الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
| موضوع: قصيدة أمـــــــــــــــــــونـــــه بت الشيــــــــخ أحمد الإثنين 17 مارس 2008, 2:03 pm | |
| قصيدة أمـــــــــــــــــــونـــــه بت الشيــــــــخ أحمد
امونة بت الشيخ حمد ابوها كان
مزواج خلاص ناسب جميع أهل البلد
ميلادها كان عرسا كبير
هيبة ورقيص ماليها حد
يوم السماية اتيتمت
وحس القدر في الام نفد
جرت السنين واتفاوتت
بيناتنا ما ليهن عدد
امونة كبرت واستوت
فار الصدير شال النهد
وبقت أمل كل الشباب
وجمالها في بت ما اتوجد
في مرة رفا قليبها يوم
حبت قريب الشيخ حمد
وأظن كمان حباها هو
جوه الضلوع للخيط سرد
كم من غرام في القلوب
ولع لهيبو ما برد
خايفين عيون الناس تشوف
والخبر يملا البلد
والحب هناك عيباً كبير
لا بت تبوحبو ولا ولد
سنتين تلاتة مضت خلاص
والبت حياتها بقت ند
برضو الولد زي حالتو ديك
وقليبو داك مكتول كمد
في يوم ابوها ضحك كتير
برم شواربو بلا الاسد
ناداها امنة تعالي جاي
فوق البرش ربع قعد
قالتلو هوى جايك خلاص
وقليبها فر وما رقد
هابت عيونو قبل يقول
شافت وجيهو عليهو جد
حاج الخضر عارفاه داك
قالتلو أيوه ابو سند
جانى الصباح طالب يديك
داير نسب شيخ البلد
وانا قتلو مرحب بيك تعال
يومين تلاتة يكون عقد
راجلاً عظيم عنده القروش
عنده الحديد راقد لبد
كمان كريم واخو رجال
ماعونو فد يوم ما برد
جرت الدموع من عينا شو
وأبت تديه رد
وكتين غلب يا ناس خلاص
ولع فؤاده جمر وقد
فكر سكوت البت رضا
جاب زولو لما الناس عقد
والمال ده خمخم والحرير
تحت الرجول مدوه مد
دق الدليب صحا العيون
ما خلا فد مخلوق غمد
يوم الصفاح والناس تجوط
بالفرحة مقلوبة البلد
أمونة تبكي بكي السواد
بدل الفرح جاها النكد
وبشيشها قامت للمروق
في الزفه ما حسابها حد
كان الحبيب راقد هناك
والصدمة قاده قليبو قد
حاضن ربايتو وحيد ينوح
كم جرا للمسدار جبد
وقفت قصاده بكت كتير
لامن دميع العين جمد
قالتلو ما بيدى شىء ديل
ناس ابوى وأبو سند
أتلمو سوهو الكلام وانا
لا رضيت لا جبت رد
قال عنده مالاً مو قليل
وأبوى شاف المال سجد
وأداني للراجل العجوز
المن عروقو الدم شرد
قايلنى بسعد بالقروش
والله المراح الفات ورد
لاكن محال اسعد بلاك
كان السماء ينهد هد
بديك قلبي وروحي ليك
وبعيش هناك صورة وجسد
اتراجعت دارت تعود
لكن قليبها رجع رفض
مسكت دريباً مو غريب
كم بيه صف بنوت ورد
قاصدة البحر داير تموت
لا عيشه لا هم لا نكد
شافت مسار النيل حزين
حتى النخيل حزنان خمد
وبشيشها فككت الحرير
لا زينة لا ربيط عقد
ما دام حياتها بقت دموع
وقليبها من زولا انفرد
قالت اخير ارتاح خلاص
أرسى وشقاي القالو حد
وفي لحظة موج النيل علا
وفي جوفو غابت للأب
د
| |
|
نساليه قلم ذهبي
عدد الرسائل : 760 العمر : 44 الاقامة : السعوديه_الخبر المهنة : تلميذ فى مدرسة الشعب مزاجك اليوم : تاريخ التسجيل : 25/10/2007
| موضوع: رد: قصيدة أمـــــــــــــــــــونـــــه بت الشيــــــــخ أحمد الثلاثاء 18 مارس 2008, 2:56 am | |
| الرائع هندى
طبعا القصيدة مبااااااالغة والله والله انا لى زمن بفتش فيها ياخى انت البشبهك منو؟؟ مؤونة 100 عام من الود | |
|
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
| موضوع: رد: قصيدة أمـــــــــــــــــــونـــــه بت الشيــــــــخ أحمد الثلاثاء 18 مارس 2008, 3:48 am | |
| الجميـــل تســالية إنت البتشبهني وزاااااااايد علي حلاة شكرا ليك هطولك الباهي هنـــا وهناك الكثير
| |
|
حافظ العبيد الطاهر قلم ذهبي
عدد الرسائل : 513 تاريخ التسجيل : 28/10/2007
| موضوع: رد: قصيدة أمـــــــــــــــــــونـــــه بت الشيــــــــخ أحمد الثلاثاء 18 مارس 2008, 8:31 am | |
| عزيزى الهندى
تحية طيبة
شكرا على هذا الابداع والله قد قراءت هذه القصيدة مرتين وغلبنى ان اعلق عليها الى الان انا مندهش من هذا التصوير المفعم بالحياة لهذه المأساة والتى تكرر بصورة يومية فى حياتنا . واخيرها مأسأة اختنا سناء والتى انتهت بصورة مخجلة لنا . وعلى العموم هذه المأسى تحتاج الى وقفة المجتمع بصورة عامة . ونحن نقف وقفة اجلال الى هذا الشاعر الفحل الذى تعمق فى النفس البشرية فصور تلك المشاعر والتى احسب بانه قد اوفى وان كان الكمال من صفة البشر لقلت بأنه كذلك ولكن نقول انه ابدع تصوير الاحساسيس والتى لا يقدر عليها الا شخص مرهف شكرا اخونا الهندى على هذه النقلة والتى اعتبرها جاءت فى زمنها تماما واخيرا ولا اطيل عليكم اقول لك انك مبدع فعلا ونحن فى انتظار المزيد | |
|
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
| موضوع: رد: قصيدة أمـــــــــــــــــــونـــــه بت الشيــــــــخ أحمد الخميس 20 مارس 2008, 7:30 am | |
| الأنيق ود العبيد شكرا ليك حضورك الجميل فالصيدة حقا لاتقاوم وتحكي عن واقع مرير فعلا فقد أثارت في داخلي شجون حين قرأتها مرات ومرات واحببت أن أجود بها عليكم أيضا فقط كن بالقرب ياصديقي فهناك الكثير الكثير
| |
|
مصطفى المحسى عضو نشط
عدد الرسائل : 53 تاريخ التسجيل : 27/10/2007
| موضوع: رد: قصيدة أمـــــــــــــــــــونـــــه بت الشيــــــــخ أحمد الجمعة 21 مارس 2008, 11:28 am | |
| الشخص النضير
الهندى ود نابرى يا لروعة وجمال هذه القصيدة البديعة حد الذهول فحقيقة هى من الدرر الشعرية الفريدة فكل ما أقراها أعاود القراءة مرة أخرى لأستمتع بهذا الدفق الانيق عاطر الود | |
|
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
| موضوع: رد: قصيدة أمـــــــــــــــــــونـــــه بت الشيــــــــخ أحمد الجمعة 21 مارس 2008, 1:45 pm | |
| الســـادر في جمــــاله .. النورنــا بينوره وأسعدنـا بحضورة ... مصطفى المحسي مرحب بيك ياصديقي هنـــا بهذه المساحة التي تزداد بريقا بوجودك فيهـــــا وتوقيعك فهي فعلاً من تلك الدرر الشعرية الفريدة وتحمل من المعاني الكثير الكثير ... أمونة بت الشيخ وقصة ألم ... شكرا لك يامصطفى وجودك حولي فانت ممن يمنحوني الثبات
| |
|