حلتنا

سم الله الرحمن الرحيم
الأعزاء عصام وعمر والمعز وحسن و muizk
الوعدُ وعدٌ... وكل من ذكر الشنطة بخير له كل الخير وهذا وعد { والوعد المكتوب ليس بمكذوب}
ودمتم لنا
خضرحسن]

[size=29]

نحن لا نريد شئ منك بس دارين حقنا من الشنطه والا سوف نعمل للشنطه عملية كروت الاعراس

زمان يعني ماتستبعد وانت ماري في الطريق تمر بشنطتك بالقرب من براميل كراكر وتقول والله دي تشبه شنطتي

والندم مابنفع بعدين... وتسجل القضيه ضد مجهول وناس معز وعصام يكونوا اخذو حقهم وزياده

ولقد اعزر من انزر حسن عضو تنظيم الحظاره بالرياض

انتهى البيان

الأخ الفاضل حسن لك كل التحايا والأشواق
والحمد لله انك كنت لطيفاً معى فقد كتبت { لقد أعزر من أنزر} ولم تكتب { لا عذر لمن أنزر}... وعليه حتى لا أجد الشنطة مرمية جوار براميل كراكر فعندى اقتراح .
وهو ان توزع محتويات الشنطة على فترات وعلى شكل جوائز لمسابقة تنشيطة وتوثيقية لمعلومات عن الجريف . تحوى10 اسئلة عن الجريف
تحت الشروط التالية:

2/تكون اللجنة من المهتمين بموضوع الشنطة وكل من ذكرها قبل نشر هذا الإقتراح ومنهم
1/ حسن 2/ عمرحسن حمزة 3/ عصام 4/ ابو تراجى 5/ المعز 6 الأستاذ العميد/ عبد المنعم حاج خالد7/ muzik
3/تحدد اللجنة عنوان بريدى لإستلام الإجابات [ اذا لم يتوصل ناس الهندى إلى تكنولوجيا تتيح ارسال و حفظ الإجابات في موقع خاص داخل المنتدى ومفتاحه لدى اللجنة}
4/ أعضاء اللجنة لهم الحق فى الإشتراك لأن رسائل الإجابات تفتح مرة واحدة فقط فى نهاية المدة المحددة وفى حضور اللجنة.
5/مكان فرز الإجابات وأجراء القرعة يكون بمنزل الجمعية بالرياض. أعضاء اللجنة خارج الرياض يمكنهم المتابعة عبر المنتدى.
6/الفائزون بالجوائز من خارج الرياض او خارج المملكة تسلم الجوائز لأقرب الأقربين لهم بالرياض.
7/عدد الجوائز10 منها 8 للمسابقة و2 جائزة واحدة لشء ما..؟؟ فى المنتدى والثانية لمنسوبى الجمعية بالرياض.
جوائز المسابقة الأولي 1/...اجهزة خاصة بالتسجيل والإستماع للموسيقي واخرى لحفظ المعلومات والصور من الكمبيوتر...2/ اشياء أخرى.
8/مسؤليتى تنحصر فى الجوائز من الشنطة.
من يرد اضافة اى مقترح آخر فمرحباً به.
بهذا نكون قد حسمنا أمر توزيع محتويات الشنطة . وحققنا الجميل من المتاعب الى عزيزنا أبو مصعب كما قال له طيب الذكر فقيدنا د. صديق إمام عليه رحمة الله] وحققنا كذلك بعض الفوائد للمنتدى ببركات طيب الذكر فقيدنا مصطفى مختار عليه رحمة الله { فقد منع أبو مصعب من فتح الشنطة والتصرف المفرد فيها والحمد لله ورثها المنتدى. نرجوا من الجميع الدعاء لهم.
ودمتم لنا
خضر حسن[/size] 1/ حق الإشتراك لمنسوبى المنتدى فقط.

الاسلام عليكم ورحمة الله وبركاته

انا من اشد المؤيدين لاقتراحات الاستاذ خضر حسن حتى لا يتحايل علينا الاخوان عمر حسن والاخ عصام لانهم الشنطة الان بحوزتهم فنرجو اصدار قانون من الجمعية بالرياض بععدم فتح الشنطة الا بوجود الاستاذ خضر حسن او وكيله الشرعى وطبعا ( انا وكيله الشرعى نسبة لصلة القرابة)


طبعا معى اطراف اخرى طلبوا حقهم فى الشنطة
وعصام ده بيعرفهم كويييييييييييييييييييييييييس
د. شمس الدين يا عصام طلب نصيبه فى الشنطة وانا قلت ليهو انا ما مسئول روح لعصام اذا اداك ليها كلها شيلها ده طرفنا منها
وانا اذا وكلت شمس الدين بضمن نصيبى يجينى فورا

مع التحية اخوكم معز عبد المنعم

طبعا اخونا الحاج عبد المجيد ود الحرم قال عنده نصيب فى الشنطة وانا قلت ليهو كيف عندك نصيب
حسبها لى بانو خضر اخو محمد حسن ومحمد حسن متزوج بنت اخت مصطفى ابو القاسم ومصطفى ابو القاسم نسيبهم لانو متزوج بنت عبد المجيد وهى اقرب لمحمد الاسد ومود الاسد متزوج اخت الحاج
مع السلامة

أخوي أبو مصعب

لك أن تنبهر بدقة أبو تراجي في الإحصائية التي يقوم بها... لأنو فعلا مجهود غير عادي..

ولكن ..... بالنسبة لي توقفت قليلاً وسرحت مع خيالي .... وسالت نفسي وقلت ده حالتو دنقلاوي وما قاعد في السودان .... طيب لما التعجب إذا كان حركة العدل والمساواة دخلت مدينة أمدرمان.

وربنا يحفظ العباد ...

بالنسبة لكروت الأفراح ... والله ما ظنيت أدي المعلومة لأبوتراجي لأنني بذلك أكون حرقت كرتي معه.

عصام
مشكور ابو مصطفى عصام
على الاشاده هذا ماتعلمناه منكم وربنا يقدرنا على جزاكم

ايه دنقلاوى جرافى
الحصر ده عشان داير اخوض الانتخابات الجايه(الديمقراطيه )كنائب للدائره (34) شنو ليك !! وحتصوت لى من هسه

[size=29]بسم الله الرحمن الرحيم

كتر الف خيرك يا ابو تراجى والله ذاكرتى بقت ترجع شوية شوية وكرعى اتكتحن معاك.
ولك كل اشكر والود وسيبك من ناس عصام ديل قاعدين يلعبوا فى الوست فى نادى العولمة بتاع العريس حافط ود العبيد.اما باقى الشباب الظاهر انهم فكو البيرق.. كبو الزوقة علي متجر تسالية للأزواج يضحكوا على البنات الطماعات. ا
أما مولانات المنتدى ناس بدر وحوار ودبدر [ود ريا] فعندهم حصة رياضيات دينية مع لغز الأستاذة نجمة.
اما الجيل الجديد الواعد ناس مصعب ود ابو مصعب الحمزاوى فالظاهر إنه رونالدو ود المبارك قد سحرهم بشخصيته المغنا طيسية.مع انهم إيديهم على قلوبهم من بعاتى النت {الهاكرز} حيث انه الأستاذ صلاح ودقريب الله كمال الدين قال شاف االبعاتى دا عديييييييييييل بالرغم من انه ناس الهندى قالوا ليه قول بسسسسسسسسسسسسسسسسسم الله.

ودمتم لنا
خضر حسن[/size]ن

ابو تراجى كتب:

ولك كل اشكر والود وسيبك من ناس عصام ديل قاعدين يلعبوا فى الوست عند ناس السماية.
مشكور يااستاذ ربنا يرجعك وذاكرتك كمان للسودان معلومه انت عارف انو عصام مابعرف اى حاجه فى الكتشينه ولافى السمايه وتلقاهو كمان مامعزوم
ممنون وشاكر

وكت الجماعه كلهم زاقو اخير اشوف شغلتى براى وارجع اواصل والله لو اطريت امشى السودان مابخلى الفيهو ده
وناس جريف قمر نضامين ساى ومابسوى اى شى فالحين ناس بدر فى تمجين المطلوبين دولياً و.......
وكان على معز عبدالمنعم اخير اسكت جارى وراء الشنطه وحيلحقنى باذن الله (يطلع من المولد ساكت )
والشباب ناس ودسنقد قاعد يتدرب على الكت سمحة قال متحدينى والله اجيك واغلبك انتظر بس
وعصام داك انا عارف مالو خايف يبداء من عند نسابتو اهلو يزعلو وكان بداء من اهلو (سجم خشمو )بسوى ليه .........!!!!
براى سويته فى نفسى
وقلبى الحبه ماواعى
عشق زولا مجافيه
وماكان للحصل داعى

ابوتراجى