صور تدعو للتفاؤل

كتب احمد عوض الحاج النميرى

mistika كتب:

مشكور يا طيب علي حسن تفاؤلك وجميل كلامك

اولا انا لم اكتب عن الفقر والغني

ثانيا انا لست متشائما والدليل انني اكتب من اجل ان نجد حلولا لما كتبت الا اذا كان الاخوان يرون ان ما اكتبه ليس فيه جانبا من الحقيقة ففي هذه الحالة دعوني واحباطي

وبتاع السجائر ده لصغر سنه يري حياته في الفته الذكرتها ولكن اساله بعد ان يصير في مثل عمرك ويري من حوله قد تعلم وتوظف وتزوج وانجب ومات انا لله وانا اليه راجعون

كتب احمد عوض الحاج النميرى
يا باش...... انا الغنى والفقر ضربت ليك بيهم مثل وبس .... طيب لو مافى مر ماكان هناك فى حلو.
وثانياً انا لم اقل انك متشائم بل انت من قال ذلك . والدليل توقيعك.
وثالثاً اذا كان انت قلت بتكتب عشان تحل مشكله انا شايف ردى ليك دا رأى ... ومافى مشكله بتتحل من غير الاراء
من الناس ...
بتاع السجائر

مشكور يا لذيذ

واخيرا وجدت من يفهم توقيعي
وارجو منك اخي ان تحلل الصور التي ذكرت بدلا من وصف حالتي النفسية وانت تحديدا اريد ان اري رائك وشعورك بعد ان تتخيل الصور ايها المتفائل
علي فكرة هناك فرق بين التشائم والحزن والاحباط والسخط وكل كلمة لها معني يختلف عن الاخر ولو كانت تحمل معنا واحدا لديكم فالعتبي علي الاعراب السابقيين
ومن جد انا سعيد بيك وباهتمامك الدائم
حزين ومحبط وساخط

[quote="mistika"]
[size=24]مشكور يا لذيذ

واخيرا وجدت من يفهم توقيعي
وارجو منك اخي ان تحلل الصور التي ذكرت بدلا من وصف حالتي النفسية

[quote="احمد عوض الحاج النميرى"]

mistika كتب:

بس عندى ليك نصيحه اكتب باللون الاسود احسن.. ههههههههه
اوعا تفهمنى غلط يا محبطاوى
الله اكون فى العون.

سلام جاكم

والله انا سعيد (محبط)بمشاركتك
وبعدين اسود كحلي بني ما بفرق لانو نحن في زمن تشابه الالوان فكلها محبطة
ماهر السماني
محبط حزين ساخط

حزين ومحبط وساخط ..

اعطيتك قرابة الا 14 سطرا لعلاج الاحباط بس يبدو لي انك محتاج ان تتعمن في في البيت الشعر ادناه ...
وعين الرضا عن عيب كليلة ... وعين السخط تبدي المساويا

كتب مستكة:

اقتباس :

اولا: انا زرت الخرطوم في رمضان السابق
ثانيا:تطور اي دولة اقتصاديا يا سيدي لا يقاس بالمطاعم السورية الموجودة فيها ولا بالاسواق التركية ولا مكائن الصراف الالي

بماذا يقاس التطور اذا ؟؟ هل يقاس بصناعة مركبات الفضاء والصواريخ ذات الرؤؤس النووية !!
المطاعم السورية والاسواق التركية يا حبيبي تبحث عن الاسواق المالية الاكثر جاذبية وطالما انها موجودة في السودان فلك ان تقرر!!

اقتباس :

ثالثا:نعم هناك انجاز بخصوص الجسور والمباني الشاهقة والسدود وكلها مشاريع استراتيجية برنامجه الزمني لا يتعدي سنتين ماذا حدث في باقي سنين الاحباط اسف اقصد الانقاذ وتمويلها لا يتعدي 1% من فلوس الشعب عند الانقاذ علي مدي (سنوات الضياع) اين ذهب الباقي يا طيب

وماذا حدث ايضا في باقي سنين السودان منذ العام 1956 !! والتنمية يا صديقي المحبط كالطائرة تحتاج الي مجهود ضخم عند الاقلاع وحالما تكون في الفضاء تسير بسلاسة وسهولة – نحن الان في مرحلة الاقلاع

اقتباس :

رابعا:انجازات الدولة وفي رائي المتواضع تقاس علي المبالغ التي تصرفها في خدمة المواطن وليس المستثمر تمنيت لو ذكرت التطور الهائل الذي حدث في المستشفيات الحكومية وخدمات التامين الاجتماعي والتطور البديع في مؤسساتنا التعليمية الحكومية

قصدك مستوى دخل الفرد والقوة الشرائية التى تمكنه من شراء السلع والخدمات واظنك تتفق معي ان مستوى الدخول ارتفع الان !! ولا ادل على ذلك من المطاعم السورية والاسواق التركية ومعلم السراميك المصري الذي ذكرت ..
وللتوضيح فقط خدمة المستثمر الاجنبي هي خدمة الاقتصاد الوطني وتساعد في تحسين الناتج الاجمالي الكلي للاقتصاد الوطني

اقتباس :

خامسا التطور الذي ذكرته في صناعة البترول وتقنية الاتصالات وشراء الكورلات تطور طبيعي ومنطقي ولا يعد انجاز فلو كان يحكمنا عبد الفضيل الماظ سيفعل ذلك

تطور طبيعي !! سؤال هل تم اكتشاف البترول في السودان عن طريق الصدفة البحتة ..!!
اما ان هذه الثروة ظلت حبيسة لقرون خلت .. وللمعلومة البترول الافريقي يعتبر مخزون امريكي طويل الاجل..

اقتباس :

وانت لو ذهبت الي سوق الجولات ستشتري احدث موديل هل انت انجزته هل انت صنعته انت فقط تشتري يا سيدي
ثم ان الاتصالات وشركات البيع بالتقسيط جميعها ملك خاص لا دخل للدولة فيه بل بالعكس تاخذ منهم ضرائب غير شرعية اسلاميا

يا صديقي نحن وجميع دول شمال افريقيا والخليج العربي شعوب مستهلكة ..
نحن ليست دول صناعية حتى نصنع الجوال !! المطلوب ان نستطيع تحقيق التوازن بين الاستيراد (انتاج الدول الصناعية) والتصدير (الثروات القومية – البترول والمعادن والزراعة) وعندها يمكن ان تشتري جوال نوكيا N95 بدون دفعة اولى!!

كتب عبدالله نابري

اقتباس :

اعطيتك قرابة الا 14 سطرا لعلاج الاحباط بس يبدو لي انك محتاج ان تتعمن في في البيت الشعر ادناه ...
وعين الرضا عن عيب كليلة ... وعينالسخط تبدي المساويا

اقتباس :

بماذا يقاس التطور اذا ؟؟ هل يقاس بصناعة مركبات الفضاء والصواريخ ذات الرؤؤس النووية !!
المطاعم السورية والاسواق التركية يا حبيبي تبحث عن الاسواق المالية الاكثر جاذبية وطالما انها موجودة في السودان فلك ان تقرر!!

اقتباس :

وماذا حدث ايضا في باقي سنين السودان منذ العام 1956 !! والتنمية يا صديقي المحبط كالطائرة تحتاج الي مجهود ضخم عند الاقلاع وحالما تكون في الفضاء تسير بسلاسة وسهولة – نحن الان في مرحلة الاقلاع

اقتباس :

قصدك مستوى دخل الفرد والقوة الشرائية التى تمكنه من شراء السلعوالخدمات واظنك تتفق معي ان مستوى الدخول ارتفع الان !! ولا ادل على ذلك من المطاعمالسورية والاسواق التركية ومعلم السراميك المصري الذي ذكرت ..
وللتوضيحفقط خدمة المستثمر الاجنبي هي خدمة الاقتصاد الوطني وتساعد في تحسين الناتجالاجمالي الكلي للاقتصادالوطني

اقتباس :

تطور طبيعي !! سؤال هل تم اكتشاف البترول في السودان عن طريق الصدفةالبحتة ..!!
اما ان هذه الثروة ظلت حبيسة لقرون خلت .. وللمعلومة البترول الافريقييعتبر مخزون امريكي طويل الاجل..

اقتباس :

يا صديقي نحن وجميع دول شمال افريقيا والخليج العربي شعوب مستهلكة ..نحن ليست دول صناعية حتى نصنع الجوال !! المطلوب ان نستطيع تحقيق التوازن بينالاستيراد (انتاج الدول الصناعية) والتصدير (الثروات القومية – البترول والمعادنوالزراعة) وعندها يمكن ان تشتري جوال نوكيا N95 بدون دفعة اولى!!

الردود علي حسب الترتيب
*للشعر مجاله
*يقاس التطور بالتطور(سياسي- اجتماعي-اقتصادي-عسكري)
سياسي:- ؟؟؟؟؟؟!!!!!!!
اجتماعي:-؟؟؟؟؟؟!!!!!!
اقتصادي:-؟؟؟؟!!! بنية تحتية ياشيخ تحتيييييييييييييييييييييييييييييييييييييييييييييييييييييية
عسكري:-؟؟؟؟!!!! يا ناس امدرمان ادخلوا جووووووووووة بيوتكم
*من الذي قال لك ان المستكا راض عن تلك السنين في بداية الاحباط
*بس اوعي تكون زي الطيارات البتتطاقش وهي واقفة في المطار!!!!!!!!
*برضو مستثمر اجنبي؟؟؟؟؟!!!!!
ضع خطا تحت الكلمة الشاذة
1/مشروع كنانة مستثمر اجنبي 2/محل حلاقة مستثمراجنبي 3/معلم سراميك مستثمر اجنبي
*لو سالت راعي الضان في الخلا بيقول ليك يا ريتو ما طلع (ما الكيكة بقت كبيرة والسكاكين زادت)
*ناكل مما نزرع ونلبس مما نصنع (لا تعليق)؟؟؟؟؟؟!!!!!

كتب مستكة

اقتباس :

ناكل مما نزرع ونلبس مما نصنع (لا تعليق)؟؟؟؟؟؟!!!!!

نأكل مما نزرع ... ونلبس مما نصنع واعتقد انو الكلام ده واضح!!!
يعني الاكل واللبس فقط !!
شايف ليك دولة عربية صنعت ليها جوال ...
ولا مروحة .. ولا آلة حاسبه ..!!
الواقعية هي الحلقة المفقودة في القضية !!
اذا بقيت واقعي حاتنسى حزين ومحبط وساخط

اقتباس :

شايف ليك دولة عربية صنعت ليها جوال ...
ولا مروحة .. ولا آلة حاسبه ..!!
الواقعية هي الحلقة المفقودة في القضية !!

لا طبعا بس شايف دولة من عائد البترول بتعطي المواطنين قروض مريحة علي خمسة وعشرين عاما للبناء والزواج والخ

ودولة بتصرف علي الصحة والعلاج لدرجة عمل الصيدلي الالي وتامين علاجي اجباري حتي للمؤسسات الخاصة والاجانب

ودولة بتعمل مدن اقتصادية ومدن سياحية حتي انهم ماعندهم ارض في البحر
و و و و و و حزين محيط ساخط

اقتباس :

وطرق وكبارى(الفرمالة اواحده الماعندكم غيرها دى)

تسالية الفرمالة دي ما بتمشي فيك وما ليك لي ناس تانين عشان ما ينحبطون ويحزنون ويسخطون والانتخابات غصبا عن الكل علي الابواب

ماهر السماني
حزين محبط ساخط

كتب تسالية:

اقتباس :

شنو المنطق الغريب الانت بتناقش بيهو ده
مطعم سورى وخط انابيب وحدائق بابل(دى من عندى)
وطرق وكبارى(الفرمالة اواحده الماعندكم غيرها دى)

الغالي تسالية ...
لك التحايا اينما وكيفما تكون !!!
يا خوي ياتو منطق غريب الانا قاعد اتناقش بيهو ...
الراجل عندو احباط وانا قاعد اعالج فيهو! وفي هذا البوست لو قريتو من الاول (موش تجي ناطي سااااكت!!) ذكرت كم حاجة متعلقة بالتطور القاعد يحصل الان في السودان وعلي سبيل المثال ذكرت له المباني والجسور والكباري..
كما بينت له الاسواق والمطاعم العالمية في قلب الخرطوم وتطرقت لتطور المستشفيات وقلت له انه يوجد مستشفي في السودان يستخدم الهلكوبتر الاسعاف في العلاج وده شوف عيني البياكلا الدود!!
كما ذكرت له العمالة الاجنبية التي اصبحت تختار السودان كدولة للغربة (بنظام الكفيل وكدا) .. كما ذكرت له التطور الذي حصل في الاتصالات ثلاث شركات لتقديم خدمة الهاتف المحمول وكما تطرقت للبترول وسد مروي
بالله اسه الكلام ده كلو فرمالة !!!!
فرمالة شنو يا خوي !!!!!!!!!!!

اقتباس :

كلام بقولو فى سرى:
يعنى فات بدر عبدالماجد وجانا عبدالله نابرى !!!!!!!!!!!!!!!

منو القال ليك بدر عبد الماجد فات !!؟؟ بدر موجود وموجود شديد كمان!!!
وانا ما جيتكم يا تسالية انا اصلا معاكم ... بس بلدنا قاعده تتطور سواء رضيت ام ابيت !

كتب مستكة :

اقتباس :

لا طبعا بس شايف دولة من عائد البترول بتعطي المواطنين قروض مريحة علي خمسة وعشرين عاما للبناء والزواج والخ
ودولة بتصرف علي الصحة والعلاج لدرجة عمل الصيدلي الالي وتامين علاجي اجباري حتي للمؤسسات الخاصة والاجانب
ودولة بتعمل مدن اقتصادية ومدن سياحية حتي انهم ماعندهم ارض في البحر
و و و و و و حزين محيط ساخط

هههههههههههه

نقاشنا ده يا مستكة ذي الجراى الحصان ولا غريق البحر !!
يعني الاول منو الدجاجة ام البيضة ؟؟؟ البيضة جابت الدجاجة والدجاجة جابت البيضة .. الخ
هذه الدول يا سيدي ظهر البترول فيها منذ ما يقارب الاربعين عام ..
واربعين عام وهي تبني يا شيخ !!
اشوفك في السودان بعد 40 عام لو ما ظبط تبقه 110 !!
لانو بعرف واحد لو اشتره اي جهاز جديد بجرب الكهرباء في 220 لو اتحرق معانها 110 !!

كتب عبد الله نابري

اقتباس :

اشوفك في السودان بعد 40 عام لو ما ظبط تبقه 110 !!

الاربعين سنة راحت منها عشرين يا سرحان عييييييييييييييييييييييييييييييييييييك

كتب عبد الله نابري ردا علي تسالية

اقتباس :

بس بلدنا قاعده تتطور سواء رضيت ام ابيت !

لا يوجد حد يأبي التطور لبلده حتي لو كان ناقص وطنية

والخلاف الذي بيننا في هذا البوست انت الذي حولته الي التطور وتمادينا معك فيه مع ان الموضوع غير
ارجو منك الاتي فضلا وليس امرا

نحاول كلنا ان نجد معا معنا موحدا للتطور نأخذه مقياسا لنا

تحليل الفلم الرواي للكاتب المحبط مستكا وهل هو وقعي ام يجانب الحقيقة والذي نصه كسناريو

الصورة الاخيرة يجب ان تكون فيلما كاملا وقصة الفلم تدور حول اجتماعا فوق العادة دعي له في السودان وحضر الاجتماع كل من

* الشيخ الدكتور حسن الترابي ممثلا لحزب المؤتمر الشعبي

*السيد الصادق المهدي ممثلا لحزب الامة

* اي واحد من اولاد الميرغني ممثلا للحزب الاتحادي الديمقراطي

* علي عثمان وعمر البشير الي الان مختلفين في مين يمثل حزب المؤتمر الوطني والمخرج في انتظارهم

* السيد محمد ابراهيم نقد ممثلا للحزب الشيوعي وهذا بطل ثابت مثله مثل السابقين لم يتم تغيره من ما خلقت ولن يتم حتي اموت

* واحد من الذين يفلفلون شعورهم ممثلا لحركات درافور الانفصالية

* المشير والواء اركان حرب سعادة العقيد سلفاكير ميرديت ممثلا للحركة الشعبية لتحرير السودان من مين لا ندري وذلك لوفاة المناضل دكتور جون قرن ومناضل هذه تعبير لا يمت لي بصلة حتي لا يفهم البعض اني متفائل فمن كان يقول عليه خائن وعميل هو من اطلق عليه هذا اللقب وهناك محاولة لنقل الاستديو الذي يصور فيه الفلم الي المقابر حتي يتثني للدكتور المناضل المشاركة ولكن رفض المخرج

* * * * * الي مالا نهاية ستجدها يا متفائل اسماء مكررة ولضيق الوقت وانتهاء مدة حجز القمر الصناعي نكتفي بهذا القدر

يدور موضوع الفلم في كيفية ذبح خروف سمين له قرنين واتفق الجميع علي ذبح الخروف وسبحان الله كيف اتفقوا لا ادري

ثم فجاءة ظهرت بوادر خلاف غريب من نوعه حتي ان المخرج كاد ان يقول استوب فقد اختلف الجميع علي من سياكل الطحال(اب دمام) فالكل يريده لدسامته وحسن مذاقه

وقطعت الكهرباء في الاستديو فقد خلص كرت الشحن ونحن في انتظار ان يعود الذي ارسل لجلب الكهرباء والي ذلك الحين خرج جميع الابطال الي كافتريا الاستديو الواقعة في تقاطع شارع اوربا مع امريكا وذلك لتظبيط المكياج ومراجعة السناريو والي الان يبدو الي الجميع ان المخرج مجهول الهوية والاكيد انه ليس سوداني

بس الكل يعرف ان الخروف سبب الاجتماع والبطل الاساسي في الفلم هو السودان

اتمني ان لا اكون قد طلبت امرا جللا
سلام جالكم

كتب الرائع صدسق النعمة

اقتباس :

صورة محمد الدرة الذي ذبح بالخطأ بدلاً عن الخروف الذي لم يتفق عليه، و الجميع ينفث في نشوة عارمة دخان البرنجي الذي تم شراؤه من الطفل الذي لا يعلم أضرار التدخبن لأنه ببساطة لم تتح له الفرصة ليتعلم ذلك، ثم كلاً منا يدخل بيته و يلوم حظه و يقاتل من أجل الحقوق و ينسى واجباته...

لا تقف يا صديقي اكتب ثم اكتب وسنكتب جميعا وسنقرأ جميعا وسنتعلم جميعا من بعضنا بمختلف ميولنا وانتماءتنا

هذا المنتدي ظاهرة صحية
هذا المنتدي ومثله من المنابر الحرة الشفافية هو ملاذنا هو خلاصنا وبه سنعلم غيرنا ونتعلم من غيرنا وبه سنجتمع بعد ان فرقتنا الاقدار والحكومات فنحن ابناء ام واحدة
اكتب يا صديقي ولا تقف سيأتي يوم يفهم الكل ان الاختلاف في وجهات النظر لا يعني ذبح الخروف