من قال ان القلب يحب مرة واحدة فقط...

اخوانا وحبايبنا .... السلام جاكم شوالات.

اول شىء انا عارف انو اليومين دى مع البشتنة الحاصلة فى السودان من قرارات يهوديه الناس ما بتكون فاضيه لى مواضيع زى دى ... بس بقول لليهود ( الزارعنا غير الله اللجى اقلعنا ) .

بى صراحة المقوله البتقول ( الحب مرة واحدة ) انا من اكثر الناس معارضة لها .
يعنى ما مقتنع بى الكلام دا ممكن الواحد احب كذا مرة بس بعد فترات . طبعاً دا رائى الشخصى ....
وياريت اشوف رايكم شنو؟؟؟؟؟؟؟؟
المشوكشين بجدعو هنا ههههههههههههه

أخى أحمد مرحباً بك وأنت تحى فينا الشجون والعواطف والكلام عن الحب فعلاً أنت رجل عظيم فالحياة ليست
لها حدود ومع هذه الظروف هناك من يتأججون وهم ذو أحا سيس لا حد لها وقد يولد العظماء والعباقرة فى
أحقر البيوت ويولد الحكماء فى وسط المشاكل والمنازعات إلا بعض الناس يسيؤن التفكر ولا يحسنون التصرف
لا يبعثون عواطفهم فى معالم الانسان ذو الاحساس المرهف .
أخى أحمد الحب هو إخلاص وصدق وتسامح فلا بد أن تكون إنسان زو عرفان بالجميل وتعترف بالخطاء
وخاصة لمن يملكون قلبك وتكون شخص تقبل العزر والزلل لان الحب عطاء بلا حدود وتضحية ولا تتنظر
منك مشاعرك الاذن لمن تختاره حبيب فلذلك تعدد الحب وارد وقد يكون أكثر من مرة وخاصة إذا كنت
شخص تزرع الامل فى قلوب الحزانة وتخلق الالفة والتجانس مع كل من تراه وتعجبك صورته الجمالية
مع الشكل وعشق الروح والحب إمتلاك المشاعر بدون أنانية مع الصدق والتوازن فى الاحساس ولذلك
يمكنك أن تحب أكثر من مرة مع الحفاظ للحب الاول .
وما الحب إلا للحبيب الاول
فنحن نطوع من نحب وفى طريق الله سرنا
وراجعين

لك اعطر التحايا وانبلها ..... البدر المنير لنا عتمة المنتدى دائماً.

الغالى بدر .
احيك وانت اول المشاركين فى هذا البوست وهذا ان دل يدل على الوفاء لكلمه الحب
ومنكم يابدر دائماً نتعلم ونستفيد.
بارك الله فيك اللهم اغفر له ولوالديه ما تقدم من ذنبهم وما تأخر..
وقِهم عذاب القبر وعذاب النار..

أبو حميد الحب ياهو حب أكان أول أكان خمسة عشر
ياخوي هو حلاتو بعد الشاكوش لأنو الزول راسو بيجي هههه
وكل مره الزول بيتعلم كويس وبيمشي في خطوات ثابته نحو الاحتراف
ولا الراي شنو ههههههه

الهندي ود نابري كتب:: أبو حميد الحب ياهو حب أكان أول أكان خمسة عشر
ياخوي هو حلاتو بعد الشاكوش لأنو الزول راسو بيجي هههه
وكل مره الزول بيتعلم كويس وبيمشي في خطوات ثابته نحو الاحتراف
ولا الراي شنو ههههههه

انحنــــــــــــــــا قلنا قلنا كدا قالو لينــا لا...

اخوتي زي ماقلتو الحب ياهو الحب بس ممكن الواحد يحب اكثر من مره واسالوني لاكن كيف عشان تقدر تفيق من الشاكوش الاول العمل ليك الجرح لازم تحب عشان تقدر تتناسي الشاكوش ومسح الجرح بي حب جديد والحب متجدد دومآ ولكم الشكر
الله يعرس لينا كلنااااااااااااااااااااااااااا؟؟؟؟؟؟؟؟
BOLBUL

هندي...
البتديك شاكوش لمن رأسك يجي دي الا يكون ابوها شغال حدادي!!
والشاكوش ده بيستعدل الرأس كيف انا ما فاهم !!!
احمد...
اسمح لي ان اسجل صوت اعتراض قوي جدا على كلامك ده الحب الحقيقي فعلا مرة واحدة فقط الباقي ده يمكن تقول عليهو حنان وميل طبيعي مغروس في الطبيعة البشرية لحواء فقط .
لانو لو ملاحظ اذا حبيت ليك بت دائما بتحاول تقارن بينها وبين حبيبتك الاولى وبتلقه انو الاولى احسن اديك مثال بسيط ... اذا مشيت السوق عشان تشتري قميص مثلا ولقيت اول قميص وعجبك وما اشتريتو لو لفيت السوق كلو حايكون في رأسك في القميص الاول الماشتريتو .. اسأل مجرب
مجرب في القمصان يعني (عشان ما تفهمني غلط !!)

نقل فؤادك حيث شيت من الهوى
--------- فما الحب الا للحبيب الاول ..
نبيل ...

آآآآآآآآآآآآآآآآآآآمييييييييييييييييييييييييييييييييييييييييييييييين

الاخ احمد

السلام عليكم ورحمة الله وبركاته ،،،

اعتقد فى راى الشخصى انو الحب مرة واحدة فقط ومهما الانسان حب مرة ومرتين وثلاث هى واحدة والباقى كلو اوهام حب. يعنى بصراحة ماحب حقيقى من القلب

احمد...
اسمح لي ان اسجل صوت اعتراض قوي جدا على كلامك ده الحب الحقيقي فعلا مرة واحدة فقط الباقي ده يمكن تقول عليهو حنان وميل طبيعي مغروس في الطبيعة البشرية لحواء فقط .
لانو لو ملاحظ اذا حبيت ليك بت دائما بتحاول تقارن بينها وبين حبيبتك الاولى وبتلقه انو الاولى احسن اديك مثال بسيط ... اذا مشيت السوق عشان تشتري قميص مثلا ولقيت اول قميص وعجبك وما اشتريتو لو لفيت السوق كلو حايكون في رأسك في القميص الاول الماشتريتو .. اسأل مجرب
مجرب في القمصان يعني (عشان ما تفهمني غلط !!)

نقل فؤادك حيث شيت من الهوى
--------- فما الحب الا للحبيب الاول ..

عبدالله تحياتى......
الابن ادم اسمو الانسان عشان بنسا ... وانا شايف انو انا لوحبيت بنت وفى النهايه ما اتفقنا .. ومشت اتزوجت من واحد تانى وانا اتزوجت واحدة تانى يعنى حا اكون عمرى كلو بحبها....