خطأ كبيييييير واعتذار

اهلي الجرافة ... الناس القيافه ...


اسمحو لي ان اعرفكم بنفسي انا عبد الله محمد عبد الله احمد نابري
كنت قد سجلت في هذا المنتدى الرائع باسم سوكا ...
وقد كنت اظنه مثل غيره من المنتديات الموجودة علي الشبكة التي تمر عليها مرور الكرام وتسجل فيها اي اسم وخلاص ... لكن وبكل صراحة وجدت نفسي ليست على شاشة حاسوب وانما كأني وسط اهلي واحبابي وناسي
ودي حاجة مشرفة جدا لذلك رأيت انه من الواجب ان اسجل باسمي الحقيقي اسوة بالبشير نابري الذي هو عمي والطيب بخيت ابن عمتي وهندي ود نابري ابن عمي وناجي ودم مريم بن عمتي ...والبقية كلهم هم اهلي ..
كما ذكرت وجدت نفسي وكأني بين اهلي وانه من السخف والغباء ان اسجل في هذا المنتدى باسم مستعار
لذلك عدلت اسمي ووضعت صورتي في هذا المكان المشرف ... واتمنى ان تعذروني وتقبلوني

وشكرا ... لكل من اعطانا الفرصة لكل هذا التواصل
شكرا جزيلا ....
واعتذار خاص جدا جدا جدا للاخ خضر حسن (الخدر)

sam كتب:

[[b]size=29]

بالله ... !! هو ده إنت ... ؟

ويا ود أمحمد أخوي إنت حفيد حاج عبدالله وبرضو تتخفى .. لا .. لا ... إنت ترفع رأسك فوق وفوق عالي وترمي سوكا خلف ظهرك.

يا سلام والله أجمل حاجة هي إعتذارك الرقيق والجميل وهو قمة الشجاعة وعموماً مرحب بيك وحبابك عشرة وسط أهلك وأحبابك.
عصام عبدالصادق
.... ... ... ...
بعد كلام أخوى عصام تانى مافى كلام وانا بعد ما أرشدنى الأخ العزيز عمر حسن حمزة على هذا المنتدى تركت كل المنتديات الأخرى ومافيش احسن من الأهل وخيركم خيركم لأهله وانا اول مادخلت هذا المنتدى وجدت اسماء حبيبة إلى نفسى ولها فى الذاكرة اجمل الإيقاعات ...يكفى فقط ان ادخل اى موقع فى النت لأجد أسماء مثل حاج عبد الصادق
حاج عبد الله نابرى ...حاج بخيت ...بدرعبد الماجد.. عوض حاج النميرى... قريب الله كمال الدين ...ودريا ... الجرافى .... ود جريف قمر... سنهورى... عبد الرحمن يس .... عبد المنعم حاج خالد.... محمد البشير... معتصم بابكر... السمانى...ناصر... بابكر حاج الطيب ... حسن... فأشعر بانى موجووووووووووووووووووووووود
وعندى {ضهر }.
و أعتبر ان هذا الإعتذار اجمل شهادة برأة وحسن سير وسلوك لهذا المنتدى وتكريم ما بعده تكريم .
فألف مرحب بالكريم ابن الكرام....حبابك ماك غريب الدار.
وانا سعيد جداً جداُ جداُجداً بأن تسجل إبداعاتك القصصية [ والتى اعجبتنى كثيراً ] فى ذاكرتنا بإسم ود محمد حاج عبد الله حيث أن جدك ووالدك كانوا محبين للعلم والتعليم..{.وأسال ناس ابوك يا جنا...}. وحرام أن نتذكر جميل ماتكتب تحت اسم مجهول.. [وزى ما قال اخونا ود سنقد على ما اعتقد الواحد لو لاقاك راكب فى الباص يقول للكمسارى بكل ثقة وحب ما تخلص منه دا ولدنا ]
والله انت محظوظ انه أول من رد عليك كان الحنين عصام ود جدى سعيد ولكن فى ناس عصام بعرفهم كانوا حيطالبوا بتشكيل محكمة طوارئ عاجلة لك وتغريمك خروف ... خروفين وهم كوشتينتهم جاااااااااااهزة وكايسين سبب... ولك ولعصام كل الشكر.
ودمتم لنا
خضر حسن }الخِدر}

[/b][/size]

[size=29]بسم الله الرحمن الرحيم
خضر حسن (الخدر) وانا ما عارف انته الخضر التانية دي بتكتبها بالدال ليه؟!!
المبدع عبداللهِ محمد عبد اللهِ ــ
{الخِدرْ} الثانية حسب طريقتنا السودانية المحببة فى نطق بعض الحروف وتضامنا مع عزيزنا الغالى حسن شمس الدين الذى يحب أن يخاطبنى بها كتابة .ولكنى أضعها بين قوسين لسببين [ 1] انه ليس إسم جدى الأول بل هو تكرار لإسمى باللغة العامية .
[2] هذا المنتدى العزيز علينا يعكس ثقافة وتراث وطننا للعالم فعليه يجب ان يكون أسلوب التعبير فيه باللغة العربية لكى يسهل تواصل وتفاعل الأخرين مع المنتدى.
بالرغم من ان اللغة العامية لكل بلد لها إيقاعها المحبب لأهلها ولكنه لا يشكل جسر للتواصل مع الأخرين.هذا خلاف الواجب الدينى بضرورة نشر لغة القرآن الكريم.
ودمتم لنا
خضر حسن الفضل { الخِدر}[/size]

يا ربي ليك الحمد والشكر الكتبت اسمك الحقيقي

أظهر وبان ما في زول بيعوقك

نحنا كلنا أهل وأخوان وأولاد منطقة واحدة

ومعروفة فينا الأخلاق النبيلة والصفات الحميدة

ومحبة الأخوان والأهل ومشهورين بالحنية

(أسال كل من مر على الجريف أو سكن فيها أو أشتغل بها

أو تعلم بها أو عاشر أهلنا ستجد الجواب الكافي)

فنتمنى من كل الأخوة المتخفين تحت أسماء مستعارة

أن يسجلوا أسمائهم الحقيقية لزيادة التواصل بين الأخوان

وليكون هذا المنتدى جسر للتعارف والتآخي بين الأخوان

في السودان وخارجه لمناقشة قضايانا وقضايا المنطقة

بكل حرية وتصاف وحب وإخاء

وزي ما قال عصام ود عبد الصادق:

(ترفع رأسك فوق وفوق عالي وترمي سوكا خلف ظهرك.

يا سلام والله أجمل حاجة هي إعتذارك الرقيق والجميل

وهو قمة الشجاعة وعموماً مرحب بيك وحبابك عشرة وسط أهلك وأحبابك).

فنحنا برضو بنقول ليك حبابك عشرة من غير كشرة

وكان ما شالتك دارنا بنشيلك في حدقات عيونا

نساليه كتب:

انا ياغريب
جمبك قريب
فوقك بصلى على الرسول
واضارى بكفى النجم خايف عليه من الافول
عبدالله يانابرى
طبعا صورتك قيافه شديييييييييد لدرجة انى ماعرفتك
وانشاءالله مشاركاتك تكون قدر صورتك
الشى التانى
ياهندى والطيب بخيت والزين كوف واخناتون وود مريم ووووووالخ النابراب
شكلكم كده عايزين تعملوا لينا فى المنتدى لوبى نابرابى هههههههههههههههه
وربنا يزيد ويبارك لينا فى النابراب
مؤونة ابديه من الود ياسوكا عفوا يا عبدالله نابرى

الطيب بخيت كتب:

الأخ الكريم الزينكوف
تحيات ود وإخاء كتتتتتتتتتتتتتتتتتتتتتتتتتتار يا عسل
عشان كدى قلنا أحسن حاجة الناس تكتب أسمائهم الحقيقية
لزيادة التواصل بين الأخوان وليكون هذا المنتدى جسر للتعارف
والتآخي بين الأهل والحبايب والأخوان
لأن مشاغل الحياة والغربة بعدت كثيراً بين الأهل
وأيضاً لتكتمل حبيبات العقد المنفلته للأهل والأخوان
فلك التحية أخي زينكوف وللأخ/ عبد الله ودنابري
الذي فتح هذا الموضوع لنتعارف أكثر وأكثر
ألا رحم الله جدنا نابري وجعل الجنة مثواه
وأسكنه فسيح جناته أمين يارب العالمين
أنا أخوك/ الطيب بخيت إدريس مالك من جريف قمر
والدتي البنت الكبري لحاج عبد الله ود نابري
وعلى ما أعتقد من اسمك أنت من أهلناالحنان الطيبين
ناس الزين ود نابري أو ناس حنان أو ناس موسى ود نابري
أو ناس ماعون .............................................................
كدى كمل لي أنت .......................................................
وتفضل بقبول خالص ووافر التحية ودمتم