عيد الحب

موضوع: عيد الحب الأربعاء 11 فبراير 2009, 3:02 am

فى منتصف شهر فبرائر وتحديدا 14/2 يحتفل الناس جميعا فى هذا اليوم الخاص ويسمونه عيد الحب

وهو عباره عن تعبير فى المفهوم الوثنى الرومانى عن الحب الالهى وقد استمرت الاساطير والحكايات عن هذا اليوم وبختصار يحكى انه كان فى هذا اليوم يجتمع الناس فى ساحه كبيره ويكتب اسماء الفتيات

الاتى فى سن الزواج اسمائهم فى ورقه ثم توضع داخل صندوق ثم ياتى الشاب

وياخد كل واحد منهم ورقه وصاحبه الاسم الذى فى الورقه تكون حبيبته لمده عام ليتم زواجهما فى العام المقبل . وعندما قامت الحرب وجد القائد ان الجنود تتخاذل فى الذهاب الى المعركه بسبب الحب والذواج وان يفارق الجنود محبوباتهم. ولهذا منع القائد القوطى (كلوديوس) الزواج بهذه الطريقه ولكن القديس( فالنتين) لم يمتنع عن تذويج كل اثنين احبه بعض سر وعندما اكتشفه القائد قام بحبسه وتعذيبه وفى السجن احبته ابنت السجان واحبها وبهذا خرج عن ديانته بما انه قديس فامر القائد باعدامه فى روما عام( 296) وبنيت كنيسه فى روما عام (350) تخليدا لزكره واصبح اليوم يسمى بالفالنتين وهو يوم الحب الزى اصبح يوم يحتفل به الحميع . هى فعلا عاده سيئه كوننا نتاثر بعادات وثنيه غربيه .فطالما هذه العاده ليس بها مضار كونو الناس تحتفل باسمى شئ فى الوجود فلاباس بها . والشئ المفروض انو الناس تحتفل بهذا العيد كل يوم وليس يوم فى العام ولكن نسبه لمشاغل الناس وزحمه الحيا ة فيوم 14/2 بمثابه تزكير.

وانا من هذا المنتدى بهنئ الجميع بعيد الحب وكل سنه وانتو متحابين مع العلم ليس بالضرورى يكون الحب الحبيب لمحبوبته . بل كل مايندرج تحت هذه الكلمه سوا حب الام حب الوطن الاخوه حب الصديق .

ومن هنا بهنئ كل من فى المنتدى والجريف لانى بحبه كتير وجميع اصدقائى وصديقاتى وزوجى الحبيب والدعوه ليكم للتهنه ...............

0

0

موضوع: رد: عيد الحب الأربعاء 11 فبراير 2009, 4:46 am

سلام

الشكر اليكي وانتي تطرحي هذا الموضوع الجميل

بس الحاجة الداير اعرفة علي حسب مازكرتي من قول:-

ولكن القديس( فالنتين) لم يمتنع عن تذويج كل اثنين احبه بعض سر وعندما اكتشفه القائد قام بحبسه وتعذيبه وفى السجن احبته ابنت السجان واحبها وبهذا خرج عن ديانته بما انه قديس فامر القائد باعدامه فى روما عام( 296) وبنيت كنيسه فى روما عام (350) تخليدا لزكره واصبح اليوم يسمى بالفالنتين وهو يوم الحب الزى اصبح يوم يحتفل به الحميع .

هل تاتي هذه المناسبة احتفالآ وتخليدآ لزكري الراحل فالنتين ؟

موضوع: رد: عيد الحب الأربعاء 11 فبراير 2009, 6:26 am

اخ نبيل كل سنه وانت طيب وشكرا على مرورك

ماسمى تخليد لزكراه العيد كان موجود قبل فالنتين على حسب الروايات وهى كتيره ومتعدده بس لانهم بيعتبرو فالنتين هو شهيد هذا الحب عندهم لذلك اشتهرت بالفالنتين

موضوع: رد: عيد الحب الأربعاء 11 فبراير 2009, 1:40 pm

اهنى جميع الاعضاء بعيد الحب وكل عام والجميع بخير

موضوع: رد: عيد الحب الجمعة 13 فبراير 2009, 8:08 am

الأخت سيدة كل ساعة و إنت سعيدة ومبسوطة ومتلفحة بدثار الحب، علينا أن نتفقد الحب بيننا كل ساعة و لا ننتظر عاماً حتى يجيء فالنتاين و يهذب به مشاعرنا،،،،

أولاً لك الشكر على طرح الموضوع رغم اختلافي معك جملة و تفصيلاً، و لكن لعلمي بكاتاباتك فإنني أجزم قاطعاً أنها كبوة الفرس و هفوة العالم، فحسن النية متوفر بتوفر حضورك القوي الذي أنار لنا بعض جوانب الحياة التي كانت خافية علينا، فلك الكثير من التحية و المعزة في قلوبنا،،

لقد ذكرت في كلامك أن هذه إحدى الروايات، فمن الروايات الأخرى حسب ما يروون حول هذه الخرافة، في هذا اليوم يؤتى بصندوق و توضع فيه أسماء البنات بدون تحديد، و على كل رجل أن يسحب إسم فتاة، و عليه أن يقضي مع هذه المرأة مدة عام كامل يمارس معها كل ألوان العشق في أحط صوره بل و كل ما يخطر على بال كل من ينظر إلى النساء على هذه الشاكلة المنحطة ثم يرمي بها في نهاية العام و يبحث عن امرأة أخرى، و في رواية أخرى يطارد الرجل إحدى الفتيات بعصا فإن نال منها يطربها ثم يمسك بها و يستمتع معها بقية العام ليفارقها إلى غيرها، بمعنى أن يكون الرجل عبارة عن ديوس، فأخته أو إبنته أو زوجته ربما تكون في الصندوق أو مع من يطاردهن الذئاب الشبقة و لا يحرك ذل كفيه نخوة و لا حمية و لا شرف فجل همة قضاء لذته كيفما تفق،،

بصرف النظر عن صحة الروايا و بعيداً عن كل معتقد و دين، هل نجيز هذا الفعل الواقع على النساء، بمعنى أن يكن مصدر إمتاع للرجل دون النظر لحرية اختيارهن، و لا النظر لكرامتهن و كينونتهن،،،

أما من الناحية العقائدية، و ليس الدين الاسلامي وحده، فلا أعتقد كائناً من كان يمكن أن يذكر هذه التصرفات بل و يحتفل بها عيداً و نسكاً و تباع فيه الزهور و الورود بمناسبة انتهاك الأعراض على مرآى و مسمع من الكل،،،

أما من الناحية الإسلامية فلا أعتقد أن الحب في الاسلام يمكن أن يتسفل لهذا الدرك، ناهيك عن العمل ببعض ما سن أهل الهوى و لا أقول أهل الأديان الأخرى، فالعيد في الاسلام و الديانات الأخرى عبارة عن طقوس دينية يتعبد بها، و الاسلام لا يسمح بهذا السقوط الحر كما لو أننا لا نملك أي إرادة، و لا يسمح لنا أن نتعبد بأعياد غيرنا و نحن لا نعلم، صم بكم عمي و لا نعقل من أمرنا شيئاً،

ربما تقولي بصرف النظر عن أصل الفكرة فالنتيجة هي الحب، و لكن أقول لك أن الحب قيمة سامية و رفيعة و تعلو ة و تترفع كثيراً من أن تُستمد من الرذيلة، إن كنا نريد الحب فعلينا أن نستقيه من معين طاهر حتى يكون الحب طاهراً، و إلا فسيكون ملوثاً بالبيئة التي أتى منها، و عندها سنجنى الخراب و الدمار على أعراضنا، و نقول كما يقول المثل يارين الكان ما كان،،،،

إن كان و لا بد من أن نقلد الغرب في ما يفعلون فالنقدهم في طريقة تفكيرهم العلمية، و كيف استطاعو أن يستذلونا و يجعلوا منا أذناباً لا تعي ما تفعل، لماذا نقلدهم في أسوأ ما عندهم، و المشكلة أنهم لا يشترطون علينا ذلك بل نحن من ننتقي فتات حضارتهم بكل جهل منا و عدم دراية و كأننا نكنس و نمهد لهم الطريق ليتقدموا و يعلوا و يتفننوا في استذلالنا،،

مرة تانية أستميحك عذراً على الحدة إن بدت في كلامي، و هذا ما رأيته مع علمي برحابة صدرك،،،،،

موضوع: رد: عيد الحب الجمعة 13 فبراير 2009, 9:20 am

السلام عيكم هوووووووووى وكل سنة وانتم الحب مع انوا الايام هذه قلة شديد من كل البشر وبقى سلعة نادرة الحصول عليها والمجود كلوا مغشوش مااصلى تجميع يعنى زى مابقولوا تاويندى ربنا يجعل المحبة على الكل الاخ والاخت والام والاب والصديق واذا اذا اذا الحبيب ونحن ياسعاد مرتاحين شديد عندنا عيدين فقط وما متهنين بيهم من الصلاة على الدوام وربنا يجعل كل الايم سعادة وحب بدون اعياد وتشبه بالمسحين وتلقى الكل لابس احمر تقول عندهم ظهر وزكرتينى موقف حصل لى وانا مطول من اعياد السودان صادفت راس سنة وانشاء الله كنت معزوم زواج فى احد النوادى بشارع المطار وطبعا الود لابس جلابية بيضاء وبرضوا مكويه وكنا راكبين بوكس ومعى شلتى وكنت اركب مع السايق ولما طلعنا من الحفل ركبت على الصندوق طبعا مشتهى ركوب البوكس والجو الحلوا وانشاء الله لما دخلنا شارع المطار عينك ماتشوف الا النور او امجاد كانوا بها بنات ولكن مااعتقد بانهم بنات شواطين ومااشوف شى غير عصير انكشح على وبعدها خلى الحاصل؟؟؟؟؟؟؟؟؟؟؟؟؟؟ومن ديك حرمت اى احتفالات

موضوع: رد: عيد الحب الجمعة 13 فبراير 2009, 2:11 pm

[size=29]
[size=29]
فرض الحبيب دلاله وتمنعا
وأبى بغير عذابنا أن يقنعا
ما حيلتي وأنا المكبل بالهوى
ناديته فأصر ألا يسمعا
وعجبت من قلبي يرق لظالم
ويطيق رغم إبائه أن يخضعا
فأجاب قلبي لا تلمني فالهوى
قدر وليس بأمرنا أن يُرفعا
والظلم في شرع الحبيب عدالة
مهما جفا كان المحب المولعا
ولقد طربت لصوته ودلاله
واحتلت اللفتات منه الأضلعا
البدر من وجه الحبيب ضياءه
والعطر من ورد الخدود تضوعا
والفجر يبزغ من بهاء جبينه
والشمس ذابت في العيون لتسطعا
يا رب هذا الكون أنت خلقته
وكسوته حسنا فكنت المبدعا
وجعلته ملكا لقلبي سيدا
لما على عرش الجمال تربعا
سارت سفينة حبنا في بحره
والقلب كان شراعها فتلوعا
لعبت بها ريح الهوى فتمايلت
ميناؤها المنشود بات مضيعا
والموج تحت شراعها متلاطم
ما صان ود العاشقين وما رعى
يا موج رفقا بالسفين وأهله
ما كان ظني أن تكون المروعا
يا موج ناداني الهوى فأطعته
فاهدأ وقل لسفينتي أن تُسرعا
فالوصل غاية ما أريد ومطمعي
ومبرر لك في الهوى أن تطمعي
يا صاحبي خذ لحبيب رسالتي
فعسى يرى بين السطور الأدمعا
بلغه أني في الغرام متيم
والقلب من حر الفراق تصدعا
ما في النوى خير لنرضى بالنوى
بل إن كل الخير أن نحيا معا
[/size]

[/size]

موضوع: رد: عيد الحب السبت 14 فبراير 2009, 1:09 am

شكرا ليك اخ صديق وشكرا على اسلوبك الراقى النابع من رقتك .

انا معاك فى كل كلمه كتبتها . وذى ما انت ذكرت مفهومى كان فى الاحتفال بالعيد نفسه بغض النظر عن كونه عاده مكتسبه من الغرب وذكرت الكلام دا فى البوست .مع العلم انو انا ماكنت اعلم انو ليه روايه الانت زكرتها دى والله على ما اقول شهيد . هدفى كان انو الناس تعيش البهجه وتكسر الروتين اليومى الممل .بان تحتفل بعيد حب او عيد زواج اوراس سنه . وما بضروره يلبسو احمر او يتهابلو فى الشوارع بس حاجه كدا للتغير وربنا يجعل ايامنا كلها اعياد واحتفالات وكل سنه والجميع بخير

موضوع: رد: عيد الحب السبت 14 فبراير 2009, 1:32 am

اخ الطيب كل سنه وانت طيب

الحاتك فى جلابيتك سامحتك . بالجد حركه غياظه لكين اكيد بعد بعد ما عاينت لى نفسك بالمنظر دا قعدت تضحك . ودا الناس القاصداه .. وبعدين ماحاجه بتخليك تتوب حيله عصير احترموك شديد واكان دقيق او بيض كان تكون مشكله

موضوع: رد: عيد الحب السبت 14 فبراير 2009, 1:43 am

الشاعر يوسف كل سنه وانت طيب . وقصيده جميله جدا وربنا يديك العافيه

موضوع: رد: عيد الحب الأحد 15 فبراير 2009, 2:11 am

عيد با حال عدت يا عيد ... بما مضى ام لامر فيك تجديد
كنا عاوزين نكتب ونبوح .. لكن صديق النعمة قااااااعد !!

موضوع: رد: عيد الحب الأحد 15 فبراير 2009, 4:17 am

سيدة

ابداع فوق الوصف

احى خوض الممنوع

وخوض الاستحياء

الاخ عبدالله(همسه)

الاخ صديق

لكم كان دفاعك عن (نحن)

مصدر اعتزاز وفخر

كنت استرق واسرق كلماتك لأواجه بها (القشور)

لك التحيه وانفك العزيز يأبى ان يشم غير (نحن)

الحب يا صديقى لايحتاج اعيادا ودببه انه ياصديقى والمرور

لمس سحرى يهبط برقه وينسام فى الخلايا فتسجد له الحنايا وتخضع لى الحبيب فتقوده دون رقيب سوى الحبيب .

الحب انة الحب فلا تسلنى ...........جنون ونبوغ وحنان وامال واوهام وقصور ورمال .

وقطيع نجيله وطعميه وكركدى وعتبت دكان وامانى مستحيلات ودفر للحجز فى الموصلات ومسك شباك الحافله (ناس الجامعات)طبعا خاصه الحبيبة المن جامعه السودان وهم البعملو الحركة دىبمسكو شباك الحافله لمن تمش تقول جنازة .

رايك شنو فى عيدالام

والعمال

والثوره

والاعياد الكبيرة

ياود نابرى حلفت بالغاليةةةةة

انداح و ود خالتى دا

انا عارفو ..........بحب من زمن دار عبله والحصان .............اعمل فيها ما شايفو ....

موضوع: رد: عيد الحب الأحد 15 فبراير 2009, 4:33 am

عبد الله مرحبتين بوح طوالى ماعندك مشكله وماتشتغل بى صديق كتير دا زول مسك وكبه الحنان كلو زمان

كب حقك انت دى ايامك

موضوع: رد: عيد الحب الأحد 15 فبراير 2009, 4:51 am

ايمن كل سنه وانت طيب دى شنو الخربطه دى دا حب دا والله لحمه راس

الطلبه توصيله المواصلات دى خلوها بقو امشو كدارى لحدى شارع النيل

والفلل الراسيه والباقى اتمو خيال

موضوع: رد: عيد الحب الأحد 15 فبراير 2009, 5:53 am

الأخ عبد الله،،

يا خي عليك الله بس ورينا ده بتجيبو من وين؟؟؟؟؟

و الله من شدة ما ضحكته لو كتب أي حاجة ما كنت برد عليك، ...

بالله شكلك كده و انت بتقول فيها زي واحد مراهق من بتاعين زمان ديك الله يرحمهم، و شايل ليهو جواب و بتلفت و خايف و بفتش في طريقة يوصلو ليها،،،

واحد جمعتنا به الأقدار يوماً.... من بتاعين زمان قالي كان بحب بت الجيران حب شديد خلاص و ما بقدر اتكلم معاها، يوم قرر اكتب ليها جواب و "يبوح" ليها فيه زي بوحك الما عرفناهو ده، و كل يوم مفرغ نفسو و يترصد ليها، و لكن بخاف و ما يقدر يديها الجواب، مرة من المرات قرر و جمًّد قلبو، و لما جات ماشه عمل فيها ماشي جنبها و رمى الجواب في يدها، طبعاً قلبو كان في الساعة ديك بس نحاس أم ضواً بان، و يفكر في العواقب يا الله قبول و لا رسوب يا الله قبول و لا رسوب و هو بردد في الكلام ده في قلبو لحدي ما وصل البيت، وكانت المفاجأة إنو بدل ما يديها الجواب أداها ورقة الإختبار بتاع الرياضيات، طبعاً أخونا رسب فيهن الاتنين لا لما في البت و لا نجح في الاختبار،،،

يا خي فك الجواك و اتكلم ساي، و أنا بغيب لي يومين تلاتة لحدي ما تفرغ الجواك كلو، عشان ما ترسب زي صاحبنا،،،

و بعدين أيمن ده عارفين إنو اليومين ديل "البسمه" ما بتفارقو عايش الحب و غرقان لأذنيه، و سبحان الله بقدرة قادر بقى نزار قباني، شايف يا عبد الله يعني أيمن ده زمان قبل ما يخطب كان خاتي ليه "فورة"محل قلبو، و أسه أنا متأكد إنو اشترى ليهودبوب وشكلاته يا حليل حلاوة مط،،،،

و أختنا سيدة تقول كانت بتلعب دافوري زمان، ما صدقت توشك شاتت،،،،

موضوع: رد: عيد الحب الأحد 15 فبراير 2009, 8:20 am

الحبايب الحلوين .. سلامات ....
اها قلبي يسوي لي خش بيجاي انضم من قبيل
وتاني أقول لرقبتي ياولد روق ما ينكشف حالك روق روق روق

ويا اسه انا في نفس الحاله زاتا ... الحمد لله على مراد الله ...
بدأ البوست لقمة دسمه من العنوان يستحق إلتهامه بلا تردد لأنو سيده اتناولت الموضوع بظرافة شديده
وكأنها بتقول لو حرام حرام برضو حنعيد فيهو لكن انزوى للحديث الراقي جدا من المتداخلين
تســـائل نبيل هل هو عيد واحتفال لتخليد ذكرى فالنتاين ؟ واجابت سيدة بأنه العيد ده من قبل
زمن فالنتاين .. هههه وحلت لينا الموضوع بكل بساطه .يعني الداير يحتفل .. يحتفل احتفاله ساي
بعديها يوسف موسى احتفل احتفال تمام .
بعديهو جا المهذب صديق النعمة يصارع في الكلمات ليخرج الصدق ويضمر ابتسامات في
وجه ذلك اليوم الذي يداعب كل القلوب وترك الفرصة لنا ولو من ثقب صغير في النافذة لنطل
على احداث الفرح في هذا اليوم وقال كل ساعه وانتو طيبين .... قمة في الروعه ياصديق ..
عقبه الطيب الإمــام عاشق المنتدى ليبارك ويهني بالعيد غير مباليا بحرمته من غيره وابتسامه
عريضة يفردها لهذا العيد واليوم وبرر قائلاً (كلهن عيدين ومحرومين منهن من الصلاة للدوام )
هههههههههههه كل عام وكل يوم وانت بخير يالطيب .. هههههههه ابداع ملحوظ ..
ليأتي بعد كل هذه الأحداث يوسف موســـى ويكشف للجميع الحجب بهذه القصيدة
المفعمـة حبــاً ليروا ذلك العــالم الجمـــيل وفي اعتابه يقفوا في هذا اليوم ويمارسو فيه
العشــق بألوانه .... وهنــا مازلت أنا في نوبتي وطبلي كصاحب صديق المسكين
وفي رسوب متواصل حتى في المشاركة بهذا البوست
حتــى هنــا وكان ذلك قبـل وصول الفيلسوف أيمن .... ليسطـــــر آهات أخريـات تضـاف الى
سجل العاشقين برئاسة صديق النعمة ومعاونه عبدالله نابري وقد فتح لهم الطريق ....
ولو سألتمونـــي أنا فانادحو كما تشــاءون كما قالت سيده صباحي أنداحوا أنداحو
وتذكروا حكمة قالها ناجي ود مريم يوماً ان الشــاكوس يزيد المرأ صلابةً ومعرفة وخبره ...
انداح ياعبدالله انداح والأمر لله .....

موضوع: رد: عيد الحب الإثنين 16 فبراير 2009, 12:32 am

الاخ الهندى شرفت كتير وكل سنه وانت طيب

دا كلام موسس . بس انت الغدوه منتظرين اندياحك انت الاول والله هارش من صديق برضو (زى ماقلت كن كالمسمار لا يزيدك الشاكوش الا ثباتا ) . ولو خايف من الحرمه خلاص عيد فالنتاين انتهى من يوم 14 دى عيد جديد اسمو عيد حب المنتدى اى زول عايز يحب ويهنى يتفضل

سيده ... انتي ياستي حتجرجرينا شويه شويه حتى نغرق في متاهات عويصـة .
كفاية وقعة أخونا الصديق وعترت حبيبنا أيمن وابتسامات عبدالله وانفجار يوسف موسى
ناهيك عن الطيب المفتون ونبيل العاشق الآخر ...

ياسيده الحديث يطول ويطول عن ذلك المدعو الحب ومهما تغيرت كل المسميات والأســماء
فهو طريق واحد لحفرة واحده من وقع فيها وصرخ بصوت عالي انكشف ستره وضربه الهوا
ودعـــيني أنا في تلك الزاوية فقط أراقب ويكفيكي اعترافي الضمنــي ...

موضوع: رد: عيد الحب الأربعاء 18 فبراير 2009, 9:07 am

عبدالله نابرى كتب :
عيد با حال عدت يا عيد ... بما مضى ام لامر فيك تجديد
كنا عاوزين نكتب ونبوح .. لكن صديق النعمة قااااااعد !!

والله دى تعكس الحب الحقيقى لنا جميعاً أختى سيدا والرائعون بهذا المنتدى الذى يزداد كل يوم
وكل ساعة بحبنا بعضنا ببعض .

ان المحب اذا احب حبيبه صدق الصفاء وانجز الموعودا

اوجذ بالسيف راسى فى مودتها لمرّ يهوى سريعا نحوها راسى

لك التحية إختى سيدا على هذا الموضوع الذى أعرفه لاول مرة وذلك من ضحالة ثقافتى بالرغم
من انى عشت فترة قليلة بأوروبا والان وسط كمية من الفلبينين وكم أهدى لى بهذه المناسبة
ولكن حقيقة لاول مرة أعرف مناسبة هذا اليوم الذى يسمى valentine ويا أخى ود نابرى عليك

بالبوح وما عليك بصديق النعمة أصله حنين وطيب .

موضوع: رد: عيد الحب الخميس 19 فبراير 2009, 2:39 am

شكرا ليك كتير اخ بدر وانا سعيده جدا انو اكون مصدر معلومه بنسبه لى انسان فى علمك وثقافتك وكل سنه وانت طيب

موضوع: رد: عيد الحب الخميس 19 فبراير 2009, 4:44 am

الأخت سيدة
الأخوت المتداخلين أو المتداخلون
نشكركم على إثراء هذا البوست والذي لاحظت بأنه طرح منذ فترة بسيطة ووجدت نسبة الإطلاع تعدت الـ 144 وهذا إن دل على شئ فإنما يدل على الأريحية والكمية الكبيرة من مخزون الحب لدى الجميع..
وفلنتاين أعطى الفرصة لهؤلاء بالبوح الجميل وأعتقد أن الحب عالمه كبير وعريض.. ومسكين عبدالله ود نابري !!
وضحكت جداً من تحذير أخونا بدر من صديق النعمة..
عموماً طلتي عليكم أتت بعد أن ذهب الفلنتاين ولكن برضو قلت في نفسي خليك تقيل ... خليك تقيل ... لأني لو فتيتو ليكم ناس كثيرة حاتبكي ... وبكاؤهم ليس على ما سوف أكتبه .. ولكن على بكائي أنا ..
عاش الحب ... يعيش الحب .. أحب الحب ويسقط فلنتاين ويعيش أيمن السر.
ويا جماعة الخير كل حاحات الحُب بضم الحاء
سلام

موضوع: رد: عيد الحب الخميس 19 فبراير 2009, 7:05 am

شكرا ليك كتير اخ عصام ماقصرتا بحتا وهتفتا وهللتا والدور الباقى على الناس السه هارشين

الحب دا حاجه عظيمه ( الحب مالينا غيرو والله مالينا غيرو .. بنسينا بيمحو الخذن فينا تلقى الخير سفينا تعدى بينا ترسى بينا لشطى الحب . حب روح لناس ياحب . خلى الناس تحب ) وكل سنه وانت طيب

موضوع: رد: عيد الحب الخميس 19 فبراير 2009, 7:27 am

[size=29]الاخت سيدة تحية طيبة

الحقيقة موضوعك شيق لكين الاخوة ايمن وصديق ما خلولينا حاجة نقولا الظاهرانو جيت
متاخر لكين انا عندي ملاحظة صغيرة الغريبة انا ما قاعد اتزكر اليوم دا خالص في حين انو الناس عاملا ليهو قومة وقعدة وعارفو واظن لو سلات اي شافع بوريك يلا هل معني كدا انو انا ما بحب ولا لو بحب اقعد انتظر كل سنة
الاسمو فالتين دا عشان امش اقول للزول اللي انا بحبو انا ...........

ولنا لقيا ان امد الله في العمر [/size]

موضوع: رد: عيد الحب الخميس 19 فبراير 2009, 7:47 am

الاخ الامبراطور ليك التحيه

مابالضروره انو انت مابتتزكر اليوم دا تبقى مابتحب . بالعكس دا معناه انو انت بتتزكر الناس البتحبهم فى كل يوم ومحتفل بيه كل يوم وما محتاج لى تذكير . وزى ما كتب صديق الناس المفروض الناس تحب كل ساعه وليس كل سنه . وهو حاجه لتذكير الناس باهميت الحب وكسر للروتين اليومى . لانو الناس بتحتفل بعيد الام عيد الثوره عيد الميلاد والزواج وعيد المراه كمان فى اليوميت ديل والاعياد كتيره وربنا يجعل ايامنا كلها اعياد وكل سنه وانت طيب

موضوع: رد: عيد الحب الأحد 01 مارس 2009, 8:31 am

حب ايه الانت جاى تقول عليه

» الحب
» دروس في الحب
» دروس في الحب
» ماسبب موت الحب
» قناع الحب