المختفين

موضوع: رد: المختفين الإثنين 06 أكتوبر 2008, 4:32 am

الغالي تسالية ..
حمداً لله على سلامتك يا باشا ..
بالمناسبة حسن ود شمس الدين سجل ليك زيارة في بيتكم ولم يحالفه الحظ بلقاك ..
وأنا حاولت وبحاول ألتقي بيك في الجريف ..
بالنسبة للإنترنت يا تسالية .. منو القاليك التقنية دي ما دخلت الجريف ؟؟
بالعكس ياباشا .. لو مشيت المحلات المقابلة لكلية الجريف شرق التقنية .. بتلقى مقهى إنترنت ..
جرب بس يا تسالية .. وتعال وريني ..
أضف لذلك الإنترنت أصبح داخل كل بيت تقريباً يا واحد الله ..
وبالتالي ما محتاجين نعمل مقاهي إنترنت ..

ودم لنا ولها ...

نساليه كتب:: الجميل ابو تراجى حضنا دافى ونعبا صافى عليك مدلوق
كتر خيرك وبارك الله فيك على السؤال( اخير من لاك)لاك دى مقصود بيها عبدالله نابرى
كتب حسن شمس الدين:
عبـــــــــــــــــــــــــــــدو دا شنو ؟؟؟؟؟؟؟
الناس تاكل في اللحوم وانت تاكل في البليله والتمر !!!!!!!
انت شوف الصفرا الفيها عصام والهندي وبدر واجلس معاهم دي نصيحه لي وجه الله

ياحسن سمعنا تحت تحت عبدالله نابرى
هندوسي

كترك خيرك يا تسالية يعني الزول لما يأكل التمر واللقيمات يقولو عليهو هندوسي!!!
طيب اسه ما قاعد تكتب باللون الاحمر شفتني قلت عليك شيوعي!!

موضوع: رد: المختفين الخميس 09 أكتوبر 2008, 3:27 am

المختفين .. من الاكبر للاصغر (فرز تنازلي)

ابو تراجي (بتاع الطواقي) .. عمر حسن حمزة (اسمك رنان) .. الطيب بخيت (ابو النسب) .. الشفيع السلس الجزولي (المعارضة) .. ود ريا (مشكور لجهودة الحثيثة) مستكا (جوالو مقفول ليهو زمن واذا عرف السبب بط..) اخناتون (الزمن الجميل) .. خضر حسن (الحتالة)

وينكم ؟؟؟؟؟؟؟؟؟؟؟؟؟؟

موضوع: رد: المختفين الخميس 09 أكتوبر 2008, 9:46 am

كل سنة وانتو طيبين

انا موجود ياعبدالله
بس شكلك اثبت على تهمة الطاقية
الله يسامك !!!!
مع انى كنت حاسبك مع المناصرين لى

موضوع: رد: المختفين الخميس 16 أكتوبر 2008, 10:46 am

قائمة جديدة للمختفين

1/الشازلى الطيب
2/اكرم الطيب
3/ ماهر (ابو السارة
4/طارق
5/ابوجابرة
عمر حسن حمزة 6/مبارك الجزولى 7/استاذ خضر 8/وطن مجروح 9/الطيب بخيت
10/معتصم بابكر 11/ام النور 12/ غادة 13/ فلبينى
القائمة طويلة عسى المانع خبر
ابوتراجى

موضوع: رد: المختفين السبت 18 أكتوبر 2008, 12:28 am

السسسسسسسسسسسسسسلام عليكم
انا قاعد والجوال المقفول ده بتاع العمل
دق في الجوال التاني يا ود نابري وبوريك البليلة فيها حصحاااااااااااااااص
والايام دي موفر النقه للمدام والمجاملات واصبرو علي شايفكم كلكم خصوصا عبد الله نابري وعصام واستغرب لتواري الاستاذ الخضر عن هذه الحملة المدبرة بحنكة فايقة بغرض زعزعة الامن وقطع شهر العسل لكن وين ليكم والله جنس عسل والما ضاق يضوق
عبد الله نابري دي خاصة بيك من جيت السعودية اول مرة افطر من الصباح
وانشاء الله تكون لقيت الخروووووووف

موضوع: رد: المختفين الأحد 19 أكتوبر 2008, 2:17 am

أخوي مستكا
مالك .. في شنو .. أنا جيت جنبك .. سألتك .. لا حول الله
يا خي خلينا كدي النلم في طاقيتنا المسلوبة دي .. وبعدين نفضالك..

موضوع: رد: المختفين الأحد 19 أكتوبر 2008, 2:52 pm

موضوع طواقيكم دى حتملوا بيها المنتدى ؟!!
بالله تقول طاقية سلفاكير او الصادق المهدى البلبسها مع البدله
نحن ماعندنا طاقية عندك السافرت بها الى الرياض !!!
هسه انا سالتك منها ؟؟!!
يااخونا عندك اثبات على انك فقد طاقية ؟
اعمل بلاغ فى الشرطة واعلان فى الصحف !!!
احسن ليك ترسل لى طاقيتى العندك فى الاول قبل .......!!!!
ده بوست عن الاشخاص المختفين !! مش الاشياء المفقودة هذا اولاً
ثانياً هناك اقاويل تاكد بان مجموعة من الناس وانت منهم سبب فى اختفاء البعض !!!
والله من وراء القصد
ابوتراجى

يا ابو تراجى ردنا هناك فى بوست قنصلية الجريف

ولا نامت اعين الجبناء

موضوع: رد: المختفين الخميس 23 أكتوبر 2008, 1:33 am

يا ناس حكيمكم وين ؟؟؟ الخضر حسن الفضل
وبدر عبد الماجد - جماعة العليا - والعليا بتشبه المنشية بتّديها ملامح غايو ..
عمر حسن حمزة - اسمك رنان - مختفي لكين ما شديد!
عصام عبد الصادق - ده معزور (تحت تحت) قالو حكمو عليه ب 7 سنة سجن في قضية الطاقية؛ بس هو عمل اسئتناف يعني ممكن ينقض الحكم..

وشوفو باقي الجماعة ....

موضوع: رد: المختفين الأحد 02 نوفمبر 2008, 11:10 am

اتفق مع عبدالله نابرى

فى اختفاء الاستاذ خضر والسفير عمر حسن
اما عصام انشاءالله يختفى مامهم شديد وجوده (الماجج للمشاكل والمشاعر )!!!!
اما صاحبنا بدر التمام العبدالماجد دى عادتو (ومن خلى عادتو انقلع نعالو اسف قل مقدارو لالا قل سعادتو !!!!!!!
ابوتراجى

موضوع: رد: المختفين الأحد 02 نوفمبر 2008, 11:21 am

يا عبدالله أخوي ... براك شائف .. الزول ده أنا جيت جمبو ( والله ما عارف جمبو أم جنبو )

موضوع: رد: المختفين الإثنين 03 نوفمبر 2008, 1:52 am

عصام .. دي فرفرة مذبوح !!

موضوع: رد: المختفين الإثنين 03 نوفمبر 2008, 8:43 am

بسـم الله الرحـمن الرحـيم
كتـر خيـركم على السؤال أنـا لم اختـفى ولكن وجـدت كل الأبواب موصـدة امـامى ولم استطـيع الدخـول للمنـتـدى وأخيـراً دفعــت حاجـة تحـت تحـت كـدى باليورو للغـفــير وغيرت الإيميل القـديـم ... ومـا عـارف هـل حسابى فـلقه حـاج عـلى ... ولا تـم اختطـافـه عشان يطالبوا المنــتـدى بـدفع فـدية ... الحمـدلله أنـا بخـير والذى يريـد ان يتعـاطـف معى يـدس يده تحـت المخـدة ومش عـاوز شيكـات من سيـبـويـه بنك.
ودمتم لنـا
خضـر حـسن

موضوع: رد: المختفين الإثنين 03 نوفمبر 2008, 8:59 am

والله فداك نجومنا يا حكيم والله اندهشت لمن قريت

اخر عضو مسجل خضر حسن الفضل طيب يا
اخوانا الزمان ده كان منو
وافتح باب التبرعات
عامر عبد الوهاب عباس
عدد 3 نجمات للغالي خضر حسن

موضوع: رد: المختفين الإثنين 03 نوفمبر 2008, 10:01 am

عبدالله محمد نابري كتب:: عصام .. دي فرفرة مذبوح !!

شكراً يا جميل

المذبوح
ابوتراجى

موضوع: رد: المختفين الإثنين 03 نوفمبر 2008, 11:30 am

بارك الله فيكم يا أهل البيت السعيد على هذا الاهتمام وقول ليكم :
يلوموننى أن بعت بالرخص منزلى ولم يعلموا جاراً هناك ينغص

فقلت لهم كفوا الملام فإنما بجيرانها تغلو الديار وترخص فأنا لاأبدل دياركم العامرة بوجودكم أيها الاعضاء الكرام

موضوع: رد: المختفين الإثنين 03 نوفمبر 2008, 11:50 am

اهلا بالاستاذ مجدداً
بس مامكن يرجع لمربع واحد الحاج يوسف
بعد الدفع التحت تحت ويمسحو ليك مشاركاتك كلها
ويساوك مع المناشير المسجلين هسه
ارجع الى مربعك
واطلب كلمة مرور جديدة
عشان بعد شويه فى ناس حيعاملوهم بعدد مشاركاتهم
وفى كل خير
دايرين وجودك
ابوتراجى

موضوع: رد: المختفين الإثنين 03 نوفمبر 2008, 11:59 am

أبوتراجى كتب:

اما صاحبنا بدر التمام العبدالماجد دى عادتو (ومن خلى عادتو انقلع نعالو اسف قل مقدارو لالا قل سعادتو !!!!!!! لو عند التحية صافحونا لسلوا من خواتمنا الفصوص

ألا إن خير العفو عفو معجل وشر عقاب ما يجازى به القدر إخوتى كان يوم فيه ليلة القدر وقدر فيها ما قدر ( إتهم القاضى وطرد الرجل النحيل البعيد (بدر ) بالتسلل إلى الجلسة واتهم بإفساد الجلسة والهيمنة والتلاعب فى ( قضية الطاقية الاشبه بالمنديل إذا صح التعبير واتهم الرجل صاحب الطاقية سيادة القنصلية المتمثلة بممثلها القنص
وحامل القضية وصاحب الطاقية له رمزية تجذب الاعضاء المارين على هذا البوست فضلاً من غيره
وذلك مما يجيده المدعو (عصام ) من عبارات رصينة واقوال دفاعية تفوق البراعة القانونية الخضرية
كما هناك براعة بالكتاب الاخضر أيضاً هناك قانون الخضر وعليه سمية بالخضرية (أستاذ /خضر )
وذلك فى الوصف الدفاعى .

وفى مقر القاضى للحكم فى قضية الطاقية كانت الاسئلة واضحة ولم يجد المتهم أى تبرير لعمليته وكان المشهد فى غاية الدهشة وانته الامر بطردى من قاعة المحكمة بحكم قوتى
السياسية وإتجاهى ................؟؟؟!!!

وراجعين

موضوع: رد: المختفين الإثنين 03 نوفمبر 2008, 12:06 pm

حمد لله على السلامة اخونا الخضر

لقد علمت مصادرنا بان اخونا ابو تراجي اغلق حسابكم عندما وجد تعاطفكم مع جمعية طق انت واخونا عبد الله نابرى
وتخوف من نيلكم لعضويتها لكن لقاك مسكين ولقى اخونا عبد الله مشرف ابتعد منو بسرعة لانو خاف من التجميد
مع انو مريخابى

وانا كمان متبرع مثل اخونا عامر عبد الوهاب ثلاث نجمات لاعز الناس

وحمد لله على عودتكم سالمين
وعودتكم تغيظ الاعداء ( ابو تراجى واتباعه ) منو ما معروفين !!!!!!!!
ود عبد المنعم خالد

موضوع: رد: المختفين الإثنين 03 نوفمبر 2008, 7:25 pm

شكـرا يا عمـورى ويا المعـز على النـجــوم بقى عنـدى فى كل كـتـف 3 نجمـات يعـنى ممـكن نعـمل إنـقـلاب وكتر خـيرك يا بـدر القـوم على التـكريم بالكـلمـات
ويـا أبـو تـراجـى انـا حـاولت كل الطرق ولقيت نفسى بـره المـيس ورصـيـدى القـديم اللى فى سيـبـويه بنـك كـله ذهـب مـع الإعـصار الـمـالى وبقـيت زى الـولــيـد بن طـلال يا دوب بـقـيـنا نـلمـلم.... لكـن لـعـبـة المخـابرات اللى قالهــا مـؤسس طـق عـليـهـا علامـة استـفهــام ؟؟؟؟؟
خـضر حـسن

استاذ الخضر (الحتالة!) ..

الدخول عبر مشترك جديد غير مقبول !!
كثيراً ما ادخل في (البروفايل) بتاعك واعمل استعراض لجميع مساهماتك!
واستمتع واتكيّف اكتر من كيف الشايقي في قسم التراحيب (بوست تسالية شنو؟)
لازم نشوف حل للموضوع ده !!!!!!!

بدر عبد الماجد كتب:: فأنا لاأبدل دياركم العامرة بوجودكم أيها الاعضاء الكرام

وما حب الديار شغفّن قلبي يا بدر ... ولكن حب من سكن الديارا ..
الدار من غيرك خلا .. ومرحب بيك مرة تانية لمّن تتكيف (كيف الشايقي!)

ود سنقد شكلو نايم في العسل
انشاء الله خير