عنوان القصيدة :جاييك .
ليك كل الحروف غنايا
وليك يا أملي و منايا
أشواقي من جوه الحنايا
شايلينها العايدين بي عنايا
* * *
جاييك من ضي النجيمات سايق خطايا
وجايك سايق سحابات الفرح معايا
تغني ليك ولى أديك تبقى السقايا
وفي وادى الفرح إنت الزهرة وأنا الرعايا
* * *
جاييك شايل الفرح نغم جميل في جوايا
جاييك مليان حنين ياسعدى وهنايا
جاييك بلا أحزان وماسح الآمى وشقايا
* * *
خايف عليك من شوف الناس وحتى شوفتك في المرايا
داير أشوفك برايا ومنك كل الناس عمايا
جاييك بالأحلام ياعشمى وفرح دنيايا