرس طب او ابوها غنى المهم كيف تجعل حياتك مستقرة وهاك دى Basketball

وبجيكم صادى كلامكم عجبنى خلونى ادبر شى وارجع يفكر

موضوع: رد: غدر الخميس 09 أبريل 2009, 11:38 pm

هدية لى كمبيوتر واحمد باداب والمرة الجاية بجيبلكم مرزبة وزردية

موضوع: رد: غدر الجمعة 10 أبريل 2009, 11:20 am

ود الامام تحياتى ...

الشاكوش عرفناه ... الزرديه دى اكون يعنى ضربه الشاكوش رخت الصواميل ولاشنو هههههههه !!!!!

انت ما سمعته جحا قال شنو عن الزواج :

لعن من تزوجوا قبله ... ومن تزوجوا بعده
(لأن من تزوجوا قبله لم يحذروهـ من الزواج ...ومن تزوجوا بعده لم يسمعوا نصيحته)
هذا لأنه جحا....وهو مثال للغباء..
ومعنى ذلك العكس هو الصحيح .. الزواج اجمل شىء فى الدنيا بل هو الدنيا كلهـــــــا.. اذا حصل تفاهم بين الاثنين وحسب رأى وجود التفاهم ليس بالامر الصعب .. مثلاً اذا كان زيد وعبيد مختلفين فى امراً ما لكى يحصل توافق بينهم لازم زيد اتنازل عن سبب النقطه الذى جاء فيها الخلاف بنسبه 20% مثلاً كذلك عبيد وهنا يحصل توافق بينهم ..

وذلك لكى يتفادو المشاكل التى تواجههم بعد الزواج ولكى لايصبح الامر كذلك:

لك خالص ودى اخى الطيب وكل الاخوان المتزوجين وربنا اجعل ايامكم كلها سعاده... اما اخوانى العزابه اكفى انو اسمنا العزابه طالعه من العذاب...

موضوع: رد: غدر الجمعة 10 أبريل 2009, 3:20 pm

بت صباحى

تخريمة مدبلة:_

يا اختى والله حكاية حبيبك تخليهوا صورة دى بالغتى فيها عديل.

نظرة فحب فتبادل فاحترام فزواج فاولاد ف....الخ

اتمنى من الله ان يوفقنى واتوزج حبيبتى الحابيها سته سنين .

بت صباحى

حبكم صعب عدييييييييييييييييييييييييييييييييل؟

يا اختى كدى النتلمة اول

الباقى هين

موضوع: رد: غدر الأحد 19 أبريل 2009, 6:11 am

كمبيوتر اذى الحال

نظرتى دى ميه ميه ومجربه انت حابيه سته سنه عشان بعيده كدى عرسه شته شهور بس والله تزهج منها دى لو ما زهجت فى سته يوم حب شنو ياكمبيوتر فى السخانه دى

موضوع: رد: غدر الأحد 19 أبريل 2009, 9:21 am

اخوى واختى كمبيوتر وسيدة وباقى الاخوان والله للحياة الزوجية رونق خاص اذا كانت عن حب صادق وبه وفاء واخلاص متبادل من الاثنين وعلا لايخلوا بيت من المشاكل لكن اذا كان فى اصرار وعزيمة من الاثنين بتخطوا كل الصعاب ويكونوا سعداء فى حياتهم وقصة ياسيدة الحبيب يفضل زكرى فقط لا اويدك فيها وهذا انما لعب بالعواطف وفى كتير اتزوجوا عن حب وعايشين سعداء ولى تجربة وربنا يدوم السعادة بين الجميع وموضوع الحياة الزوجية لاينتهى وشيق الحديث فيه وطريقة العزف الجيد للحياة والرومانسية هو الاساس الى السعادة ولكن اذا اجدت ياكمبيوتر العزف الصاح بتكون سعيد ومااحلى الحب مع الزواج والتفاهم وبجيكم صاد لسع ماانتهى كلامى

موضوع: رد: غدر الإثنين 20 أبريل 2009, 10:02 am

والله بصراحة ....

الشاكوش وما ادراك ما الشاكوش .. يا اخوانا ما تفهمونى غلط ؟

هذه قسمة رب العالمين وهذه سنة الحياة سبحان الله , كل يوم ينزل مالك من السماء يقول :

فلان لى فلانة وفلانة لى فلان يعنى كل شى قسمة ونصيب ...

بس بنات الزمن دا الله يستر الله يستر...

الاخت الكريمة والله الشاكوش حااااااااااااار ...

معنى كدا الناس دى كولها مضروبة شاكوش

موضوع: رد: غدر الثلاثاء 21 أبريل 2009, 12:21 am

ههههههههههههه...... والله ياباداب ضحكتنى .. وحننتنى!!!!!

قال شنو قال ( ماتفهمونى غلط ) .... تيب افهموك كيفن

ياحليلك!!!!!

موضوع: رد: غدر الثلاثاء 21 أبريل 2009, 2:10 am

احمد عوض ... باداب قال الشاكوش قسمة وطالما ما هو قسمة ونصيب مفروض يكون بارد وكده "بردا وسلاما" ... لكن بس عشان الناس ما تفهمو غلط قال ليك إنو حااااار ..
عشان الواحد لو عاوز يجرب يعمل حسابو شديد لانو الشغلانية دي نار .. نار بس!
يعني قصدو إنو القسمة دي ذي العضة ؛ العضة بتاعت ياسر .. متذكرها ؟؟

موضوع: رد: غدر الثلاثاء 21 أبريل 2009, 2:27 am

اجمل ما كتب في الشاكوش ..

كتب ناجي ود مريم عمتي ...
يا جماعة الشاكوش والله لا حار ولا حاجة لانو انت وقت ادوك شاكوش بتكون مغبى ولا بتحس باى حاجة .
بعدين انحنا ذاتو يعنى قويين شوية كدة فى مشاعرنا والحاجات دة يعنى ذى المسمار القوى لا يزيده الشاكوش الا صلابة وقوة وثبات

موضوع: رد: غدر الثلاثاء 21 أبريل 2009, 3:25 am

حبيبنااااااااا ... احمد عوض
والله ضرب تقيل بس اخوك قوى عوووووود .....