هترشات زول

موضوع: هترشات زول الخميس 24 أبريل 2008, 7:04 am

لم أعتد على إهانة غيري ..
ولم أقم بظلم أحد مهما كان ..
وطبيعة عملي تحتم علي أن أحضر إلى المنزل في وقتٍ متأخر ..
وغالباً ما أرجع البيت بعد أن يسدل الليل أطرافه ..
رجعت ذات يوم مبكراً على غير العادة ..
أحسست بضيق داخلي لا اعلم له سبباً ..
شئي ما جعلني أن أترك عملي الذي لا غنى لي عنه ..
حيث أني احصل على رزق اليوم باليوم ..
وإذا لم أعمل فإن معنى هذا ان لا تكون نار في بيتي ..
خرجت من متجري وتركت النوافذ مشرعة .. ولم أقم بإغلاق الباب جيداً ..
لا ادري ما السبب .. ولكن هذا هو الحال ..
كنت كثير السرحان في هذا اليوم وكأن شئي ما سوف يحدث في بيتي ..
هرولت إلى الشارع العام .. والسخانة ألف ..
وقفت في المحطة لم أركب في وقتها .. وأصبحت أرقب في المارة والركاب ..
وإستوقفتني إمراة طاعنة في السن ..
تحمل صغيرها الذي لم يبلغ الثالثة من عمره كما اظن ..
وهي تدفع الناس لكي تجد لها مقعداً في البص ..
وبعد جهدٍ جهيد وصلت إلى مبتغاها وجلست على المقعد قبالة النافذة .. وكانها وجدت مقعداً في البرلمان ..
وتنهدت مبينة راحة النفس .. والسعادة تغمرها .. وإنطلق البص مسرعاً كمن يحمل خبر وفاة ..
إنتظرت البص الآخر وبكل قوةٍ دلفت إلى داخله حتى إني لا اعرف من
اين لي بهذه القوة الجبارة ..
مع جسمي الهزيل .. الذي هداه المرض .. المهم .. نزلت في محطتنا .. وأسرعت في الخطى إلى بيتي الذي يبعد من المحطة قرابة الألفين متر .. وفي الطريق إستوقفني كثير من الناس متسائلين عن سبب رجوعي باكراً على غير العادة .. همهمت بكلمات مجاملاً واخرى مطمئناً .. إلى أن ولجت إلى داخل بيتي الذي يتكون من غرفتين وصالون ومطبخ وغرفة أخرى لم يتم سقفها .. ووجدت أن الباب مفتوحاً مع العلم أنه لا يسكن سواي بالمنزل ..
إستغربت جدا .. وأخذني الخوف من أن يكون أحد اللصوص قد سرق مبلغ المية مليون جنيه لأحد أصدقائي التجار ..
ولكن وجدت المبلغ في مكانه .. وتنهدت بإرتياح بالغ .. وتفحصت باقي المنزل ولم أجد شئياً في غير محله .. إلى ان دخلت إلى المطبخ لاني أحسست بالجوع .. فسمعت حركة من جهة باب المنزل الخارجي .. فأسرعت تجاهها .. فوجدته يشرع في الجري .. فإخذت عصاي التي دائماً ما اجعلها قبالة الباب من الداخل .. وأخذت اجري خلفة ..
فلمحت كيساً كبيراً بين فكيه .. وأصبحنا نجري وكل من في اشارع ينظر إلينا مندهشين ومستغربين .. ولا أحد يحرك ساكنا .. ولم يبدوا أي نوعٍ من المساعدة في القبض عليه ..
فتعثرت قدماي بحجر في الجانب الأيسر من الشارع فوقعت على الأرض .. ولكن سريعاً ما قمت وواصلت في الركض خلفه .. وكان يسرع في ركضه وأحسست أني لن أستطيع اللحاق به .. ولكن لعظمة ما اخذه مني جعلني أسرع أكثر فأكثر .. وفجأة ظهر أمامه عربة قاطعة الطريق الذي يركض فيه .. مما جعله يقف مشدوهاً ومرتعباً .. فأمسكت به .. ونزعت منه الكيس بعد ان تهتك جزء منه .. وبضربة واحدة على رأسه أصبح يصيح من شدة الألم ..
وجاء المارة وتجمعوا حولنا .. مما أشفقوا له ..
فقال لي أحدهم : ياخ حرام عليك .. دى كلب تضربو كدا ؟؟
وعشان شنو ؟؟ عشان كيس لحمة ؟؟

فتركته لحال سبيله ..

ودمتم لنا ...

موضوع: رد: هترشات زول الخميس 24 أبريل 2008, 10:17 am

هوى يازول ,,,,,

والله اصلو ما ليك حق دة كيس لحمة ولا كيس رجلة اصلو ( طبعاً انا بحب الرجلة )
والحرامى ذاتو ضهبان هو وكت يخطط لسرق بيت يقوم يقرر يجيك انت ، دة حرامى مع احترامى ليهو ....
قايتو كان شافوك ناس حقوق الانسان كانت بتبقى قضية عامة ويرسلو للسودانين طائرات اغاثة بتاعت لحمة .

وتسلم ونشوف تانى منك يارايع

موضوع: رد: هترشات زول الخميس 24 أبريل 2008, 12:53 pm

ههههه ود سنقد هتشرات عجيبة لكن
ونحنا زاتنا هترشنا معاها
لكن كيلو اللحمة أصبح بكم بالله
أظنه بيستاهل الزول يجري وراهو
ولا رايك شنو ؟؟؟ هههه
بس ضربة الكلب في راسو شديد
دي بس حرام ياخي

موضوع: رد: هترشات زول الأحد 27 أبريل 2008, 2:56 am

maia كتب:: هوى يازول ,,,,,

والله اصلو ما ليك حق دة كيس لحمة ولا كيس رجلة اصلو ( طبعاً انا بحب الرجلة )
والحرامى ذاتو ضهبان هو وكت يخطط لسرق بيت يقوم يقرر يجيك انت ، دة حرامى مع احترامى ليهو ....
قايتو كان شافوك ناس حقوق الانسان كانت بتبقى قضية عامة ويرسلو للسودانين طائرات اغاثة بتاعت لحمة .

وتسلم ونشوف تانى منك يارايع

ظاهر عليك يا مايا بتحب الرجلة من هيامك وبرلمتك دي ..
ودا طبعاً الخلاك تخش حامامت النسوان .. هههه
اما بخصوص عمنا الحرامي .. ما كان قصدو يسرق اللحمة أو يسرق مني أنا ..
في إعتقادي هو كان عاوز ليه ضربة زي دي .. لأنو قنع من خيراً فيها ..
وأما بخصوص جمعية حقوق النسيان .. اقصد الإنسان أنا زااااااااااتي قصدت كدا عشان يجوا ..
وأوريهم ليك حقوق الإنسان المنسية هنا مهضومة كيف ..
يعني يا مايا الشغلانية كلها خطة إستراتيجية مفبركة ومدبرة ومصممة ..
وطبعاً التصميم بواسطة المبدع ود جريف قمر ..

ودمتم ما مهترشين ...

موضوع: رد: هترشات زول الأحد 27 أبريل 2008, 2:59 am

الهندي ود نابري كتب:: ههههه ود سنقد هتشرات عجيبة لكن
ونحنا زاتنا هترشنا معاها
لكن كيلو اللحمة أصبح بكم بالله
أظنه بيستاهل الزول يجري وراهو
ولا رايك شنو ؟؟؟ هههه
بس ضربة الكلب في راسو شديد
دي بس حرام ياخي

ههههههههههه
ود نابري حبابك أبوي ..
وشكراً على المرور الطيب ..
كيلو اللحمة يا اخوي ما بسوى حاجة حتى عند الغلابة ..
والدليل على ذلك لما يجيك ضيوف بتضبح ليهم البهيمة ذات الشتين كيلو ..
بس هي في إعتقادي الشغلانية حب ومرح في آنٍ واحد ..
حب لملزات الدنيا الفانية والرخيصة ..
ومرح لنسيان ما جادت به حيكومة الفقر الدمار ..

يا هندي ما عليك أعتبرها هترشة ساي ..

ودمت لنا ...

موضوع: رد: هترشات زول الأحد 27 أبريل 2008, 11:17 am

لكن خيالك واسع وبتضربها صاااااااح

قلت لى انو القصة دى كلها مفبركة
وبعدين الهاضم حقك منو يازول ؟ ... ايواه لا اكان كدة كلامك صااااح وكلنا مهضومين

وتسلم

هوووووووووووووي يا مايا ..
مالك علي يا زول ..
داير تودينا بغادي مالك ؟؟
دي هترشات ساي ..

دم لنا ...

يا ود سنقد

اها هنا الدينا كيف
حلى شديده خلاص........ حلى الليلى برا
.
.
.
ليك وحشه والله

كان في واحد عامل فيها منظراتي .. هو في الحقيقة فعلاً منظراتي ..
وكان عندو كلب ـ حفظ الله الجميع ـ وكان يأتي له بالطعام ..
وفي يوم أتى بصفيحة وعصا وجعل يضرب في الصفيحة ضرباً مزعجاً لدرجة أن الكلب أصبح يشمئذ من الصوت ومع ذلك اتى له بالطعام .. فيأكل الكلب حتى يشبع ..
وظل صاحبنا كل يوم يأتي بالطعام بعد أن يضرب الصفيحة بالعصا .. وكا يوم يقل إضطراب الكلب من الصوت شئياً فشئياً .. إلى ان إعتاد على الصوت ..
وفي يوم ضرب صاحبنا الصفيحة بالعصاا وجاء الكلب لكي يأكل ولكنه تفاجأ بعدم وجود الأكل .. فسال لعابه فقاس صاحبنا كمية اللعاب .. وظل يفعل ذلك يومياً فإكتشف أن لعاب الكلب في نقصان إلى ان إنعدم تماماً ..
لغاية هنا كويس ؟؟
طيب .. صاحبنا قال داير ينقل هذه التجربة من الحيوانية إلى البشرية ..
فأتى طفلاً ذات السنة وبضعة أيام .. وأتى له بفأرة بيضاء .. مع العلم ان الطفل لم يبلغ مرحلة فرز الأشياء من حوله وما هو الضار والمفيد له .. صاحبنا قام بإصدار صوت مزعج .. فبكى الطفل من الصوت .. وهكذا .. فربط الطفل الصوت بالفأرة البيضاء .. فكلما يشاهد الفأرة ويسمع الصوت المزعج يبكي بكاءاً شديداً .. وفي يوم أتى له بالفأرة دون إصدار الصوت المزعج فبكى الطفل ..
ما تتضايقوا يا اخوانا ..
عندها هم سكان البلدة بإخراج صاحبنا وطرده من الحلة .. فقال لهم صاحبنا بدل أن تقوموا بطردي أنا مستعد لأن أعالج لكم هذا الموقف .. فرضوا بذلك ..
أتى بالفأرة للطفل فظل الطفل يبكي ويبكي فأخرج له حلاوة من جيبه فسكت الطفل ..
وهكذا كلما يرى الطفل الفأرة البيضاء يخرج له حلاوة فيسكت .. حتى إرتبط الفأرة البيضاء بالحلاوة .. فأصبح الطفل كلما يرى الفأرة يتطلع إلى الحلاوة إلى أن إرتبط الفأرة البيضاء بالحلاوة وأصبحت لا تشكل له مصدر إزعاج ..
ما قلنا ليكم هترشة ساي ...

دمتم لنا ...

ود سنقد سلام

انت ياخوي ضاربك هوى بارد ولا شنو ؟

شنو كلب وصفيحه وطفل وفاره انت سلوكك ضربن ولا شنو

عندي ليك علاج ياخوي جربه احتمال ينفعك

اذهب الى اقرب دكان فورابي واشتري عيشتين وفول بمئه وزيت بخمسمائه

واضرب الفته واحمد الله على هذه النعمه وصلي ركعتين واسال الله الشفاء

ربنا يعينك تحياتي حسن

حسن كتب:: ود سنقد سلام

انت ياخوي ضاربك هوى بارد ولا شنو ؟

شنو كلب وصفيحه وطفل وفاره انت سلوكك ضربن ولا شنو

عندي ليك علاج ياخوي جربه احتمال ينفعك

اذهب الى اقرب دكان فورابي واشتري عيشتين وفول بمئه وزيت بخمسمائه

واضرب الفته واحمد الله على هذه النعمه وصلي ركعتين واسال الله الشفاء

ربنا يعينك تحياتي حسن

الرائع بروعة كرومة وسرور
حسن شميس ..
عبورك هز كياننا ..
وفجر فينا قنابل لو تم تفجيرها في غوانتامو لقامت الدنيا ولم تقعد ..
تحياتي لك يا غالي .. وللقاعدين معاك بهناك .. خبرهم بشوقي إليهم ..
القال ليك منو يا حسن انا عيان .. عافاك الله ..
والله أنا الحمد لله في أتم الصحة والعافية ولا ينقصني شئ سوى عدم رؤيا ..
هي معليش سرحت ..
والفول والزيت القلتهم ديل مالهم عيبهم لي ..
دا وقود أمة ثابرت وصبرت وإحتسبت وزرعت ولم تجني حتى الآن .!.

وبعدين يا حسن يا اخوي نحن قلنا دي هترشات ساي لا أكتر ولا أقل ..
حتى الهترشة دي ما نعننا ليه أعوذ بالله ؟؟

بغادي ..
هبار خبره شنو ؟؟ يسن جاكم بغادي .. الزعيم قال داير يعرس .. أم محمد فرعون تعيش إنت .. البركة فيكم ..
علاء الدين ود السر عرس .. إت أقعد باري لي السعودية دي .. محمد ود دعف الله دخلتو السبت الجاي .. وبكري أخوه عرس .. والناس خلت الرحل .. والعرس بقى درس عصر (دي صح ما هترشة) ..
بيجاي ..
بعد شوية بقص ليكم قصة الكلب والعصا والطبل ..

بس ما تهترشوا فينا ..

ودمتم ما مهترشين ...

موضوع: رد: هترشات زول الأربعاء 07 مايو 2008, 7:24 am

شباااااااااااااااااااااااااااااب ..
تحياتي وإحتراماتي الكتارات ..
أردت فقط أن أنبه او بالأصح أستفسر عن شئي ما ..
لاحظت أخوتي في منتدانا العامر بكم ..
أن الدخول ضعيفاً جداً .. ويكاد ان ينعدم ..
وعذا اعزوه لو إتفقتم معي إلى ظروف الناس العملية والمعيشية .. او لأي سببٍ آخر ..
أيضاً لاحظت أحبتي ان عدد كبير من الشباب الأعضاء يفضلون في المشاركة أن يُنشئوا مواضيعاً جديدة .. وانا لا أقلل من هذا لا سمح الله .. بل أريد ان اوضح ان هناك مجموعة من المواضيع المهمة التي تم طرحها تندثر إلى أسفل المنتدى ولا يكون لها أي وجود ..

شباب بجيكم صاد للمتابعة .. عفواً ..

ودمتم لنا ...

موضوع: رد: هترشات زول الأربعاء 07 مايو 2008, 9:17 am

الرائع العجيب وليد

دفقا من الاشواق يمتد امتداد اللا مكان

والفول والزيت القلتهم ديل مالهم عيبهم لي ..
دا وقود أمة ثابرت وصبرت وإحتسبت وزرعت ولم تجني حتى الآن .!.

كيف تجني ووقودها الفول
كيف تجني وحاكمها الكوز الغول
كيف تجني وكلامها اصبح زور
كيف تجني وطمعانا في اراضي القبور
كيف تجني وهي منتظرا البترول وتاركى اراضيها بور
وكيف تجني وقسمت ثروتها للع... و الف...
ودي ياوليد هترشات زول بس ماتقول مسطول
دي غربه الله يفكنا منها ويرجعنى للكماين والخور

لك التحيه والقدم ليها رافع

حسن

موضوع: رد: هترشات زول الأربعاء 07 مايو 2008, 9:54 am

ود سنقد يا رائع ........ والله مواضيعك دايماً جميلة وحقيقة دى المواضيع المحتاجنة هنا
لكن بينى وبينك لو دا انا كان قتلت الكلب دا كيلو عديل كدا عايز ازوق بيه.

موضوع: رد: هترشات زول الخميس 15 مايو 2008, 3:43 am

ود النميري ..
الشكر أجزله على المرور الطيب ..

يا أخوي إن بقى على كيلو اللحمة هين ..!!..

الباقي خليه في ضميرك ..

بس دم بيننا ...

موضوع: رد: هترشات زول الخميس 15 مايو 2008, 3:47 am

حسن كتب:: الرائع العجيب وليد

دفقا من الاشواق يمتد امتداد اللا مكان

والفول والزيت القلتهم ديل مالهم عيبهم لي ..
دا وقود أمة ثابرت وصبرت وإحتسبت وزرعت ولم تجني حتى الآن .!.

كيف تجني ووقودها الفول
كيف تجني وحاكمها الكوز الغول
كيف تجني وكلامها اصبح زور
كيف تجني وطمعانا في اراضي القبور
كيف تجني وهي منتظرا البترول وتاركى اراضيها بور
وكيف تجني وقسمت ثروتها للع... و الف...
ودي ياوليد هترشات زول بس ماتقول مسطول
دي غربه الله يفكنا منها ويرجعنى للكماين والخور

لك التحيه والقدم ليها رافع

حسن

يا حسن كميات من الأشواق .. وتلال من الإحترام ..

يا أخوي عفواً دي مساحة للهترشة وليس للشطحي ..
ما تودرنا بالله ..

وبرضو دم بيننا ...

موضوع: رد: هترشات زول الإثنين 26 مايو 2008, 7:11 am

هاكم الهترشات دي ..

قومٌ إذا ضربت بالنعال رؤوسهم ..
شكت النعال بأي ذنبٍ حقرت ..
وتاني واحدة ..
قالوا في أم درمان ..
لكأنك يا أمدرمان من بلدٍ أمطرتني نكداً لا جادك المطر ..
وفي حتة تانية ..
المظهرون بياض الصبح خشيتهم .. والمفسدون إذا ما صرح القمر ..

لكن والله دا ما كلامي ..

ودمتم ما مهترشين ...