تصويت لي كركوج و السهم هنا في منتدي الجريف حصريا

الحاج أنس مشتاقين والله
وانا غايتو بعيد من البلد وثقافتي الكروية والرياضية تعبانه بالحيل
أما مشجعين السهم وكركوج غايتو لو ما متساوين فيهم واحد زايد على التاني بيواحد

انس بخيت

تحياتى يا راجل غايتو انا كروسهمابى
يعنى انا الاثنين . وحكاية الاثنين دى عندى
فيها راى كبييييييييييييييييييير . وانا بشوف
ان الشباب اليوم لازم يشوفوا حل ليها
نحن نعرف ان الجريف منطقة صغيرة
ومقفولة بمعنى انها لا تحتمل ان يكون
فيها فريقين يمثلون المنطقة فى درجة اولى
وفريق اخر فى درجة ثالثة واحسب ان هذه
تشتت جهود الناس وعليه لابد من دمج الفريقين
وتوحيد الجهود حتى نقدر على خدمة الجريف
وتمثيلها حق التمثيل واحسب ان هذه امنية بعيدة المنال
وان القمر اقرب منها ولكن ندعو الله ان تتم

شكرا
الاخ ودنابري والاخ حافظ علي الرد
انا عاريف انو موعظم ناس المونتدي عايشين برا السودان
بس حبيت اعريف اذا في ندية زي بتاعت مريخ هلال
وانا موفيق معا حافظ انو يادمجو الفريقين وياسمو الفريق الجديد نادي كركوج

أخونا أنس ليك مليون تحية..

أولا نشكرك على الفكرة والتي أعتبرها وجهة نظر من جانبك ونحترمك عليها

وحسب طرحك بأن الناس تشارك وتعمل تصويت .. وهذا برضو رأي جميل

لو أن الجميع أخذ الموضوع بفهم واع وبدون تعصب .

ولكن ...

عندما تأتي اليوم في تعقيبك على إقتراحات بعض الأخوان وتختمها باقتراحك

تسمية الفريقين بعد الدمج بنادي كركوج.

وهنا أطرح عليك سؤال .. لما إخترت التسمية نادي كركوج ؟

فإذا كان إقتراحك بسبب أن الناديين في محيط منطقة كركوج!! .. بذلك تكون

أقصيت باقي المناطق الأخرى وخصوصاً أن الناديين لهم شعبية في مناطق

الجريف الأخرى .

وإذا كنت تميل في تشجيعك لنادي كركوج .. فهذه مصيبة لأنك بذلك أنهيت

فكرة طرحك الجميل للموضوع وفقدت الحيادية ومسحت عراقة نادي السهم.

وكان جميل لو إقترحت التسمية في حالة دمج الناديين بأن يكون الإسم فريق

الجريف شرق فهي أشمل للمنطقة وخصوصاً الجريف تستحق فعلاً تسمية نادي

بإسمها ...

عشان كدة يا أخوي أنس.. أتمنى أن تسعى في تقريب وجهات النظر بين

مشجعين الفريقين وأنتم جيل الشباب معقود عليكم الأمل بإحداث

التغيير في جميع المفاهيم السالبة والتعصب الأعمى .

فأتمنى مستقبلاً أن لا تستعجل في إبداء رايك طالما أنت صاحب فكرة

البوست المطروح حتى لا تكشف ورقك وبدون قصد .. وخصوصاً أنت

خرجت من موضوع طرحك الأساسي ودخلت منطقة محرمة ودي

ناس أخوي بدر وحافظ بيسموها اللعب بالنار.

لك التحية أخونا أنس بخيت..

أخوك عصام عبدالصادق

أخونا عصام عبدالصادق
ردا على سوالك ليه النادي يسمى كركوج انا كان قصدي اشوف الردود خاصه من ناس السهم والحمد لله رد واحد
"متعصب شديد" لي نادي السهم
بعدين كنتا عايز اشوف اذا في النديه بتاعت هلال مريخ
والحمد لي الله لسع ماظهرت اي نوع من النديه
وانا جد كدا مع انو يدمجو الفرقين و الاســــــــــــــــم هيين لي الوكت داك
وليك التحيه

أخونا أنس لك التحية

يا خوي خليني من حكاية أنا كان قصدي أشوف ..

وخصوصاً أن رائحة التعصب كانت تفوح من طرحك .. واكدتها مرة أخرى في حديثك وبتقول كنت عاوز تشوف الردود وخاصة من ناس السهم .. طيب ليه ناس السهم؟ إلا إذا كان لك مفهوم آخر لمعنى التعصب..

يا خوي نحن نعشق السهم وندافع عنه بالواضح ... ولكن لم ولن نصل للتعصب بل نحاربه بكل ما أوتينا من قوة وهمنا كله لم شمل المنطقة نحو أهداف موحدة ترجع فائدتها للجميع وخصوصاً للأجيال القادمة.

عليه أرجو أن تهتم في أطروحاتك بكل ما هو مفيد للمنطقة.

عصام

اخونا عصام

تحيات عطرة
يا اخوى انا صاحب طرح فكرة توحيد النادييييين
اقول ليك يا اخوى انا بشجع نادى كركوج وبحب نادى
السهم شوف بالله الحكاية دى ما غريبة .
كيف بحب نادى السهم يا اخوى انا ما دخلت نادى كركوج والله
الا لغرض مثلا ماشى اقابل واحد وبالخصوص اخونا التركاوى
وبحب نادى السهم كان انا من ضمن تربيزة الضمنة فى نادى
السهم وكل يوم لازم ادخل نادى السهم مع ناس عمنا السيد خباز
وخلف الله وحسن والسيد ود العشارى ورغم كدى بشجع كركوج
يا اخوى نحن كروكسهماب. وقول ليك كلمة مادام عندنا فريقين
لازم ما نطور ولا نمشى لقدام .

أخونا الغالي جداً جداً ود العبيد حافظ العهد

وليك وحشة يا فاكهة منتديات الجريف

والله يا حافظ أمثالكم هم ما نبحث عنهم ونعقد عليهم الآمال.. وهم كثر

وصدقني رغم إنتمائي للسهم وراثياً إلا أنني لأ أميل في النقاش بالدخول في المناطق التي تدعو للتناحر والتنافر .. وتجدني لأ أهتم كثيراً بالتقسيمات الجغرافية لذا إرتباطي بكل مناطق الجريف سواء كان على صعيد الأندية أو الشخصي، وبالنسبة لنادي كركوج دخولي له شئ عادي جداً ولي مداخلات ومناقشات إيجابية كثيرة مع عدد كبير بنادي كركوج .. لأنها ممزوجة بالود ولإحترام المتبادل.

أما بالنسبة لكتاباتي هنا تجدها دائماً ردود على بعض المواضيع التي إشتم فيها رائحة تحوم حولها شبهة .. ودائماً بعض المواضيع بدايتها تكون بسيطة ولكن في النهاية سوف تجرنا لمتاهات تخرج عن النطاق .... عليه لا بد من التصدي لأي شبهة حتى ولو لم تكن متعمدة أو مقصودة .. والحمد لله نسبة الوعي لمنطقتنا في تقدم ملحوظ .. وما علينا سوى التشجيع لأي عمل إيجابي.

وما أجمل العمل عندما يكون جماعياً وتجتمع حوله جميع الألوان الفكرية .

وعلى فكرة حكاية الضمنة دي توقفت فيها قليلاً

لك التحية

عصام

اخى عصام

لماذا توقفت عند حكاية الضمنة
يا اخوى تربيزة الضمنة كانت عبارة
عن مسرح كامل ، وانا بعد زكرت الضمنة
ليس للضمنة ولكن لاصحاب التربيزة .
انا من المعجبين جدا للعبة الوست والكونكان
ولكن اصحاب التربيزة فى النادى لا اجد نفسى
معهم لذا فضلت الضمنة على الكشتينة فى النادى.

أخوي حافظ لك التحية

بتسأل ليه توقفت في حكاية الضمنة؟

طبعاً قبل كم يوم في الراكوبة الجماعة إتجادعوا فيك وبداها معز وقال حافظ فات فيهو الفوات ... وعقب عليه تسالية وقال حافظ صغير وجاهل.. ثم أعقبه ود سنقد وقال جاهل قال.

وربطت هذه التعليقات بحديثك اليوم بأنك بتجلس في نادي السهم مع جماعة الضمنه وخصوصاً مجموعة ناس السيد خباز..

والضمنه طبعاً من مشاهيرها كان عمنا الطيب مصطفى ( بانتيت ) عليه الرحمة والمغفرة.

هنا توقفت وضحكت من أعماقي.. وأنا بتساءل الأن يا ترى أقيف في صف أخونا معز أم في صف أخونا تسالية ؟؟

اخوى عصام

صباح الخير

يا اخوى انت اقيف مع شوف العين
ومع عمنا واخينا الكبير خالد وخلينى من
كلام الجنو ديل .
انت ما سمعت وردى قال شنو خلاص كبيرتى
وليك تسعتاشر سنة يعنى الكبر انواع وفكر
اهههههههههههههههههههههههههه
ولا رايك شنو

كركوج ولا السهم سؤال يبدو لي بالذات من غير اجابة واضحة رغم تعصبي الشديد للهلال الا انني بالنسبة لكركوج والسهم اشجع اللعبة الحلوة فقط والمفروض اكون من مشجعي كركوج والمتعصبين كمان بحكم ان موسسي نادي كركوج هم اخوالي يعنى فريق كركوج فريق العائلة في الجريف بس انا محااااااااااااااااااااااااااااااااااااااايد ونتمني للفريقين الاستمرارية والنجاح .

اهل المحنة والطيبة

انا في الاصل ممكن تقول الاصل كركوج ولكن بحب السهم ومتعصب جدا" لكركوج يا شباب أنا بشوف اذا فتح موضوع مثل هذا ليس فيه شئ والاختلاف موجود في كل الدنياء . وفي تفسير لكي اكون واضح اكثر عيني لم تشوف مثل نادي كركروج ولم اسمع مثل نادي السهم .

من يريد أن يحل المعادلة يجب أن يعرف ما هو اهم النظر ام السمع .
ود بدر أبقي لي ضراي جاهي وعرضي أنت حماي
( ود رياء )