كبري الموت المنشية !!!

قبل ان اكتب هذا الموضوع وجدت احد المساهمات للاخ احمد عثمان منزل بوست وكاتب فيهو ( الكبري الجديد قرض الناس قرض يا ناس المنتدى) فقط لذلك استميح الاخ احمد ود حبوبتي عذرا لافتح هذا البوست من جديد ليست للنقاش بل للحل!!

عندما هلت بشائر الكبري الجديد كبري الجريف المنشية استبشرنا خيرا وقلنا ان الكبري الجديد سوف ينقلنا نقلة ايجابية .. بس حصل العكس ويبدو ان الكبري فهمنا غلط واصبح ينقل فينا نقله عكسية باتجاه الآخرة !!
كل شهر او كل اسبوع لابد وان يكون هناك حادث مروري ... المصيبة ان الحواث المرورية ليست على الكبري نفسه وانما على امتداد طريق الكبري النازل على الجريف شرق ...
الخطر في هذا الكبري يتمثل في الاتي:
امتداد طريق الكبري النازل على الجريف شرق باعتباره طريق سريع لا توجد به مطبات او اشارة مما يجعل السيارات تسير بسرعة كبيرة جدا ويؤدي ذلك الي وقوع الحوادث ...
سمعت احد البلهاء قال ان ناس الجريف ما بيعرفوا يقطعوا الشارع وبعد ايام من كلامه كان احد اصحاب الهايسات يسير بسرعة كبيرة جدا باتجاه الجريف وفجأة انفجر الاطار الامامي للهايس وفقد السائق السيطرة عليها مما ادي الي وفاة احد النساء اللواتي ينتظرن المواصلات في الموقف ...
يعني واحدة عاوزة تركب المواصلات وماتت وهي لسه على الارض يعني لسه ما قطعت الشارع..
ايضا تمكن خطورة الكبري فان الشارع الممتد منه والنازل على الجريف يقطع مدرستين ابتدائي وكحل غبي من شرطة المرور تمت تعين احد افراد شرطة المرور ليقوم بمساعدة الاطفال لقطع الشارع وخلال اقل من شهر من تعيينه اصابته هايس في مقتل!!

ما احب ان اشير اليه ان الكبري بصورته الحالية فعلا اصبح كبري الموت والموت السريع نسبة لأن اغلب الحوادث التي تحصل فيه ناتجة عن السرعة ومن المعروف ان اخطر الحوادث المرورية هي حوادث السرعة ...

ما هو الحل ؟

الحل بسيط جدا ويتمثل في التالي :
عمل دوار او صينة مرور في مدخل الجريف وذلك لانها تعمل على تهدئة سرعة السيارات النازلة باتجاه الجريف وبذلك تنتهي الحوادث المرورية ... وكذلك عمل جسور مشاه في بوابات المدارس للاطفال ...
اخوتي طبعا هذا الحل بسيط ولم اقترحه انا بل طرح هذا الحل للسيد/ رئيس الجمهورية نفسه وقد وعد بتنفيذ الدوار عندما افتتح المستشفي الصيني بالجريف والى الان لم يتم أي شي ...
يبقه دورنا نحن في المنتدى شنو!!
هل يمكن من خلال هذا المنتدى ان نوصل اصواتنا للمسؤلين لاتخاذ قرار بشأن هذا الكبري..
كبري الموت ..

يبقه دورنا نحن في المنتدى شنو!!دورنا فى راى انو نعمل كبرى مشاة حفاظا على ارواح البقية الباقية اولاً ولو انتظرنا حكومة البشير دى والله مايعملوا لينا اى شى ولو ماتوا كل الجرافه .
وبالتجربه الحكومة مابتعمل اى حاجه فيها مصلحة المواطن (لانو ارخص حاجه فى السودان هو المواطن)
والكبرى دة اتعمل بدون اى دراسه يعنى ماعندنا حل غير نحل مشكلتنا برانا(والا نتمرد )ونشيل سلاح عشان يحلو لينا المشاكل دى
وين لجان الاعراس الجماعيه ؟؟؟
بالطريقه دى مابلقو محل اللحس لانو الناس حتموت وبقيف الورد اللحسى دى حقو يعقلوا ويحلو المشكله
اقترح نرشح (بدر عبدالماجد) مفاوض من جانبنا (بوردات الجريف)لجماعتو ديل يشوف لينا حل
بس على شرط مايحل مشكلتو وينسى الجريف
ابوتراجى

الاخ عبدالله نابري عاطر التحايا

قصة الكبري والحوادث اتكرارت كثير وانا خلال شهر ونصف

حدثت اربعه حواث ضحيتها امراه واطفال وماذلالت الحوادث تتكرار

الكبري حل مشكله كبيره من ناحية الحركه وتقليل الوقت والوقود

وفي نفس الوقت سبب مشكله كبيرة في الجريف لان تخطيطه غير صحيح

وسط المدارس وبين تقاطعى الجريف وام دوم يعني الدخول للجريف من ناحية حلة كوكو

يتم عن طريق الخدمه للاتجاه المعاكس للطريق

الحلول بالصنيه وكباري المشاه ولم يتم التنفيذ بعد لانه مافي لجان ومحليه

ومافي شباب يقومو بضغط الجهات المعنيه للتنفيذ !!

تحياتي

الاخ / عبد الله

تحياتي

الكبري الكبري الكبري
والله مشكلة المشكلة ليس في الحكومة المشكلة في الذين يطبلون للحكومة وعاملين فيها انهم اسياد الجريف واذا هم كما يدعون والله الحل موجود .
الحل
يقوم الاخ ابو تراجي
بتحسيب وقياس كبري المشاة وكما اعلم ان له باع في هذا العمل
ويقوم الاخ أبو تراجي بعد معرفة قيمة كبري المشاة بتقديمها عبر
المنتدي لكي يعرفها الجميع ويقوم بعض الاخ الذين يطبلون بالشكر
للحكومة وتقديمها للمحلية .
ويقوم الاخوان بالمنتدي بالتبرع .

والله يا ودريا إنت بتبالغ عديل كدة

وأبو تراجي شنو العاوزو يقيس أبعاد الكوبري.. وأعتقد أنو الحكومة أرحم لينا بكثير..

ويظهر إنك عائش على ماضي أبو تراجي .. ويا حليل أيام زمان .. وتاكد إنو أبو تراجي لو طلبت منو يقيس ليك أبعاد نتاق .. حا يتلفت يمين وشمال .. لأنو الراجل خلاص راحت عليهو وجسمه أصبح حلو مع كورنيش جدة.. .. ولكن أعتقد أنك ربطت الكباري مع كباري أبو تراجي في ميادين الكورة .. ولكن شتان ما بين الإثنين.

ولكن أرجو من الأخوان بدلاً من الكتابة عن الحكومة فعلت وفعلت ونقد بدون فائدة .. قطعاً لن نصل لأي شئ وحاتكون أسطوانة فارغة لن تحل لنا أي مشكلة.

وطالما أن المشكلة قائمة عليه أقترح تقديم عريضة بإسم أي تجمع وبأي مسمى كان من أهالي الجريفات وتقدم للجهة المنوط بها أعمال الكباري سواء كانت وزارة الشئون الهندسية أو إدارة تشييد الكباري .. المهم الجهة المسئولة سوف يتم الوصول إليها .. وعلى شرط تكون بدون وسيط أو مسئول ويتم عمل نسخة من العريضة وتوزع على الصحف المختلفة ..

والله المستعان.

عصام عبدالصادق

الاخوة ابو تراجي
حسن
ود ريا
عصام عبد الصادق

اولا مشكورين على المرور والمشاركة وانا عاوز ارجع لاقتراح عصام والخاص بالتبرعات من اعضاء المنتدى ..واعتقد انو الاقتراح هذا عملي جدا وخلونا من الحكومة عملت ولا ولا ما عملت القاعدين يموتو ديل ناسنا ما ناس الحكومة !!! ... احسن نعمل خطوة ايجابية بدل ما نقعد نبكي على اللبن المسكوب ..
ويمكن تلخص اقتراح عصام كالاتي:
اذا تبرع اعضاء المنتدى لمدة شهرين فقط والمنتدى يضم حوالي 300 عضو اذا كل عضو تبرع 10.000 (اعتقد انو مبلغ بسيط!!) يكون الناتج 3.000.000 مليون جنيه
وخلال شهرين فقط حايصير معنا 6.000.000 اعتقد انو المبلغ كافي جدا ... لعمل جسر عبور للمشاة الذين هم من اطفال المدارس الابتدائية بنين وبنات ..
وارجو من اصحاب الاختصاص تزويدنا بالتكلفة المبدئة للجسر

السلام عليكم
حاجة اولي:-
موضوع الكبري فعلآ اصبح موضوع كبير خاصة بعد ماخلفة من ضحايا وراة الواحد كان متفائل بيهو شديد عشان حيعمر بلدنا كثر لاكين يظهر انو نحنا اخدنا الاثار الايجبية بتاعتو من كل المنافع بس ماشفنا النواحي السلبية بتاعتو واهي بدت تظهر علي الكبري بمرور الزمن
حاجة تانية:-
نحنا قولنا وبي اعلي صوة عندنا دايرين نشوف حل الي مشكلتنا دي ومافي جديد كل يوم الناس طالعة ومارقة فوق الكبري ولاكين الزمن دا بقاااااااا الا الواحد تجيهو الوجعة في نفسو حتا بعد داك يتحرك طيب ... هل معقول ان نستني لحدي ما واحد مننا يروح حتآ نحس بي الم الكبري ولا البيحصل شنو؟؟؟؟؟
حاجة ثالثة:-
موضوع الجسر دا موضوع جميل بس داير الناس تتحرك ونحنا ماشاء الله عندنا في الجريف كل شئ وخاصة وفرة في الشباب (يعني اية لو كل الروابط الراياضية اتلمة يوم الجمعة من الصباح واشتغلنا في سبيل عمل الجسر ) ولا اي شي
حاجة رابعة:-
الناس حتتحرك كيف ( بي الكلام _ بي النظرة الي الموضوع وقرايتو_ بي لمس الموضوع واثرة علي النفس الانسانية ) دي كلها حاجات مبدئية والشي الاساسي شنو
حاجة خامسة:-
الناس تعمل جمعيات خيرية باسم دعم جسر الاطفال ونجمع القروش من النااااس طبعآ كلمة القروش دي الناس حتقيف فيهاااا كتير بس هي شي مهم واي شي بقاااااااااا بي القروش
حاجة خامسة:-
واهم شي الناااااااااس تكون صادقة مع بعض وتتوفر الامانة بين النااااااااس عشان نقدر نعالج المشكلة دي
حاجةاخيرة:-
الله لي ولكم التوفيق

اغدآ القاك؟فيا خوف فؤادئ من غدآ....

ما أشقى الحياة بدون أمان وما أقبحها إذا كانت ترقباً وإنتظار والمجهول غائب ونعتبره بقريب نصب أعيننا .

إخوتى الاماجد لكم التحيةجميعاً من ود ريا إلى عصام منتهياً بابوتراجى .
إذا تضافرت الجهود بصوت واحد فهناك محليات مسؤلة وشئون هندسية لمتابعة هذا الامر .
وما علينا إلا برسالة بإسم أعضاء منتدى الجريف شرق متضمنة خوفنا على أهالى هذه المنطقة منهم الاطفال
وكبار السن نساءاً ورجالاً من جراء تلك الحوداث التى نتجت من تشيد هذا الكبرى بدون إعتبار لانشاء كبرى مشاة
وعلى هذا الاساس نحن أبناء هذا المنتدى مستعدون لتكلفة هذا الكبرى . بهذا يكون الموضوع حى !!!!!
وراجعين

ما أشقى الحياة بدون أمان وما أقبحها إذا كانت ترقباً وإنتظار والمجهول غائب ونعتبره بقريب نصب أعيننا .

إخوتى الاماجد لكم التحيةجميعاً من ود ريا إلى عصام منتهياً بابوتراجى .
إذا تضافرت الجهود بصوت واحد فهناك محليات مسؤلة وشئون هندسية لمتابعة هذا الامر .
وما علينا إلا برسالة بإسم أعضاء منتدى الجريف شرق متضمنة خوفنا على أهالى هذه المنطقة منهم الاطفال
وكبار السن نساءاً ورجالاً من جراء تلك الحوداث التى نتجت من تشيد هذا الكبرى بدون إعتبار لانشاء كبرى مشاة
وعلى هذا الاساس نحن أبناء هذا المنتدى مستعدون لتكلفة هذا الكبرى . بهذا يكون الموضوع حى !!!!!
وراجعين
منتظر رجعتك بالسلامه !!!!!!!!!!!
بس وين دور الحكومه ممثله فى المحليات
مثلنا عندهم وارسل عسى تجد مجيب يانجيب
كبرى المشاة تكاليفو ماهو مخيف
ممكن بى حسبه بسيطه يتم بس الحكومه وجماعتنا مايطلعوا لنا عراقيل ؟؟!!
كل المطلوب كمر باطوال عرض الشارع وخشب ودى مادايره عرفه ياعصام اخوى بس جيبوا لينا موافقة الجماعه وفى اكتر من جهة ممكن تمون المشروع من البدايه الى النهايه
ومنتظر اجابات من الموالين
لفك الكوالين
المغلقه فى ادراج المحليات
والبقول ليه سمين يقول امين
يا بدر عبد الماجد والاخرين
ابوتراجى

لك كل الود أبو تمارا
فالنجعل شعارنا هو ( فى زمن المحنة تستوى كل المنحنيات )

نقول أمين أمين أمين

وراجعين

اقتباس :: السلام عليكم
حاجة اولي:-
موضوع الكبري فعلآ اصبح موضوع كبير خاصة بعد ماخلفة من ضحايا وراة الواحد كان متفائل بيهو شديد عشان حيعمر بلدنا كثر لاكين يظهر انو نحنا اخدنا الاثار الايجبية بتاعتو من كل المنافع بس ماشفنا النواحي السلبية بتاعتو واهي بدت تظهر علي الكبري بمرور الزمن
حاجة تانية:-
نحنا قولنا وبي اعلي صوة عندنا دايرين نشوف حل الي مشكلتنا دي ومافي جديد كل يوم الناس طالعة ومارقة فوق الكبري ولاكين الزمن دا بقاااااااا الا الواحد تجيهو الوجعة في نفسو حتا بعد داك يتحرك طيب ... هل معقول ان نستني لحدي ما واحد مننا يروح حتآ نحس بي الم الكبري ولا البيحصل شنو؟؟؟؟؟
حاجة ثالثة:-
موضوع الجسر دا موضوع جميل بس داير الناس تتحرك ونحنا ماشاء الله عندنا في الجريف كل شئ وخاصة وفرة في الشباب (يعني اية لو كل الروابط الراياضية اتلمة يوم الجمعة من الصباح واشتغلنا في سبيل عمل الجسر ) ولا اي شي
حاجة رابعة:-
الناس حتتحرك كيف ( بي الكلام _ بي النظرة الي الموضوع وقرايتو_ بي لمس الموضوع واثرة علي النفس الانسانية ) دي كلها حاجات مبدئية والشي الاساسي شنو
حاجة خامسة:-
الناس تعمل جمعيات خيرية باسم دعم جسر الاطفال ونجمع القروش من النااااس طبعآ كلمة القروش دي الناس حتقيف فيهاااا كتير بس هي شي مهم واي شي بقاااااااااا بي القروش
حاجة خامسة:-
واهم شي الناااااااااس تكون صادقة مع بعض وتتوفر الامانة بين النااااااااس عشان نقدر نعالج المشكلة دي
حاجةاخيرة:-
الله لي ولكم التوفيق

الغالي نبيل ... حاجاتك الذكرتها كلها مفيدة وفيها حل عملي المتعلق بتكاتف الشباب ...

بس انسه موضوع جمعيات خيرية ده ...
لانو الناس اذا مشيت ليها للتبرع بشوفوك ذي البتشحد .!
كلامي ده ما تكسير مجاديف بس الحل موجود قدامنا ليش ما نعملوا
انا لسه عند كلامي الخاص بالمساهمات من اعضاء المنتدى ...
وقد اسمعت اذ ناديت حيا ..
بس يبدو ان لا حياة لمن تنادي !!!

كتب بدر عبد الماجد:

اقتباس :: إخوتى الاماجد لكم التحيةجميعاً من ود ريا إلى عصام منتهياً بابوتراجى .
إذا تضافرت الجهود بصوت واحد فهناك محليات مسؤلة وشئون هندسية لمتابعة هذا الامر .
وما علينا إلا برسالة بإسم أعضاء منتدى الجريف شرق متضمنة خوفنا على أهالى هذه المنطقة منهم الاطفال
وكبار السن نساءاً ورجالاً من جراء تلك الحوداث

بدر سلامات ... بالله يا بدر خليك واقعي شوية ياخي!! محلية شنو البرتسل ليها رسالة!!

المحلية لو عملت مظاهرات ما بتشتغل بيك!!
وانا اعتقد انو ناس المحلية لسه ما عارفين الهدف من المحليات شنو؟!!!
وبعدين يا بدر يعني قصدك نرسل رسالة على اساس انو نحن خايفين على الاطفال وكبار السن!!!
اصلا الرسالة واصله كواقع معاش !!
ملك الموت تقريبا كل شهر برسل رسالة ابدية .!!
معليش يا بدر انا مختلف معاك تماما ... نحن عاوزين حل عملي من خلال هذا المنتدى
وليكن اول انجازات المنتدى ... تشييد جسر المشاه على طريق الجريف شرق

كتب ابو تراجي:

اقتباس :: كل المطلوب كمر باطوال عرض الشارع وخشب ودى مادايره عرفه ياعصام اخوى بس جيبوا لينا موافقة الجماعه وفى اكتر من جهة ممكن تمون المشروع من البدايه الى النهايه
ومنتظر اجابات من الموالين
لفك الكوالين
المغلقه فى ادراج المحليات
والبقول ليه سمين يقول امين
يا بدر عبد الماجد والاخرين
ابوتراجى

الغالي ابو تراجي ... ليك التحية

ذكرت ان هناك اكثر من جهة مستعدة لانشاء الجسر... يعني نفهم من كلامك انو المسألة متوقفه على الموافقة ...
عاوزين نفهم الموافقة على شنو بالضبط؟! وعاوز الموافقة من اية جهة هل المحلية ؟ الشئون الهندسية ؟
عاوزين خطوة ايجابية عشان نقدر نتحرك ...

الإخوة الأفاضل ..
إبتداءاً من صاحب البوست العزيز إلى آخر مشترك فيه من الشباب الغاليين ..
تحية حب وإحترام .. وانتم تناقشون موضوع أصبح يمثل مصدر قلق لكل الجرافة ..
خصوصاً عندما تدهس إحدى العربات واحد من أهلنا الكرام .. فأصبحت المسألة شغلهم الشاغل ..
الكبري يعتبر من أهم المنشآت في الجريف .. وهو يعتبر طفرة حقيقية لمنطقة شرق النيل ككل كما أسلفتم احبتي .. ولكن دائماً ما أقول (إن الكبري خدمة عظيمة لشرق النيل يدفع ثمنها أبناء الجريف شرق) .. فالموت على حافة الطريق يعتبر أهم برهان على ذلك ..
ولقد تناولت هذا الموضوع في منتديات حب النيل بشكلٍ مستفيض .. خصوصاً بعد الاحداث التي حدثت في الأشهر القليلة الفايتة ..
أعزتي ..
إنني أؤيد إقتراح الأخوان عبد الله ود نابري و أبو تراجي .. وهو العمل على حل الإشكال بدعم ذاتي مع الحصول على الموافقة من الجهات المختصة بذلك ..

ولنا عودة إن شاء الله تعالى ..

ودمتم لها ...

الرائع عبدالله لانك لست كالكبريت تضئ لمره وتموت

دائما تطرق لقضايا المنطقه
الكبرى فى حد ذاته انجاز ولا ينكر هذه الحقيقة الا مكابر(افرح يابدر شهاده من عدو)
ولكن للاسف انجاز مبتور واعرج
من البديهى عندما تم انشاء ذلك الكبرى ان يشيد معه جسر مشاة
لتفدى خطر الحوادث التى حصدت اروح الجرافة
وايضا هذا الكبرى يطل على مدرستين لمرحلة الاساس
(لحدى نهاية العام الدراسى ما ح يفضل ولا طالب)ويبقى السؤال الى متى سوف يظل المسؤولين يستهترون بارواح البشر؟؟؟؟؟؟؟؟؟والى ان يجيب المسؤولين على السؤال
على ابناء المنطقه التكاتف لبناء الجسر بالعون الذاتى
لانو بصراحة شديده لو انتظرنا الحكومة (واطاتنا اصبحت)
وانشاء الجسر لايعنى الحكومة بشئ بقدر مايعنى ابناء الجريف
وياعزيزى عبدالله الجمره يالناسيها حقيقة بتحرق الواطيها........

بسم الله الرحمن الرحيم
شكرا يا عبدالله والإخوة المتابعين لهذا الموضوع الحيوى و الذى لايحتمل التأخير..
وتنفيذه يعتبر ضريبة وطنية ... وصدقة جارية...
ولأن أهل الجريف وام دوم مشهورون بالعمل الذاتى فى ترقية منطقتهم فى كل نواحى الخدمات الإجتماعية والتى قامت بسواعد وآليات أبناء المنطقة:ــ
** شارع أسفلت أم دوم الجريف...
** المدارس بمختلف مراحلها...
** منازل المعلمين...
**رياض الأطفال...
** المساجد والخلاوى...
** الأندية الرياضية...
**مكافحة الفيضانات والكوارث ...
**أعمدة الإنارة...
** حفر الآبار الإرتوازية وتقوية شبكات المياه...
** دعم المعسكرات بمختلف مسمياتها شرطة شعبية وخلافه...
** المبانى الخاصة بالدولة مثل مراكز الشرطة و بسط الأمن الشامل ...
*** وبحمد الله يتم تسيير قوافل دعم من أهالى المنطقة لكل مناطق السودان ...
**** تنازل المواطنين عن أراضيهم لقيام الشركة العربية الزراعية.
والتى كان من الواجب إلزامها بـ:ــ
*دعم الخدمات الإجتماعية فى المنطقة

* جعل الأولوية فى التشغيل لأبناء المنطقة .

*بيع جزء من إنتاجها بأسعار رمزية فى أسواق المنطقة .
وذلك لأن كل الشركات تكون أكبر عقبة تواجها فى اختيارها للموقع هو وجود وتوافر الخدمات الأساسية لكادر مستخدمى الشركة والذى يكلف انشائها أكبر بند فى مصروفات التاسيس والذى يخصم بنسبة سنوية من ارباح الشركة على المدى الطويل.
والخدمات تتمثل فى :ــ
1: المدارس بمختلف مراحلها .
2: وجود مراكز علاجية.
3: وجود طرق معبدة.
4:وجود تركيبة إجتماعية لها نسيج متماسك { عدم وجود صراعات قبليةْ}
5: توافر الأمن.
كل هذا ساهمت به الجريف وام دوم فى صمت وحسن نية وسكتت الشركة المعنية ونامت نومة ابدية..
والدولة ومؤسساتها المختلفة لاأثر لها فى ترقية المنطقة منذ رحيل الأزهرى وحكومته.
خلاصة هذا القول ماوصلت إليه كلكم ان الحل يكون منا وبنا ونحن أهل له.
وليكن كبرى المشاة وكل ما يوفر الآمان للعابرين و السائقين والسالكين لهذا الطريق رصيدا يضاف لإنجازات أهل المنطقة .
ودمتم لنا
خضر حسن

نعم نحن الان بعيدين جسديا عن المطقة ولكن كل الاحداث مواكبنها بفضل الاخوة فى المنتدى وربنا يقدرنا على خدمة المنطقة واناشد كل ابناء المنطقة النظر الى موضوع الكبرى بعين الاعتبار ونرحو من المسولين النظر الى هذا الموضوع بعين الاعتبار ولابد من وجود حل بدل من الكبرى يخدم المنطقة يحصد ارواح اهلها والله المستعان

استاذي الخضر حسن (الخدر) كما يحلو له ...

وين انته ليك مده ما بنت وانا ...
مشكور على المساهمة ولا ننسي دور اولاد باعو درع الثورة ابان حكم نميري عندما تعرض مبنى الاذاعة للقصف ...
وعموما فعلا ذي ما ذكرت اهل الجريف سواعدهم بيضاء تجاه المنطقة بس عاوزين شوية تحريك للموضوع وانا اتوقع في اي لحظة يجي فاعل خير ويشيد هذا الجسر على نفقته ...
بس نحن واجبنا نوصل هذا الموضوع للجهات المختصة وياريت لو وصل للاعلام
واذا في واحد من ناس المنتدى عندو علاقة بالاعلام (الصحف او التلفزيون) يمكن ان يكتب عن هذا الموضوع ويحاول يلفت انظار المسئولين له ...
وانا على يقين من ان المسئولين على علم بهذا الكبري القاتل !! بس اذا مشى الموضوع عن طريق القنوات الرسمية تنعقد لجنة وتبثق لجنة من لجنة مبثقة عن اللجنة ..الخ هذا يودي الي مزيد من اهدار الارواح ...!!
وانا شائف انو الناس صنت لما الكلام دخل في اللحم الحي ... المشاركات المادية ...
يا ناس منتدى الجريف شريق طريق الالف ميل بيبدأ بخطوة واعتقد انو 10.000 الف دي اقل من الخطوة!!!

الطيب الامام كتب:

اقتباس :: نعم نحن الان بعيدين جسديا عن المطقة ولكن كل الاحداث مواكبنها بفضل الاخوة فى المنتدى وربنا يقدرنا على خدمة المنطقة واناشد كل ابناء المنطقة النظر الى موضوع الكبرى بعين الاعتبار ونرحو من المسولين النظر الى هذا الموضوع بعين الاعتبار ولابد من وجود حل بدل من الكبرى يخدم المنطقة يحصد ارواح اهلها والله المستعان

اخي الطيب الامام اولا يطيب لي ان اهنيك علي انضمامك لهذا المنتدى .. وانا اضم صوتي لصوتك للمناشدة بس انا اختلف معك في المناشدة لاهل المنظقة ..
انا اناشد اهل المنتدى .. وفي اعتقادي ان هذا الجسر اذا تم تشييده بواسطة اعضاء المنتدى حايكون ده انجاز كبير للمنتدى وحاتكون دي فاتحة خير كبيرة جدا لهذا التواصل الالكتروني الرائع ..

الاخ عبدالله نابرى

مشكور جدا لاثارته موضوع بهذا الاهمية وقد سبقتنى عليه فقد كنت بصدد الكتابة

عن هذا الكبرى الكارثة ... فهذا الكبرى عندما بدأ انشائه كانت السعاده باينة

على كل اهالى الجريف الحبيبة واستبشرنا به خيرا ولكن بمجرد ما بدأت ملامح

الكبرى تظهر حتى بدأت معه المشاكل وذلك بانتزاع اراضى الاهالى القريبة من

الكبرى ولذلك لعمل الطريق المودى للكبرى وحدثت الكثير من المشاكل والبلبلة

والتى تمثلت فى التعويض لاصحاب الملك والمؤجرين وما زالت هنالك بعض

الامور المعلقه بخصوص هذا الامر وسنعود لها لاحقا بموضوع كامل ان شاء الله ...

وبعد النزع كلنا كنا بانتظار الطريق وكيفبة تصميمه والكل بدأ يتخيل فى طريق

الجريف بالنص والشكل الذى سيكون عليه .. واين ستكون الصينية ..

وهلى سيكون الطريق اتجاه واحد ام اتجاهين .. وكانت المفاجاة بالتصميم

الخاطئ أو المقصود بان لا يكون هنالك مدخل مباشر من زلط النص الا

عند تقاطع الجريف وأم دوم .. وليس هنالك اى مدخل الى طريق النص

الى القادمين من اتجاه حلة كوكو .. فقامو بعمل طريق عكس الاتجاه وذلك

لترضية الناس عندما احتجو لصعوبة الدخول للجريف نص .. وليتهم لم يقموا

بعمل هذا الطريق الغريب والذى يسع سيارة واحدة فقط وعلى بعد اقل من متر

من المساكن والمدرسة الابتدائية للبنات .. مما جعلنا نفكر ان هذا الكبرى الكارثة

لم ينشأ لخير الجريف بل لعزل الجريف والمستفبد المباشر منه هم ناس الحاج يوسف ..

والاخبار المؤكدة ان الصينية عند مدخل الجريف نص تم تأجيلها حتى تتم مصادرة

اراضى الكمائن وبدء العمل فى مشروع مدينة النيل الازرق المزعومة .. كل هذا

وحتى الان لم نتطرق للاروح المزهقة بسبب هذا الكبرى المشؤم .. فكم طفل وكم

أمراءه وكم رجل طاعو بسبب هذا التصميم الخاطئ .. وكم كان الحل عنوان لغباء

من قام به وذلك بتشيد كشك به عسكرى مرور يقوم بايقاف العربات حتى يجتاز الطلاب الشارع ..

والمضحك ان احد هولاء العساكر كان مصيره الدهس .. ولو رايتم المعاناة التى

يعانيها اهلنا عند مغادرة التلاميذ من المدرسة فى نهاية اليوم وكيف يقتاد المعلمين الطلبة

بالواحد والجماعات والامهات يعطلن اعمالهم المنزلية وذلك لجلب ابنائهم ..

لو رايتم كل هذا للعنتم تاريخ انشأ هذا الكبرى الكارثة ...

الموضوع كبير والكلام كثير فلنا عودة ان شاء الله

أما الحل عن طريق تشيد جسر لا اريد ان اصبط الهمم ولكن ليس حل
جذرى وقد يكون حل اسعافى فقط حتى لا نفقد المزيد من اهلنا الطيبين
ولكن ياريت لو كان هنالك امكانية لنفق تحت الطريق فقد يكون هذا اجدى
وانفع وذلك لضيق المسافة بالنسبة للجسر المعلق والذى سيكون فيه صعوبة
فى الصعود لكبار السن وفيه خطورة على الاطفال وخصوصا الاشقياء منهم ..
ولذلك المرجو المزيد من الدراسة فكل شئ بالاتحاد سهل ولن يصعب تتنفيذ
الجسر الطائر أو النفق على اهالى المنطقة وستكون مبادرة الاخ عبدالله نابرى
هى الشرارة والتى ستنطلق من اعضاء المنتدى وستعم الجميع ان شاء الله فمزيدا
من الهمة

السلام عليكم جميعا ...

رحم الله أهلنا الذين توفوا في حوادث الكبري المؤدي إلى الجريف شرق . أوافق على آرائكم بالنسبة للإتفاق على وضع جسر لعبور المشاة ولا بد من التكاتف لحل المشكلة والشكر موصول لك أخي عبدالله لطرحك هذا الموضوع المهم ولك مني خالص التحايا ...

معتصم بابكر كتب:

اقتباس :: أما الحل عن طريق تشيد جسر لا اريد ان اصبط الهمم ولكن ليس حل
جذرى وقد يكون حل اسعافى فقط حتى لا نفقد المزيد من اهلنا الطيبين
ولكن ياريت لو كان هنالك امكانية لنفق تحت الطريق فقد يكون هذا اجدى
وانفع وذلك لضيق المسافة بالنسبة للجسر المعلق والذى سيكون فيه صعوبة
فى الصعود لكبار السن وفيه خطورة على الاطفال وخصوصا الاشقياء منهم ..
ولذلك المرجو المزيد من الدراسة فكل شئ بالاتحاد سهل ولن يصعب تتنفيذ
الجسر الطائر أو النفق على اهالى المنطقة وستكون مبادرة الاخ عبدالله نابرى
هى الشرارة والتى ستنطلق من اعضاء المنتدى وستعم الجميع ان شاء الله فمزيدا
من الهمة

الغالي معتصم بابكر ...

انا معاك انو جسر المشاه صعب على كبار السن بس شي افضل من لاشي وبالنسبة للنفق الارضي فده موضوع طوييييييييييييييييييييييييييييييييييل وعاوز دراسة ومحلية ولجان هندسية ... الخ .
ارجو يا معصتم اذا في امكانية ان نعمل دراسة للتكلفة والاجراءات والتصاديق المطلوبة حتى نستطيع ان نبدأ ... واقترح تكوين لجنة لجمع المساهمات في جميع انحاء العالم نسبة لأن المنتدى يضم ناس من مختلف دول العالم ... وتعيين امين للمال لجمع المساهمات ..

كتب عمر البشير:

اقتباس :: السلام عليكم جميعا ...
رحم الله أهلنا الذين توفوا في حوادث الكبري المؤدي إلى الجريف شرق . أوافق على آرائكم بالنسبة للإتفاق على وضع جسر لعبور المشاة ولا بد من التكاتف لحل المشكلة والشكر موصول لك أخي عبدالله لطرحك هذا الموضوع المهم ولك مني خالص التحايا ...

الغالي ود الغالي اخو الغالي عمر البشير ..

مشكور على المرور وشكرا لعطر وجودك هاهنا يا عمر... (دي كلام الهندي اخوك)
وانشاء الله بالتكاتف ذي ما قلت والاخلاص يرى هذا المشروع النور ...

كهي نهي قانون ذر دا كي ... بالله وصل التحايا دي لاخوك الهندي

النااااااااااااااااااااااس وين الجسر داااااااااا بيقوم بلنية ياناااااااااااااس ولا النفق بنحفر برااااااااااااااااااااهو

» طريق الموت....
» على فراش الموت
» الموت(الكهربائى ) العظيم.....
» المرأة التي أبكت ملك الموت عندما قبض روحها
» خرجت من الكلية مع عشيقها.. فداهمهما الموت في كراج السيارة