شخصيات من الجريف شرق مشرفة ومؤثرة

بسم الله الرحمن الرحيم

الاخوة الاعزاء في منتدي الجريف شرق

هنالك شخصيات عديدة لها دور كبير وايجابي سواء في داخل الجريف او في الوطن الكبير السودان او في خارج البلاد وهم بالجد مفخرة لكل جرافي اصيل وزي ما بيقولو بيرفعو الراس.

ونريد في هذا البوست ان نتطرق اليهم ونعرف بهم تقديرا وعرفانا للدور الكبير الذي لعبوه في شتي المجالات وتكون هذه بمثابة تكريم بسيط مننا في المنتدي لهولاء الامجاد.

اتمني من الجميع ان يشاركونا في هذا العمل التوثيقي البسيط والله الموفق.

المعــــــز الرجل النشيط يعطيك العافيه يارائع

بوست جميل وكبير نتمنى من الجميع المشاركه باذهاب , شخصيا مابعرف احكي بشوق ولكن بحاول اوصل المعلومه بقدر الامكان فان حدث اي خطا نحوي او املائي فالمعزه فانا ليس متخصص في اللغه العربيه شوفتي لها من الثانويه المهم . من الشخصيات التي لفت انتباهي رجل قام بخدمت جميع الناس بكل طبقاتهم العلميه والماديه وبيته فاتح 24 ساعه وانا جاره بشهد له بذلك فربنا يمتعه بالصحه والعافيه والرفاهيه بقدر ماقدم لنا ولناس الجريف ولكل ناس السودان وكمان الاجانب صينين وفلبينين والمان وغيرهم دون اجر محدد يذكر المهم الساهله .

ورث هذه المهنه ابا عن جد متخصص فيها لدرجه عاليه والغريبه بدون مؤهلات علميه تذكر لكنه يشرح ليك كل الاعضاء وكل فقره في الجسم ويعرف وين مكانها بالضبط , تحكى عنه القصص والروايات في مداواته للمرضى , اغلب ناس الجريف شرق يكنون له المعروف يعني مابنسوا جمايلوا فله التحيه ..

الرجل هو خــــــــالد محمد الطيب المعروف باسم خــــــــــــالد البصير يسكن الجريف كركوج جنوب نادي السهم الرياضي وغرب بيت اللجنه الشعبيه لكركوج جنوب دي مادعايه يااخوانا فشهرته كبيره جدا .يعمل موظف باحد الدوائر الحكوميه بالسودان , من المواقف التي مرت بنا نذكر لا الحصر

اتت سياره تحمل امراة شبه مشلوله لاتتحرك من سريرها منذ اكثر من سنتين يذكر زوجها انها حدث لها انزلاق وذهب بها الى اغلب دكاترت العظام وعمليات والحال كما هو وسمع عن خالد البصير بتاع الجريف قال اجرب !

خالد البصير قال لهم نزلوها وجيبوها هنا فذكر الزوج انها لاتستطيع الحركه فذهب اليها خالد وهي ملقيه في البوكس بدون اي حركه . خالد اخذ عود كبريت وضغط على الاصبع الكبير فشعرت المراة بالعود فقال لهم احضروها للداخل

تفتكروا لو في هذه اللحظه بالذات قال ليهم خالد البصير تدفع 3 مليون وانا اخليها ليك ذي الاول , الزوج بدفع ولا مابدفع مع انه خسر مبالغ ضخمه في العلاج والدكاتره الذين لايرحمون في الكشف والتحاليل مئات الالاف ؟؟

المهم امسك وتم تنزيل الفقرات والعظام وصراخ وبكاء وفي النهايه قالها اقفي على رجليك فقالت لا استطيع فكرر لها السؤال فقال لها حاولي دون مساعدة الاخرين فحاولت فوقفت بمساعدة الحائط وهي مندهشه وسط فرحت الجميع فمن الفرح الزوج خرج مسرعا بالعربه وبعد حين نسمع صوت الخروف الذي تم ذبحه خارج باب خالد البصير وادوا [right]الفيها النصيب وتم الشكر الكثير من الزوج لخالد واكتملت السعاده وذي هذه المواقف كثير جدا تكاد لاتصدقها فله التحيه والتجله .

اتمنى من ناس المنتدى اضافة اي حاجه عن هذا الرجل

ومشكور الاخ المعز فلك مني عاطر التحايا

[/right]

أخوي حسن لك التحية مع نسمات هذا الصباح
كدي خالد البصير نخليهو على الجنبة وبنجيهو بعدين
وبالنسبة للغة العربية برضو ما حاندقق وراك
وبالنسبة للجنة الشعبية برضو سيبك منها وما بندخل في السياسة
لكن سؤالى هل حالتك اليوم بتستدعي نوديك للبصير خالد أم يا ترى بتحتاج أم ضوابان
لأني شايفك بتشكر في معز .. والخيل تجغلب والشكر لى حماد وأعتقد أن إسم محمد زين نابري من تركيبته بيحتاج لوحة بخط ديواني..
عشان كدة قعدت أبحث عن إسم معز .. لا وجدته في البوست ولا في المنتدى
التحية لك والتحية لأخونا محمد زين نابري صاحب البوست والتحية للغالي معز سواء كان ود عبدالمنعم أو ود السماني
وحا نجي راجعين لهذا البوست بعد الرجوع للسحارة الفى المخزن

والله يا اخونا عصام لو جانا رزق من الله ما تخلونا

الزول يشكر فينا جزاءه الله خير كان انا ولا ود السماني ما قصر
برضو ما دايرين تخلوه على الاقل مشيها والزول عريس عما قريب علشان كده بلخبط
لكن نقول مشكور اخونا محمد زين لانك فتحت بوست مهم جدا وموضوعه ممتاز
ومشكور اخونا حسن على بدايته و بشخصية مشهورة خارج الجريف اكثر من داخل الجريف وانشاء الله نديكم عن مواقف خالد محمد الطيب الكثير

الباشمهندس العريس حسن

شكرا جزيلا علي البداية القوية للبوست برجل بقامة خالد البصير والذي تشهد له الجريف بالكثير والكثير من الافضال وخدمة المنطقة والحمد لله شايف معز متحمس للاضافة في حق هذا الرجل وفي انتظار المزيد عنه وعن اخريين.

ما اصلو لخمة العرس بتعمل بتخلي معز يبقي محمد زين وقريب جدا عصام عبد الصادق حيبقي ابوتراجي مع لخمة العريس ابوعلي فلك العذر وخليك دائما قريب .

اخونا الكبير عصام عبد الصادق

شكرا جزيلا للاشادة بالبوست ومنتظرين منك انت بالذات لتخبرنا عن شخصيات مؤثرة جدا في الجريف

والعريس انا عاذرو ولو بقت علي كده بتكون خفيفة ربنا يتمم ليهو علي خير.

خليك قريب.

الرائع معز

ما بيناتنا الشكر المهم البوست والاستفادة من معلومات اعضاء المنتدي في التعريف برموز الجريف وشكرا كثيرا علي المشاركة ومنتظرين اضافاتك في حق الرائع خالد البصير وغيرهم.

خليك قريب.

عصام عبدالصادق كتب:: أخوي حسن لك التحية مع نسمات هذا الصباح
كدي خالد البصير نخليهو على الجنبة وبنجيهو بعدين
وبالنسبة للغة العربية برضو ما حاندقق وراك
وبالنسبة للجنة الشعبية برضو سيبك منها وما بندخل في السياسة
لكن سؤالى هل حالتك اليوم بتستدعي نوديك للبصير خالد أم يا ترى بتحتاج أم ضوابان
لأني شايفك بتشكر في معز .. والخيل تجغلب والشكر لى حماد وأعتقد أن إسم محمد زين نابري من تركيبته بيحتاج لوحة بخط ديواني..
عشان كدة قعدت أبحث عن إسم معز .. لا وجدته في البوست ولا في المنتدى
التحية لك والتحية لأخونا محمد زين نابري صاحب البوست والتحية للغالي معز سواء كان ود عبدالمنعم أو ود السماني
وحا نجي راجعين لهذا البوست بعد الرجوع للسحارة الفى المخزن

لكن سؤالى هل حالتك اليوم بتستدعي نوديك للبصير خالد أم يا ترى بتحتاج أم ضوابان
لأني شايفك بتشكر في معز .. والخيل تجغلب والشكر لى حماد وأعتقد أن إسم محمد زين نابري من تركيبته بيحتاج لوحة بخط ديواني..

اللذيذ ابوطوفه ازيك يازوك وعساك طيب

والله فعلا انا محتاج امشي للبصير خالد في اقرب وقت لكن مرحلة امضوبان دي ماوصلنها ليس لكن بالطريقه دي ربنا يلطف ..
كتبت هذه المشاركه وانا كنت تعبان وقدامي شغل كثير ولايتحمل الانتظار عشان كدا ركزت في الموضوع ونسيت اهم حاجه فيه واللهو صاحبه الرائع والجميل استاذنا محمد زين نابري فله العتبى حتى يرضى ..
فعزرا سقط سهوا تحياتي

معز كتب:: والله يا اخونا عصام لو جانا رزق من الله ما تخلونا

الزول يشكر فينا جزاءه الله خير كان انا ولا ود السماني ما قصر
برضو ما دايرين تخلوه على الاقل مشيها والزول عريس عما قريب علشان كده بلخبط
لكن نقول مشكور اخونا محمد زين لانك فتحت بوست مهم جدا وموضوعه ممتاز
ومشكور اخونا حسن على بدايته و بشخصية مشهورة خارج الجريف اكثر من داخل الجريف وانشاء الله نديكم عن مواقف خالد محمد الطيب الكثير

المعز سلامات ومشكور للتعقيب وفي انتظار مواقف خالد البصير ولعيبت الكره

فدحين ماطول نحن في شوق لما سوف تكتبه
تحياتي

محمد زين نابري كتب:: الباشمهندس العريس حسن
شكرا جزيلا علي البداية القوية للبوست برجل بقامة خالد البصير والذي تشهد له الجريف بالكثير والكثير من الافضال وخدمة المنطقة والحمد لله شايف معز متحمس للاضافة في حق هذا الرجل وفي انتظار المزيد عنه وعن اخريين.
ما اصلو لخمة العرس بتعمل بتخلي معز يبقي محمد زين وقريب جدا عصام عبد الصادق حيبقي ابوتراجي مع لخمة العريس ابوعلي فلك العذر وخليك دائما قريب .

ســــــــــــــــــــــــيد الحوش مشرفنا العزيز محمد زين نابري

ناسف لهذا العطل الفني وانت عارف اهو !
sorry

اخـونـا خـالد البـصـير رجـل عـفـيف ونـادر المـثال و يـده فيها بركـة ولى تـجربة مـعه بسبب الكورة
فـفـى أحـد تمـارين فـريق الإخلاص بيـنـما أنا قـافـزاً لأحـد الكـرات العـالية قـام الأخ بكـور ود البى {مشكـوراً} بتثبيت رجلى فى لحـظة القــفـز فخـرجت من التمـرين ولعب الكـورة إلى الأبـد بتأشيرة خـروج نهايئ بسبب إ نتهاء عـقـد عمـل الرُكـبـة.
وفى اليـوم الثانى قـام الأخ بكـور وبقـية اللعـيبة بإحضـار المرحـوم العم العاقـب البصـير وحـضر إلى المـنزل ومـعـه كل الفريق وحـوالى 30 شـافع والعم العاقب من المعـروف عنـه أنه لايعـرف الهـدنـة ولا البنج ولا المهدئات من الكلمات بـل شغل حربى ..لم ابتسم ولكنى أغمضت عينى وتحمـلت كل الألم وخيبت ظن كل الجماهـير المـحـتـشدة داخل الغرفـة وخـلف الشبـابـيك... وذلك لأنى بكـل بساطـة أعـطيته الرُكـبـة السليـمة.
وفى اليوم الثانى ذهـبت إلى الأخ خـالد البصـير والذى امسك بالرُكـبـة وأخـذ يشرح لى سبب الألـم وكيـفيـة علاجـه وبعـد حوالى دقـيـقـتـين انتهى العلاج أثنـاء الونـسة والشرح ورجعت معـافـيـاً بحـمد الله .فالتحـية للأخ خـالد حـــفـظـه الله وبارك لـه فى عـملـه
فلك الشكـر أخى محـمـد زين ولك الشكـر أخـونا حسن العـريس واخـونا المـعز وخلوا بالكم من عـصام.
ودمتم لنـا
خـضر حـسن

استاذنا الهامه الخدر عندما لاتمر على بوست نحس بالجد ان احد الوان الاساسيه لهذا المنتدى ضائعه
فلك التحيه والشكر ولصاحب البوست

صراحة يا اخونا الخضر دى بالغت عديل فيها

اديتو رجلك السليمة دى ما سبقك عليها زول
والجماعة بالشباك منتظرين الكوراك
ربنا يدي العافية
سلالالالالالالام

خضرحسن الفضل كتب:: اخـونـا خـالد البـصـير رجـل عـفـيف ونـادر المـثال و يـده فيها بركـة ولى تـجربة مـعه بسبب الكورة
فـفـى أحـد تمـارين فـريق الإخلاص بيـنـما أنا قـافـزاً لأحـد الكـرات العـالية قـام الأخ بكـور ود البى {مشكـوراً} بتثبيت رجلى فى لحـظة القــفـز فخـرجت من التمـرين ولعب الكـورة إلى الأبـد بتأشيرة خـروج نهايئ بسبب إ نتهاء عـقـد عمـل الرُكـبـة.
وفى اليـوم الثانى قـام الأخ بكـور وبقـية اللعـيبة بإحضـار المرحـوم العم العاقـب البصـير وحـضر إلى المـنزل ومـعـه كل الفريق وحـوالى 30 شـافع والعم العاقب من المعـروف عنـه أنه لايعـرف الهـدنـة ولا البنج ولا المهدئات من الكلمات بـل شغل حربى ..لم ابتسم ولكنى أغمضت عينى وتحمـلت كل الألم وخيبت ظن كل الجماهـير المـحـتـشدة داخل الغرفـة وخـلف الشبـابـبيك... وذلك لأنى بكـل بساطـة أعـطيته الرُكـبـة السليـمة.
وفى اليوم الثانى ذهـبت إلى الأخ خـالد البصـير والذى امسك بالرُكـبـة وأخـذ يشرح لى سبب الألـم وكيـفيـة علاجـه وبعـد حوالى دقـيـقـتـين انتهى العلاج أثنـاء الونـسة والشرح ورجعت معـافـيـاً بحـمد الله .فالتحـية للأخ خـالد حـــفـظـه الله وبارك لـه فى عـملـه
فلك الشكـر أخى محـمـد زين ولك الشكـر أخـونا حسن العـريس واخـونا المـعز وخلوا بالكم من عـصام.
ودمتم لنـا
خـضر حـسن

استاذنا الجميل الخضر

سعدت كثيرا لمرورك الكريم علي البوست
اسهامك معنا في التعريف برموز الجريف يسعدنا
واخبار رجلك السليمة شنو
تسلم يا غالي من كل الم
وفي امان الله

نفس قصة الخضر دي حدثت مع مريم عمتي "رحمها الله" فعندما كانت تعاني من رجلها والجماعة قالو يجي عثمان عمي عشان يصلحها ليها وعثمان لا بصير ولا حاجة بس بحكم انو مؤزن المسجد وفيهو بركة وعثمان نفسو فهمو لهذا النوع من العلاج يعتمد على القوة والشد والجر فلو عندك اصبع مفوك احسن ليك تخليهو مفوك انشاء الله يقع زاتو بس عثمان ما يهبشو! المهم مريم نادو ليها عثمان واشتغل فيها شغل شديد وشد وجررررررر ولوي وهي كوراك وصراخ شديد وبكاء .. المهم بعد عثمان ما خلص قالت : لا حول الله شوف الجنى ده حالتي اديتو النصيحه!!

الرائع بحق الزين كوف ..
بالجد يد الموهوب بالفطرة خالد البصير فيها الشفاء كما تفضل الاخوان والملاحظ ان علاجه بدون الم وكما ذكر حكيمنا انو بشرح ليك المرض وسببه وطرق العلاج يعني بديك معلومات عن مشكلتك ..
ولي تجربة معه السنة الفاتت دي ذهبت للاخ وانا اشكو من يدي اليمني كنت لا استطيع ان احمل بها شيئا ولا استطيع حتى الاستناد عليها فمسك يدك ووضع اصبعيه في منطقة الالم وادارها بطريقة معينة وفجأة قال لي خلاص .. وانا مستغرب! ومندهش في نفس الوقت فلم احس باي الم وفي نفس الوقت لم اقتنع انو خلاص .. المهم ذهبت البيت ولاحظت بعد يوم او اتنين ان يدي رجعت لطبيعتها والحمد لله ..
المدهش في هذا الشخص تواضعه واخلاصه ونيته البيضاء ..

الرقيق الشفيف صاحب اشهر بوست الشوفة الشرعية

هذا قليل من كثير بحق هذا الرجل الانسان الطبيب
ويا ود امحمد عمي ابقي قريب والتوثيق حيتواصل لكل الشخصيات المشرفة والمؤثرة
وفي امان الله.

الجميل محمد زين، لك الشكر الجزيل على البوست الرائع
فنحن حينما نتحدث عن تلك الشخصيات التي لوجودها قيمة بيننا فنحن بذلك نقيم القيم في
دواخلنا ونحث من حولنا على البذل والعطاء ليصبح كل فرد منا زولاً ليه قيمة.

هناك الكثير من الأسماء المعروفة التي عملت في مجال العمل العام بوطننا الصغير الحبيب
الجريف شرق، يكون جميلاً أن نوثق لهم في هذا البوست لتعم الفائدة الأجيال القادمة.
أناشد من خلال هذا البوست الأخ/ حاج علي المنشاري أن يكتب لنا عن علماً كان يعمل
في صمت حتى إنتقل الدار الآخره وهو الأخ حنتوري (يرحمة الله).
كما أناشد الأخ عصام عبد الصادق أن يكتب لنا عن علماً كان يعمل في صمت أيضاً حتى رحيله
عنا و هو الأخ/ عمر عبد الجبار (يرحمة الله).
و أعود مشاركاً يا عزيزي حسن في حديثك عن البصير/ خالد محد الطيب بهذه المساهمة:
أذكر أن أخي يوسف حسن إستيقظ من النوم و رقبته مثبته على جانب واحد. الأمر الذي سبب
إزعاج لكل من حوليه وقال يوسف إذهبوا بي الى خالد. و بالفعل ذهبنا به الى خالد.
فبادره خالد مرحباً مالك يا يوسف، خانقك عظم. فقال يوسف و الله يا خالد نمت كويس و
صحيت بالحال ده. قال له أرقد و أخذ قلم رصاص و وضعه بين أصابع رجله و ضغط وفي
الحال إنطلقت رقبة يوسف متحركة كأن شيئاً لم يكن. وحكى خالد ليوسف سبب المشكلة
بالوصف الدقيق... الذي أذهل يوسف و أذهلنا جميعاً.

الاخوالاعزاءالتحيه لكم جميعا

واخص بالشكر الرايع
محمد زين نابري علي الموضوع
الرايع
اولا بالنسبه للجريف هناك الكثير
من القامات التي يعجز اللسان
عن التحدث عنها لان الكلامات
لاتستطيع ان توفيهم حقهم
فلديه الكثير سوف اعودله في
مره اخره
اما بخصوص عمنا الرايع خالد
البصير له مني كل الود والاحترام
لكل الجهد الذي يبزله
واذكر في تمرين الشعله تعرضة
الي اصابه في الركبه ورجعته البيت
وحتي الصباح لم استطيع النوم
والصباح الشباب جابوا العربيه
وشالوني شيل في العربيه
ولمن وصلته خالد انا ماشايف قدامي
وفي اقل من دقيقه رجعته البيت علي رجليني
فله منا كل الشكر العم خالد البصير
ولينا عوده
معز السماني

عمر حسن حمزه كتب:: الجميل محمد زين، لك الشكر الجزيل على البوست الرائع
فنحن حينما نتحدث عن تلك الشخصيات التي لوجودها قيمة بيننا فنحن بذلك نقيم القيم في
دواخلنا ونحث من حولنا على البذل والعطاء ليصبح كل فرد منا زولاً ليه قيمة.

هناك الكثير من الأسماء المعروفة التي عملت في مجال العمل العام بوطننا الصغير الحبيب
الجريف شرق، يكون جميلاً أن نوثق لهم في هذا البوست لتعم الفائدة الأجيال القادمة.
أناشد من خلال هذا البوست الأخ/ حاج علي المنشاري أن يكتب لنا عن علماً كان يعمل
في صمت حتى إنتقل الدار الآخره وهو الأخ حنتوري (يرحمة الله).
كما أناشد الأخ عصام عبد الصادق أن يكتب لنا عن علماً كان يعمل في صمت أيضاً حتى رحيله
عنا و هو الأخ/ عمر عبد الجبار (يرحمة الله).
و أعود مشاركاً يا عزيزي حسن في حديثك عن البصير/ خالد محد الطيب بهذه المساهمة:
أذكر أن أخي يوسف حسن إستيقظ من النوم و رقبته مثبته على جانب واحد. الأمر الذي سبب
إزعاج لكل من حوليه وقال يوسف إذهبوا بي الى خالد. و بالفعل ذهبنا به الى خالد.
فبادره خالد مرحباً مالك يا يوسف، خانقك عظم. فقال يوسف و الله يا خالد نمت كويس و
صحيت بالحال ده. قال له أرقد و أخذ قلم رصاص و وضعه بين أصابع رجله و ضغط وفي
الحال إنطلقت رقبة يوسف متحركة كأن شيئاً لم يكن. وحكى خالد ليوسف سبب المشكلة
بالوصف الدقيق... الذي أذهل يوسف و أذهلنا جميعاً.

استاذنا الكبير عمر حسن حمزة

اسعدني كثيرا مرورك الجميل علي البوست واتمني من الاخوة حاج علي المنشاري وعصام عبد الصادق ان يوثقوا لهولاء الرجال الاشاوش ومنتظرين الاخ معز عبد المنعم الذي وعد بافادات عن الرائع خالد البصير .

شكرا جزيلا لمرورك وخليك دائما قريب.

اخو الاخوان معز السماني

شكرا كثيرا لمرورك الكريم وافاداتك ونتمني المواصلة في التوثيق.
معز خليك قريب.

الاخوة الاعزاء

اقتراح جميل من الاخ العزيز معز عبدالمنعم(معز) بان لا يتم الانتقال الي شخصية جديدة حتي ينتهي الناس من افاداتهم عن الشخصية الحالية وحتي نعطي الرجل حقه وتكون الحكاية منظمة ونحن الان في انتظار افادات يرتب وينسق لها الاخ معز عن الانسان الفاضل خالد البصير وطبعا من باقي اعضاء المنتدي.

وفي انتظار رايكم واقتراحاتكم ليكون هذا البوست بمثابة توثيق حقيقي لرجال خدمو الجريف من غير انتظار شكر او اجر.

خليكم قراب وفي امان الله.

[quote="محمد زين نابري"]

(لا يتم الانتقال الي شخصية جديدة حتي ينتهي الناس من افاداتهم عن الشخصية الحالية وحتي نعطي الرجل حقه وتكون الحكاية منظمة)

عزيزي نابري
إقتراح الأخ المعز ممتـــاز، لك و له الشكر الجزيل على الإهتمام بهذا التوثيق.

أضف الى إقتراح الأخ معز بأن تكون الفترة محددة لكل شخصية. إذ لا يمكن إننتظار إفادة الجميع...

إخوتى الافاضل لكم التحية وأنتم توثقون لهذه الشخصية العجيبة حقاً بكل ما تحمله هذه العبارة (عجيبة ) أى لم تكن لها مثيل فى هذا المجال وغالبيتكم زكر ما مر به من تجارب تجاه هذا العبقرى (خالد البصير ) كما يحلو لنا زكره فى كيفية علاجه والبعض منكم كان سبب ألمه من داخل الملاعب الرياضية ولكن انا قد أختلف منكم شيئاً قليلاً بالرغم من أنها رياضة ( كراتى والتاكوندو )

فى تلك الايام أفلام برسلى مغطية على الساحة الفنية والترفيهية وكل ما نسمع بأن هناك فيلم
جديد لبرسلى جرينا ، وذات يوم شعرت بحماس متدفق فى أطرافى فإذا بى أمسك قناية وأضعها بين طوبتين محاولاً بقوة كسرها بيدى اليمنى والحمدلله كسرتها وكسرت يدى معاً فى وقت واحد
وصاحبكم عامل فيها جعلى يا تسالية والالم يحرقنى من الداخل والخارج حتى الساعة 4صباحاً وساعتها والدى عليه رحمة الله قال لى يا جنى حميتنا النوم قوم أمشى لخالد البصير وكان الوقت
مظلم وتخيل يا عصام الميادين فى ذاك الزمان ؟؟!! يا عجباً لذاك الزمان
والمهم ياشباب ما أطيل عليكم مشيت لخالد ودقيت الباب وعمنا خالد رحب بى وقال لى جيب إيدك
ممسكاً بها باصابعه الطاهرة المبروكة وشاف الحاصل وقال لى روح المستشفى الان وبالفعل رحت فى نفس الوقت الحوادث بمستشفى الخرطوم وبافعل قد كان وجبسوها والحمدلله هنا تظهر
براعة هذا الشخص المبروك ومدى معرفته الفائقة فى نجاح عمله ونسال الله تكتب له فى سجل حسناته أمين أمين أمين .

وراجعين

بدر عبد الماجد كتب:: ( كراتى والتاكوندو )

وذات يوم شعرت بحماس متدفق فى أطرافى فإذا بى أمسك قناية وأضعها بين طوبتين محاولاً بقوة كسرها بيدى اليمنى والحمدلله كسرتها وكسرت يدى معاً فى وقت واحد
وراجعين

العزيز جدا راجعين لك مني عبق التحايا

والله جعلي كسرتها ناس الافلام بخدعوا فينا بطوب مصنوع من الكرتون
لا حوى ولا قوة لا بالله
مشكور جدا للاضافه والتجربه العمليه

طبعا بحكم جارنا خالد البصير فمرت بنا تجارب كثيره

من الطرائف اتى شخص من احد مناطق شرق النيل قاصدا بيت خالد البصير ويده مورمه وملفوفه بكيس مخده ودلقان للرقبه , المهم بعد عملوله الازم وصلحولوا يده صاحبنا يمشي ويتلفت ويرفع وينزل في يده الى ان وصل قريب لفة نادي السهم ( البعرفوا البيت يمكن اتخيلوا المشهد)

» صور من الجريف شرق
» شخصيات في حياتنا!!!
» مايكتب عن الجريف خارج موقع الجريف شرق
» lمن حواء الجريف الي ادم الجريف
» الجريف