| ود نابرى وتغير الاستايل خوف من العين ام رغبة فى التاصيل | |
|
|
كاتب الموضوع | رسالة |
---|
حافظ العبيد الطاهر قلم ذهبي
عدد الرسائل : 513 تاريخ التسجيل : 28/10/2007
| موضوع: ود نابرى وتغير الاستايل خوف من العين ام رغبة فى التاصيل الأربعاء 12 ديسمبر 2007, 6:58 am | |
| اخى ود نابرى بعد الاذن والسلام لقد اذهلتى وخليت الفار يلعب فى عبى هل هى رغبة فى التأصيل ام خوف من العين ام الاثنين معا بعد ردك ورد الاخوة اواصل فى الموضوع واكيد بعد الاذن فانا فى الانتظار ود العبيد | |
|
| |
بدر عبد الماجد مشرف
عدد الرسائل : 606 مزاجك اليوم : تاريخ التسجيل : 05/09/2007
| موضوع: رد: ود نابرى وتغير الاستايل خوف من العين ام رغبة فى التاصيل الأربعاء 12 ديسمبر 2007, 8:18 am | |
| عريس العولمة ودالعبيد
ادخل فى الموضوع بدون مقدمات ودنابرى أكيد يرغب بالاصالة واقولك ( سر) ودبابرى تقريبا عمره كله ما حصل لبس الزى السودانى عشان عمره كله خارج السودان وعشان كدا حاول يتغمس الشخصية من عمه الرجل القاضى الشهير محمد ودحاج عبد الله قد يجد الاحساس بذلك لك العتبى حتى ترضى الهندى ود نابرى والعين طبعا ودنابرى رجل دين وقران وبالتاكيد محفوظ من عيون الحاسدين إخناتون وتسالية والله اكبر عليهم
عدل سابقا من قبل في الأربعاء 12 ديسمبر 2007, 8:55 am عدل 1 مرات | |
|
| |
حافظ العبيد الطاهر قلم ذهبي
عدد الرسائل : 513 تاريخ التسجيل : 28/10/2007
| موضوع: رد: ود نابرى وتغير الاستايل خوف من العين ام رغبة فى التاصيل الأربعاء 12 ديسمبر 2007, 8:45 am | |
| اخوى بدر الموضوع ليس موضوع مقدمات واذن ولكن العين ما بتعلى من الحاجب وجيت اقيس نبض الناس ديل تقول قالوا ليهم الدخول والكتابة فى المنتدى بقروش الشكية لله وقفوا دوت وخلونا برانا فى الساحة ونحن ما قصرنا انكشحنا زى الروووووب ويا اخوى شد حليلك شوية وامسكتى من ظهرى لو اتفزرت علشان ترجعنى تانى مع ودى اخوك ودالعبيد | |
|
| |
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
| موضوع: رد: ود نابرى وتغير الاستايل خوف من العين ام رغبة فى التاصيل الأربعاء 12 ديسمبر 2007, 12:09 pm | |
| - حافظ العبيد الطاهر كتب:
- اخى ود نابرى بعد الاذن والسلام لقد اذهلتى وخليت الفار يلعب فى عبى هل هى رغبة فى التأصيل ام خوف من العين ام الاثنين معا بعد ردك ورد الاخوة اواصل فى الموضوع واكيد بعدالاذن فانا فى الانتظار ود العبيد
نقي الدواخل ... ود العبيد الزي السوداني يعني لنـــــا الجمال والهيبة والفخامة والعظمة وفي يوم العيد يكون الطاق طاقين ورأيت كل هذه العبر تتمثل في ذلك الرجل الشيخ الوقور عمي محمد عبدالله نابري .. وزي ماقال بدر هو تقمص للشخصية من خلاله ... فأحب هذا الرجل كثيراً أما عن العين فأنا لاقي ناس طاهرين زيكم يدوني عين ترد لي الروح وتبهج فيني النفس والوجدان وترجعني للصوابفأنتم أعينكم ترسل سهام الحب والود والاخــــــــــــاء وتحفظ من آلام البعاد والاغتراب وتعلن للدنيا ان الدنيا لسه بخيروتخبر الاصالة والرجوله والكرم والجود وطيب المعدن أنكم من ارض الجريف ...أرقد عافية يا رائع وعساها ناضرة سنينك مبتهجة أيامككم تسعدني مدخلاتك وقفشاتك التي تجعلني اقهقه بأعلى صوتي ويظهر حينها وميض في عيني صورة الجريف من أولها لآخرها وصورة زول طيب وحنين يسالمك بحنيه شوق ياااااااااااااااااه ارقد بعافية ياود العبيد .. وعسانا دائماً سعيدين بيك سؤال خارج النص :انت كنت وين من زمان ياخي الدنيا كانت ظمآنه قبلك | |
|
| |
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
| موضوع: رد: ود نابرى وتغير الاستايل خوف من العين ام رغبة فى التاصيل الأربعاء 12 ديسمبر 2007, 12:14 pm | |
| - بدر عبد الماجد كتب:
- عريس العولمة ودالعبيد
ادخل فى الموضوع بدون مقدمات ودنابرى أكيد يرغب بالاصالة واقولك ( سر) ودبابرى تقريبا عمره كله ما حصل لبس الزى السودانى عشان عمره كله خارج السودان وعشان كدا حاول يتغمس الشخصية من عمه الرجل القاضى الشهير محمد ودحاج عبد الله قد يجد الاحساس بذلك لك العتبى حتى ترضى الهندى ود نابرى والعين طبعا ودنابرى رجل دين وقران وبالتاكيد محفوظ من عيون الحاسدين إخناتون وتسالية والله اكبر عليهم اريتك تبقى طيب يا ابو محمد وانا البي كلو هين ... كلامك صحيح وعين الحقيقة الا أني مره واحده في دولة الهند لبست الزي السوداني كامل ولفيت العمة كأقرب ما يكون أمحمد عمي وكذلك محمد البشير حاج عبدالله نابري والدي . واتوكلت على الله مشيت صلاة العيدوحصل المقلب ... وكتير من الناس افتكروني ممثل من السفارة السودانية بالهند .. قلت ليهم الله اكبراها شفتى دي العين البتضيع ... هههههههههههههلك تحياتي وتمتد الى اسرتك .. وابلغ ولي العهد( محمد) مني سلام وقبله لي كثيرا وكونوا بخير أبد الدهر | |
|
| |
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
| موضوع: رد: ود نابرى وتغير الاستايل خوف من العين ام رغبة فى التاصيل الأربعاء 12 ديسمبر 2007, 12:22 pm | |
| - حافظ العبيد الطاهر كتب:
-
اخوى بدر الموضوع ليس موضوع مقدمات واذن ولكن العين ما بتعلى من الحاجب وجيت اقيس نبض الناس ديل تقول قالوا ليهم الدخول والكتابة فى المنتدى بقروش الشكية لله وقفوا دوت وخلونا برانا فى الساحة ونحن ما قصرنا انكشحنا زى الروووووب ويا اخوى شد حليلك شوية وامسكتى من ظهرى لو اتفزرت علشان ترجعنى تانى مع ودى اخوك ودالعبيد
يا اخوي انت العين وانت الحاجب وانت القلب وانت ك حاجه انت بس تامر وتقول واكان قلت خير واديتنا الفاتحة الزباين في المنتدى يكترو علينا ..أصلك لك بركه وخير ممدود | |
|
| |
حافظ العبيد الطاهر قلم ذهبي
عدد الرسائل : 513 تاريخ التسجيل : 28/10/2007
| موضوع: رد: ود نابرى وتغير الاستايل خوف من العين ام رغبة فى التاصيل الخميس 13 ديسمبر 2007, 1:22 am | |
| اخى ود نابرى
لك التحية والتجلة
بخصوص لبس الزى السودانى الناس قايلنك مسئول السفارة وانا قاليلك استاذنا الكبير ابراهيم دقش
مع شكرى
ودالعبيد | |
|
| |
نساليه قلم ذهبي
عدد الرسائل : 760 العمر : 44 الاقامة : السعوديه_الخبر المهنة : تلميذ فى مدرسة الشعب مزاجك اليوم : تاريخ التسجيل : 25/10/2007
| موضوع: رد: ود نابرى وتغير الاستايل خوف من العين ام رغبة فى التاصيل الخميس 13 ديسمبر 2007, 4:07 am | |
| صديقى فى الغار
ود نابرى من زماااااااان عامل لينا (خواجه) صدقنى الجلابية السودانيه احسن ليك ودنابرى اعمل حسابك حافظ ما يدكسك ويلهف البدله تخريمه صغيييييييره: يا بلدى ياحبوب اب جلابيه وتوب سروال ومركوب جبه وسيديرى وسيف وسكين يـــــــاسمح يـــــا زين (ولك منى مؤونة 1000سنة من الود) | |
|
| |
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
| موضوع: رد: ود نابرى وتغير الاستايل خوف من العين ام رغبة فى التاصيل الخميس 13 ديسمبر 2007, 11:33 am | |
| يـــــــاسمح يـــــا زين انت ياتسالية ليك علي كلها كم يوم ونجيب صورة عيد الضحية أصلو عندنا هنا الزي الرسمي الا في المناسبات
| |
|
| |
| ود نابرى وتغير الاستايل خوف من العين ام رغبة فى التاصيل | |
|