عدد الرسائل : 330 الاقامة : السعودية/القصيم تاريخ التسجيل : 09/01/2008
موضوع: اذا في موضوع عجبك انسخه هنا الجمعة 05 ديسمبر 2008, 11:47 pm
الاخوان بالمنتدي كل سنة وانتو طيبين بمناسبة عيد الاضحي وكل عام وانتم بخير يا اخوانا اى واحد يعجبه موضوع ديني - اجتماعي - سياسى - جرافي - رياضى - ضحك - فرفشه-- ينسخه هنا اذا عجبك البوست انسخ هنا مواضيعكم واذا ما عجبكم اقرأ و تعال مرة ثانية ***************************** ***************************** ست النفر
علول أنا ما أشوف (ست النفر ) بت خالي العوض داخلة بيتنا .. طوالي كدي بعرف أنو الموية ح تقطع (بتشاوم منها لله والرسول كدي ) .. عليك أمان الله التقول الماسورة بتخاف منها من تشوفه تعمل نايمة و (خخخخخ) .. قبل كدي شفتو ليكم زول يشرب (بالزير) في ظمتي دي عندها خشم بس (المنقلة) الليلت علبة (الهندسة) وعندها لسان (كدارة) بس . حكمة الله لسانه تحت فوقو (كدايس) .. علا بالحيل فيها مروة وضكرنة أكتر من صلاح ود عمي . النعمنها وكت تقطع الموية تمشي تورد من البير للحلة كلها (وزيرة الري) . وتبارك الله تحرت مع أبوها في الحواشة هي والتور في خط واحد ... وتجي العصر تلعب مع الوليدات .. أحسن أستوبر مو زيها (داريو كان) عديييل أهان وفي داك الأيام والدنيا سخانة .. شدة مو سخانة (نقاط الزير) ما بصل الواطه يكون (يتبخر) .. (خالي العوض) قالها نادي اللشتر يمش يجيب لينا (عناقريب) لي (الديوان) التقول (ديوان الباشا الكبير) .. وأنا كرهتي في الدنيا المراسيل (الملح ساكت) يعني المرسال وكت مايكون (مطعم) إحتمال أقضاهو وإحتمال (أكبر اللفة وأجي فاضي) وخالي العوض إن بتدور منو (سيئة) ما بديك ياها .. ده لو مسكوهو (وزير مالية) إحتمال كبير يحل مشكلة دارفور والجنوب (بالمجاعة) و (القحط) بموتوا لاعن حدهم . قامت ست النفر جات ووراها (كتاحة) التقول جات (مفحطة) وأدتني قروش (متين الف بس) حق (العناقريب) وبلغتني الوصية إنو أبوها بدور (4) عناقريب .. وفي معناتو أندرج (الخرتوم) .. قمت غشيت ود عمتي (النبارك) زولاً عاقل بالحيل ونجيط في الشراء والبيع قام صلاح شافنا (إنعبط) فينا وقال هو (عزال في العناقريب) التقول (بتيخ) !!! .. مارضينا يمش معانا لانو ماعندنا ليهو ميزانية ـ لو سقناهو بياكل تكلفة (عنقريبين).. غايتو (خليناهو يبرطم) ومشينا ... وصلنا الخرتوم (روحنا دي بتدور تمرق) من السخانة (روسينا ديل إن ما فيهم الطاقية تقول الشعر يدور يتحته) ومشينا علي سوق أم درمان في شان (العناقريب) ونحن في الطريق واقفين قام وقفت عربية حليونة متل (صفارة الحكم) كدي .. سايقاها بنية تبارك الله هيمة وقيمة لابسة نضارات سود متل موسي رئيس المجلس حقنا .. وقامت سعلتنا من جيهة السوق الشعبي (ديل ناس عفراء ساي) مو ناس (مقاشيش و عناقريب وسحارات والذي منو) .. طبعاً ياهو زاتو البكان البندورو (رزقاً تكوسو ورزقاً يكوسك) وقلنا ليها نحن زاتو ماشين هناك : أهان أصرت إنو نركب معاها .. وعليك أمان الله نحن الإتنين (قلبنا) ده وقع من يدنا (كيفن النسوان كمان يسوقن العربات؟) .. تبارك الله العوض ود الجنيد لامن يجي يلف دركسون اللوري الليلو لامن يكفكف طرف جلابيته لحدي أباطو ويتعسم في الدركسون متل (قرن التور) الجوهو للضبيحة ... كيفن جنس المناتلة دي يقدرن ليها (البنوت) ؟؟ ... أهان غايتو ركبنا وقلنا في خاترنا إن البنية بتدور ليها مساعدة في الدركسون ترانا (تيران) ساقية ... أهان البنية فتحت الحديس وقالت : (Deeply Sorry) يا شباب بس I need your help عاوزه أشتري (بنابر) بتاعة (جرتق) عشان Wedding day بتاع أختي يوم الجمعة .. وبيني وبينكم First Time أمشي السوق الشعبي ده .. وما بعرف اتعامل معاهم كيف ... عليك أمان الله الكلام (شحتفة روح) أنا قلت (الهواء) الفي العربية ده كمل كلو كلو .. ده غير إنو نحن (سجم رمادنا) ما فهمناهو من (اللجيق ده) .. وأنا في اللول قايله بتتكلم في (الموبايل) ... عله أكت عاينت فوقنا عرفت الكلام ده لينا (ونحن مطيرين عينينا) ... النبارك (إتملا فهم تب) أكت فتح خشمو قال : اللشتر دي شني دي (The news) ؟؟ دحين اللشتر أطرش لينا قرايتك كلها عند البنية .. أنا في الوكت في الإنجليزي بعرف جملتين : how old are you والتانية As you like أهان شفت الأولي دي ما بتركب مع الموضوع بتاتاً طوالي قلت أزول أنقطع فيها التانية وقلت ليها : As you like... أكان قالت لي : thank you في ظمتي الوكت داك قربت أخد لي (عرضة) في العربية إنبسطت إنبساطة وإتفنكهت فنكهة في شان الإجابة الصادفت المعنى دي .... وعاينت في (النبارك) عين زول عندو ماجستير في الترجمة .. وقلتلو براحة كدي : أسي اكان جيت إنت وصلاح المسنوح مو كان شرطو عينا مع (بنوت الخرتوم) .. وعملت إنو أنا جبت الكلام من جوه مصاريني بدراية وحنكة .. وهو مو عارف إنو ده كل الرصيد العندي ويخربني خراب الترب بعدو .. وقمت وأديتو صره زول واثق من نفسو كدي . بعد شوية قمنا وصلنا السوق الشعبي محل سوق العناقريب زاتو .. ومشينا علي أول دكان وصادف فيهو (العناقريب والبنابر) ونحن مشينا في خاتر البنية في شان نعزل ليها (البنابر) قمنا وقفنا وقفة زول عارف ونجيط والنبارك يهابش ويعزل ويشوف (سواجة) البنبر ونوع الخشب والبوهية .. وفي ديك الوقفة قام (سيد الدكان) نادى النبارك على جمبة وقال ليهو : ها زول إنت شكلك زول عروبي نجيط في الشغلة (وجاي تسترزق) .. والبنية دي شكلها مو تبعكم (شن جاب القاورمة لي الشاورمة) دحين أعزل ليها البضاعة السمحة مو مشكلة .. بس علي شرط ما تفاصلني في السعر وليك (عمولة) في كل شيتن تاخدوا البنية ... قام (النبارك) إعترف ليهو إنو البنية دي لاقتنا في (دربنا) ساي وجاية تشتري بنابر ونحن جينا في شان نشتري عناقريب ... ووافق هو وصاحب المحل علي السمسرة علي شرط يخفض لينا في (عناقريبنا) كمان ... أهان (النبارك) عزل البنابر للبنية ودفعت في تلاتة بنابر 75 الف .. البنارك شال 20 الف سمسرة في الوقفة ديك بس وأنا واقف أتلفت .. المهم أشترينا (العناقريب) من نفس المحل .. ومشينا رفعنا البضاعة في الباظ البلد (شحن أرض جوي) في تندة الباظ ... ووكت جينا نركب الباظ .. أكان النبارك ودعمتي (حرن) وقال لي : اللشتر أرجع البلد وأنا قاعد هنا خلاس .. لقيت لي شغلتن تأكلني الدهب .. دحين ودعتك لي الله وسلم علي ناس البلد ومن ديك .... هداك النبارك .. (محترف في السوق الشعبي ـ عزال عناقريب)
ابو تراجى قلم ذهبي
عدد الرسائل : 903 مزاجك اليوم : تاريخ التسجيل : 11/03/2008
موضوع: رد: اذا في موضوع عجبك انسخه هنا السبت 06 ديسمبر 2008, 4:45 pm
علول أنا ما أشوف (ست النفر ) بت خالي العوض داخلة بيتنا .. طوالي كدي بعرف أنو الموية ح تقطع (بتشاوم منها لله والرسول كدي ) .. عليك أمان الله التقول الماسورة بتخاف منها من تشوفه تعمل نايمة و (خخخخخ) .. قبل كدي شفتو ليكم زول يشرب (بالزير) في ظمتي دي عندها خشم بس (المنقلة) الليلت علبة (الهندسة) وعندها لسان (كدارة) بس . حكمة الله لسانه تحت فوقو (كدايس) .. علا بالحيل فيها مروة وضكرنة أكتر من صلاح ود عمي . النعمنها وكت تقطع الموية تمشي تورد من البير للحلة كلها (وزيرة الري) . وتبارك الله تحرت مع أبوها في الحواشة هي والتور في خط واحد ... وتجي العصر تلعب مع الوليدات .. أحسن أستوبر مو زيها (داريو كان) عديييل أهان وفي داك الأيام والدنيا سخانة .. شدة مو سخانة (نقاط الزير) ما بصل الواطه يكون (يتبخر) .. (خالي العوض) قالها نادي اللشتر يمش يجيب لينا (عناقريب) لي (الديوان) التقول (ديوان الباشا الكبير) .. وأنا كرهتي في الدنيا المراسيل (الملح ساكت) يعني المرسال وكت مايكون (مطعم) إحتمال أقضاهو وإحتمال (أكبر اللفة وأجي فاضي) وخالي العوض إن بتدور منو (سيئة) ما بديك ياها .. ده لو مسكوهو (وزير مالية) إحتمال كبير يحل مشكلة دارفور والجنوب (بالمجاعة) و (القحط) بموتوا لاعن حدهم . قامت ست النفر جات ووراها (كتاحة) التقول جات (مفحطة) وأدتني قروش (متين الف بس) حق (العناقريب) وبلغتني الوصية إنو أبوها بدور (4) عناقريب .. وفي معناتو أندرج (الخرتوم) .. قمت غشيت ود عمتي (النبارك) زولاً عاقل بالحيل ونجيط في الشراء والبيع قام صلاح شافنا (إنعبط) فينا وقال هو (عزال في العناقريب) التقول (بتيخ) !!! .. مارضينا يمش معانا لانو ماعندنا ليهو ميزانية ـ لو سقناهو بياكل تكلفة (عنقريبين).. غايتو (خليناهو يبرطم) ومشينا ... وصلنا الخرتوم (روحنا دي بتدور تمرق) من السخانة (روسينا ديل إن ما فيهم الطاقية تقول الشعر يدور يتحته) ومشينا علي سوق أم درمان في شان (العناقريب) ونحن في الطريق واقفين قام وقفت عربية حليونة متل (صفارة الحكم) كدي .. سايقاها بنية تبارك الله هيمة وقيمة لابسة نضارات سود متل موسي رئيس المجلس حقنا .. وقامت سعلتنا من جيهة السوق الشعبي (ديل ناس عفراء ساي) مو ناس (مقاشيش و عناقريب وسحارات والذي منو) .. طبعاً ياهو زاتو البكان البندورو (رزقاً تكوسو ورزقاً يكوسك) وقلنا ليها نحن زاتو ماشين هناك : أهان أصرت إنو نركب معاها .. وعليك أمان الله نحن الإتنين (قلبنا) ده وقع من يدنا (كيفن النسوان كمان يسوقن العربات؟) .. تبارك الله العوض ود الجنيد لامن يجي يلف دركسون اللوري الليلو لامن يكفكف طرف جلابيته لحدي أباطو ويتعسم في الدركسون متل (قرن التور) الجوهو للضبيحة ... كيفن جنس المناتلة دي يقدرن ليها (البنوت) ؟؟ ... أهان غايتو ركبنا وقلنا في خاترنا إن البنية بتدور ليها مساعدة في الدركسون ترانا (تيران) ساقية ... أهان البنية فتحت الحديس وقالت : (Deeply Sorry) يا شباب بس I need your help عاوزه أشتري (بنابر) بتاعة (جرتق) عشان Wedding day بتاع أختي يوم الجمعة .. وبيني وبينكم First Time أمشي السوق الشعبي ده .. وما بعرف اتعامل معاهم كيف ... عليك أمان الله الكلام (شحتفة روح) أنا قلت (الهواء) الفي العربية ده كمل كلو كلو .. ده غير إنو نحن (سجم رمادنا) ما فهمناهو من (اللجيق ده) .. وأنا في اللول قايله بتتكلم في (الموبايل) ... عله أكت عاينت فوقنا عرفت الكلام ده لينا (ونحن مطيرين عينينا) ... النبارك (إتملا فهم تب) أكت فتح خشمو قال : اللشتر دي شني دي (The news) ؟؟ دحين اللشتر أطرش لينا قرايتك كلها عند البنية .. أنا في الوكت في الإنجليزي بعرف جملتين : how old are you والتانية As you like أهان شفت الأولي دي ما بتركب مع الموضوع بتاتاً طوالي قلت أزول أنقطع فيها التانية وقلت ليها : As you like... أكان قالت لي : thank you في ظمتي الوكت داك قربت أخد لي (عرضة) في العربية إنبسطت إنبساطة وإتفنكهت فنكهة في شان الإجابة الصادفت المعنى دي .... وعاينت في (النبارك) عين زول عندو ماجستير في الترجمة .. وقلتلو براحة كدي : أسي اكان جيت إنت وصلاح المسنوح مو كان شرطو عينا مع (بنوت الخرتوم) .. وعملت إنو أنا جبت الكلام من جوه مصاريني بدراية وحنكة .. وهو مو عارف إنو ده كل الرصيد العندي ويخربني خراب الترب بعدو .. وقمت وأديتو صره زول واثق من نفسو كدي . بعد شوية قمنا وصلنا السوق الشعبي محل سوق العناقريب زاتو .. ومشينا علي أول دكان وصادف فيهو (العناقريب والبنابر) ونحن مشينا في خاتر البنية في شان نعزل ليها (البنابر) قمنا وقفنا وقفة زول عارف ونجيط والنبارك يهابش ويعزل ويشوف (سواجة) البنبر ونوع الخشب والبوهية .. وفي ديك الوقفة قام (سيد الدكان) نادى النبارك على جمبة وقال ليهو : ها زول إنت شكلك زول عروبي نجيط في الشغلة (وجاي تسترزق) .. والبنية دي شكلها مو تبعكم (شن جاب القاورمة لي الشاورمة) دحين أعزل ليها البضاعة السمحة مو مشكلة .. بس علي شرط ما تفاصلني في السعر وليك (عمولة) في كل شيتن تاخدوا البنية ... قام (النبارك) إعترف ليهو إنو البنية دي لاقتنا في (دربنا) ساي وجاية تشتري بنابر ونحن جينا في شان نشتري عناقريب ... ووافق هو وصاحب المحل علي السمسرة علي شرط يخفض لينا في (عناقريبنا) كمان ... أهان (النبارك) عزل البنابر للبنية ودفعت في تلاتة بنابر 75 الف .. البنارك شال 20 الف سمسرة في الوقفة ديك بس وأنا واقف أتلفت .. المهم أشترينا (العناقريب) من نفس المحل .. ومشينا رفعنا البضاعة في الباظ البلد (شحن أرض جوي) في تندة الباظ ... ووكت جينا نركب الباظ .. أكان النبارك ودعمتي (حرن) وقال لي : اللشتر أرجع البلد وأنا قاعد هنا خلاس .. لقيت لي شغلتن تأكلني الدهب .. دحين ودعتك لي الله وسلم علي ناس البلد ومن ديك .... هداك النبارك .. (محترف في السوق الشعبي ـ عزال عناقريب)
معز قلم فضي
عدد الرسائل : 330 الاقامة : السعودية/القصيم تاريخ التسجيل : 09/01/2008
موضوع: رد: اذا في موضوع عجبك انسخه هنا السبت 03 يناير 2009, 1:03 pm
دعاء افتتاح القمة العربية اللهم ثبتنا على كراسينا ! وبارك لنا فيها ! واجعلها الوارث منا ! واجعل ثأرنا على شعبنا ! وانصرنا على من عارضنا ! ولا تجعل مصيبتنا في حُكمنا! ولا تجعل راحة الشعب أكبر همنا ولا مبلغ عِلمنا ! ولا الانقلاب العسكري مصيرنا! واجعل القصر الرئاسي هو دارنا ومستقرنا ! -------------------- اللهم إنا نسألك فترة ممتدة ! وهجمة مُرتدة ! والصبر على المعارضة ! والنصر على الشعب ! ونسألك الحُسن لكن لا نسألك الخاتمة أبداً ! اللهم ارزقنا معونة لا نسرق بعدها أبدا ! اللهم لا تفتح أبواب خزائننا لغيرنا ! اللهم أعطنا كلمة السر لحسابات الحكام السابقين لنا في بنوك سويسرا ! --------------------- اللهم وفق أمريكا لما فيه خيرنا ! اللهم اغفر لـ (جورج بوش) فإنه لا يعلم أننا لا نعلم ! اللهم وفقه لما فيه 99% من أصوات الناخبين ! اللهم نجهِ من أي إعصار أو كارثة طبيعية لأننا سنلوص مع شعوبنا من غيره ! اللهم عليك بشعبي، أما أعدائي فأنا سأتفاوض معهم ! --------------------- اللهم ارزقنا حب أمريكا ! وحب من يُحب أمريكا ! وحب ما يُقربنا إلى حب أمريكا ! ------------------ اللهم أمركني ولا تأفغني ! اللهم برطني ولا تصوملني ! اللهم فرنسني ولا تسودني ! اللهم ألمني ولا تؤلبني ! ------------------ اللهم أني أبرأ إليك من الاستعانة في حكم شعبي بأحد ! ولا حتى بصديق، ولا برأي الجمهور ! اللهم أني أعوذ
بك من كرسي يُخلع ! ومن شعب لا يُقمع ! ومن صحيفة لا تُمنع ! ومن خطاب لا يُسمع ! ومن مواطن لا يُخدع ! وأعوذ بك من أن أجلس على الكرسي ثم أقوم أو أ ُقام عنه ! ------------------------- اللهم ثبتني على الكرسي تثبيتا ! و شتت المعارضة تشتيتا ! ولا تبق منهم شيطاناً ولا عفريتا ! اللهم آآآآآآآآمييييييييين
ابو تراجى قلم ذهبي
عدد الرسائل : 903 مزاجك اليوم : تاريخ التسجيل : 11/03/2008
موضوع: رد: اذا في موضوع عجبك انسخه هنا السبت 03 يناير 2009, 1:32 pm
ينصر دينك يامسطول طق
اهو ده الكلام !! دعواتك دى ممكن يدوك بيها مسطول السودان الطار اسف البار !!! الخوف ريئسنا الجديد ده يكون حافظ الدعوات الذى دى
ابوتراجى مناصر لجميع الرؤساء
ايمن السر بابكر عضو فعال
عدد الرسائل : 275 تاريخ التسجيل : 12/07/2008
موضوع: رد: اذا في موضوع عجبك انسخه هنا السبت 03 يناير 2009, 2:17 pm
تكملة الدعاء شرزمنا ولاتوحدنا [size=29]وشاركنا ولاتزحزحنا lor=red]]واجعل الاستثمار مبلغ دخلنا والسياحة موضع سجدنا[/size][/size] اللهم كتر من الاجتماعات والشماعات وكتر الراقصات وشرم الشيخات[size=29] [size=29]اللهم من اراد كراسنا فخزة ومن اراد ان يواسينا فزدهو يا كريم[/size][/size]
مصطفي2011 عضو جديد
عدد الرسائل : 2 تاريخ التسجيل : 30/11/2008
موضوع: رد: اذا في موضوع عجبك انسخه هنا الجمعة 09 يناير 2009, 11:50 am
شكرن
احمد عوض النمير قلم ذهبي
عدد الرسائل : 926 مزاجك اليوم : تاريخ التسجيل : 16/03/2008
موضوع: رد: اذا في موضوع عجبك انسخه هنا الخميس 15 يناير 2009, 8:00 pm
والله مفروض اسموها الرمــــه العربية
معز قلم فضي
عدد الرسائل : 330 الاقامة : السعودية/القصيم تاريخ التسجيل : 09/01/2008
موضوع: رد: اذا في موضوع عجبك انسخه هنا السبت 17 يناير 2009, 1:01 pm
بسألك ودايرين اجابه صادقة ؟
هل تقدر توقف الخير؟
اكيد الاجابه راح تكون بالفطره لا جربـ/ـي وخلونا نعيش هالتجربه هنا فيه ايميل فيه تفسير للقران الكريم كلام الله سبحانه وتعالى واحنا جالسين نحاول نخلي كل امه محمد يوصلها هالايميل أكيد الآن عرفتـ/ـي المقصود بسوالي هل تقدر توقف الخير؟ اجابتك راح تكون على حسب هالايميل هل بترسله لكل القائمه الى عندك والا لا اذا حسيت بملل الآن او تذكرت شغله تبي تسويها فهي من الشيطان يبي يلهيك ولكن قول قول اللهم اعني على ذكرك وشكرك وحسن عبادتك فنشر الخير من حسن العبادات يارب كثرت ذنوبنا في هالزمن فساعدنا على انفسنا واجعل هذا الايميل بدايه خير وهدى وصلاح لي ولكل مسلم
