............

حبابك عشره يا زائر
 
الرئيسيةالتسجيلدخول

شاطر | 
 

 مزكراتى عن مايا

اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
maia
عضو جديد
عضو جديد
avatar

عدد الرسائل : 25
تاريخ التسجيل : 03/04/2008

مُساهمةموضوع: مزكراتى عن مايا   السبت 12 أبريل 2008, 4:43 am

برلوم فى حمامات البنات



.........الفصل الاول..............

بعد ان اكملت اجراءات التسجيل كنت حينها متوتراً
لا اعرف هل انى افلحت فى الامر ام عدا ذلك عموماُ
اخبرنى المسجل الكلية بتاريخ بداية الدراسة تلفونياً فاعدت
العدة حتى اذهب يوم غداً الى الجامعة وذلك بعد ان اشتريت
المستلزمات الدراسية ( وكنت مركز جداً انو الدفاتر بتاعتى تكونى
استايل راقى ، ليكون لائقاً عندما تستعيره منى احدى الفتيات
(الزميلات)
المهم فى الامر انو ركبت بعد ان اخذت مصروفى اليومى وكنت مدخراً
جزاء من المال لمثل هذا اليوم وفى راسى تدور الاشياء

كنت انذاك خجلاً جداً لا امتلك جراءة اتحدث بها
الى جنس الاخر (وبمووووووت لو وجهو لى سؤال )
ولتفادى هذه المشاكل قررت بان لا اكون قرب الشلليات .
ركبت الحافلة وحالق تمااااااااااااام ولابس نضييييييييييييف
وكابى لى ريحة لمن عملت لى التهاب راكب المواصلات واتخيل سااااااااااكت
انو انا حاكون عندى زميلة وحبيبة وحا تبقى ذى
الناس الحايمين فى السوق العربى ومعاهم صديقات ...

وفى نفس الوقت كنت خائف جداً بان افشل فى هذا المشروع
لانى تذوقت طعم الفشل مراراً فعذمت بان لا افشل ثانياً
كل هذه الاشياء كانت بداخلى وانا لا امتلك الشجاعة لاتكلم مع رجل ناهيك عن امراة.

وصلت الى ابوحمامة فدخلت احدى المطاعم
على واجهة الشارع لااعيد صياغ نفسى وارتب
اشيائى وكلماتى واهذب ملابسى ( وادى الجزمة فوطة )
وبعد ان انتهيت من ذلك توجهت وكلى خوف وفى
نفسى وهم بانو الناس ديل كلهم منتظرين مجئ
عشان يطبقو فينى موقف (يبرلمونى ) المهم المصطلح
دة ادونى ليهو الشباب وكنت خايف من المناظر دى .
اهااااااااااااا
وقفت فى بوابة الجامعة ونظرت الى يسارى البورت
فوجدت اسماء الطلاب الجدد بدات ابحث عنى اسمى
بين هولا الاسماء مرت بى اسماء جميلة ستكون خالدة فى داخلى مدى ما حييت
انتهى البحث فى الاسفل فوجدت نفسى ضمن المجموعة
وبها فقط ثمانية اشخاص ثلاثة اولاد وخمسة بنات

وهنالك ثمانية بنات اطلعت على اسمائهن فوجدت اسماً
عظيماُ احسست بان هذا الاسم هى من كنت احلم بها
واحسست بانى سانشى علاقة غرامية قوية معها
ذادت ضربات قلبى عندما مررت على اسمها للمرة العاشرة
فاحسستها هى هى هى ( معليش لاكن الكاشف كان
ما ناقش ابو النوم فى المسائل دى وكرت كرتونة فى الحب
)
المهم حفظت اسمها الرباعى فتمنيت بان اراها وتكون
ذات جمال حتى لا تخيب ظنى واحساس القوى بانها ستكون شريكة حياتى .
دفعنى هذا الشعور الى الدخول ووضعت قدمى
على اول درجة فى السلم وطار قلبى وعقلى وكنت مركز جداً
بان لا اقع فى خطاء ( وما يبرلمونى ) وعندما وصلت الى
الكافتريا دخل الخوف فى نفسى فالفتيات يجلسن مع الاولاد
فى وسط الكافتريا والاكواب الغازية متناسره حولهم
يا للهول كيف لى ان اجلس فى هذه الكافتريا
وبهذه الصورة (وحتى ولو انو بقيت اجلس من فين اجيب حق الاكواب الغازية فيما بعد )
وياريت لو اتعرفت على بنت فى اول يوم كنت
حا اعزمها ليك بى 25 الف جنية لانو كنت شايل معاى المبلغ دة .

جلست فى طرف الكافتريا وراسى فى دوار مستمر (كنت فى الجهة اليسرى من الكافتريا الصايد الثانى )
كان هنالك شباب جاليسن وبيتونسو والظاهر
انهم قدام اما البقية فكانو كل زول بالحاجة بتاعتو
جلست بجانبهم واسنمرت الساعات تمضى وتمضى
و جاءت البرلموة , احسست بحوجتى الى الذهاب
الى الحمام وكنت خائفاً من السؤال والرد الما صحيح .
فسالت احدى الشباب قائلاً
سلام عليكم ؟
وعليكم السلام
ياخى لو سمحت الحمامات بى وين ؟
اجاب شايف الدرابزين الحديد داك دة الحمام خش
الحمام الدرابزين الاول من الجانب الثانى
وسكت بعدها ليجعلنى فى دوار التصديق والتكذيب
عموماً كان الموقف محرج بالنسبة لى بان لا اصدق ذلك ...فذهبت
الراجل كان كلامو واضح وصادق فى كلامو لانو
انا سألت لى زول كان لابس بنطلون طوكيو وكنت
مجتهد فى انو اسال زول بالبس المتواضع لانهم
فاهمين لكن طلع العيب فينى انا فالراجل قال انو
الحمامات الاولى من الصايد الثانى للكافتريا
وانا اخت الحمامات الاولى من ناحيتى
لانى جديد ولا اعرف بان الكافتريا مقسومة لصايدين

مررت بالحمامات وكانت هادءة تماماً ليست هنالك ا
ى زوار فدخلت واغلقت خلفى الحمام
مرت حوالى 5 دقائق وبدات اعيد فى صياغى
للمرة العاشرة بان افوط الجزمة واصب الما
على وجهى واخرج من جيبى مشط صغير لا اعيد التسريح
واثنا انا فى هذا الحال سمعت احداهن تقول للاخرى داير لى مراية عندك
وقعت على مسامعى هذة العبارة (فخفت واصبحت فى دوار)
ماذا حدث هل بانى .... فسمعت احدى الابواب تغلق
وتقول انتظرينى دقيقة بس وخلى الشنطة معاك , فعرفت بانى دخلت الحمام الخطاء.

انتظرت طويلاً حتى يهدى المكان فاخرج وبقيت
جالس وبعرق وبتنشف بالمنديل ويارب تخلصنى من البرنامج دة

الشباب الكانو قاعدين وصفو لى الحمام عرفو
بانى دخلت خطاء لانهم كانو متابعين
جاءو وجمعهم اخرين وشلة من البنات وبقوا واقفين منتظرين البرلوم الفى حمام البنات

صمت المكان وتلاشت اصوات الزوار فاحسست
بان الجو اصبح مناسباً للخروج فخرجت بسرعة
حتى لا تصادفنى احداهن بالداخل وعندما اصبحت
على الخروج فرايت تجمع من اللاولاد والفتيات
وهم يضحكون ... كانو بانتظارى فخرجت ووجهى
مبتل بالعرق ونزلت من باب السلم وانا اسمع
ضحكاتهم اظلمت فى وجهى الدنيا وكرهت الاولاد
وكرهت الجامعة واليوم الشربت فيهو موية كتيرة السبب الدخلنى الحمام
خرجت وانا اجرى فى درجات السلم وخارج الجامعة
بعد ان اصبحت خارج الجامعة تماماً تزكرت بانى
قد نسيت االدفتر الراقى فى الطاولة ساعة دخولى
للحمام ، ولكن ليست لدى الخيار فى الرجوع فساجدهم
هناك ويضحكون مجدداً فخرجت وتركت دفترى الراقى
الذى كنت احلم بانى ساعيره للفتيات ، هذا اول يوم لم احضر
اى محاضرة ولم ارى فتات احلامى التى وجدتها على البورت

تابعونا



عدل سابقا من قبل maia في السبت 12 أبريل 2008, 7:15 am عدل 1 مرات
الرجوع الى أعلى الصفحة اذهب الى الأسفل
ود جريف قمر
عضو فعال
عضو فعال
avatar

عدد الرسائل : 134
المهنة : Designer and Editor
تاريخ التسجيل : 26/09/2007

مُساهمةموضوع: رد: مزكراتى عن مايا   السبت 12 أبريل 2008, 5:16 am


الاخ maia
قلت لى (لااعيد صياغ نفسى وارتب
اشيائى وكلماتى واهذب ملابسى ( وادى الجزمة فوطة))
ههههههههه
ياخى والله جد الزول استمتع بهذه الرائعه
ههههههههههههههههه


الحقنا ب الباقى...........
الرجوع الى أعلى الصفحة اذهب الى الأسفل
ود جريف قمر
عضو فعال
عضو فعال
avatar

عدد الرسائل : 134
المهنة : Designer and Editor
تاريخ التسجيل : 26/09/2007

مُساهمةموضوع: رد: مزكراتى عن مايا   السبت 12 أبريل 2008, 5:38 am


بعد ان اصبحت خارج الجامعة تماماً تزكرت بانى
قد نسيت االدفتر الراقى فى الطاولة ساعة دخولى
للحمام )

الاخ maia
يعنى خليت الدفتر الراقى ههههههههههههههه
ومشيت ههههههههههههه
ياخى انت جيتنا من وين
وانت من زماااااااان وين
خليتنا نتزكر ايام زمان الايام الجامعة ,حقيقه اى برلوم جديد بعيش نفس
الشعور ,الليل كلوا تقاهو يفكر ويحلم ياربى انا حاقابل منو من الشباب
وحا اح........... منو , وحا ادى منو شا..............ش
وتلقاك تجهز احلى لبسه واحلى ريحه واحلى كلام
ياخى ايااااااااااااااااااااااام يازمان
يارائع والله مستنينك بفارق الصبر

الرجوع الى أعلى الصفحة اذهب الى الأسفل
maia
عضو جديد
عضو جديد
avatar

عدد الرسائل : 25
تاريخ التسجيل : 03/04/2008

مُساهمةموضوع: رد: مزكراتى عن مايا   السبت 12 أبريل 2008, 5:46 am

ود جريف قمر


لك التحية ، وبعدين شايف متحمس لبقية الموضوع ابقى قريب وطرق اضانك انا حا احكى ليك اجمل واقوى قصة حب وكمان بحكى ليك كيف كان قلبى بتعزب وكيف الالام بتسكن جواى عند المساء..
سوف اعرض عليك كل قصاصات ورقى البالية التى ماذلت محتفظاً بها ...

وساحكى الكثير فلك التحايا مجدداً
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي
avatar

عدد الرسائل : 513
تاريخ التسجيل : 28/10/2007

مُساهمةموضوع: رد: مزكراتى عن مايا   الإثنين 14 أبريل 2008, 12:09 am

عزيزى مايا


تحياتى العطرة مع التمنيات بدوام التوفيق
والله قصة ظريفة جدا والواحد فعلا وجد فيها
نفسو مع اختلاف بسيط فى التفاصيل وعليه نحن
فى انتظار البقية .
بس الفوطة انشاء الله معاك الى الان
انا اقول حكاية غريبة انا عندى قطعة حلاوة
اهديت لى فى اول يوم فى الجامعة وهى الى الان
فى الشنطة اهههههههههههههههههههههه
الرجوع الى أعلى الصفحة اذهب الى الأسفل
maia
عضو جديد
عضو جديد
avatar

عدد الرسائل : 25
تاريخ التسجيل : 03/04/2008

مُساهمةموضوع: رد: مزكراتى عن مايا   الإثنين 14 أبريل 2008, 11:10 am

حافظ العبيد :

شكر على المرور ، وتشكر جداً وافيد بان الجزمة وفوطتها قد تمزقتا ولكن ما ذلت محتفظاً بقصاصات من الوارق البالية ماذلت محتفظ بها ، تحكى عن الجزمة ولمعتها وحبى للمايات ، وملخصى البسيط عن بنات حواء ...
فدمت عزيزى وساطرح بقية الذكريات انشا الله وهى عبارة عن مزكرات تحكى كل مزكرة عن احساس صادق كنت اسكبه فى الهراء ...
تحكى عن كيف يغرس الغنجر بين الحانايا ،،
ورغم ذلك احب ان اكتب عن المايا


اما بخصوص الحلاوة صدقنى كان تأكلها لانها اسع بتكون صلاحيتها انتهت ذى ما صلاحتك انت انتهت مع البت الهدتها ليك ( يعنى دقسته كان تكون على الاقل طلعت منها بقطعة حلاوة تقدرة 50 جنية )
الرجوع الى أعلى الصفحة اذهب الى الأسفل
الهلالي
عضو فعال
عضو فعال
avatar

عدد الرسائل : 102
تاريخ التسجيل : 12/03/2008

مُساهمةموضوع: رد: مزكراتى عن مايا   الإثنين 14 أبريل 2008, 1:04 pm

حباب البرلوم الزيز......


قلت لي الجزمة كيف... ما يبرلموك كييييييييييييييييف وانت جاي الجامعة وهمك كلو الجماعة الحلوين تستاااااااااااااااااهل...

ابقي مارق بي باقي القصة يا رشيق وتاني تستاااااااااهل وانشالة تكون ورمته من الشواكيش الكتيرة يا برلوم..

والله ما عارف لي فرحان فيك شديد كدا تصدق
الرجوع الى أعلى الصفحة اذهب الى الأسفل
maia
عضو جديد
عضو جديد
avatar

عدد الرسائل : 25
تاريخ التسجيل : 03/04/2008

مُساهمةموضوع: رد: مزكراتى عن مايا   الثلاثاء 15 أبريل 2008, 9:01 am


حباب البرلوم الزيز......


الهلالى يامبدع بس ليه تفرح واخوك راسو ورم من كترة الحب موش الشواكيش ...(وبالعكسى )


تشكر ياراقى ويامثقف كونك صبرت حتى نهاية القصة لانو الناس وقت تلقى الكلام طويل بتقول دة (كوبى بيست )عشان كدة ما بتقراه .
ليك وعد منى امتعك بالقصص والزكريات وابكيك عندما ابداء الكتابة عن مزكرات المساء :
( من قصاصات الورق البالية)
وابقى قريب ولو الموضوع عجبك حاول ادعو ليك واحد بس من المشتركين.

الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي
avatar

عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: مزكراتى عن مايا   الأربعاء 16 أبريل 2008, 1:07 am

عزيزي عاشق مايا .... تحياتيبداية مرحبا بك معنا
وانت تحكي قصة مايا ... وما أدرااااااك مامايا
فنحن بالانتظار والقرب دائماً فقط لا تطل الغياب
فطعم الشهد جميل وذقناه من سيل حديثك الرائع


قلت لي دخلت حمامات النساء .. لاحوله ولاقوة
دي رواشة ولا خفة ولا الحكاية شنو
كع كع كع كرع
الرجوع الى أعلى الصفحة اذهب الى الأسفل
http://aljraif.yoo7.com
maia
عضو جديد
عضو جديد
avatar

عدد الرسائل : 25
تاريخ التسجيل : 03/04/2008

مُساهمةموضوع: رد: مزكراتى عن مايا   الأربعاء 16 أبريل 2008, 12:40 pm

الهندى ودنابرى :

لك التحايا عزيزى وتشكر جداً على المرور ، اما سر دخولى الحمامات البنات طبعاً ممكن تقول خفة برلوم بس ( لكن اسع تقلت) هاهاهاهاهاها
زمان كانت عندى مشكلة هى ( انو اى بت حلو بحبها طوالى قبل ما اعرف اسمها ) وما عارف القصة دى من شنو مرات باليل ما بعرف افكر فى ياتو واحدة اتلمن كلهن ويجنى فى ذاكرتى وديك ياسهرة مع الدفاتر والاوراق اسجل كل ما يخالجنى ..... ولكن ما ادركنى بان المايا فقط هى كلمة الحب عندى ذلك حينما تاتى وترى الفتيات حولى فى داخل فتتشاجر معهن وتقوم بطردهن ومن ثم تاتى الى وابتسامتها تدل على ...... لى .
كل هذا وفقط الان ......اكتب عنها

وسنعاودكم قريباً
الرجوع الى أعلى الصفحة اذهب الى الأسفل
ود جريف قمر
عضو فعال
عضو فعال
avatar

عدد الرسائل : 134
المهنة : Designer and Editor
تاريخ التسجيل : 26/09/2007

مُساهمةموضوع: رد: مزكراتى عن مايا   الخميس 17 أبريل 2008, 2:33 am

ماكفايه خلاص حرقتنا
بنار الشوق والانتظار
كفايه علينا نار الغربه
.
.
.
بلا الكعنا بالباقى.........

..........لنا عودة........

الرجوع الى أعلى الصفحة اذهب الى الأسفل
maia
عضو جديد
عضو جديد
avatar

عدد الرسائل : 25
تاريخ التسجيل : 03/04/2008

مُساهمةموضوع: رد: مزكراتى عن مايا   الأربعاء 23 أبريل 2008, 10:22 am

اها يا جماعة جيناكم مارقين بى باقى القصة ان قول الهلالى

ابقو قراب وعيشوا معاى الاحساس
الرجوع الى أعلى الصفحة اذهب الى الأسفل
maia
عضو جديد
عضو جديد
avatar

عدد الرسائل : 25
تاريخ التسجيل : 03/04/2008

مُساهمةموضوع: رد: مزكراتى عن مايا   الأربعاء 23 أبريل 2008, 10:23 am


الفصل الثانى

بعد اسبوع من دخولى الجامعة
كنت محتاراً بان الدفعة كان عددها 8 افراد والذين احضر معهـــــم المحاضرات يذيد عن الخمسين فرد ( ماذا يحدث ؟)
اكتشفت بعدها من الاتندس الذى يزيعة المحاضر بانى لم اتبع لهذه المجموعة (وداخل لفت ) ،،، ضحك الطلاب وخرجت ابحث عــن جدول المجموعة (دى)
النظرة الاولى :
دخلت محاضرتى الاولى فى مجموعتى الحقيقية
وكان عدد الحضور 5 افراد فقط وثلاثة غياب كنا ولدين و3 بنات حينها .
جلست فى مقعدى ونظرت الى يمينى كانتد
تجلس فى وسط بنتين وكانها قمر تلتف حوله النجوم
جميلة الجمال الذى تخيلته وهلة نظرتى الى اسمها فى البورت شعرها الذهبى وخصلاتها المتبللة بالعرق ذادت جمالها رونقاً خاص يعرفه كل من ورث صفات القبانيون .
وانا ابحلق الى منطقة اذنها التى رسمت لى لوحة ذهبية فنظرت اليها وكانى مكلف بحساب عدد سبيبات شعر خصلتها .
تراجعت عن النظر عندما لمحتنى بعينها اليسرى
قتلتنى حينها فتراجعت
( وبقيت مركز الاستاذ دة بينبح بيقول فى شنو) !!!
وبدأت عواطفى تشغل كل ما كناتها وتوقف عقلى انذاك ، وشرت
بخيالى
... اظنها هى هى تلك الفتاه التى وجدت اسمها على
البورت (المايا) واغربت عن ذالك باحتمال انها ليست صاحبة الاسم ، كان كلى أمل بان تكون هى حتى لا تخيب ظنى .
استمر المحاضر يشرح وانا بين الاهداب والخصل لا اعرف شيئاً عن الواقع الذى اسكنه ،
انتهت المحاضرة بتكليف من الاستاذ بتمرين صغير فى احدى برامج الحاسوب وخرج بعدها .
ادرت الشاشة الكرستالية ناحيتى وبدات احل فى مسائلة
التى بدات لى قمة البساطة حيث اننى كنت ادرس
فى معهد قبل دخولى الى الجامعة فهذا شى
بسيط بالنسبة لى .
التعارف :
شارفت على النهاية العمل المكلف به
وانا اسمع صوتها كدى حاولى كدة ممكن تنفذ !!!!
طار عقلى وبدات منتظرهن ان يبادرن
بسأل حتى اتحدث اليهن
مضى نصف الذمن تغريباً واظن ان لديهن مشكلة
قالت احداهن كدى اسألى الولد دة
شايفاهو بيضرب الكيبورت شديد الظاهر عليو بيعرف ...
كدى اساليهو انتى ؟
لية ما تساليهو انت ؟
والله مافيها حاجة ما نحنا زملاء !
فتشجعت واحدة منهن وقالت :
يا هه هه لو سمحت
( وما درات بانى كنت اتصنت حتى الى زفير نفسها الذى كان يخرج ببطء)
اتجملت شوية فى تجاعيد وجهى
ومليت صدرى حباً لها وقلت ( نعم )
ممكن تساعدنى نخلص من القصة دى لانو الاستاذ قال دى بيضيفوها الى اعمال السنة الدراسية ؟
قلت جداً .
احداهن خلاص بعد تخلص تعال ساعدنا كويس ؟
انا ( جداً ) وفى داخلى قلت شوف السماحة دى والله ايامك بااااااااااااااااااااااااسطة بس .
تاخرت قليلاً متعمداً كنت ارتب فى منظومة كلاماتى التى ساطرحها فى البداية (الدخلة كيف عليك الله)
وكانت قصة غريبة فقد شردت مفرداتى واغلقت البلاغة فى وجهى وفرغ مخزونى وما بداخلى فقط (بحبك والله )
استعدت توازنى وذهبت اليهن .
نعم فى شنو ؟
قالت : اسفين معليش بس ما قادرين ننفذ البرنامج ؟
كدى لو سمحتى ممكن اقعد فى كرسيك دقيقة ؟
قالت : طوالى
جلست جانبها ووقفت احداهن لى حتى اساعدهن .
نظرت الى الشاشة وبديت اشتغل فى البرنامج
( وما داير اتلفت لانو كان اتلفت بلخبط
الحكاية وما بقدر احل التمرين ) .
انتهيت جزء بسيط منه وقلت كدى حاولوا
التانية وانا بخلص التمرين بتاعى وبجيكم راجع .
لمحت بطرف عينى رايتها مبتسمة
رايت ابتسامتها ( كانت قنبلة قنبلة .... وقع الحب قبلها ولكن بابتسامتها جعلتنى أوقن بانها اجمل فتيات حواء .
لا ابالغ بل انه شعورى ساعتها ،،، فتحولت
تجاعيد وجهها الى صورة قمة الروعة وخصلتيها قد مزقتا قلبى حباً لها ولهفة ،،، ظهرت نصف اسنانها البضاء
وكانها لؤلؤ مخفى بين ثوب اسود داكن ،،، عيناها
ضاقتا قليلاً اثر الابتسامة فاظهرتا نوعاً فريداً
من اشكال العيون الغزلانية ،،، احبها احبها جداً....
قتلت افكارى ومزقت احشائى جعلتنى فى نيران التمنى والترجى واللهفة اليها ...
جلست فى الكرسى وقلبى ذادت ضرباته تلخبط كيانى ماذا حدث ولماذا انا اعيرها تلك الاهتمام ؟
وكيف ان ابداء لها صدق مشاعرى
واطرح حبى لها دون خوف او تردد
فانى بسيط ولا اعرف ان ادس كل هذة الاشيا داخلى ؟؟؟
سكنت بره ثم واصلت فى الشاشة الامامى
الوقت يمضى والمحاضرة الثانية قارب زمنها
انتهيت من التمرين وتم تنفيذه على الجهاز بصورة
صحيحة ومن ثم اغلقت شاشتى وتوجهت اليهن .
اها انشا الله قدرتو تعملو حاجة ؟
والله دة نفذ والتانى برضو نفذ
لكن التالت دة صعب شوية وبنتقل دمنا
ودايرنك تشرحو لينا عديل !!!
هاااااااا دة انا
لالالالالا مافى مشكلة دة موضوع محسوم .
بدات اشرح بكل انفعالاتى وعصرت
ذاكرتى واسلوبى حتى اتمكن من توصيل
المعلومة اليهن بصورة واضحة
(وحتى أثبت لها مقدراتى حتى تاتى الى فيما بعد )
قاطعتنى احداهن قائلة: يا هه لوسمحت عيد الكلام دة تانى ؟
قاطعتها بدلاً من كل مرة تنادونى بى هه
انا شايف الناس تتعارف عشان
تنادى بعضها باسمائها
ونظرت الى مايتى وقلت (ولا موش كدة )
ابتسمت قائلة كلامك صاح يا استاذ
(وووووووب ماشفتو الحصل على الوقت داك )
استاذ عديل كدة احبك فى رويسك المدردم دة
بداية التعارف :
قتلتنى احاسيسى

كانت هى تجلس فى وسط البنتين
فبدائت الاولى بتعريف اسمها
اسمى (.... ولنفرض شاهندا)
من اركويت .
فجاء دورها ولكنها صمتت
صمتت وسكتت عن الافصاح باسمها


فجن جنونى وابتلت يداى عرقاً
وشرت بذهنى وكلمت نفسى فى داخلى
(ياربى اكون ما قدر الناس ديل ،،، ولا هى
ماداير انو يكون بيناتنا تعارف من الاساس )
ولكنها ابتسمت ى البداية
أيعقل باننى اصبحت اترجم الاشياء بصورة خاطئة
وكأن لى مراة كرية مقعرة داخلى تعكس
الاشيا بصورة عكسية .
كل التساؤلات هذا كانت فى كسر من الثانية
ولكن قد فضحتنى عيناي الجاحظتان
وكانى افكر فى داخلى وبصوت عالى .
عالجت الموقف صديقتها الثانية
بتعريف اسمها قائلة :
انا اسمى (.... ولنفترض شهرذاد )
ساكنة فى بحرى المذاد
والان لا بد ان تنطق وتقول شيأ
( وكل أمل بان تقول بان اسمى المايا
لا اريد شيئلاً سوى ذلك حتى لا تخيب احساسى
وحبى الشديدين )
سكنت برهة لكزتها صديقتها اليسرى بكتفها ما تقولى ؟
قالت قالت وقاااااااااااااااالت وقااااااالت
انا اسمى( مايـــــــا) وساكنة .....
قبل ان تتم التعريف سمعتها تقول الاسم نفسه
الاسم الذى مررت به عند البورت واحببته عند التو
الاسم الذى بداءت احلم به منذ ان قراتها على
البورت فاحسست بانى لست بانسان طبيعى
بل ان هنالك شيئأ خارق للعادة وبانى لست كبقية البشر
وبان لى احساس يسيطر على كيانى وظروفى
بشكل محكم وبان ......
فخرجت ساعتها دون ان اسمع ماذا قالت عن منطقتها ودون ان اقول وداعاً فادرت الكرسى بحركة متبلدة ووقفت على رجلاى اللتان باتتا غير قادرتا على الوقوف
(وعملت ذى ما توم وجيرى بيعملو انهم بيطيرو
لى فوق ويحركوا كرعينهم بسرعة ويفتحو... )
اهااااااه فتحت وكبيت الزوغة .....
والى خارج الللاب وخارج الجامعة دون التلفت الى الوراء
وفى قلبى فرح كبير بانى قد وجت ضلعى الاخر .
وفى عقلى هلاويس بانى مصاب بحالة ما ولربما يكون كل ما يحدث نتاج لانفصام فى شخصيتى وبرئ الواقع من ما حدث خلال هذا اليوم براءة الذئب من دم يوسف ......
،،،، ونواصل ،،،،
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف
avatar

عدد الرسائل : 1546
العمر : 43
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: مزكراتى عن مايا   الخميس 24 أبريل 2008, 6:35 am


مايا ..
تحياتي الكتارات ..
والله رجعتنا لأيام الجامعة وما أدراك ما الجامعة ..
أيام لذيذة والله بكل ما تحمل الكلمة من معنى ..
وطبعاً دا حال البراليم كما نقول لهم ..
وهنا يجدر بي ان أقول كان من المفترض ان يقف السناير مع أخوانهم البراليم ..
وعملية البرلمة دي والله جد بايخة جداً وخصوصاً لما تكون مدبرة .. يعني لو جات عفوية ما مشكلة الناس بتضحك وتتونس بيها .. بس لو كانت مدبرة دي شينة والله ..
وعلى قولك بتذكر كنا في جامعة السودان .. ما برلومات الوقت داك.. وكنا مفلسين أنا وصاحبي بكري أبشامة .. ياحافظ.. وما عندنا حق الرجوع لاهلنا .. وكان في مشيت عاوزين نصوره .. قمنا قلنا لأخونا ود شندي أرح جيب حق الغدا .. وأدانا لاقروش ومشى إنتظرنا في الكافتيريا ..
ونحن طبعاً مشينا صورنا الشيت وطلعنا حق المواصلات وصاحبنا قااااااااااااااعد منتظر الغدا ..
وبعد داك زعل مننا اسبوع .. ههههههههه
وغيرها من المواقف الطريفة والذيذة ..

ودمت لنا مايا ...
الرجوع الى أعلى الصفحة اذهب الى الأسفل
الهلالي
عضو فعال
عضو فعال
avatar

عدد الرسائل : 102
تاريخ التسجيل : 12/03/2008

مُساهمةموضوع: رد: مزكراتى عن مايا   الخميس 24 أبريل 2008, 8:23 am

الشليق مايا


والله انت اشلق زول في الدنيا انت بتخش ساااااااااااااي ما عارف محاضرتك وين...

الجماعة لو عارفنك ما كان تعبو وبرلموك انت مبرلم جاااااااهز ياخوي..

لكن حظك اكبر من شلاقتك اتسهلت معاك يا عم (والله ما عجبني مضااااااااااااايق بس


انشالة التسهيلة دي لي عزابك ايييييييييييي)....

طلعت هي زاتا يالحاوي والله الاحساس الشديد دا اصلو ما بشبه شفقتك دي...

اها ابقي مارق بالباقي كلو سوا انا واخوي ود سنقد دا شمارنا شديييييييييييييد بالحيل...

حاجة جادة
انت زول كتاب جدا واسلوبك بسيط وجميل وسلسل ومشوق وبيشد الزول


(راسك ما يكبر هو براهو ورمان من الشواكيش) فكر في موضوع الكتابة دا

بي حظك دا بتضرب معاك (لكن الله يستر من شلاقتك دي )


الرجوع الى أعلى الصفحة اذهب الى الأسفل
maia
عضو جديد
عضو جديد
avatar

عدد الرسائل : 25
تاريخ التسجيل : 03/04/2008

مُساهمةموضوع: رد: مزكراتى عن مايا   الخميس 24 أبريل 2008, 10:26 am


ود سنقد ، الهلالى :
نشكرو كتير على المرور والمتابعة ، لكن الهلالى انت شايل منى شيل تقيل ... مالك ياخوى بتتمنى لينا الامانى الحلوة دة .
لكن كان انت ود سنقد بتريدو الشمارات قايتو انا زولكم تب بجيهكم جيهة

وتشكر كنير ياغالى على الكلمات الجادة الانت قلتها عن اسلوبى فى الكتابة ، الامر الذى جعلنى اسرح بخيالى واقول ( ياريت الموقع دة لو فيهو جكس كتار عشان الواحد يعنى يعنى يبدع )هاهاهاهاهاهاهها

نشوفكم ....
الرجوع الى أعلى الصفحة اذهب الى الأسفل
maia
عضو جديد
عضو جديد
avatar

عدد الرسائل : 25
تاريخ التسجيل : 03/04/2008

مُساهمةموضوع: رد: مزكراتى عن مايا   الخميس 24 أبريل 2008, 10:31 am

مايا ..
تحياتي الكتارات ..

ها زول احبك فى قليبك المطاول دة
هاهاهاه
الحمد لله انو ما انا براى الاتبرلمت يعنى فى ناس تانين اتبرلمو وخسرو قروش ( لكن بينى وبينك انت برلمت ود شندى وشلتو قروشو ولا بالعكسى )

ونواصل ،،،
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي
avatar

عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: مزكراتى عن مايا   الخميس 24 أبريل 2008, 12:46 pm

عاشق المايا ... كن بخير وبذلك الألق دوماً
فنحن بالجوار
الرجوع الى أعلى الصفحة اذهب الى الأسفل
http://aljraif.yoo7.com
الهلالي
عضو فعال
عضو فعال
avatar

عدد الرسائل : 102
تاريخ التسجيل : 12/03/2008

مُساهمةموضوع: رد: مزكراتى عن مايا   الجمعة 25 أبريل 2008, 10:48 am

الشليق شديد مايا

ما قلت ليك انت شلاقتك وريدك للبنات دا بجيب اخرك.. اقول ليك كتاب تقول ياريت لو في جكس في

المنتدي (البنوت ديل بجننوك ياجني)انت شكلك زول بنااااااااااااات سااااي وبس

نحن الشمار دا مزروع في بيتنا...

بصراحة يامايا انا بكره ليك اي زول عندو علاقة(لاني سيد الفشل زاتو يعني حسادة مني ساي)

اكيد بتمني ليك كل الخير بس من عرفتي ليك بالحكيتو لينا حاسي انك حتتعب شديد اقصد تعبت

(والله شكلك اتبهدلت واتملطشت )

النشوف اخرتا معاك

والبينا حلوة ياعزيز
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف
avatar

عدد الرسائل : 1546
العمر : 43
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: مزكراتى عن مايا   الأحد 27 أبريل 2008, 2:49 am


لالا يا عاشق المايا يا عزيز ..
نحن ما برلمنا ود شندي .. مع إنو براااااااااااه ممبرلم .. هههه
لكن هو طبعاً كان سنير كنا الوقت داك في السنة التالتة ..
بس كانت حيلة أو مقلب من مقالب الجامعة ..
وبالنسبة للشمارات يا أخوي انا ما بتاع شمارات ..
شوف عمنا الهلالي دا لو بتاع حاجات زي دي ههههههههه

وعمنا الهندي كمان .. بس ما توريه .. ههههه

دم بجوارنا عاشق المايا ...
الرجوع الى أعلى الصفحة اذهب الى الأسفل
أخناتون
مشرف
مشرف
avatar

عدد الرسائل : 212
مزاجك اليوم :
تاريخ التسجيل : 30/09/2007

مُساهمةموضوع: رد: مزكراتى عن مايا   الإثنين 28 أبريل 2008, 3:10 am

ناس مايا سلامات

لكن مسعولين من الخير
انت ما كلموك قبل ما تمشي لكن على ما اعتقد
ركبت راسك ومشيت وكمان مشيت بيت ........ وكسرت .........
( شكلي بعرفك صاح )
الرجوع الى أعلى الصفحة اذهب الى الأسفل
أخناتون
مشرف
مشرف
avatar

عدد الرسائل : 212
مزاجك اليوم :
تاريخ التسجيل : 30/09/2007

مُساهمةموضوع: رد: مزكراتى عن مايا   الإثنين 28 أبريل 2008, 3:13 am

وبعدين ما كلموك تخلي الترترة الكتيرة

وتخلي السنقنق في حالو.... ولا كيف
الرجوع الى أعلى الصفحة اذهب الى الأسفل
maia
عضو جديد
عضو جديد
avatar

عدد الرسائل : 25
تاريخ التسجيل : 03/04/2008

مُساهمةموضوع: رد: مزكراتى عن مايا   الإثنين 28 أبريل 2008, 1:33 pm

الرائع اخناتون

لك التحية وحقيقة ما عارف اذا ما بنتعارف ولا لا لكن المهن انو بينا اتصال ويوماً ما سنكون فى الواقع الملموس انشا الله
لك الشكر عزيزى على المرور

ملحوظة /
اخى اخناتون كيف يبدو لك بانك تعرفنى فو المسالة بتاعت الحب ما تراهو السودان كلو بيحب وبتشوكش فهذة علا ما اعتقد ليست الناحية التى جعلت تقول هنالك معرفة . على العموم ارجو بان ترسل لى اسمك بالكامل او ضع صورتك الحقيقة على البروفايل ولو يوم واحد
الرجوع الى أعلى الصفحة اذهب الى الأسفل
أخناتون
مشرف
مشرف
avatar

عدد الرسائل : 212
مزاجك اليوم :
تاريخ التسجيل : 30/09/2007

مُساهمةموضوع: رد: مزكراتى عن مايا   الإثنين 28 أبريل 2008, 5:12 pm

عزيزي مايا

افتكر الزول البكون اتبرلم بكون معروف يعني قد لا اعرفك معرفة شخصية
ولكن كان ذلك من اعتقاداتي وتخيلاتي لانو البرلوم الجديد الناس بتتكلم معاهو
قبل ما يمشي الجامعة بيوم وطبعاً بكون حلق راسوا واشتري عطر جديد وياريت
لو كان (تايتنك) وبكون بدرب في المشية الجديدة وبكون مشي بيت الجيران عشان
يتعلم الحوار مع بنتهم وحاجات كتيرة .
علي العموم سلامات يارائع
تقبل تحياتي ........ (سنير ) وكدا ..
الرجوع الى أعلى الصفحة اذهب الى الأسفل
ود جريف قمر
عضو فعال
عضو فعال
avatar

عدد الرسائل : 134
المهنة : Designer and Editor
تاريخ التسجيل : 26/09/2007

مُساهمةموضوع: رد: مزكراتى عن مايا   الثلاثاء 29 أبريل 2008, 4:32 am

استاذ عديل كدة احبك فى رويسك المدردم دة
هههههههههههههههههههه
ههههههههه
هههه
maya الرائع
اها الحصل شنو بعد دا
ياخى ماطول علينا وتخلينا مشتحفين

.... راجنك ياالحبيب.........


لنا عودة بااذن العلى القدير

الرجوع الى أعلى الصفحة اذهب الى الأسفل
 
مزكراتى عن مايا
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: ساحة الخواطر-
انتقل الى: