اه ه ه ه ه ه ه ه ... منك.

تباً للمنبه
كل رنة معه تحمل الأزعاج ،، يفاجؤني دائما وانا مرتاح في حلم جميل

من الدوام الى البيت
صرت كحمار اللبن يعرف مساره اكثر من صاحبه ،، لا شيئ جديد في الطريق نفس الملامح البائسة تعيد نفسها

يتصل اخي
او اتصل به يضحكني كثيرا حينما يقول لي ما هو الجديد عندك ،، وكل مرة اقول له ياأخي من اين ياتي الجديد ومصٌر هو على نفس السؤال
وكمان شوف ديل
ايش اسم انتا
كم راتب ،انتا في زواج ولا لسه، هولاء البشر عندهم من الفضول ما يجعلني اتقيؤ
يارب رد غربتنا .....يارب رد غربتنا......يارب رد غربتنا.

الشىء الغريب :-
انو الهنود والاجناس الاخرى حتى السعودين بقولو انو السودان بقا فوق والشغل رااااااااااااااااااقد بس تتصل بى احد فى السودان بقول ليك عيشة صعبة خالص.... جالون البنزين بى 7000
الحل كيــــــــــــــــــــــــــــــــــــــــــــــــــــــــــف

يايمه في البــلد البعــيد
حالي العليَ مابتــــعرفو
غربه وشقي وذله وندم
وحالاً غلبنـــــي اوصفو
يمه الزمن ياهو القســي
حابـــس قدمنــا مكتفـــو

الاخ احمد عوض

تحياتي
الموضوع جميل بحق وحقيقة والله هذه مشكلة تصاحب كل الناس في هذه الايام ولكن اقول كما قال ابونا الشيخ محمد بدر اصبر واذا تعبت من الصبر اصبر كمان شويه والله اعلم .

ربنا اصبرنا واصبرك يا ود وريا....

ايه المصبرك على المر الامر منه؟؟؟؟؟

احمد عوض الحاج النميرى كتب:

اقتباس :: وكمان شوف ديل
ايش اسم انتا
كم راتب ،انتا في زواج ولا لسه، هولاء البشر عندهم من الفضول ما يجعلني اتقيؤ
يارب رد غربتنا .....يارب رد غربتنا......يارب رد غربتنا.

الشىء الغريب :-
انو الهنود والاجناس الاخرى

ههههههههههههه
الهنود ديل بالجد فلم هندي انت شفت حاجه يا اخوي
احساسك شنو لما تكون سايق في الشراع الرئيس السريع وفجأه يظهر هندي مهندل
في الشارع بس زي الحمار في الظلط على قول منوفلي والحاج متذكر ويديك ضهرو
يعني بعد ماهو دخل الشارع عابر فط برجليه انت الجاي مسرع وجب عليك تقيف لحدي ماهو يمر يعني انت شوف ليك بلد امشي عليهو ... ومرارتك تنفقع .. الحمد لله لى مراد
الله .. وهو بالله العظيم ولاااااا عليهو بس التقول طالبك قروش يقطع ويعمل ماشايفك وتلقاهو
يعاين في الجانب التاني من الشارع يعني خلاص الجانب الانت جاي طاير فيهو ده ضمنو
خلاص يعني انت تقيف غصبا عنك .. والله أنا الحركة دي عامله فيني عمااااااااااااايل ..

معليش للخروج من موضوع المنبة ... لكن عندي ليك الحـــــل عكاز كدي كارب
يكون تحت السرير ولما المنبة يضرب اعتبرو حرامي تلب وقوم على المنبة ده فرطقو
حته حته صدقني تاني ما بيعمل الحركة دي والله العظيم بالجد

أما الغربة والاغتراب صدقني ده مصير صعب جدا الهروب منه وواقع مرير ومؤلم جدا

ههههههههههههههههههههه والله يا الهندى ... بتعرف لى المحن .
وزى مابقول اخونا كدا اله اضحك سنينك.

نساليه كتب:

احمد عوض الحاج النميرى كتب:

مشكور الاخ تساليه على المرور وزى ماقال الهندى الغربه بقت واقع معاش علينا
ربنا ارد غربتنا.
هناك غربتنا ماهنتنا
هناك الهم بدل واحد اصير همين

كتب احمد عوض ...

اقتباس :: تباً للمنبه
كل رنة معه تحمل الأزعاج ،، يفاجؤني دائما وانا مرتاح في حلم جميل

من الدوام الى البيت
صرت كحمار اللبن يعرف مساره اكثر من صاحبه ،، لا شيئ جديد في الطريق نفس الملامح البائسة تعيد نفسها

كيف يا شاب يا جذاب ... يا محترم .. ياراقي
شايفك بديت تتمرد وده ما كويس انتا لسه جديد ...
والغربة شنو ما العشرة سنه الاولي بس ..!!
بالنسبة للمنبه ... عندي حل احسن من حل الهندي...
لو دوامك الساعة 8 صباحا اظبطو علي الساعة 11 صباحا ... وخليهو ينبح براهو ذي الكلب!!!

مخرج على طريقة تسالية
الغربة بالمال وطن والوطن من غير مال غربة ...

شبااااب باب باب باب باب باب ..
الجنب الباب باب باب باب باب ..
زحوا شوية من البنات نات نات نات نات ..
تروا لي كدا اقعد معاكم ..
مرحباً بكم .. وانتم تحكون وتتوجعون من آلام الغربة التي لم أذقها يوماً قط والحمد لله ..
رد الله غربتكم إخوتي ..
قلت لي يا نابري كلها عشرة سنة بس ؟؟ والله دي غربة دي .. ههه
يا أحمد ما تسمع كلام الراجل دا .. بديعك .. عشرة سنة شنو ؟؟
اقعد ليك ثلاثة سنة وأعمل نائم .. وارجع لبلدك تلقى المغص والدغص ..
لكن جنب أهلك وحباك ..
تمشي على دكان القمر تاكل ليك فولة مزززززبطة كدا بخمسمائة ..
وفوقها موية جبنة وموية زيت .. وعليها عيشتين ..
وتمسح خشيمك بعد الأكل ثلاثة مرات .. حامد شاكر ..
وتمرق العصرية على ميادين الخور تتفرج وتمشي تصلي المغرب في جامع سرحان ..
وتتهمل بيجاي بيجاي لغاااااااية العشاء وتجي راجع على بيتك .. وبكرة الصباح يحلها ألف حلال ..

يا الهندي .. عليك الله لو سمحت داير تلفون لأميتاب أبشلخة ..

ودمتم وسط أهلكم ...

هههههههههه ود سنقد والله دخلتك علينا بس زي
اللوري الجا شاقي الحلة يكورك ويقرب ينشق
كرو رورو كروو كرو رووكوروركورو

كواريك شديده وانت يا اخوي أصلك قد كيف
الناس تزح وتتمهل ليك تعال أقعد ساي حداي بيجاي
ههههههههههههههههههههههههه

اقتباس :: وارجع لبلدك تلقى المغص والدغص

المغص والدغص أنواع فيهم نوع اتكلم عنو عبدالله ود نابري (عدم المتابعة للتطورات الحاصلة
في البلد) انت قاصد ياتو
والله النصحية كل أنواعه ما بتندار ولا بتتراد

اقتباس :: تمشي على دكان القمر تاكل ليك فولة مزززززبطة كدا بخمسمائة ..
وفوقها موية جبنة وموية زيت .. وعليها عيشتين ..
وتمسح خشيمك بعد الأكل ثلاثة مرات .. حامد شاكر ..
وتمرق العصرية على ميادين الخور تتفرج وتمشي تصلي المغرب في جامع سرحان ..
وتتهمل بيجاي بيجاي لغاااااااية العشاء وتجي راجع على بيتك .. وبكرة الصباح يحلها ألف حلال ..

والله بيني وبينك الكلام ده فعلا طعمو زي الشهد لكن ينفع في الاجازات بس يعني شهر
بالكتيييييييييير شهرين قول تلاته ياسيدي لكن على طول ماااااااااااااااابنتقدر والله صدقني
وانتو يصبركم الله

ارد الله غربتكــــــــــــــــــــــــــم سالمين وغانميــــــــــــــن ومتعافيـــــــــــــــــن

امـــــــــي الله يســــــــــلمك.....

ربنا ارد غربتنا ياااااااااااااااااااااااااااااااااارب...

ويا تساليه:طبعا يا ابو حميد ما براك كلنا كالحمير البيت الشغل الشغل البيت حياة ممله وبائسه لابعد الحدود
لكن زى مابقولوا( اكل العيش صعب)الله يجازى الكان السبب

السبب منو؟؟؟؟

شايفك زغت من طلبي يا الهندي ..

قلت ليك أديني تلفون أميتاب أبشلخة .. .!! ..

ولا الراجل قال ليك ما تدي تلفوني دا لزول ؟؟

نرجو التوضيح ..
وبعدين ياخ البرنامج دا حتى لو مليت منه .. بتلقى برامج تانية كتييييييييرة تودر ليك زهجك وقرفك .. الرامج راااااااااااقدة بس ابقوا مارقين لا بره ..

ودم لنا ...