فطور العريس.....؟

دراسة جدوي لعدد (1) عروس 6 × 6 (بافتراض ثبات باقي العوامل الأخرى)*

مقدمة : مما لا يخفى على احد الدور الكبير الذي يلعبه العرس في تقويم الشباب وادخال البهجة والسرور لشريحة كبيرة من المستخدمين اضافة للمزايا الاخرى المتعلقة بالبيت المجاني والنسيب عين شمس .. الخ
المصروفات :
قبل البدء في تفاصيل الدراسة يجدر الاشارة الي أن (6 × 6)متعلقة بالشيلة (يعني الشيلة تكون ستة ستة)

*بافتراض ثبات العوامل الاخرى :
1- شيلتك ما يرجعّو منها حاجة بس ويكون تعليقم اشششش اششششش اششش فقط!!
2- ناس العروس بيتم جاهز.
3- لحدي هنا كفاية !! اوعه يقولو ليك توب اوكامبو ولّا اوباما..
4- الشواكيش غير مضمنة بهذه الدراسة يعني (امسك لي وانّقطع ليك) ..

الايرادات:
1- إكمال نصف الدين - يعني الدين الاسلامي ده كلو بما فيهو الحج والصلاة والصوم والجهاد .. الخ تكون كملت نصّو!
2- بيت مجاني مدى الحياه lifetime + منافع
3- عروس جميلة ظريفة حقتك براك!!
4- تغيير حياتك بصورة جزرية اما الجنة ولّا النار
5- الناس كلو ما يلاقوك حايقولو ليك : اها ما بقيتو تلاتة!

ملحوظة : الدراسة للمصلحة العامة وهي غير مكتملة وغير مقنعة اذا في اضافات او تصحيح من الناس الخبرة وخاصة الموجودين في السودان نسأل الله ان يجعلها في ميزان حسناتهم وان ينفع الله بها المسلمين والمسلمات العروسات!

لا إله إلا الله محمد رسول الله
والله رد جبتو من صنقوعك وقعدت ليهو بمزاج عالي شديد ياعبدالله
لكن فعلا دراسة جدوى شبه حقيقية ميه الميه رغم مراعاتك ووضعك لاحتمالات
ممكن تخفض من السعر كتير واستبعادك لحساب فطور العريس قد يخل الميزانية تماماً
لكن الإيرادات مغرية جداً والله ورقم خمسة متعب جداً ويديك احساس انو الناس متابعنك
متابعة حثيثة زي الهنود لما الواحد ينسى انو سرحان بيعاين فيك ..
أما عن الافتراضات الثابته رقم واحد أششششش هل طالعه بضحكة
ولا من ورا الضرس الأخير المقلوع

عـبـد الله مـرتـك مـصـيبتهـا مـصـيبة.. بعـدين تحــسب ليـها حـبات السكـر المـفـقـود مـقـارنـة بـعـدد النـمـل الموجـود.
ودراسة الجـدوى دى غـيـر مـسبـوقـة بس يـا شيخ بنى عـازب الإيـرادات كـلهـا مـعنـويـة
وعـليـه مـكـتب المـراجـعـة عـاوزك تعـمـل مـوازنـة لمـصروفـات6×6 دى مـقارنـة مـع الإيـرادات المـادية المتـوقـعـة مـن مـاهـية وصـافى إيـراد العـيزومـة ومـساهمـة ديـوان الزكــاة ودا كـله فى الجـانب الدائـن ومـا تـنـسى تحـديـد القـيمـة المـاديـة لشهـرة المحـل أقـصـد شهـرة العـروس ودى للأسف هــنـا تـكـون فى الجــانب المـدين رغـم أنـف قـوانـين المـحـاسبة{ قـيمـة شهـرة العـروس
تـتـنـاسب طـرديـاً مـع قـوة الشهـرة بنت آل أوبامـا... بنت آل مـاكين... بنت خـالة جـيران حـبوبة نـانسى عـقرب ولا عـجـرم...إمـا إذا كـانت العـروسة المـحـروسة مـن صـنف بنت نـاس هناى داك فـيـا الـف بخـتك فـهـنا تتحـول الشهـرة للجـانب الدائـن وتـصبح شهـرة عـريس.
ويالـهـندى ودعـمـك دا بيحـلم الناس سمـعـوها بالخـاء مش بالشيــن .
وكــتـر ألـف خـيركـم ياأولاد نـابرى ضحـكتـونـا هههههههههههههههههههههههه مـن وراء الضـرس المخـلوع مـن سطـلتـكم دى
ولك الشكـر يـا عـبـدالله يـا مـبدع.
ويـانـبيـل بـعد فـطورك دا ومـوازنـة عـبد الله الواحـد يغسل إيـديـه بـدمـوع العـريـس.
ودمـتم لنـا
خـضر حـسن

عبدالله ماقصرته والله شايفك عملتة دراسة جدوئ وتحليل احصائي عديل للفطور تاني اي حد عايز يعرس يجي يقراء الجدول بتاعك دا بعد داك يمتحن ولو رسب بنعمل ليهو ملحق طبعآآ

ومشكور
********************************************
الهندي حبيب الجميع عبد الله شكلو ياخوي ناوي علي العرس خلاص لاكن 6 6 دي مابتحلك
*******************************************
العم خضر داير لي درس في ح التشغيل والله ولو اديتني في ح المتاجرة كمان اكون باصيت
******************************************
عبد الله الشباشب بي المتر ولا شنو؟؟؟
ملحوظه يا عبد الله
قفلة الخشم لازم تكون كبيرة شوية عشان مايطلبو تاني

الهندي بشير نابري كتب:: أما عن الافتراضات الثابته رقم واحد أششششش هل طالعه بضحكة
ولا من ورا الضرس الأخير المقلوع

عارف يا هندي "اششششش" دي عبارة عن نغمة وكلما تم تشّديد حرف الشين شديد ده بيعني انو الزولة الشافت الحاجات دي مبسوطة شديد وعندما تقول ليك "اششششش"معناها انها عاجزة عن التعبير والنغمة الموسيقية دي اجمل وأحلى تعبير عندها .. اشششششششششش اششششش اششششششش ~~

خضرحسن الفضل كتب:: عـبـد الله مـرتـك مـصـيبتهـا مـصـيبة.. بعـدين تحــسب ليـها حـبات السكـر المـفـقـود مـقـارنـة بـعـدد النـمـل الموجـود.
ودراسة الجـدوى دى غـيـر مـسبـوقـة بس يـا شيخ بنى عـازب الإيـرادات كـلهـا مـعنـويـة

السكر المفقود بعدد النمل الموجود ههه ههههههههه هههه حلوة والله عجبتني شديد "اشششششش"
وبعدين كيف ياخي الايرادات كلها معنوية كدي راجع شوية معاى
1-إكمال نصف الدين "معنوي"
2- بيت مجاني مدى الحياه lifetime + منافع " مادي بحت"
3- عروس جميلة ظريفة حقتك براك!! "معنوي ومحسوس"
4- تغيير حياتك بصورة جزرية اما الجنة ولّا النار " معنوي"
5- الناس كلو ما يلاقوك حايقولو ليك : اها ما بقيتو تلاتة! "مزعجي!"

يعني يا حلو الايرادات متباينة بين المعنوي والمادي لانو الدنيا بتّدور والاخرة بتّدور..

ياخوانا تكلفة عدد (1)عروس 6 × 6 طلعت حوالي الـ 14.500.000 بدون فطور العريس !
نقرّض على كدا ؟!!

يا عبد الله بالنسبه لحننك انت وعزومتك شايفا

مافيشه حساباتا انت با أخوي عايز توزع تسالي
ولى شنو
دمتم ودامت الافراح

أبو يارا

عامر عبد الوهاب كتب:: يا عبد الله بالنسبه لحننك انت وعزومتك شايفا مافيشه حساباتا انت با أخوي عايز توزع تسالي ولى شنو

بتّحنن براى .. فرد ختة!
وبوزّع البسمات ..
بعدين الدراسة دي يا ابو يارا للمصلحة العامة وليست لشخصي..
الهدف منها انو الواحد يعرف العرس بكلّف حدود كم ؟!! واضرب × اتنين!

عبد الله ياأخوي ما تحسب كده ما بتعرس صدقني

انت ممكن تعرس بدراستك دي وممكن في اتنين
وممكن بأقل وبنتم ان شاء الله شد حيلك ومحل
ما تقيف بتندفر
الكلام الشوفهههههههههههههههههههههههههه

أبو يارا

البيجو شكلو عبد الله ماعندي نية حنة ياخوي

ولا احتمال تكون مقفولة يا عبد الله

عبدالله نحنا دايرين طريقة أو دراسة جدوى للحصول على عروس مبدأياً
بعدين العرس وشكليته الله كريم .. يعني الاختيار والمقاييس البنات كتااااااااااار
زي ماقلت لكن العروس ياتو واحده فيهن ..دي المشكلة

عامر عبد الوهاب كتب:: شد حيلك ومحل ما تقيف بتندفر .. أبو يارا

والله دي المحرية فيكم ابو يارا "العسل" نفسي اعضّيها عضّة حآآآآآآآآرة...

نبيل احمد علي كتب:: البيجو شكلو عبد الله ماعندي نية حنة ياخوي
ولا احتمال تكون مقفولة يا عبد الله

بلبل !!
كيف ما عندي نية حنة ؟؟؟!! أول حنة حاختّها حقت حبايبي الدناقلة ..
لكين خائف شهاب يغالطني .. الحنة للكرعين واليدين ولّا اليدين بس !
وبالمناسبة شهاب ممكن يقيف معاك الف أحمر في الموضوع ده!!!

الهندي بشير نابري كتب:: عبدالله نحنا دايرين طريقة أو دراسة جدوى للحصول على عروس مبدأياً

الطريقة تم تحديدها مسبقا يا هندي بواسطة النبي (ص) وهي كالتالي:

كتب عبد الله نابري

بلبل !!
كيف ما عندي نية حنة ؟؟؟!! أول حنة حاختّها حقت حبايبي الدناقلة ..
لكين خائف شهاب يغالطني .. الحنة للكرعين واليدين ولّا اليدين بس !
وبالمناسبة شهاب ممكن يقيف معاك الف أحمر في الموضوع ده!!!

اولا انا ما دنقلاوي لكن
حبابك في حلت الدناقله
وحنتك جاهزه بس شد
حيلك
اما بالنسبه لشهاب
اسالني منو لانو زميل
دراسه
وهسي ناس الحله
بجروا منو عديل
ولينا عوده
معز السماني

معذ السماني الحاج ياسين كتب:: كتب عبد الله نابري
اولا انا ما دنقلاوي لكن
حبابك في حلت الدناقله
وحنتك جاهزه بس شد
حيلك

معز السماني ..انا عارف الكلام ده .. حنّة الدناقلة براها وحنّت الشوايقية دي كلام تاني كمان !! اشكرك حتى تستغيث..
وقلت لي شهاب ناس الحلة بقو يجرو منو!!! معناها الزول بالجد موضوعو استفحل..

يعني ياعبد الله

الحنة الاولي دناقلة
التانية شوايقة
التالتة محس
الرابعة رباطاب
الخامسة جعليين
السادسة مسلمية
السابعة كنوز
الثامنة جرافة
الخ..........؟
شكلو ياخوي حتكون حنن بس ....؟

نبيل احمد علي كتب:: يعني ياعبد الله
الحنة الاولي دناقلة
التانية شوايقة
التالتة محس
الرابعة رباطاب
الخامسة جعليين
السادسة مسلمية
السابعة كنوز
الثامنة جرافة
الخ..........؟
شكلو ياخوي حتكون حنن بس ....؟

عشان تشيل يا بلبل عشان تشيل !!

ههههههههههههههههههههههههههههههههههههههههههههههههههههههههههههههههههههههههههههههههههه

هتشيلةبلح والله حنتك دي الي يوم الوقف العظيم ماتمرق شكلها

نبيل احمد علي كتب:: ههههههههههههههههههههههههههههههههههههههههههههههههههههههههههههههههههههههههههههههههههه

هتشيلةبلح والله حنتك دي الي يوم الوقف العظيم ماتمرق شكلها

بلبل .. صديقي رغم اختلاف الامكنة !! حاسي بيك
اها بعد فطور العريس في شنو ..؟!!
غايتو البوست بتاعك ده سرحنا فوقو .. وطوالي انا معاك بالحالة دي!!

الاخوة الافاضل جميل أن نتحدث عن فطور العريس وما أدراك ما السكسكانية والشعيرية
وحنة العروس وحق الكوفير وزول ودمدنى قال تكلفة العرس 75000000 وزول أمدرمان قال
لى تكلفة إيجار الصالة مع العشاء 50000000 مليون وأخونا تسالية قال الحلل لازم تكون تيفال
إيطالى وحنة الدناقلة وحنة الشوايقة وجلد بالصوت عندنا نحن الجعلين وأخونا ودنابرى سرح
فى الموضوع وانا شكلى سرحت معاك يانبيل فى الفطور حتى يدخل فى الغداء والزعيم معز
السمانى بطالب بالدخول فى تفاصيل الزواج بشكل عام عشان يطول فى السرحان ويتوهو
ناس الهندى البفتشو لصاحبة النصيب وراس ما لها بالفاتحة وجزء عم وحتى هذه السرحة
لم نصل لخلاصة الموضوع فلابد أن يكون إتفاق موثق بالتوقيع على الاعضاء عامة وكل عضو ء
يمثل إسرته لانهاء هذه العادات والتقاليد التى تسببت فى عدم تحقيق الزواج لكثير من الشباب
وبهذا نكون سهلنا لود نابرى أمثاله ويا جماعة الموضوع بهمنا نحن العرسات المرسل لنا الفطور
مش ناس العروس ولا الحكاية شنو يا أبوتراجى .

بدر عبد الماجد كتب:: الاخوة الافاضل جميل أن نتحدث عن فطور العريس وما أدراك ما السكسكانية والشعيرية
وحنة العروس وحق الكوفير وزول ودمدنى قال تكلفة العرس 75000000 وزول أمدرمان قال
لى تكلفة إيجار الصالة مع العشاء 50000000 مليون وأخونا تسالية قال الحلل لازم تكون تيفال
إيطالى وحنة الدناقلة وحنة الشوايقة وجلد بالصوت عندنا نحن الجعلين وأخونا ودنابرى سرح
فى الموضوع وانا شكلى سرحت معاك يانبيل فى الفطور حتى يدخل فى الغداء والزعيم معز
السمانى بطالب بالدخول فى تفاصيل الزواج بشكل عام عشان يطول فى السرحان ويتوهو
ناس الهندى البفتشو لصاحبة النصيب وراس ما لها بالفاتحة وجزء عم وحتى هذه السرحة
لم نصل لخلاصة الموضوع فلابد أن يكون إتفاق موثق بالتوقيع على الاعضاء عامة وكل عضو ء
يمثل إسرته لانهاء هذه العادات والتقاليد التى تسببت فى عدم تحقيق الزواج لكثير من الشباب
وبهذا نكون سهلنا لود نابرى أمثاله ويا جماعة الموضوع بهمنا نحن العرسات المرسل لنا الفطور
مش ناس العروس ولا الحكاية شنو يا أبوتراجى .

بدر سلامات مني ليك وحمد لله علي السلامة .........؟شكرآ علي مرورك الفعال وانشاء الله نوصل لي اتفاق يرضي كل الطبقات

بدر عبد الماجد!!
لخصت البوست تلخيص الحكيم ولكزّت كل المتداخلين في البوست لكزّات خفيفة كده ..
فعلا صمت دهرًا ونطق درراً ..

[size=24]كتب بدر عبد الماجد

الاخوة الافاضل جميل أن نتحدث عن فطور العريس وما أدراك ما السكسكانية والشعيرية
وحنة العروس وحق الكوفير وزول ودمدنى قال تكلفة العرس 75000000 وزول أمدرمان قال
لى تكلفة إيجار الصالة مع العشاء 50000000 مليون وأخونا تسالية قال الحلل لازم تكون تيفال
إيطالى وحنة الدناقلة وحنة الشوايقة وجلد بالصوت عندنا نحن الجعلين وأخونا ودنابرى سرح
فى الموضوع وانا شكلى سرحت معاك يانبيل فى الفطور حتى يدخل فى الغداء والزعيم معز
السمانى بطالب بالدخول فى تفاصيل الزواج بشكل عام عشان يطول فى السرحان ويتوهو
ناس الهندى البفتشو لصاحبة النصيب وراس ما لها بالفاتحة وجزء عم وحتى هذه السرحة
لم نصل لخلاصة الموضوع فلابد أن يكون إتفاق موثق بالتوقيع على الاعضاء عامة وكل عضو ء
يمثل إسرته لانهاء هذه العادات والتقاليد التى تسببت فى عدم تحقيق الزواج لكثير من الشباب
وبهذا نكون سهلنا لود نابرى أمثاله ويا جماعة الموضوع بهمنا نحن العرسات المرسل لنا الفطور
مش ناس العروس ولا الحكاية شنو يا أبوتراجى
تلخيص جميل منك يا بدر
اشكرك عليهوا واثني عليه
لابد من الاتفاق عليهي
خارج النص كما يقول تساليه
بقيتني زعيم يا ود عبد الماجد
الله يستر من الزعامه بتجيب
المشاكل
وليك موده خاصه
ولينا عوده
معز السماني [/size]