مسطول بحب

موضوع: مسطول بحب السبت 13 سبتمبر 2008, 2:29 pm

يوم من الأيام وفي أجازتي السابقة ماشي وشايل الصنارة وعصير تانج كدا في حفاظه وفطور كدا قراصة عاملاها لي نسيبتي في عامود مكون من طابقين والدنيا كدا الصبااااح ودائما هوائيتي البحر أشرك للسمك وعندي شجرة صغيرة كدا يستظل بيها تحت جنينه كنجاري فاكر روحي برااااااي قاعد في الصباح داك وماخد أريحية غير عادية وبرمي في الصنارة سمعته صوت قريب مني كدا بغني قلته في نفسي ممكن أنا وهمان ولاكن في الأخر اتضح انو حقيقة في مسطول جنبي بغني وما عايز اشرح بقي حالي كيف بس اهو خلعة بتفوت ولا حدا يمون المهم مرت الخلعة وبقيت اسمع في غناء المسطول ألهو أصلا المسؤل عن تمويل المساطيل فكان بيقول كلام حفظته منو كم بيت الاصلا هو شكلو بموت في بنت من الجريف وشكلوا ما محصل وأمكن حبها الوصلو للحالة ألهو فيها دي وخلاه يمول في باقي الشباب من غير رصيد ... فكما قال الحب ما سطل ........

لما شفتك يا اميمة دأبي يا حلوة انبسطة ** أنتي ما جرافية قالوا وأنتي ما حنكوشة لقطة

في بحار عينيك تهته ومع دموعك اختلطت * أوع بس تبكي مرة بخاف أقع أنا نقطة نقطة

ولو بقيتي القاهرة زاتا بجوارك ببقي طنطة *** ولو بقيتي بحر دميرة بسبح وببقي بطة

فنصيحتي ليكم ما تحبوا عشان لو ما حصلتوا ما تنسطلوا وبرضوا لو لقيتو مسطول خلو بيديكم ورقة وقلم لأنو مرات بطلع منهم شي ما بطال .....

موضوع: رد: مسطول بحب السبت 13 سبتمبر 2008, 2:54 pm

اقتباس :

طبعا يا شمس الزول ضربو الهواء وتخيل نفسو في السحاب وبقه مطرة وقاعد ينقط نقطة نقطة وطبعا ده امعانا في ازلال الجرافية بنظام كتلوك ولا جوك جوك .. وطبعا احسن كتوك من جوك .. جوك فشبه جوك .. جوك بنقطة نقطة وحذف المشبه به على سبيل الاستعارة المكنية ..

بالمناسبة ما لازم الواحد يسطل عشان تطلع منو حاجة ما ساهله !! ناس عصام عبد الصادق مسطولين بالفطرة!!

موضوع: رد: مسطول بحب الأحد 14 سبتمبر 2008, 3:35 am

ما عارف يا عبد الله بس العارفوا كان في دنيا ثانية حتي بعده شلتة صنارتي ورجعتة بي قراصتي وعصيري البيت هههههه

اما بخصوص عصام والله انسطالتوا ما بعرفة بس في يوم كدا كتب رد لطيف جدا عن نسب اهل الجريف في بوست واقسم الله خلاني كل ما اكتب رد ليهو من جمال ما كتب ارجع امسحوا وابقيت اتمتم في الكلام لانو كلاموا بصراحة شييييق جدا ( ياخي دا في الاخر طلع خالي وعمي وانا ما عارف ) علي شوية لو رديت عليهو كان دخلني في حسابات اخري ربنا يطيل في عمروا وباقي نسائم الجريف وبالاخص اعضاء المنتدي ....