اللقاء الاول للاستاذ/خضر بالمنتدى

الاخوة الكرام سلام جاكم

كان هذا أول لقاء جمعنا بالاخ الاستاذ/خضر حسن الفضل والاخ /الفاضل عمر حسن حمزة وكان بمثابة
الحضور الاول للاستاذ/خضر بالمنتدى عن طريق الاخ والاب الروحى عمر حسن حمزة بفرنسا بمدينة
باريس والفضل يرجع لممثل خارجية المنتدى كما قال الاخ عصام عبد الصادق وهذه مثابة دعوة للذين
يتشوقون ويتعطشون للقاء ومعرفة الاستاذ/خضر حسن . واولهم عبدالله نابرى -الهندى -حسن ........
وراجعين

اللقاء الاول للاستاذ/خضر بالمنتدى QnP42474

بدر عبد الماجد .. صباحك قشطة وعسل اسود سائل ~
ومشكور جدا على وضع صورة حكيم المنتدي وسفير المنتدى في هذا المكان ..
بس بيني وبينك يا بدر انا كنت متخل حكيم المنتدى زول كبير لابس نضارات ذات فريم اسود تقيل (بتاعات وزارة الصحة) ..
المشكلة يا بدر هذه الصورة وسّخت شاشة الكمبيوتر بتاعتي ! إتملت كلّها عسل ياخي!!!

بدر يا منير

ياخى الله يسعدك بقدر ما أسعدتنى الصورة دى.
ياخى سنين ما لاقينا أستاذ "الخدر"
ويا خضر عينى باااااااااردة ، النصيحة لله ما إتوقعتك لسع بتنضح بالنضارة و بالشباب .
الوجية عبدالله نابري قال:
المشكلة يا بدر هذه الصورة وسّخت شاشة الكمبيوتر بتاعتي ! إتملت كلّها عسل ياخي!!!
أنا شرحو يا بدر

لك التحية أستاذى الكريم الشفيع الجزولى
ولك الشكر على هذا المرور وحقيقة السعادة تكتمل بحضوركم معنا وهناك من يتشوقون بمعرفتكم
وفى إنتظار صورة من شخصك الكريم ولنا الشرف بأن تزيدنا نوراً وبها ء ، وزى ما قال أخونا عبدالله نابرى
المشكلة عندى أكثر لان العسل مصدره الاول من هنا والصورة عندى خلفية للشاشة ا لكمبيوتر . وكيف لا أعشق جمالك ؟

وراجعين

شكـــــراً ... بـدر ... عـبد الله ...الشـفـيع
والحــمـد لله تحـصــلت على لقـب هــادى قـبـل الصــورة والآن ممكـن تقـولوا الـوزيـر عـصـــام :- دقــس
ودمتم لـنا
خـضر حـسن

اقتباس :

يعني يا بدر شاشتك شغالة تنقط عسل ساآآآكت ..
الله يعينك يا خي ...!!!!!!!!

شكراً أخونا بدر على هذه الهدية الرمضانية والتي كانت من المفترض أن تكون عيدية عديل كدة لناس المنتدى .. لكن نعمل شنو للشلاقة..
ويا أستاذ خضر والله أنا ما دقست ولكن .. إتدقست .. ودي واحدة من المصطلحات الجديدة.
وقولي كيف أتدقست ؟
أولا حتى هذه اللحظة بحاول أجيب فيك يمين وشمال مع تقنية الكمبيوتر الحديثة .. وبرضو بجد الصورة حقيقة وغير مدبلجة .. ولفت إنتباهي الفنيلة الكت والزرارة الفاتحة .. والوقفة بالجنبة .. وأبو مصعب يحمل بطيخة صيفي .. وأنت تحمل تبشه .. ولكن لا أدري إن كانت صيفية أم شتوية ومن واقع لبسكم أنها صيفية.. وبرضو التبش في السودان شتوي..
وعموماً نمسك الخشب ونقول ما شاءالله وعيني باردة .. وربنا يديمك حيوية وشباب .. ونقول لعجائز المنتدى ألحقوا روحكم يا ناس الطيب بخيت وبدر والبقية .. والحمدلله أنا وناس هناي لس صغار وجاهلين ..

انتو يا جماعة متأكدين انو المع عمر حسن ده الأستاذ/خضر
ولا دي كمرة خفية

الغالي خضر حسن :

البسمعك تقول أخي وابن اخي يقول الراجل ده عمو كبير
لكن طلعت اخوي الصغير (كبير بحكمتك)

بسـم الله الرحـمن الرحـــيم
الغالي خضر حسن :

البسمعك تقول أخي وابن اخي يقول الراجل ده عمو كبير
لكن طلعت اخوي الصغير (كبير بحكمتك) عــامـر
كـــتر خــيرك يا عمـورى... لكـن يـا أخـوى أخيـــر الكُـبر عشـان الـواحـد يضمـن كـــرسى فـى المواصلات مـع زحـمة الـزمن دا... وفى العـوازيـم والمنـاسبـات يـــدخـلونـا جووووووه الصـالـون حيث العنـاية الخـاصة والصـوانى المـدنـكـلة ومالا بطـن رأت ...وأتـذكـر إنـه عصـام صـغـير وجــاهـل وكـان دائــمـاً يـغـافـل ابـو تـراجى و ينحـــشر في سـفـرة كـبار القـــوم ناس الطــيب بخــيت وبـدر عـبد المـاجـــــد والمكـاشفـى طـه الكـباشى و كـان يؤشـر لى لكى أغـتنـم الفـرصـة ولكنى كنت أصـبـر وأقـول كلها كـم سنـة كـدى وأبـقـى كـبيـر وأكـون مـع الكـبار...تـــاااااانى يا عــامـر تـرجعنـــى لمـربـع زيــــرو !!
ورمضـانكم كـــــــريم
ودمتم لنـا
خـضر حـسن

أها يا بدر يامنير ، كان لازم نلبى طلبك .
وإنشاله ناس صحبى عصام وأبوتراجى (العاتين) برضو يلبو الطلب
وكمان إنشاله الناس يكونو "واعين" و ما يسألو نوع الأسئلة "الما سمحة" زى الصورة
سنة كم و ما عارف شنو.

اللقاء الاول للاستاذ/خضر بالمنتدى D21dee6621

اللقاء الاول للاستاذ/خضر بالمنتدى D21dee6621

أخونا بدر
ياخى لأنو نحن ناس ما عندنا حرفنة فى السوفت وير ، الصورة شالت مساحة
كبيرة ، إذا بتقدر أعمل ليها تعديل للحجم المناسب

وإنشاله ناس صحبى عصام وأبوتراجى (العاتين) برضو يلبو الطلب نلبى طلبكم ياشباب بس ياصحبى عصام الشباب ديل غشونا

هم صغار سن وعاملين فها كبار ونحن نشيل ونبجل ونحترم فى السن طلعوا شباب صغار !!!
عليه نقترح تنظروا فى امرنا انا وصاحبى عصام تعدينا السن القانونية وشملنا فك التسجيلات (تشوفوا لينا شهادات تسنين )لاعادة التسجيل
وعينى باردة
والله شباب
عمر وخضر والشفيع
وربنا يمد فى ايامكم
ابوتراجى

بســم الله الـرحـــمن الـرحــــــيم
عـمــــــر و الـشفـــــــيع مـا شــــاء الله عليــــكم زيـن للشـبـــاب
الصـــورة دى أحــسن تحــــوطوهـا عـــــــند ود ريــــــــــــاء قـبـل مـا زيـن للإتـصـالات تـشتـغــــــل فيـهـا ويكــــــــتفـوكم فى شركــــة فكـى نـت للحـجــبـات والـبـخــــــرات
وربنـا يحـفظكم من العـين والـشارقة
ودمتم لنـا
خـضر حـسن

إن فى كل انسان خيراً وموهبة تحتاج إلى إكتشاف ومن ثم صقل ولكن أين هو التكافؤ للفرص التى تسمح لتلك
المواهب المدفونة أن تظهر .
نعم هو الشفيع الجزولى و ذاك عمر حسن فكل يوم نكتشف روعة الجمال بتلك الصداقات التى تبينت وإستبانت
لنا عبر هذه اللوحات الفوتوغرافية التى جمعت بين الخضروعمر والشفيع وعمر ولنا الشرف جميعاً بأن نتعرف بمثل
هولاء الافزاز ودمتم لنا .

وماشاءالله عينى باردة ومدد ياشيخ النت والكلام الجماعة العاتين ديييييييييييييييييييلك ودبر يا عين
وراجعين

أستاذ خضر كتب:
ويكــــــــتفـوكم فى شركــــة فكـى نـت للحـجــبـات والـبـخــــــرات

ههههههههههههههههههههههههه
ألحقنا يا ود رياء

ويا أبوتراجى بجيك راجع بعدما أقرأ كلام صحبك عصام ، ده كان عندو كلام!

موضوع: اجمل الحلوين السبت 27 سبتمبر 2008, 3:00 am

الشفيع الجزولي !!
ما شاء الله عيني باااااااااارده ..
انت والسفير/ عمر حسن حمزة بالجد قمة في الاناقة...أجمل الحلوين ..
وطبعا ما في اي علاقة بين الشكل والعمر !! ربنا يديكم الصحة ويديم عليكم الالفة
وبدر يا عبد الماجد ...
ما في داعي كل مرة تقعد تخلع فينا كدا!!!

اخونا الشفيع الجزولى

تحية طيبة
يا اخوي انا سالت عمر ابو حلقوم من الصورة دى وقال ليها 20 سنة
يعنى طلعكم كبار فى السن
يعنى تقدرو تسبقوا اخونا الخضر فى صوالين الاعراس
ربنا يديم المحبة انشاء الله
معز عبد المنعم

الله يستر على البوست ده من العين فيهو جباااااااااااااااااااااال
ماشاء الله عيني بارده وكشف لحقائق ومستورات كتيرة
وقامات عمنــا خضر وعمنا الشفيع وعمنا عمر حسن مره واحده
وشباب في شباب وحقو نسحب كلمة عمنا دي ولا رايكم شنو ياجماعه

» اللقاء الدوري
» تجربه للاستفاد والتاريخ الاسبوع الصحي الاول
» خروف المنتدي الاول
» العام الاول للمنتدى
» نادى السلام والمركز الاول