بشرى سارة

موضوع: بشرى سارة الخميس 18 سبتمبر 2008, 1:57 am

بمناسبة حلول شهر رمضان المبارك أعاده الله على الجميع باليمن والبركات ، فقد تقرر إحياء النشاط الرياضي لأبناء الجريف شرق بمدينة الرياض وعليه تقرر أن يكون أول تمرين كرة قدم مساء اليوم الخميس 18 رمضان والذي يبدأ الساعة الواحدة صباحاً من فجر الجمعه .. والدعوة موجهة للقريبين والبعيدين بدون إستثناء..

المكان : مجمع الميادين خلف أسواق بن دايل بالجرادية..

الحوافز: عصيرات خاصة للاعبين .. ومصاريف عينية

مشروبات خاصة للمشجعين

وكل عام وأنتم بخير..

والعاقبة عندكم في المسرات.!!!!!!!!!!!!!!!!!

موضوع: رد: بشرى سارة الخميس 18 سبتمبر 2008, 5:06 am

عارف يا عصام انا منتدى الجريف الرياضي ده ما قاعد اخوشو ولا قاعد اريدو ..
لكن لمحتك فيهو قلت اكيد الزول بكون عامل ليهو عمله .. وطلع ظني في محلو...
بالنسبة للتمرين انشاء الله معاكم من بدري .. وبعدين الساعة واحدة كتيرة ياخي !! التمرين ينتهي متين ونتسحر متين !!.. اقترح 12 الي 01 صباحا

موضوع: رد: بشرى سارة الخميس 18 سبتمبر 2008, 5:11 am

أخوي عبدالله

لك التحية
يا خوي بالنسبة للتمرين إنت كدي تعال وبعدين ما تخاف لو ما وصلتك أنك حا أخلي واحد يوصلك ..

موضوع: رد: بشرى سارة الخميس 18 سبتمبر 2008, 11:11 am

مـادام الــــدعـــــوة للـقــــريـبيـن والـبعـــــيديـن أنــــا جـااااااى ومـش عـاوز مـنكم حـق مــــواصلات أنـــا حـــــاجـز فـى جـوقـل...بـس لقـيت عـبد الله وحـده اللى بــتـونس معــــاك!!!
هـل العـصـيرات دى قـالـيك فـيـــها عـــــاقبـــة فـى الـمسـرات؟؟ولا إتـفـقـتـم عـلى شـكر الـقـوم؟؟
لأنـه الـدعــوة أذاعــــوها فـى المنـتـــدى بـدل الجـامــع ولأول مـرة فـى التـاريخ
الـدعـوات عـبر النـت... مـدد يـا جـوقـل
يـــا أستـاذ عـصـام أنـا خـلينـى حــكم عـشان أطـرد ليـكم ابـن دايـل ذاتـه وأخــلى ليـكم الأسواق
ولكم كـل الـود
ودمتم لنـا
خـضر حـسن

موضوع: رد: بشرى سارة الخميس 18 سبتمبر 2008, 12:07 pm

كتب الاستاذ خضر

اقتباس :: يـــا أستـاذ عـصـام أنـا خـلينـى حــكم عـشان أطـرد ليـكم ابـن دايـل ذاتـه وأخــلى ليـكم الأسواق

هاهاهاها
والله انت زول لذيذ
انا معاكم

موضوع: رد: بشرى سارة الخميس 18 سبتمبر 2008, 1:11 pm

لا حول ولا قوة إلا بالله
إنت يا أستاذ خضر .. عارف بن دائل ده منو؟
غايتو إنت ورطت نفسك وورطت مستكا معاك لأنو ضحك على تعليقك .. غايتو ربنا يستر ويجيب العواقب سليمة.. مدد وبن دايل يلحقني وبفتحة النتاك يجدعني .. كعونجة !!.. مدد

موضوع: رد: بشرى سارة الخميس 18 سبتمبر 2008, 3:16 pm

هههههههههههههه هههههههههههههههه
مـا تـخـاف يـا عصـام المنتـــدى دا محــــصن فيــــــه ذِكـر وآثـار مـن شيـــــــوخ مـا بتـلحــــــقـــــوا
مـادام مـستـكـــا ضحــــك عــــروسـه بخـــــــــتهــــــا الـعارض فـكـا

ويـا بخـتـكم
ورمـضـانكم كــــريم
ودمتم لنـا
خـضرحـسن

موضوع: رد: بشرى سارة الجمعة 19 سبتمبر 2008, 7:11 am

عبدالله محمد نابري كتب:: عارف يا عصام انا منتدى الجريف الرياضي ده ما قاعد اخوشو ولا قاعد اريدو ..
لكن لمحتك فيهو قلت اكيد الزول بكون عامل ليهو عمله .. وطلع ظني في محلو...
بالنسبة للتمرين انشاء الله معاكم من بدري .. وبعدين الساعة واحدة كتيرة ياخي !! التمرين ينتهي متين ونتسحر متين !!.. اقترح 12 الي 01 صباحا

أمممم أممممممممممممممم أممممممممم لاتعليق لاتعليق

موضوع: رد: بشرى سارة الجمعة 19 سبتمبر 2008, 7:13 am

خضر حسن الفضل كتب:: يـــا أستـاذ عـصـام أنـا خـلينـى حــكم عـشان أطـرد ليـكم ابـن دايـل ذاتـه وأخــلى ليـكم الأسواق
ولكم كـل الـود
ودمتم لنـا
خـضر حـسن

والله ياعمنا الخضر لو قدرت عملت الحركة دي تكون أبدعت عديل ولو شفت سوق بن دايل والله تتحير

لكن بس بنتعب في نقل السراير والطرابيز

موضوع: رد: بشرى سارة الجمعة 19 سبتمبر 2008, 8:05 am

إزيـك يـا الهــــندى والحـمد لله عـلى السـلامــة
والله ياعمنا الخضر لو قدرت عملت الحركة دي تكون أبدعت عديل ولو شفت سوق بن دايل والله تتحير

لكن بس بنتعب في نقل السراير والطرابيز{ هـنديات من الهـندى}
نـوديهـم الـراكـــوبة مـاك شـايف الـمعـز زعـلان قـال الناس راقـدين فـى البـروش ونـاس كبـار مالاقـية محـل تقعـد فيــه ....وعـشـان بـركة جيــــتك دى حـنسمـيه أسواق المنتــدى والبيـع للأعـضـاء بالتخـفيض ويا بخـــــت نـاس العـضـوية الـذهـبيـة والمشـرفين ..حـاسبوا السـفـسفــة بعـد رمضــان ولا عـاوزين تبـقوا زى جـارى ألـمـظ وهـو مسـلـم من كـوسـوفـو فـى رمضـان يسـرق باللـيــل لانـه بالنـهـار صـائم
ورمضـانك كـريم
ودمتم لنـا
خـضر حـسن

موضوع: رد: بشرى سارة السبت 20 سبتمبر 2008, 4:36 am

السلام عليكم

اخونا عصام الاخوان الطيبين
تمارينكم دى من زمان ومقدرت تغلبو ولا فريق

ولا حتى ناس الدمام التعبانين

طبعا يا اخوانا اخونا عصام ده بينادى على التمرين لانو هو احد النجوم الكبار امثال ابو مصعب الحمزاوى وازهرى الدرديراوي ( على وزن الحمزاوى )

وطبعا اخونا الخضر لشان فى فرنسا يقول يطرد بن دايل وبكده يوفر علينا سراير الراكوبة لاننا كل ما نجى الراكوبه نحصل الجوالات مبلولة من كثرة رش ود سنقد بالموية
اخونا الخضر ما تورطنا وتورط الجماعة القاعدين فى السعودين لانو كل الخوف يكون بن دايل مناسب الجماعه ولا شى

الهندي كتب
أمممم أممممممممممممممم أممممممممم لاتعليق لاتعليق

عبد الله شكلو الهندى يكون عارفك فى الكورة تعبان وعارف عصام بتفوق عليك
علشان كده بتريق
لكن دايرين نجى الرياض نشوف انتى مع فريق والهندى مع فريق

موضوع: رد: بشرى سارة الأحد 28 سبتمبر 2008, 2:12 pm

[size=29]انا الان العب في فريق النهضة بالخبر

وبحتاج مصاريف وناس النهضة يدفعون لى 10000 ريال راتب شهري
ولكن انتم اهلي والجريف مدينتي ادفعوا لى 8000 ريال شهري
عشان يا عصام انا هداف ومهاجم خطير وكنت بتعبك زمان بالرياض
بشرط يكون مع الفريق ازهري او ود محجوب الكديري .
وانت يا عصام مدافع بتعمل حركات زمان تذكر يوم لفيتك ولفين كل الدفاع
والحارس وانتظرت الاخ بشير الحاج والاخ الرشيد السر لكي يحرز الهدف واحد منهم .
وعبر هذا البوست ارسل التحية للاخ بشير الحاج البشير .
ويا خضر عصام في الكرة ذي العوض الكدوك وزروق ود الشام .[/size]