احبط ان معليش اقصد اثبت ان
البرهان:-
بما ان الدكتور حسن الترابي والسيد الصادق المهدي والسادة اولاد الميرغني والسيد علي عثمان والسيد محمد ابراهيم نقد وهلمجرا تجاوزو عمر السبعين وهو عمر ارتياد المسجد او الكنيسة كل حسب عقيدته وما زالو يرغبون في الحكم
وبما ان العاجز يستقيل والفاشل يقال وعندنا يحول الرصيد الي وظيفة محترمة لضمان شرك ليس هناك فرق بين وزير او مستشار المهم تكون منشار
وبما انه هناك رئيس الجمهورية ونائب اول رئيس الجمهورية ونائب ثاني رئيس الجمهورية ووزير وزارة ووزير دولة للوزارة ووكيل وزارة ووكيل اول وزارة ومستشار رئيس الجمهورية للشئون الفلانية ومستشار ريئس الجمهورية للشئون الفرتكانية والي الان لم اصل الي المدراء مع انه ارفع منصب يسعي له الشخص(الزينا كده)
بما انه لدينا غناء الحقيبة الذي لا يعلي عليه وكل من غني بعده ما عندهم شغلة ساكت
وبما ان صديق منزول احرف من دق كفر والبعدو اكياس جوافة
وبما ان مواليد 1958 الي مالا نهاية تحت قانون الخدمة الالزامية(واحد عمره خمسين سنة)
وبما ان السياسة (حكام ومحكومين / حكومة ومعارضة) في السودان نوع جديد(يا فيها يا اخفيها)
وبما ان وزير نهض من نومه قال كم الساعة قالوا السابعة يا سيدي قال دعوها ستة اعزكم الله لكي ما يقال ان الوزير بيصحي باكرا صيفا وشتاء(تركب طيارة من الرياض والمغرب بيأذن تصل الخرطوم وبرضو المغرب بيأذن والغريبة الساعة تلقاها كانها واقفة ولو ربنا عاوز الزمن يكون واحد كان جابنا قحاطين وعتبان ويبقي العباس عمنا بالجد وكان اتحلينا من جماعة علي الحاج معليش قصدي العدل والمساواة
وبما انه اذا قيل لك ان دخول امدرمان من قبل الجماعة كان مسرحية سياسية من تاليف مؤلفين المسرح السياسي السوداني منذ العام 1964 لا تنبهر لانو دخلو بعربات جديدة لنج فيها نور بيولع وبوري بيقول تيييييت ومكنه شغالة ععععععععا وما سمعناها الا في استاد المريخ والنتيجة واحد صفر الواحد ده هدف عكسي والكانو سايقنها الاتية اسماؤهم(توم كروز-جاكي شان-برات بيت- رجل المستحيل ادهم صبري ودنزل واشنطن لا يا مستكا عمنا الاخير واقعي شوية)
وبما اننا الشعب الوحيد في العالم الذي ندم علي الاتي:
1- الديمقراطية 2- استخراج البترول 3- زيادة عدد الجامعات 4- ثورة الاعلام العالمية( دبل كلك تجيك امدر محروقة)
وبما انه ناخد ثلاثة ثلاثات ونقول خبرة واحتكاك (بقينا بروة صابون من الاحتكاك)
وبما انه عمك تعبان وعيان جارو المحامي قال عندو سكري ودعمو المهندس مسك الحرامي وهو ماشي النقطة الدكتور قال ليهو تدينا حقنا ولا ننزلك هنا اسسسسس قرصة يا معلم قام جاء رائد شرطة مزبط قال السلم ده ما مظبوط وكلنا مشينا لي شيخ الجامع وشيخ الجامع ما لاقي ميزان الضغط والمخرج قال استوب وانتهي البرنامج والغريبة اسمو نقاش نقاش لا عرفنا نصلي الظهر ولا نلحق العجين ما يدفق (في غزوة من الغزوات وكان القائد من نحتاجه اليوم مثلما احتاجه ابو بكر الصديق كان خالد ود الوليد رضي اله عنهم جاء وقت الصلاة قام قدم ابن عباس رضي الله عنه بعد الصلاة سالوه لماذا وهو القائد قال شغلني الجهاد عن القراءن فقدمت من هو اخبر مني فيه)
وبما انهم نسابة او فرد او اولاد عم وليس لدينا عمر بن الخطاب او ابن عباس او خالد بن الوليد او عادل امام
استطيع ان اكتب عينة وعينين بما ان لكن كفاية
ملحوظة
قناة النيل الازرق عمرها اكثر من خمسة سنوات والشهر فيهو اربهة خميسات جمع خميس يعني السنة فيها ثمانية واربعين خميس وكل خميس الموضوع افراح افراح ومشكلة من مشاكل الزواج يعني عشان تتزوج حتلاقيك المشاكل الاتية
48(اسبوع في السنة)×5 (عدد السنوات) = 240
وهو المطلوب احباطه
وانا عاوز احبط منو اقصد اثبت شنو
التوقيع شعب عاوز كسرة وشاي سادة وضل عصر
الثلاثاء يونيو 24,2008
